Deddf Rhentu Cartrefi (Cymru) 2016

(a gyflwynir gan adrannau 174, 174A, 195 a 195A)

[F1 ATODLEN 8A LL+C CONTRACTAU SAFONOL Y GELLIR EU TERFYNU AR ÔL CYFNOD HYSBYSU O DDAU FIS O DAN ADRAN 173 NEU O DAN GYMAL TERFYNU’R LANDLORD

Diwygiadau Testunol

F1 Atod. 8A wedi ei fewnosod (7.6.2021) gan Deddf Rhentu Cartrefi (Diwygio) (Cymru) 2021 (asc 3), a. 19(3), Atod. 1

Contractau safonol ymddygiad gwaharddedig LL+C

1 LL+C Contract safonol ymddygiad gwaharddedig.

Gwybodaeth Cychwyn

I1 Atod. 8A para. 1 mewn grym ar 1.12.2022 gan O.S. 2022/906, ergl. 2

Tenantiaethau a thrwyddedau sy’n gontractau meddiannaeth oherwydd hysbysiad a roddir o dan Ran 2 o Atodlen 2 LL+C

2 LL+C Contract safonol na fyddai’n gontract meddiannaeth oni bai am hysbysiad o dan baragraff 3 o Atodlen 2 (llety gwyliau; sefydliadau gofal; trefniadau hwylus dros dro; llety a rennir).

Gwybodaeth Cychwyn

I2 Atod. 8A para. 2 mewn grym ar 1.12.2022 gan O.S. 2022/906, ergl. 2

Llety ar gyfer myfyrwyr mewn addysg uwch LL+C

3 (1) Contract safonol— LL+C

(a) pan fo’r landlord yn sefydliad addysg uwch, a

(b) pan fo’r hawl i feddiannu yn cael ei rhoi at ddiben galluogi deiliad y contract i fynychu cwrs astudio yn y sefydliad hwnnw, neu mewn sefydliad addysg uwch arall (pa un a roddir yr hawl i feddiannu at ddiben arall hefyd ai peidio).

(2) Ystyr “sefydliad addysg uwch” yw sefydliad yn y sector addysg uwch (o fewn ystyr adran 91(5) o Ddeddf Addysg Bellach ac Uwch 1992 (p. 13)).

Gwybodaeth Cychwyn

I3 Atod. 8A para. 3 mewn grym ar 1.12.2022 gan O.S. 2022/906, ergl. 2

Llety â chymorth LL+C

4 LL+C Contract safonol â chymorth.

Gwybodaeth Cychwyn

I4 Atod. 8A para. 4 mewn grym ar 1.12.2022 gan O.S. 2022/906, ergl. 2

F2 ... LL+C

Diwygiadau Testunol

F2 Atod. 8A para. 5 ac croes-bennawd wedi ei hepgor (1.12.2022) yn rhinwedd Rheoliadau Deddf Rhentu Cartrefi (Cymru) 2016 (Diwygio) 2022 (O.S. 2022/803), rhlau. 1(1), 4 (fel y'i diwygiwyd gan O.S. 2022/906, erglau. 1(2), 15)

F2 5 LL+C . . . . . . . . . . . . . . . . . . . . . . . . . . . . . . . .

Llety i bersonau digartref LL+C

6 LL+C Contract safonol a wneir fel y disgrifir ym mharagraff 11 neu 12 o Atodlen 2 (llety i bersonau digartref).

Gwybodaeth Cychwyn

I5 Atod. 8A para. 6 mewn grym ar 1.12.2022 gan O.S. 2022/906, ergl. 2

Meddiannaeth yn rhinwedd swydd LL+C

7 LL+C Contract safonol pan fo’n ofynnol i ddeiliad y contract feddiannu’r annedd yn ôl ei gontract cyflogaeth.

Gwybodaeth Cychwyn

I6 Atod. 8A para. 7 mewn grym ar 1.12.2022 gan O.S. 2022/906, ergl. 2

Meddiannaeth yn rhinwedd swydd: yr heddlu LL+C

8 LL+C Contract safonol—

(a) pan fo deiliad y contract yn aelod o heddlu, a

(b) pan fo’r annedd yn cael ei darparu i ddeiliad y contract yn ddi-rent o dan reoliadau a wnaed o dan adran 50 o Ddeddf yr Heddlu 1996 (p. 16) (rheoliadau cyffredinol o ran llywodraethu, gweinyddu ac amodau gwasanaeth).

Gwybodaeth Cychwyn

I7 Atod. 8A para. 8 mewn grym ar 1.12.2022 gan O.S. 2022/906, ergl. 2

Meddiannaeth yn rhinwedd swydd: y gwasanaethau tân ac achub LL+C

9 LL+C Contract safonol—

(a) pan fo deiliad y contract yn cael ei gyflogi gan awdurdod tân ac achub,

(b) pan fo contract cyflogaeth deiliad y contract yn ei gwneud yn ofynnol iddo fyw yn agos at orsaf dân benodol, ac

(c) pan fo’r annedd yn cael ei darparu ar ei gyfer gan yr awdurdod tân ac achub o ganlyniad i’r gofyniad hwnnw.

Gwybodaeth Cychwyn

I8 Atod. 8A para. 9 mewn grym ar 1.12.2022 gan O.S. 2022/906, ergl. 2

Llety dros dro: tir sydd wedi ei gaffael ar gyfer datblygu LL+C

10 (1) Contract safonol— LL+C

(a) pan fo’r tir y mae’r annedd yn sefyll arno (gan gynnwys unrhyw dir a feddiennir ynghyd â’r annedd heblaw am dir amaethyddol sy’n fwy na 0.809 hectar) yn dir neu’n rhan o dir sydd wedi ei gaffael ar gyfer datblygu, a

(b) pan fo’r annedd yn cael ei defnyddio gan y landlord fel llety dros dro hyd nes y bydd y tir yn cael ei ddatblygu.

(2) Mae i “datblygu” yr ystyr a roddir i “development” yn adran 55 o Ddeddf Cynllunio Gwlad a Thref 1990 (p. 8).

Gwybodaeth Cychwyn

I9 Atod. 8A para. 10 mewn grym ar 1.12.2022 gan O.S. 2022/906, ergl. 2

Llety dros dro: trefniadau tymor byr LL+C

11 LL+C Contract safonol—

(a) pan fo’r annedd wedi ei gosod i’r landlord â meddiant gwag i’w defnyddio fel llety dros dro,

(b) pan fo telerau ei gosod yn cynnwys darpariaeth i’r lesydd gael meddiant gwag gan y landlord ar ddiwedd cyfnod penodedig neu pan fo’n ofynnol gan y lesydd,

(c) nad yw’r lesydd oddi tano yn landlord cymunedol, a

(d) nad oes gan y landlord unrhyw fuddiant yn yr annedd ac eithrio o dan y les dan sylw neu fel morgeisiwr.

Gwybodaeth Cychwyn

I10 Atod. 8A para. 11 mewn grym ar 1.12.2022 gan O.S. 2022/906, ergl. 2

Llety dros dro: llety yn ystod gwaith LL+C

12 (1) Contract safonol— LL+C

(a) pan fo’r annedd (yr “annedd dros dro”) wedi ei darparu i’w meddiannu gan ddeiliad y contract tra bo gwaith yn cael ei wneud ar yr annedd yr arferai deiliad y contract ei meddiannu fel cartref,

(b) pan nad yw landlord yr annedd dros dro yr un â landlord yr annedd yr arferai deiliad y contract ei meddiannu (yr “hen annedd”), ac

(c) pan nad oedd deiliad y contract yn ddeiliad contract yr hen annedd o dan gontract diogel ar yr adeg y peidiodd â’i meddiannu fel cartref.

(2) Yn y paragraff hwn, mae cyfeiriadau at ddeiliad y contract yn cynnwys cyfeiriadau at ragflaenydd deiliaid y contract.

(3) At ddibenion is-baragraff (2), mae person yn rhagflaenydd i ddeiliad contract o dan gontract safonol os oedd y person hwnnw yn ddeiliad contract blaenorol o dan yr un contract.

Gwybodaeth Cychwyn

I11 Atod. 8A para. 12 mewn grym ar 1.12.2022 gan O.S. 2022/906, ergl. 2

Pŵer i ddiwygio’r Atodlen LL+C

13 LL+C Caiff Gweinidogion Cymru ddiwygio’r Atodlen hon drwy reoliadau.]

Gwybodaeth Cychwyn

I12 Atod. 8A para. 13 mewn grym ar 1.12.2022 gan O.S. 2022/906, ergl. 2