Deddf Seilwaith (Cymru) 2024

RHAN 2 DEHONGLI

36 (1) Mae’r paragraff hwn yn gymwys at ddibenion yr Atodlen hon.

(2) Ystyr “system drafnidiaeth” yw unrhyw un neu ragor o’r canlynol—

(a) rheilffordd;

(b) tramffordd;

(c) system cerbydau troli;

(d) system sy’n defnyddio dull trafnidiaeth gyfeiriedig a ragnodir gan orchymyn o dan adran 2 o Ddeddf Trafnidiaeth a Gweithfeydd 1992 (p. 42).

(3) Mae “cynnal a chadw”, mewn perthynas â system drafnidiaeth, yn cynnwys edrych ar y system, ei thrwsio, ei haddasu, ei newid, ei symud ymaith, ei hailadeiladu neu ei disodli.

(4) Mae i “system cerbydau troli”, “trafnidiaeth gyfeiriedig” a “tramffordd” yr un ystyron ag a roddir i “trolley vehicle system“, “guided transport” a “tramway” gan adran 67(1) (dehongli) o Ddeddf Trafnidiaeth a Gweithfeydd 1992 (p. 42).