- Latest available (Revised) - English
- Latest available (Revised) - Welsh
- Original (As made) - English
- Original (As made) - Welsh
This is the original version (as it was originally made). Dim ond ar ei ffurf wreiddiol y mae’r eitem hon o ddeddfwriaeth ar gael ar hyn o bryd.
Offerynnau Statudol Cymru
Llywodraeth Leol, Cymru
Gwnaed
28 Tachwedd 2016
Yn dod i rym yn unol ag erthygl 1(2) a (3)
Mae Comisiwn Ffiniau a Democratiaeth Leol Cymru(1) wedi cyflwyno i Weinidogion Cymru, yn unol ag adrannau 54(1) a 58(1) o Ddeddf Llywodraeth Leol 1972(2), adroddiad dyddiedig 22 Chwefror 2016 ar ei adolygiad o drefniadau cymunedol yn Ninas a Sir Caerdydd, a’i gynigion ar gyfer eu newid.
Mae Gweinidogion Cymru wedi cytuno i roi effaith i gynigion y Comisiwn wedi eu haddasu.
Mae mwy na chwe wythnos wedi mynd heibio ers i’r cynigion hyn gael eu cyflwyno i Weinidogion Cymru(3).
Mae Gweinidogion Cymru yn gwneud y Gorchymyn a ganlyn drwy arfer y pwerau a roddir i’r Ysgrifennydd Gwladol gan adran 58(2) o Ddeddf Llywodraeth Leol 1972 ac sydd wedi eu breinio bellach ynddynt hwy i’r graddau y maent yn arferadwy o ran Cymru(4).
1.—(1) Enw’r Gorchymyn hwn yw Gorchymyn Dinas a Sir Caerdydd (Cymunedau) 2016.
(2) At unrhyw ddiben a nodir yn rheoliad 4(1) o’r Rheoliadau, daw’r Gorchymyn hwn i rym ar 1 Rhagfyr 2016.
(3) At bob diben arall, daw’r Gorchymyn hwn i rym ar y diwrnod arferol ar gyfer ethol cynghorwyr yn 2017(5).
2. Yn y Gorchymyn hwn—
ystyr “newydd” (“new”), mewn perthynas ag ardal llywodraeth leol, yw’r ardal honno fel y’i sefydlir gan y Gorchymyn hwn;
ystyr “y Rheoliadau” (“the Regulations”) yw Rheoliadau Newidiadau i Ardaloedd Llywodraeth Leol 1976(6);
mae unrhyw gyfeiriad at fap yn gyfeiriad at un o’r naw map a farciwyd “Map Gorchymyn Dinas a Sir Caerdydd (Cymunedau) 2016”, a adneuwyd yn unol â rheoliad 5 o’r Rheoliadau, a labelwyd yn “A” i “I” ac mae cyfeiriad at fap â llythyren yn gyfeiriad at fap sy’n dwyn y llythyren honno; a
pan ddangosir bod ffin ar fap yn rhedeg ar hyd ffordd, rheilffordd, troetffordd, cwrs dŵr neu nodwedd ddaearyddol debyg, mae i’w thrin fel un sy’n rhedeg ar hyd llinell ganol y nodwedd.
3. Mae newidiadau wedi eu gwneud yn ardal llywodraeth leol Dinas a Sir Caerdydd yn unol â’r darpariaethau a ganlyn yn y Gorchymyn hwn.
4.—(1) Mae’r rhan o gymuned Cyncoed a ddangosir â chroeslinellau ar Fap A—
(a)wedi ei throsglwyddo i gymuned Pentwyn; a
(b)yn ffurfio rhan o adran etholiadol Pentwyn.
(2) Mae’r rhan o gymuned Pentwyn a ddangosir â llinellau rhwyllog ar Fap A—
(a)wedi ei throsglwyddo i gymuned Cyncoed; a
(b)yn ffurfio rhan o adran etholiadol Cyncoed.
5. Mae’r rhan o gymuned Llanisien a ddangosir â chroeslinellau ar Fap B—
(a)wedi ei throsglwyddo i gymuned Cyncoed; a
(b)yn ffurfio rhan o adran etholiadol Cyncoed.
6. Mae cymuned newydd y Ddraenen wedi ei chreu ac—
(a)yn cynnwys yr ardal a ddangosir â chroeslinellau ar Fap C; a
(b)yn ffurfio rhan o adran etholiadol Llanisien.
7. Mae’r rhan o gymuned Llanrhymni a ddangosir â chroeslinellau ar Fap D—
(a)wedi ei throsglwyddo i gymuned Tredelerch; a
(b)yn ffurfio rhan o adran etholiadol Tredelerch.
8. Mae’r rhan o gymuned Pentwyn a ddangosir â chroeslinellau ar Fap E—
(a)wedi ei throsglwyddo i gymuned Cyncoed; a
(b)yn ffurfio rhan o adran etholiadol Cyncoed.
9. Mae cymuned newydd Llanedern wedi ei chreu ac—
(a)yn cynnwys yr ardal a ddangosir â chroeslinellau ar Fap F; a
(b)yn ffurfio rhan o adran etholiadol Pentwyn.
10. Mae cymuned newydd Pontcanna wedi ei chreu ac—
(a)yn cynnwys yr ardal a ddangosir â chroeslinellau ar Fap G; a
(b)yn ffurfio rhan o adran etholiadol Glanyrafon.
11. Mae cymuned newydd Tremorfa wedi ei chreu ac—
(a)yn cynnwys yr ardal a ddangosir â chroeslinellau ar Fap H; a
(b)yn ffurfio rhan o adran etholiadol y Sblot.
12. Mae’r rhan o gymuned Trowbridge a ddangosir â chroeslinellau ar Fap I—
(a)wedi ei throsglwyddo i gymuned Tredelerch; a
(b)yn ffurfio rhan o adran etholiadol Tredelerch.
Carwyn Jones
Prif Weinidog Cymru
28 Tachwedd 2016
(Nid yw’r nodyn hwn yn rhan o’r Gorchymyn)
Mae’r Gorchymyn hwn, a wnaed yn unol ag adran 58(2) o Ddeddf Llywodraeth Leol 1972, yn rhoi effaith i gynigion Comisiwn Ffiniau a Democratiaeth Leol Cymru (“y Comisiwn”), a hynny wedi eu haddasu. Ym mis Chwefror 2016, cyflwynodd y Comisiwn adroddiad ar ei adolygiad o drefniadau cymunedol ar gyfer Dinas a Sir Caerdydd. Yn yr adroddiad, argymhellwyd newidiadau i nifer o ffiniau cymunedol presennol.
Mae’r Gorchymyn hwn yn gwneud newidiadau i nifer o ardaloedd cymunedol a rhai newidiadau canlyniadol i adrannau etholiadol. Mae newidiadau wedi eu gwneud i’r ffiniau rhwng cymunedau Cyncoed a Phentwyn, Llanisien a Chyncoed, Llanrhymni a Thredelerch, a Trowbridge a Thredelerch.
Mae’r Gorchymyn hwn hefyd yn creu’r cymunedau newydd a ganlyn: y Ddraenen o fewn cymuned bresennol Llanisien, Llanedern o fewn cymunedau presennol Pentwyn a Chyncoed, Pontcanna o fewn cymuned bresennol Glanyrafon, a Thremorfa o fewn cymuned bresennol y Sblot.
Mae newidiadau canlyniadol wedi eu gwneud i’r adrannau etholiadol o fewn cymunedau Cyncoed, Pentwyn, Llanisien, Llanrhymni, Tredelerch a Trowbridge.
Mae printiau o’r mapiau ffiniau A i I y mae’r Gorchymyn hwn yn ymwneud â hwy wedi eu hadneuo a gellir edrych arnynt yn ystod oriau swyddfa arferol yn swyddfeydd Cyngor Dinas a Sir Caerdydd, ac yn swyddfeydd Llywodraeth Cymru ym Mharc Cathays, Caerdydd, CF10 3NQ (yr Is-adran Democratiaeth Llywodraeth Leol).
Enw blaenorol Comisiwn Ffiniau a Democratiaeth Leol Cymru (“y Comisiwn”) oedd y Comisiwn Ffiniau Llywodraeth Leol i Gymru. Sefydlwyd y Comisiwn Ffiniau Llywodraeth Leol i Gymru gan adran 53 o Ddeddf Llywodraeth Leol 1972 (p. 70) (“Deddf 1972”) ac Atodlen 8 iddi. Diddymwyd adran 53 ac Atodlen 8 gan adran 73(2) o Ddeddf Llywodraeth Leol (Democratiaeth) (Cymru) 2013 (dccc 4) (“Deddf 2013”) ac Atodlen 2 iddi. O dan Ddeddf 2013, parhaodd y Comisiwn Ffiniau Llywodraeth Leol i Gymru i fodoli ond fe’i hailenwyd yn Gomisiwn Ffiniau a Democratiaeth Leol Cymru (gweler adran 2). Gweler troednodyn (2) isod ar gyfer darpariaethau arbed yn Neddf 2013 sy’n gymwys i Ran 4 o Ddeddf 1972.
1972 p. 70. Diddymwyd adrannau 53 i 61 gan adran 73(2) o Ddeddf 2013 ac Atodlen 2 iddi ond, yn unol ag adran 74(1) a (2) o Ddeddf 2013, mae’n parhau mewn effaith at ddiben cwblhau adolygiadau a oedd yn cael eu cynnal pan ddaeth Rhan 3 o Ddeddf 2013 i rym ar 30 Medi 2013 ac at ddiben y cynigion a gyflwynwyd i Weinidogion Cymru cyn yr adeg honno. Diwygiwyd adran 74(2) o Ddeddf 2013 gan adran 43 o Ddeddf Llywodraeth Leol (Cymru) 2015 (dccc 6) er mwyn caniatáu i adolygiadau a gwblhawyd cyn 30 Medi 2013 gael eu gweithredu o dan Ddeddf 1972.
Mae adran 58(2) o Ddeddf 1972 yn darparu na chaniateir gwneud gorchymyn sy’n rhoi effaith i unrhyw gynigion a wneir i Weinidogion Cymru gan y Comisiwn tan fod chwe wythnos wedi mynd heibio ers y diwrnod y cyflwynwyd y cynigion hynny i Weinidogion Cymru.
Trosglwyddwyd pwerau’r Ysgrifennydd Gwladol i Gynulliad Cenedlaethol Cymru gan Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672) ac maent bellach wedi eu breinio yng Ngweinidogion Cymru yn rhinwedd adran 162 o Ddeddf Llywodraeth Cymru 2006 (p. 32) a pharagraff 30(1) o Atodlen 11 iddi.
Diwygiwyd Gorchymyn Etholiadau Awdurdodau Lleol (Cymru) 2014 (O.S. 2014/3033 (Cy. 302)) gan Ddeddf 1972 drwy symud y diwrnod arferol ar gyfer ethol cynghorwyr un flwyddyn yn ôl o 2016 i 2017.
Latest Available (revised):The latest available updated version of the legislation incorporating changes made by subsequent legislation and applied by our editorial team. Changes we have not yet applied to the text, can be found in the ‘Changes to Legislation’ area. The revised version is currently only available in English.
Original (As Enacted or Made) - English: The original English language version of the legislation as it stood when it was enacted or made. No changes have been applied to the text.
Original (As Enacted or Made) - Welsh:The original Welsh language version of the legislation as it stood when it was enacted or made. No changes have been applied to the text.
Access essential accompanying documents and information for this legislation item from this tab. Dependent on the legislation item being viewed this may include:
Use this menu to access essential accompanying documents and information for this legislation item. Dependent on the legislation item being viewed this may include:
Click 'View More' or select 'More Resources' tab for additional information including: