2024 Rhif 135 (Cy. 29)
Rheoliadau Cyd-bwyllgor Comisiynu Gwasanaeth Iechyd Gwladol (Cymru) 2024
Gwnaed
Gosodwyd gerbron Senedd Cymru
Yn dod i rym
Mae Gweinidogion Cymru yn gwneud y Rheoliadau hyn drwy arfer y pwerau a roddir gan adrannau 11(6), 203(9) a (10) o Ddeddf y Gwasanaeth Iechyd Gwladol (Cymru) 20061 a pharagraffau 4(1)(d) i (f), 4(2) a pharagraff 5 o Atodlen 2 i’r Ddeddf honno.
RHAN 1Cyflwyniad
Enwi a dod i rym1
1
Enw’r Rheoliadau hyn yw Rheoliadau Cyd-bwyllgor Comisiynu Gwasanaeth Iechyd Gwladol (Cymru) 2024.
2
Daw’r Rheoliadau hyn i rym ar 1 Ebrill 2024.
Dehongli2
Yn y Rheoliadau hyn—
ystyr “aelod” (“member”) yw aelod o’r cyd-bwyllgor neu aelod cyswllt y cyd-bwyllgor fel y nodir yn rheoliad 3 o’r Rheoliadau hyn;
ystyr “aelod cyswllt” (“associate member”) yw’r prif gomisiynydd a gyflogir gan y Bwrdd Iechyd Lleol cynhaliol;
ystyr “aelod nad yw’n swyddog” (“non-officer member”) yw aelod o’r cyd-bwyllgor, nad yw’n gadeirydd iddo, sydd wedi ei benodi yn unol â rheoliad 4 o’r Rheoliadau hyn;
ystyr “Bwrdd Iechyd Lleol” (“Local Health Board”) yw Bwrdd Iechyd Lleol yng Nghymru sydd wedi ei sefydlu yn unol ag adran 11(2) o’r Ddeddf2;
ystyr “Bwrdd Iechyd Lleol cynhaliol” (“host Local Health Board”) yw Bwrdd Iechyd Lleol Prifysgol Cwm Taf Morgannwg3;
ystyr “cadeirydd” (“chair”) yw cadeirydd y cyd-bwyllgor;
ystyr “corff gwasanaeth iechyd” (“health service body”) yw GIG Lloegr, y Sefydliad Cenedlaethol dros Ragoriaeth mewn Iechyd a Gofal, yr Awdurdod Ymchwil Iechyd, unrhyw Awdurdod Iechyd Arbennig, unrhyw Fwrdd Iechyd Lleol, unrhyw Ymddiriedolaeth y GIG neu unrhyw Ymddiriedolaeth Sefydledig y GIG;
ystyr “y cyd-bwyllgor” (“the joint committee”) yw Cyd-bwyllgor Comisiynu GIG Cymru a sefydlwyd yn unol â Chyfarwyddydau Cyd-bwyllgor Comisiynu Gwasanaeth Iechyd Gwladol (Cymru) 2024 a wnaed ar 6 Chwefror 2024;
ystyr “cynrychiolydd enwebedig” (“nominated representative”) yw swyddog-aelod a enwebwyd gan brif swyddogion Bwrdd Iechyd Lleol. Ystyr swyddog-aelod yn y cyd-destun hwn yw unrhyw swydd a nodir yn rheoliad 3(2) o Reoliadau Byrddau Iechyd Lleol (Cyfansoddiad, Aelodaeth a Gweithdrefnau) (Cymru) 20094;
ystyr “y Ddeddf” (“the Act”) yw Deddf y Gwasanaeth Iechyd Gwladol (Cymru) 2006;
ystyr “prif swyddog” (“chief officer”) yw prif weithredwr Bwrdd Iechyd Lleol.
RHAN 2Aelodaeth y cyd-bwyllgor
Aelodaeth y cyd-bwyllgor3
1
Mae’r cyd-bwyllgor i gynnwys—
a
y prif swyddogion neu eu cynrychiolwyr enwebedig,
b
cadeirydd, ac
c
dim mwy na phum aelod nad yw’n swyddog.
2
Yn ogystal bydd aelod cyswllt na chaiff bleidleisio mewn unrhyw gyfarfodydd nac unrhyw drafodion o’r cyd-bwyllgor.
Penodi’r cadeirydd a’r aelodau nad ydynt yn swyddogion4
1
Penodir y cadeirydd, a’r aelodau nad ydynt yn swyddogion, gan Weinidogion Cymru.
2
Rhaid i benodiadau a wneir yn unol â pharagraff (1) fod yn unol â’r darpariaethau yn Atodlen 1 i’r Rheoliadau hyn.
Y gofynion cymhwystra ar gyfer aelodau o’r cyd-bwyllgor5
1
Rhaid i berson fodloni’r gofynion cymhwystra yn Atodlen 2 i’r Rheoliadau hyn cyn y caniateir i’r person hwnnw gael ei benodi’n gadeirydd i’r cyd-bwyllgor neu’n aelod nad yw’n swyddog ohono, a rhaid iddo barhau i fodloni’r gofynion hynny tra bo’n dal y swydd honno.
2
Ni chaiff prif swyddog fod yn aelod o’r cyd-bwyllgor o dan reoliad 3(1)(a) o’r Rheoliadau hyn ond os yw’r person hwnnw yn parhau i ddal swydd fel prif weithredwr Bwrdd Iechyd Lleol.
3
Ni chaiff cynrychiolydd enwebedig prif swyddog ond dal swydd ar y cyd-bwyllgor ar yr amod ei fod yn parhau i ddal swydd fel swyddog-aelod, fel y’i nodir yn rheoliad 3(2) o Reoliadau Byrddau Iechyd Lleol (Cyfansoddiad, Aelodaeth a Gweithdrefnau) (Cymru) 2009, o Fwrdd Iechyd Lleol y prif swyddog sy’n enwebu.
4
Ni chaiff yr aelod cyswllt fod yn aelod o’r cyd-bwyllgor o dan reoliad 3(2) o’r Rheoliadau hyn ond os yw’r person hwnnw yn parhau i ddal swydd fel y prif gomisiynydd a gyflogir gan y Bwrdd Iechyd Lleol cynhaliol.
5
Rhaid i aelodau hysbysu’r cyd-bwyllgor ar unwaith os ydynt yn dod yn anghymwys o dan y rheoliad hwn.
Deiliadaeth swydd cadeirydd6
1
Mae’r rheoliad hwn yn gymwys i unrhyw berson a benodir yn gadeirydd y cyd-bwyllgor yn unol â rheoliad 4.
2
Yn ddarostyngedig i’r Rheoliadau hyn, mae cadeirydd yn dal ac yn gadael y swydd yn unol â thelerau penodiad y person hwnnw.
3
Caniateir i gadeirydd gael ei benodi am gyfnod nad yw’n hwy na phedair blynedd.
4
Yn ddarostyngedig i baragraff (5) caniateir i gadeirydd, pan fydd ei gyfnod yn ei swydd wedi dod i ben, gael ei ailbenodi yn unol â rheoliad 4.
5
Ni chaiff person ddal swydd fel cadeirydd i’r cyd-bwyllgor am gyfnod cyfan o fwy nag wyth mlynedd.
Deiliadaeth swydd aelodau nad ydynt yn swyddogion7
1
Mae’r rheoliad hwn yn gymwys i unrhyw berson a benodir yn aelod nad yw’n swyddog o’r cyd-bwyllgor yn unol â rheoliad 4.
2
Yn ddarostyngedig i’r Rheoliadau hyn, mae aelod nad yw’n swyddog yn dal ac yn gadael y swydd yn unol â thelerau penodiad y person hwnnw.
3
Caniateir i aelod nad yw’n swyddog gael ei benodi am gyfnod nad yw’n hwy na phedair blynedd.
4
Yn ddarostyngedig i baragraff (5) caniateir i aelod nad yw’n swyddog, pan fydd ei gyfnod yn ei swydd ar y cyd-bwyllgor wedi dod i ben, gael ei ailbenodi yn unol â rheoliad 4.
5
Ni chaiff person ddal swydd fel aelod nad yw’n swyddog o’r cyd-bwyllgor am gyfnod cyfan o fwy nag wyth mlynedd.
Terfynu penodiad cadeirydd ac aelodau nad ydynt yn swyddogion8
1
Rhaid i Weinidogion Cymru, oni bai bod rhesymau eithriadol, dynnu cadeirydd neu aelod nad yw’n swyddog oddi ar y cyd-bwyllgor ar unwaith os ydynt yn penderfynu—
a
nad yw er budd y gwasanaeth iechyd yng Nghymru, neu
b
nad yw’n ffafriol i reolaeth dda ar y cyd-bwyllgor,
i’r cadeirydd hwnnw neu’r aelod nad yw’n swyddog hwnnw barhau i ddal ei swydd.
2
Os daw i sylw Gweinidogion Cymru fod cadeirydd neu aelod nad yw’n swyddog wedi dod yn anghymwys o dan Atodlen 2 i’r Rheoliadau hyn, rhaid i Weinidogion Cymru, oni bai bod rhesymau eithriadol, ei ddiswyddo.
3
Rhaid i gadeirydd neu aelod nad yw’n swyddog hysbysu Gweinidogion Cymru a’r cyd-bwyllgor ar unwaith os yw’n dod yn anghymwys o dan Atodlen 2 i’r Rheoliadau hyn.
4
Os yw cadeirydd neu aelod nad yw’n swyddog wedi methu â bod yn bresennol mewn unrhyw gyfarfod o’r cyd-bwyllgor am gyfnod o chwe mis neu ragor, caiff Gweinidogion Cymru ddiswyddo’r aelod hwnnw oni bai eu bod wedi eu bodloni—
a
bod achos rhesymol dros yr absenoldeb, a
b
y bydd y cadeirydd neu’r aelod nad yw’n swyddog yn gallu bod yn bresennol mewn cyfarfodydd yn y dyfodol o fewn unrhyw gyfnod y mae Gweinidogion Cymru yn ystyried ei fod yn rhesymol.
5
Caiff cadeirydd neu aelod nad yw’n swyddog ymddiswyddo o’i swydd ar unrhyw adeg drwy roi hysbysiad ysgrifenedig i Weinidogion Cymru, ond yn ddarostyngedig i delerau penodiad y cadeirydd hwnnw neu’r aelod nad yw’n swyddog hwnnw. Rhaid i’r cadeirydd neu’r aelod nad yw’n swyddog hefyd hysbysu’r cyd-bwyllgor am ei ymddiswyddiad.
Atal dros dro aelodau a’r aelod cyswllt9
1
Cyn gwneud penderfyniad i ddiswyddo cadeirydd neu aelod nad yw’n swyddog o dan reoliad 8, caiff Gweinidogion Cymru atal dros dro ddeiliadaeth swydd y cadeirydd hwnnw neu’r aelod nad yw’n swyddog hwnnw am unrhyw gyfnod y maent yn ystyried ei fod yn rhesymol.
2
Pan fo cadeirydd neu aelod nad yw’n swyddog wedi ei atal dros dro yn unol â pharagraff (1), rhaid i Weinidogion Cymru hysbysu’r person hwnnw a’r cyd-bwyllgor yn ysgrifenedig ar unwaith, gan ddatgan y rhesymau dros ei atal dros dro.
3
Ni chaiff cadeirydd neu aelod nad yw’n swyddog, y mae ei ddeiliadaeth swydd wedi ei hatal dros dro o dan baragraff (1), gyflawni swyddogaethau aelodaeth o’r cyd-bwyllgor yn ystod cyfnod yr ataliad dros dro.
4
Ni chaiff prif swyddog sydd wedi ei atal dros dro o’i swydd fel prif swyddog gweithredol Bwrdd Iechyd Lleol gyflawni swyddogaethau aelodaeth o’r cyd-bwyllgor yn ystod cyfnod yr ataliad dros dro.
5
Ni chaiff aelod cyswllt sydd wedi ei atal dros dro o’i swydd fel prif gomisiynydd gan y Bwrdd Iechyd Lleol cynhaliol gyflawni swyddogaethau aelodaeth gyswllt o’r cyd-bwyllgor yn ystod cyfnod yr ataliad dros dro.
Penodi is-gadeirydd10
1
Caiff aelodau’r cyd-bwyllgor benodi un o’r aelodau nad ydynt yn swyddogion, heblaw’r cadeirydd, i fod yn is-gadeirydd am unrhyw gyfnod, nad yw’n hwy na gweddill cyfnod y person hwnnw yn aelod, a bennir ganddynt wrth benodi.
2
Caiff aelod a benodir o dan baragraff (1) ymddiswyddo ar unrhyw adeg o swydd yr is-gadeirydd drwy roi hysbysiad ysgrifenedig i’r cadeirydd neu, os yw swydd y cadeirydd yn wag, i’r aelodau.
3
Mae’r rheoliad hwn yn ddarostyngedig i reoliad 11.
Penodi is-gadeirydd pan fo’r cadeirydd wedi ei atal dros dro11
1
Mae’r rheoliad hwn yn gymwys pan fo’r cadeirydd wedi ei atal dros dro o dan reoliad 9.
2
Os yw is-gadeirydd wedi cael ei benodi o dan reoliad 10(1), mae’r penodiad hwnnw yn peidio â chael effaith.
3
Caiff Gweinidogion Cymru ailbenodi’r person a grybwyllir ym mharagraff (2) neu benodi aelod arall nad yw’n swyddog i fod yn is-gadeirydd.
4
Rhaid i benodiad is-gadeirydd o dan baragraff (3) fod am gyfnod nad yw’n hwy na’r cyfnod byrraf o’r canlynol—
a
y cyfnod y mae’r cadeirydd wedi ei atal dros dro ar ei gyfer, neu
b
gweddill cyfnod penodiad yr aelod nad yw’n swyddog yn aelod.
5
Pan fydd y cyfnod y mae aelod wedi cael ei benodi’n is-gadeirydd ar ei gyfer yn dod i ben, caiff Gweinidogion Cymru ailbenodi’r aelod yn is-gadeirydd neu benodi aelod arall nad yw’n swyddog yn is-gadeirydd.
6
Caiff person a benodir o dan baragraff (3) neu (5) ymddiswyddo, ar unrhyw adeg, o swydd yr is-gadeirydd drwy roi hysbysiad ysgrifenedig i Weinidogion Cymru.
7
Caiff Gweinidogion Cymru derfynu penodiad person yn is-gadeirydd o dan baragraff (3) neu (5) os yw Gweinidogion Cymru yn meddwl y byddai er lles pennaf y cyd-bwyllgor i aelod arall nad yw’n swyddog fod yn is-gadeirydd.
8
Os yw—
a
person yn ymddiswyddo o swydd is-gadeirydd o dan baragraff (6), neu
b
Gweinidogion Cymru yn terfynu penodiad person yn is-gadeirydd o dan baragraff (7),
caiff Gweinidogion Cymru benodi aelod arall nad yw’n swyddog yn is-gadeirydd o dan baragraff (3).
Pwerau’r is-gadeirydd12
1
Mae’r rheoliad hwn yn gymwys—
a
os yw’r cadeirydd wedi ei atal dros dro o dan reoliad 9 ac mae aelod nad yw’n swyddog wedi ei benodi i fod yn is-gadeirydd o dan reoliad 11, neu
b
os yw aelod nad yw’n swyddog wedi ei benodi i fod yn is-gadeirydd o dan reoliad 10 ac—
i
mae swydd y cadeirydd yn wag am unrhyw reswm, neu
ii
nid yw’r cadeirydd yn gallu cyflawni dyletswyddau’r cadeirydd oherwydd salwch, absenoldeb neu unrhyw achos arall.
2
Pan fo’r rheoliad hwn yn gymwys, mae’r is-gadeirydd i weithredu fel cadeirydd hyd nes y caiff cadeirydd newydd ei benodi neu hyd nes bod y cadeirydd presennol yn ailafael yn nyletswyddau’r cadeirydd (yn ôl y digwydd).
RHAN 3Cyfarfodydd a thrafodion y cyd-bwyllgor
Cyfarfodydd a thrafodion13
1
Yn ddarostyngedig i unrhyw gyfarwyddydau a roddir gan Weinidogion Cymru, rhaid i bob Bwrdd Iechyd Lleol gytuno ar reolau sefydlog ar gyfer rheoleiddio cyfarfodydd a thrafodion y cyd-bwyllgor.
2
Rhaid i gyfarfodydd a thrafodion y cyd-bwyllgor gael eu cynnal yn unol â’r rheolau sefydlog sy’n ymwneud â’r cyd-bwyllgor.
RHAN 4Dirymiadau
14
1
Mae Rheoliadau Pwyllgor Gwasanaethau Iechyd Arbenigol Cymru (Cymru) 20095 wedi eu dirymu.
2
Mae Rheoliadau’r Pwyllgor Gwasanaethau Ambiwlans Brys (Cymru) 20146 wedi eu dirymu.
YR ATODLENNI
ATODLEN 1Y GWEITHDREFNAU AR GYFER PENODI CADEIRYDD AC AELODAU NAD YDYNT YN SWYDDOGION
1
Mae’r Atodlen hon yn gymwys i benodi cadeirydd y cyd-bwyllgor a’r aelodau nad ydynt yn swyddogion ohono.
2
Rhaid i Weinidogion Cymru sicrhau bod trefniadau priodol yn eu lle ar gyfer penodi’r cadeirydd a’r aelodau nad ydynt yn swyddogion a bod y trefniadau hynny yn ystyried—
a
yr egwyddorion a osodir o bryd i’w gilydd gan y Comisiynydd Penodiadau Cyhoeddus ynghylch penodiadau gan Weinidogion i gyrff cyhoeddus,
b
ei bod yn ofynnol i’r penodiad fod yn agored a thryloyw,
c
ei bod yn ofynnol i’r penodiad gael ei wneud drwy gystadleuaeth deg ac agored,
d
yr angen i annog amrywiaeth yn yr ystod o bersonau y caniateir eu penodi, ac
e
yr angen i sicrhau bod ymgeiswyr llwyddiannus yn bodloni’r gofynion cymhwystra a nodir yn Atodlen 2 i’r Rheoliadau hyn.
ATODLEN 2Y GOFYNION CYMHWYSTRA
1
Nid yw person yn gymwys i gael ei benodi’n gadeirydd neu’n aelod nad yw’n swyddog os oes unrhyw un neu ragor o’r materion a nodir ym mharagraffau 2 i 6 yn gymwys.
Euogfarn droseddol2
1
Mae’r person, o fewn y pum mlynedd blaenorol, wedi cael ei euogfarnu yn y Deyrnas Unedig, Ynysoedd y Sianel neu Ynys Manaw o unrhyw drosedd ac wedi cael dedfryd o garchar (pa un a yw’n ddedfryd ohiriedig ai peidio) am gyfnod nad yw’n llai na thri mis heb yr opsiwn o ddirwy.
2
At ddibenion y paragraff hwn, bernir mai’r dyddiad euogfarnu yw’r dyddiad y mae’r cyfnod a ganiateir yn gyffredinol ar gyfer gwneud apêl neu gais mewn cysylltiad â’r euogfarn yn dod i ben neu, os gwneir apêl neu gais o’r fath, y dyddiad y penderfynir yn derfynol ar yr apêl neu’r cais, neu’r dyddiad y rhoddir y gorau i’r apêl neu’r cais, neu’r dyddiad y mae’r apêl yn methu am na chafodd ei dwyn yn ei blaen neu’r dyddiad y mae’r cais yn methu am na chafodd ei ddwyn yn ei flaen.
Methdaliad3
1
Mae’r person yn ddarostyngedig i orchymyn cyfyngu methdaliad neu orchymyn cyfyngu methdaliad interim neu wedi gwneud compównd neu drefniant â’i gredydwyr.
2
Pan fo person wedi ei anghymhwyso o dan is-baragraff (1)—
a
os diddymir y methdaliad ar y sail na ddylai’r person fod wedi cael ei ddyfarnu’n fethdalwr neu ar y sail bod dyledion y person wedi cael eu talu’n llawn, mae’r person hwnnw yn dod yn gymwys i gael ei benodi’n gadeirydd neu’n aelod nad yw’n swyddog ar ddyddiad y diddymiad,
b
os caiff y person ei ryddhau o fethdaliad, mae’r person hwnnw yn dod yn gymwys i gael ei benodi’n gadeirydd neu’n aelod nad yw’n swyddog ar ddyddiad y rhyddhau,
c
os telir dyledion y person yn llawn, ac yntau wedi gwneud compównd neu drefniant â’i gredydwyr, mae’r person hwnnw yn dod yn gymwys i gael ei benodi’n gadeirydd neu’n aelod nad yw’n swyddog ar y dyddiad y telir y dyledion hynny yn llawn, a
d
os yw cyfnod o bum mlynedd, ar ôl gwneud compównd neu drefniant â’i gredydwyr, wedi dod i ben o’r dyddiad y cyflawnwyd telerau’r compównd neu’r trefniant, mae’r person hwnnw yn dod yn gymwys i gael ei benodi’n gadeirydd neu’n aelod nad yw’n swyddog.
Diswyddo o gorff gwasanaeth iechyd4
1
Mae’r person wedi ei ddiswyddo fel aelod, heblaw oherwydd bod y swydd wedi ei dileu, neu gontract cyfnod penodol heb ei adnewyddu, o gyflogaeth am dâl gyda chorff gwasanaeth iechyd.
2
Caiff person sydd wedi ei anghymhwyso o dan is-baragraff (1), ar ôl i gyfnod o ddwy flynedd ddod i ben o ddyddiad y diswyddiad, wneud cais ysgrifenedig i Weinidogion Cymru i ddileu’r anghymhwysiad hwnnw.
3
Pan fo Gweinidogion Cymru wedi rhoi cyfarwyddyd i ddileu anghymhwysiad o dan is-baragraff (2), nid yw’r person wedi ei anghymwyso mwyach at ddiben yr Atodlen hon.
4
Os yw Gweinidogion Cymru yn gwrthod cais person o dan is-baragraff (2), ni chaiff y person wneud cais pellach cyn i gyfnod o ddwy flynedd ddod i ben gan ddechrau â dyddiad cais diwethaf y person.
5
At ddiben y paragraff hwn, nid yw person i’w drin fel pe bai wedi cael ei gyflogi am dâl a hynny dim ond oherwydd y bu—
a
yn achos corff gwasanaeth iechyd nad yw’n Ymddiriedolaeth y GIG neu’n Ymddiriedolaeth Sefydledig y GIG (heblaw Bwrdd Gofal Integredig), yn gadeirydd neu is-gadeirydd y corff neu’n aelod nad yw’n swyddog ohono,
b
yn achos Ymddiriedolaeth y GIG, yn gadeirydd neu is-gadeirydd yr ymddiriedolaeth neu’n gyfarwyddwr anweithredol iddi,
c
yn achos Ymddiriedolaeth Sefydledig y GIG, yn gadeirydd yr ymddiriedolaeth neu’n llywodraethwr neu’n gyfarwyddwr anweithredol iddi, neu
d
yn achos Bwrdd Gofal Integredig, yn gadeirydd y bwrdd neu’n gyfarwyddwr anweithredol iddo.
6
Yn is-baragraff (5)(a), ystyr “aelod nad yw’n swyddog” yw aelod o gorff gwasanaeth iechyd nad yw wedi ei gyflogi gan y corff.
Terfynu aelodaeth o gorff gwasanaeth iechyd5
1
Mae—
a
aelodaeth y person fel cadeirydd, is-gadeirydd, aelod neu gyfarwyddwr corff gwasanaeth iechyd wedi ei therfynu, heblaw oherwydd bod y swydd wedi ei dileu, oherwydd ymddiswyddiad gwirfoddol neu ad-drefnu’r corff gwasanaeth iechyd, neu oherwydd bod cyfnod y swydd y penodwyd y person amdano wedi dod i ben, neu
b
y person wedi ei ddiswyddo fel cadeirydd neu aelod o Fwrdd Gofal Integredig.
2
Os yw person wedi ei anghymhwyso o dan is-baragraff (1), bydd yr anghymhwysiad yn peidio â chael effaith pan ddaw dwy flynedd i ben gan ddechrau ar y dyddiad y terfynir cyfnod y penodiad neu unrhyw gyfnod hwy a bennwyd gan y corff a derfynodd aelodaeth y person.
3
Caiff Gweinidogion Cymru, pan wneir cais gan y person a anghymhwyswyd, leihau cyfnod yr anghymhwysiad a grybwyllir yn is-baragraff (2).
4
Pan fydd cyfnod yr anghymhwysiad o dan is-baragraff (2) yn dod i ben, ni fydd y person wedi ei anghymhwyso mwyach at ddiben yr Atodlen hon.
Cyflogaeth gyda chorff GIG yng Nghymru6
1
Mae’r person yn cael, neu wedi cael, yn y 12 mis cyn ei benodi, ei gyflogi am dâl gan—
a
Bwrdd Iechyd Lleol sydd wedi ei sefydlu o dan adran 11 o’r Ddeddf,
b
ymddiriedolaeth y GIG sydd wedi ei sefydlu o dan adran 18 o’r Ddeddf, neu
c
Awdurdod Iechyd Arbennig o ran Cymru sydd wedi ei sefydlu gan Weinidogion Cymru o dan adran 22 o’r Ddeddf.
2
At ddibenion is-baragraff (1), nid yw person i’w drin fel pe bai wedi cael ei gyflogi am dâl a hynny oherwydd ei fod wedi dal swydd cadeirydd neu is-gadeirydd i Fwrdd Iechyd Lleol neu aelod nad yw’n swyddog ohono; cadeirydd, is-gadeirydd neu gyfarwyddwr anweithredol i ymddiriedolaeth y GIG; neu gadeirydd neu is-gadeirydd i Awdurdod Iechyd Arbennig neu aelod nad yw’n swyddog ohono.
3
Mae person yn peidio â bod yn gymwys i fod yn aelod nad yw’n swyddog os yw’r person hwnnw, yn dilyn ei benodi’n aelod nad yw’n swyddog, yn ymgymryd â chyflogaeth am dâl gydag unrhyw un neu ragor o’r cyrff a restrir yn is-baragraff (1) heblaw o dan yr amgylchiadau a bennir yn is-baragraff (2).
(Nid yw’r nodyn hwn yn rhan o’r Rheoliadau)