Deddf Rheoleiddio ac Arolygu Gofal Cymdeithasol (Cymru) 2016

Gweithwyr cymdeithasol sydd ar ymweliad LL+C

90 Gweithwyr cymdeithasol sydd ar ymweliad o Wladwriaethau Ewropeaidd perthnasol LL+C

(1) Mae’r adran hon yn gymwys i berson esempt (“V”) sydd wedi ei sefydlu’n gyfreithlon fel gweithiwr cymdeithasol mewn Gwladwriaeth Ewropeaidd berthnasol ac eithrio’r Deyrnas Unedig.

(2) Mae is-adran (3) yn gymwys os oes gan V fudd rheoliad [F1 12] o’r Rheoliadau Systemau Cyffredinol mewn cysylltiad â’r ddarpariaeth o wasanaethau fel gweithiwr cymdeithasol gan V yn y Deyrnas Unedig ar sail dros dro ac achlysurol (os yw V wedi cydymffurfio ag unrhyw ofynion a osodir o dan Ran 2 o’r Rheoliadau hynny mewn cysylltiad â’r ddarpariaeth o wasanaethau fel gweithiwr cymdeithasol gan V).

(3) Mae hawlogaeth gan V i gael ei gofrestru yn y rhan [F2 gweithwyr cymdeithasol Ewropeaidd sydd ar ymweliad ] o’r gofrestr, a rhaid i’r cofrestrydd roi effaith i’r hawlogaeth.

(4) Os oes gan V hawlogaeth o dan is-adran (3) i gael ei gofrestru yn y rhan [F2 gweithwyr cymdeithasol Ewropeaidd sydd ar ymweliad] o’r gofrestr ond nad yw wedi ei gofrestru yn y rhan honno, mae V i’w drin fel pe bai wedi ei gofrestru yn y rhan honno.

(5) Mae hawlogaeth V o dan is-adran (3) yn dod i ben os yw V yn peidio, pa un ai o ganlyniad i weithredu rheoliad [F3 24] o’r Rheoliadau Systemau Cyffredinol neu fel arall, â chael budd rheoliad [F4 12] o’r Rheoliadau hynny mewn cysylltiad â’r ddarpariaeth o wasanaethau fel gweithiwr cymdeithasol gan V yn y Deyrnas Unedig ar sail dros dro ac achlysurol.

(6) Os yw V wedi ei gofrestru yn y rhan [F2 gweithwyr cymdeithasol Ewropeaidd sydd ar ymweliad] o’r gofrestr, caiff y cofrestrydd dynnu V oddi ar y rhan honno os daw hawlogaeth V o dan is-adran (3) i ben o ganlyniad i weithredu is-adran (5).

(7) Nid yw is-adrannau (1) i (6) yn atal adrannau 92 i 94 o’r Rhan hon neu Ran 6 (addasrwydd i ymarfer) rhag bod yn gymwys i bersonau sydd wedi eu cofrestru yn y rhan [F2 gweithwyr cymdeithasol Ewropeaidd sydd ar ymweliad] o’r gofrestr.

(8) At ddibenion Rhannau 3 i 8 o’r Ddeddf hon—

• mae i “gwladolyn”, mewn perthynas â Gwladwriaeth Ewropeaidd berthnasol, yr un ystyr â “national” yng Nghytuniadau’r UE, ond nid yw’n cynnwys person nad yw, yn rhinwedd Erthygl 2 o Brotocol Rhif 3 (Ynysoedd y Sianel ac Ynys Manaw) i’r Cytuniad Ymaelodi, i gael budd darpariaethau’r UE sy’n ymwneud â rhydd symudiad personau a gwasanaethau;

• ystyr “Gwladwriaeth Ewropeaidd berthnasol” (“relevant European State”) yw Gwladwriaeth AEE neu’r Swistir;

• ystyr “person esempt” (“exempt person”) yw—

  (a)

  gwladolyn o Wladwriaeth Ewropeaidd berthnasol ac eithrio’r Deyrnas Unedig,

  (b)

  gwladolyn o’r Deyrnas Unedig sy’n ceisio ymgymryd â gwaith cymdeithasol perthnasol yng Nghymru [F5 , neu ymgymryd â gwaith fel rheolwr gofal cymdeithasol yng Nghymru,] yn rhinwedd hawl UE orfodadwy, neu

  (c)

  person nad yw’n wladolyn o Wladwriaeth Ewropeaidd berthnasol ond sydd â hawlogaeth, yn rhinwedd hawl UE orfodadwy, i beidio â chael ei drin yn llai ffafriol na gwladolyn o Wladwriaeth Ewropeaidd berthnasol o ran yr hawl i ymgymryd â gwaith cymdeithasol perthnasol yng Nghymru [F6 , neu o ran yr hawl i ymgymryd â gwaith fel rheolwr gofal cymdeithasol yng Nghymru] ;

• [F7 ystyr “y Rheoliadau Systemau Cyffredinol” (“the General Systems Regulations”) yw Rheoliadau'r Undeb Ewropeaidd (Cydnabod Cymwysterau Proffesiynol) 2015 (O.S. 2015/2059).]

Diwygiadau Testunol

F1 Gair yn a. 90(2) wedi ei amnewid (3.4.2017) gan The European Qualifications (Health and Social Care Professions) Regulations 2016 (O.S. 2016/1030), rhlau. 1, 135(3) (ynghyd â rhl. 155)

F2 Geiriau yn a. 90 wedi eu hamnewid (3.4.2017) gan The European Qualifications (Health and Social Care Professions) Regulations 2016 (O.S. 2016/1030), rhlau. 1, 135(2) (ynghyd â rhl. 155)

F3 Gair yn a. 90(5) wedi ei amnewid (3.4.2017) gan The European Qualifications (Health and Social Care Professions) Regulations 2016 (O.S. 2016/1030), rhlau. 1, 135(4)(a) (ynghyd â rhl. 155)

F4 Gair yn a. 90(5) wedi ei amnewid (3.4.2017) gan The European Qualifications (Health and Social Care Professions) Regulations 2016 (O.S. 2016/1030), rhlau. 1, 135(4)(b) (ynghyd â rhl. 155)

F5 Geiriau yn a. 90(8) wedi eu mewnosod (3.4.2017) gan The European Qualifications (Health and Social Care Professions) Regulations 2016 (O.S. 2016/1030), rhlau. 1, 135(5)(a)(i) (ynghyd â rhl. 155)

F6 Geiriau yn a. 90(8) wedi eu mewnosod (3.4.2017) gan The European Qualifications (Health and Social Care Professions) Regulations 2016 (O.S. 2016/1030), rhlau. 1, 135(5)(a)(ii) (ynghyd â rhl. 155)

F7 Geiriau yn a. 90(8) wedi eu hamnewid (3.4.2017) gan The European Qualifications (Health and Social Care Professions) Regulations 2016 (O.S. 2016/1030), rhlau. 1, 135(5)(b) (ynghyd â rhl. 155)

Gwybodaeth Cychwyn

I1 A. 90 ddim mewn grym ar y Cydsyniad Brenhinol, gweler a. 188(1)

I2 A. 90 mewn grym ar 3.4.2017 gan O.S. 2017/309, ergl. 2(c) (ynghyd ag erglau. 3, 4, Atod.)

[F8 90A Rheolwyr gofal cymdeithasol sydd ar ymweliad o Wladwriaethau Ewropeaidd perthnasol LL+C

(1) Mae'r adran hon yn gymwys i berson esempt (“X”) sydd wedi ei sefydlu'n gyfreithlon fel rheolwr gofal cymdeithasol mewn Gwladwriaeth Ewropeaidd berthnasol ac eithrio'r Deyrnas Unedig.

(2) Mae is-adran (3) yn gymwys os oes gan X fudd rheoliad 12 o'r Rheoliadau Systemau Cyffredinol mewn cysylltiad â'r ddarpariaeth o wasanaethau fel rheolwr gofal cymdeithasol gan X yn y Deyrnas Unedig ar sail dros dro ac achlysurol (os yw X wedi cydymffurfio ag unrhyw ofynion a osodir o dan Ran 2 o'r Rheoliadau hynny mewn cysylltiad â'r ddarpariaeth o wasanaethau fel rheolwr gofal cymdeithasol gan X).

(3) Mae hawlogaeth gan X i gael ei gofrestru yn y rhan rheolwyr gofal cymdeithasol Ewropeaidd sydd ar ymweliad o'r gofrestr, a rhaid i'r cofrestrydd roi effaith i'r hawlogaeth.

(4) Os oes gan X hawlogaeth o dan is-adran (3) i gael ei gofrestru yn y rhan rheolwyr gofal cymdeithasol Ewropeaidd sydd ar ymweliad o'r gofrestr ond nad yw wedi ei gofrestru yn y rhan honno, mae X i'w drin fel pe bai wedi ei gofrestru yn y rhan honno.

(5) Mae hawlogaeth X o dan is-adran (3) yn dod i ben os yw X yn peidio, pa un ai o ganlyniad i weithredu rheoliad 24 o'r Rheoliadau Systemau Cyffredinol neu fel arall, â chael budd rheoliad 12 o'r Rheoliadau hynny mewn cysylltiad â'r ddarpariaeth o wasanaethau fel rheolwr gofal cymdeithasol gan X yn y Deyrnas Unedig ar sail dros dro ac achlysurol.

(6) Os yw X wedi ei gofrestru yn y rhan rheolwyr gofal cymdeithasol Ewropeaidd sydd ar ymweliad o'r gofrestr, caiff y cofrestrydd dynnu X oddi ar y rhan honno os daw hawlogaeth X o dan is-adran (3) i ben o ganlyniad i weithredu is-adran (5).

(7) Nid yw is-adrannau (1) i (6) yn atal adrannau 92 i 94 neu Ran 6 (gweithwyr gofal cymdeithasol: addasrwydd i ymarfer) rhag bod yn gymwys i bersonau sydd wedi eu cofrestru yn y rhan rheolwyr gofal cymdeithasol Ewropeaidd sydd ar ymweliad o'r gofrestr.]

Diwygiadau Testunol

F8 A. 90A wedi ei fewnosod (3.4.2017) gan The European Qualifications (Health and Social Care Professions) Regulations 2016 (O.S. 2016/1030), rhlau. 1, 137 (ynghyd â rhl. 155)