Deddf Diogelu’r Amgylchedd (Cynhyrchion Plastig Untro) (Cymru) 2023

A gyflwynir gan adran 2

ATODLEN LL+C CYNHYRCHION PLASTIG UNTRO GWAHARDDEDIG

1 LL+C Hwn yw’r Tabl y cyfeirir ato yn adran 2.

TABL

Cynnyrch	Esemptiad
Cynhyrchion ar gyfer bwyta bwyd ac yfed diod
Caeadau ar gyfer cwpanau neu gynhwysyddion cludfwyd	Caead nad yw wedi ei wneud o bolystyren.
Cwpanau	Cwpan nad yw wedi ei wneud o bolystyren ehangedig neu bolystyren allwthiedig ewynnog.
Cynhwysyddion cludfwyd	Cynhwysydd cludfwyd nad yw wedi ei wneud o bolystyren ehangedig neu bolystyren allwthiedig ewynnog.
Cytleri
‍Gwellt	Esemptiad 1 Mewn cysylltiad â gwerthu gwelltyn gan berson (“P”) sy’n cynnal yn gyfreithlon fusnes fferyllfa fanwerthu— (a) pan— (i) fo P yn unig fasnachwr a’r trafodiad yn cael ei gynnal gan P ei hun, neu’n cael ei gynnal ar ran P gan fferyllydd neu unigolyn sy’n gweithredu o dan oruchwyliaeth fferyllydd (gan gynnwys P), neu (ii) na fo P yn unig fasnachwr a’r trafodiad yn cael ei gynnal ar ran P gan fferyllydd neu unigolyn sy’n gweithredu o dan oruchwyliaeth fferyllydd, a (b) pan fo’r defnyddiwr y mae P yn cyflenwi’r gwelltyn iddo yn datgan ei fod ef angen y gwelltyn, neu fod person y byddant yn rhoi’r gwelltyn iddo angen y gwelltyn, am resymau iechyd neu anabledd. Esemptiad 2 Mewn cysylltiad â darparu gwelltyn am ddim gan berson (“P”), pan fo’r defnyddiwr y mae P yn cyflenwi’r gwelltyn iddo (“A”)— (a) yng ngofal P, a (b) pan fo P, neu unigolyn sy’n darparu gofal i A ar ran P, yn credu yn rhesymol fod angen y gwelltyn ar A am resymau iechyd neu anabledd. Esemptiad 3 Mewn cysylltiad â darparu gwelltyn am ddim gan berson (“P”), pan fo’r defnyddiwr y mae P yn cyflenwi’r gwelltyn iddo yn datgan ei fod angen y gwelltyn, neu fod unigolyn y bydd y person yn rhoi’r gwelltyn iddo angen y gwelltyn, am resymau iechyd neu anabledd. Esemptiad 4 Gwelltyn a gyflenwir am bwrpas sy’n gysylltiedig â darparu gofal meddygol neu driniaeth feddygol.
Platiau
Tröydd diod
Cynhyrchion eraill
Bagiau siopa	Esemptiad 1 Bag siopa— (a) sydd ag uchafswm dimensiynau o 125mm (uchder) x 125mm (lled), (b) nad oes ganddo gwysed, ac (c) nad oes ganddo handlenni. Esemptiad 2 Bag siopa, o faint sy’n gymesur â maint neu natur yr eitemau sydd i’w cludo, a gyflenwir at ddiben cludo eitemau o’r disgrifiad a ganlyn— (a) pysgod amrwd, cig amrwd neu ddofednod amrwd (gan gynnwys cynhyrchion pysgod amrwd, cynhyrchion cig amrwd neu gynhyrchion dofednod amrwd) i’w bwyta gan bobl neu anifeiliaid (pa un a yw’r eitem wedi ei becynnu ai peidio); (b) unrhyw fwyd arall i’w fwyta gan bobl neu anifeiliaid sydd heb ei becynnu; (c) bwyd i’w fwyta gan bobl neu anifeiliaid (i’r graddau nad yw’r eitem yn dod o fewn paragraff (a) neu (b)) a ddarperir am ddim; (d) hadau, bylbiau, cormau neu risomau heb eu pecynnu; (e) nwyddau heb eu pecynnu a halogwyd gan bridd; (f) llafnau neu eitemau â llafnau heb eu pecynnu; (g) eitemau heb eu pecynnu a wnaed o bapur; (h) cynhyrchion hylendid personol a ddarperir am ddim; (i) creaduriaid dyfrol byw mewn dŵr. Esemptiad 3 Bag siopa a gyflenwir at ddiben cludo alcohol neu dybaco mewn ardal a ddynodwyd yn ardal o dan gyfyngiad diogelwch o dan adran 11A o Ddeddf Diogelwch wrth Hedfan 1982 (p. 36).
Ffyn balwnau
Ffyn cotwm
Cynhyrchion a wnaed o blastig ocso-ddiraddiadwy
Unrhyw gynnyrch a wnaed o gynnyrch plastig ocso-ddiraddiadwy— (a) pa un a yw’r cynnyrch hwnnw yn ymddangos yn rhywle arall yn y tabl hwn ai peidio, a (b) pa un a fyddai’r math penodol o gynnyrch, neu’r diben y cyflenwir y cynnyrch hwnnw (neu fath penodol o gynnyrch) ar ei gyfer, fel arall wedi ei esemptio oherwydd cofnod yng ngholofn 2 ai peidio.

Gwybodaeth Cychwyn

I1 Atod. para. 1 ddim mewn grym ar y Cydsyniad Brenhinol, gweler a. 22(2)

I2 Atod. para. 1 mewn grym ar 30.10.2023 at ddibenion penodedig gan O.S. 2023/1149, ergl. 2(r)

2 LL+C At ddibenion y Tabl—

• ystyr “bag siopa” (“carrier bag”) yw bag, gyda handlenni neu hebddynt, a ddarperir at ddiben cludo eitemau a werthwyd neu a ddarparwyd gyda’r bag (a gweler hefyd adran 1(6));

• ystyr “busnes fferyllfa fanwerthu” (“retail pharmacy business”) yw busnes (ac eithrio practis proffesiynol sy’n cael ei gynnal gan feddyg neu ddeintydd) ar ffurf, neu sy’n cynnwys, manwerthu cynhyrchion meddyginiaethol nad ydynt ar werth yn gyffredinol;

• ystyr “caead” (“lid”) yw clawr a ddyluniwyd i gadw’r cynnwys mewn cwpan neu gynhwysydd cludfwyd neu i helpu i gynnal tymheredd cynnwys y cwpan neu’r cynhwysydd cludfwyd;

• ystyr “cwpan” (“cup”) yw cwpan a ddyluniwyd i ddal bwyd hylifol neu ddiod i’w yfed;‍

• ystyr “cynhwysydd cludfwyd” (“takeaway food container”) yw daliedydd ac eithrio plât (er enghraifft bowlen, bocs, côn neu hambwrdd), a ddyluniwyd neu a weithgynhyrchwyd i’w ddefnyddio i fynd â bwyd i ffwrdd o’r fan lle y’i darperir, a bod y bwyd hwnnw—

  (a)

  yn barod i’w fwyta heb unrhyw baratoi pellach, megis coginio, berwi neu wresogi, a

  (b)

  fel arfer yn cael ei fwyta ar unwaith;‍

• ystyr “cytleri” (“cutlery”) yw fforc, cyllell, llwy, gweillen fwyta neu declyn arall a ddyluniwyd i’w ddefnyddio neu ei defnyddio i fwyta bwyd neu weini bwyd;

• ystyr “fferyllydd” (“pharmacist”) yw—

  (a)

  mewn perthynas â Phrydain Fawr, person sydd wedi ei gofrestru yn Rhan 1 o’r gofrestr o fferyllwyr a thechnegwyr fferyllol a gynhelir o dan erthygl 19(2) o Orchymyn Fferylliaeth 2010 (O.S. 2010/231), a

  (b)

  mewn perthynas â Gogledd Iwerddon, person sydd wedi ei gofrestru yn y gofrestr o gemegwyr fferyllol ar gyfer Gogledd Iwerddon a gynhelir o dan erthyglau 6 a 9 o Orchymyn Fferylliaeth (Gogledd Iwerddon) 1976 (O.S. 1976/123 (G.I. 22));

• ystyr “ffon balŵn” (“balloon stick”) yw ffon, gan gynnwys unrhyw fecanweithiau cysylltiedig, a ddyluniwyd i fod yn gysylltiedig â balŵn fel y gellir ei gario neu ei gynnal;

• ystyr “ffon gotwm” (“cotton bud”) yw ffon fach, denau gyda gwlân cotwm yn gysylltiedig o amgylch un pen neu’r ddau ben, a ddyluniwyd at ddibenion defnydd cosmetig neu ar gyfer hylendid personol neu hylendid anifeiliaid;

• ystyr “gwelltyn” (“straw”) yw gwelltyn a ddyluniwyd i’w ddefnyddio ar gyfer yfed diod a bwyd hylifol;‍

• ystyr “plastig ocso-ddiraddiadwy” (“oxo-degradable plastic”) yw plastig sy’n cynnwys‍ unrhyw sylwedd a ychwanegir at ddiben cyflymu’r broses o ocsideiddio a darnio’r plastig wrth iddo ddod i gysylltiad â gwres neu olau (pa un a ddilynir hyn, neu y gellir dilyn hyn, gan ddadfeiliad rhannol neu ddadfeiliad llwyr y deunydd drwy weithgarwch microbaidd ai peidio);

• ystyr “plât” (“plate”) yw daliedydd gwastad a ddyluniwyd i ddal bwyd i’w fwyta ond nid i’w weini;

• ystyr “polystyren ehangedig neu bolystyren allwthiedig ewynnog” (“expanded or foamed extruded polystyrene”) yw polystyren lle mae’r deunydd polymerig yn cael ei ehangu ar unrhyw adeg mewn unrhyw ffordd (megis gwres o stêm ac ehangu wrth oeri) yn ystod ei weithgynhyrchu gan ddefnyddio unrhyw asiant chwythu (megis bwtan, pentan a phropan);‍

• ystyr “tröydd diod” (“drink-stirrer”) yw ffon a ddyluniwyd i’w defnyddio i droi diod a bwyd hylifol.‍

Gwybodaeth Cychwyn

I3 Atod. para. 2 ddim mewn grym ar y Cydsyniad Brenhinol, gweler a. 22(2)

I4 Atod. para. 2 mewn grym ar 30.10.2023 gan O.S. 2023/1149, ergl. 2(s)