RHAN 2DEHONGLI A GWEITHREDU DEDDFWRIAETH CYMRU
Diwygio, diddymu a dirymu deddfwriaeth
37Ystyr diddymu a dirymu yn y Rhan hon
1
Yn y Rhan hon, mae cyfeiriadau at ddiddymu neu ddirymu deddfiad neu ddileu rheol gyfreithiol yn cynnwys—
a
amnewid unrhyw beth am y deddfiad neu’r rheol (neu unrhyw ran ohono neu ohoni);
b
cyfyngu ar gymhwysiad neu effaith y deddfiad neu’r rheol;
c
darparu i’r deddfiad neu’r rheol beidio â chael effaith.
2
At ddibenion adrannau 34 i 36 (ond nid adran 33)—
a
pan ddaw Deddf dros dro gan y Cynulliad i ben, mae hyn i’w drin fel pe bai’r Ddeddf wedi ei diddymu gan Ddeddf Cynulliad neu is-offeryn Cymreig;
b
pan ddaw is-offeryn Cymreig dros dro i ben, mae hyn i’w drin fel pe bai’r offeryn wedi ei ddirymu gan Ddeddf Cynulliad neu is-offeryn Cymreig.