Rheoliadau Hadau (Ffioedd) (Diwygio) (Cymru) 2000

Offerynnau Statudol Cymru

2000 Rhif 719 (Cy.26)

HADAU, CYMRU

Rheoliadau Hadau (Ffioedd) (Diwygio) (Cymru) 2000

Wedi'u gwneud.

6 Mawrth 2000

Yn dod i rym.

7 Mawrth 2000

Drwy arfer y pwerau a roddwyd gan adrannau 16(1) ac (1A)(e) o Ddeddf Hadau ac Isrywogaethau Planhigion 1964(1) ac a freiniwyd bellach yng Nghynulliad Cenedlaethol Cymru (“y Cynulliad Cenedlaethol”)(2), ac wedi ymgyngori, yn unol ag adran 16(1) y cyfeiriwyd ati uchod, â chynrychiolwyr y buddiannau hynny a ymddengys i'r Cynulliad Cenedlaethol yn berthnasol, mae'r Cynulliad Cenedlaethol yn gwneud y Gorchymyn canlynol :

Enwi, cychwyn a chymwyso

1.   Enw'r Rheoliadau hyn yw Rheoliadau Hadau (Ffioedd) (Diwygio) (Cymru) 2000, maent yn gymwys i Gymru yn unig a deuant i rym ar 7 Mawrth 2000.

Diwygio

2.   Ar ddiwedd Atodlen 6 i Reoliadau Hadau (Ffioedd)1985(3) mewnosoder y geiriau canlynol —

“C. Examination fees(4)
(i) Examination for crop inspector in respect of cereals, field beans, field peas and pulses, or grasses and herbage legumes,
(a) examination	Before the examination	142.80	(–)
(b) re-sit examination (other than cereals)	Before the examination	142.80	(–)
(c) re-sit of either part of cereals examination	Before the examination	71.40	(–)
(d) re-test	Before the examination	71.40	(–)
(ii) Examination for crop inspector in respect of sugar beet, or Fodder and oil crucifers; turnips; fodder beet and mangels; flax and linseed; soya bean,
(a) examination	Before the examination	89.25	(–)
(b) re-sit of examination	Before the examination	89.25	(–)
(c) re-test	Before the examination	71.40	(–)
(iii) Examination for seed sampler	Before the examination	89.25	(–)”

Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998(5)

Dafydd Elis Thomas

Y Llywydd

6 Mawrth 2000

Nodyn Esboniadol

(Nid yw'r nodyn hwn yn rhan o'r Rheoliadau)

Mae'r Rheoliadau hyn, sy'n gymwys i Gymru'n unig, yn diwygio Rheoliadau Hadau (Ffioedd) 1985 (fel y'u diwygiwyd). Mae'r diwygiad yn darparu ar gyfer codi ffioedd am arholiadau a eisteddir gan arolygwyr cnydau a samplwyr hadau (rheoliad 2).

(1)

1964 p.14; diwygiwyd adran 16 gan Ddeddf Y Cymunedau Ewropeaidd 1972 (p.68) adran 4(1), Atodlen 4, paragraffau 5(1), (2) a (3).

(2)

Yn rhinwedd Gorchymyn Trosglwyddo Swyddogaethau (Cymru) (Rhif 1) 1978 (O.S. 1978/272), trosglwyddwyd swyddogaethau'r Gweinidog dros Amaeth, Pysgodfeydd a Bwyd o dan Ddeddf Hadau a Isrywogaethau Planhigion 1964, i'r graddau yr oeddent yn arferadwy mewn perthynas â Chymru, i'r Ysgrifennydd Gwladol. Yna, trosglwyddwyd swyddogaethau'r Ysgrifennydd Gwladol i Gynulliad Cenedlaethol Cymru gan Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672).

(3)

O.S. 1985/981; O.S. 1990/610 ac 1999/1553 a 1865 yw'r offerynnau perthnasol sy'n diwygio

(4)

Mae'r cysylltnodau rhwng cromfachau yn y bedwaredd golofn yn dynodi nad oedd ffi statudol gynt yn daladwy am y eitem cyn i Reoliadau Hadau (Ffioedd) (Diwygio) (Cymru) 2000 (2000/ 719(Cy.26 )) ddod i rym ar 7 Mawrth 2000.

(5)

1998 p.38.