ATODLEN 7PARTNERIAETHAU
RHAN 6TRAFODIADAU ERAILL SY’N YMWNEUD Â PHARTNERIAETHAU
Trosglwyddo buddiant trethadwy o bartneriaeth a ffurfir yn llwyr gan gyrff corfforaethol
30
(1)
Mae’r paragraff hwn yn gymwys—
(a)
pan geir trafodiad y mae paragraff 21 yn gymwys iddo;
(b)
pan fo, yn union cyn y trafodiad, yr holl bartneriaid yn gyrff corfforaethol;
(c)
pan fo swm y cyfrannau is yn 75 neu’n fwy.
(2)
Mae paragraffau 21 ac 31 yn cael effaith gyda’r addasiadau a ganlyn.
(3)
Mae paragraff 21 yn cael effaith fel pe bai’r canlynol wedi ei roi yn lle is-baragraffau (2) a (3)—
“(2)
Cymerir bod y gydnabyddiaeth drethadwy ar gyfer y trafodiad yn hafal i werth marchnadol y buddiant a drosglwyddir.”
(4)
Mae paragraff 31(2) yn cael effaith fel pe bai “is-baragraff (5)” wedi ei roi yn lle “is-baragraffau (3) i (6)”.
(5)
Mae paragraff 31 yn cael effaith fel pe bai is-baragraffau (3), (4), (6) a (7) wedi eu hepgor.