Deddf Amaethyddiaeth (Cymru) 2023

RHAN 5 BYWYD GWYLLT

45 Trosolwg o’r Rhan

(1) Mae’r Rhan hon yn diwygio Deddf Bywyd Gwyllt a Chefn Gwlad 1981 (p. 69).

(2) Gwneir hyn—

(a) i wahardd y defnydd (gan gynnwys defnydd trwyddedig) o fagl neu unrhyw atalydd cebl arall at y diben o ladd neu drapio anifail gwyllt, a’r defnydd o fagl neu unrhyw atalydd cebl arall mewn unrhyw fodd arall sy’n debygol o anafu anifail gwyllt,

(b) i wahardd y defnydd o drap glud at y diben o ladd neu gymryd anifail, a defnyddio trap glud mewn unrhyw fodd arall a fyddai’n debygol o ddal anifail, ac

(c) i addasu’r gwaharddiad ar ddefnyddio trapiau, unrhyw ddyfais drydanol i ladd neu stynio, neu unrhyw sylwedd gwenwynig, sylwedd a wenwynwyd neu sylwedd llesgáu, fel ei fod yn gymwys pan fo eu defnydd yn debygol o niweidio anifail gwyllt.

46 Gwahardd defnyddio maglau a thrapiau glud

Yn adran 11 o Ddeddf Bywyd Gwyllt a Chefn Gwlad 1981 (p. 69) (gwahardd dulliau penodol o ladd neu gymryd anifeiliaid gwyllt), yn is-adran (1)—

(a) ar ôl paragraff (b) mewnosoder—

“(ba) sets in position in Wales any snare, or other cable restraint, which is of such a nature and so placed as to be likely to cause bodily injury to any wild animal coming into contact with it;

(bb) uses in Wales for the purpose of killing or taking any wild animal any snare, or other cable restraint, whether or not of such a nature or so placed as aforesaid;

(bc) sets in position in Wales any glue trap which is of such a nature and so placed as to be likely to catch any animal coming into contact with it;

(bd) uses in Wales for the purpose of killing or taking any animal any glue trap, whether or not of such a nature or so placed as aforesaid;”;

(b) ar ôl is-adran (7) mewnosoder—

“(7ZA) For the purposes of paragraphs (bc) and (bd) of subsection (1), “animal means a vertebrate (other than a human).”

47 Addasu gwaharddiadau ar ddefnyddio dulliau eraill i ladd neu gymryd anifeiliaid gwyllt

Yn adran 11 o Ddeddf Bywyd Gwyllt a Chefn Gwlad 1981 (p. 69) (gwahardd dulliau penodol o ladd neu gymryd anifeiliaid gwyllt), yn is-adran (2)—

(a) ym mharagraff (b)—

(i) yn is-baragraff (i), hepgorer “and Wales”;

(ii) yn is-baragraff (ii), ar ôl “in Scotland” mewnosoder “or Wales”;

(b) ym mharagraff (c)—

(i) yn is-baragraff (i), hepgorer “and Wales”;

(ii) yn is-baragraff (ii), ar ôl “in Scotland” mewnosoder “or Wales”.

48 Diwygiadau canlyniadol i Ddeddf Bywyd Gwyllt a Chefn Gwlad 1981

(1) Mae Deddf Bywyd Gwyllt a Chefn Gwlad 1981 (p. 69) wedi ei diwygio fel a ganlyn.

(2) Yn adran 11 (gwahardd dulliau penodol o ladd neu gymryd anifeiliaid gwyllt), yn is-adran (1)—

(a) ym mharagraff (a), ar ôl “sets in position” mewnosoder “otherwise than in Wales”;

(b) ym mharagraff (b), ar ôl “uses” mewnosoder “otherwise than in Wales”;

(c) ar ôl paragraff newydd (bd) (a fewnosodir gan adran 46), mewnosoder—

“(be) uses in Wales for the purpose of killing or taking any wild animal any bow or cross-bow or any explosive other than ammunition for a firearm;”.

(3) Yn yr adran honno, yn is-adran (2)—

(a) ym mharagraff (a)—

(i) ar ôl “uses” mewnosoder “, otherwise than in Wales,”;

(ii) ar ôl “snare” mewnosoder “, or in Wales, any trap other than a glue trap,”;

(b) ym mharagraff (b)—

(i) ar ôl “sets in position” mewnosoder “, otherwise than in Wales,”;

(ii) ar ôl “snare” mewnosoder “, or in Wales, any trap other than a glue trap,”.

(4) Yn yr adran honno, yn is-adran (3)(a), o flaen “any snare” mewnosoder “otherwise than in Wales,”.

(5) Yn yr adran honno, yn is-adran (5), ar ôl “(1)(b)” mewnosoder “(ba), (bb)”.

(6) Yn adran 16 (pŵer i roi trwyddedau), yn is-adran (3), ar ôl “11(1)” mewnosoder “(a), (b), (be), (c) and (d),”.

(7) Yn yr adran honno, yn is-adran (3ZA)—

(a) ar ôl “use” mewnosoder “, otherwise than in Wales,”;

(b) ar ôl “snare” mewnosoder “, or, in Wales, of a trap other than a glue trap,”.

(8) Yn yr adran honno, yn is-adran (3ZG)(b), yn lle “where it is used in Wales” rhodder “where it is a trap other than a glue trap, and it is used in Wales”.

(9) Yn yr adran honno, yn is-adran (3ZI)(b), yn lle “or snares” rhodder “(other than glue traps”).