Deddf Safonau a Threfniadaeth Ysgolion (Cymru) 2013 (dccc1)

Yn ddilys o 26/04/2013

RHAN 3 LL+C TREFNIADAETH YSGOLION

Yn ddilys o 01/10/2013

PENNOD 3 LL+C RHESYMOLI LLEOEDD YSGOL

Cynigion gan Weinidogion Cymru i resymoli lleoedd ysgol LL+C

59 Gwneud a chyhoeddi cynigion gan Weinidogion Cymru LL+C

(1) Mae’r adran hon yn gymwys pan fo—

(a) Gweinidogion Cymru wedi gwneud cyfarwyddyd o dan adran 57(2), a

(b) naill ai—

(i) cynigion wedi eu cyhoeddi’n unol â’r cyfarwyddyd, neu

(ii) yr amser a ganiatawyd o dan y cyfarwyddyd ar gyfer cyhoeddi’r cynigion wedi dirwyn i ben.

(2) Caiff Gweinidogion Cymru wneud unrhyw gynigion y gellid fod wedi eu gwneud yn unol â’r cyfarwyddyd.

(3) Rhaid i’r cynigion gael eu cyhoeddi’n unol â’r cod a ddyroddwyd o dan adran 38(1) ac sydd mewn grym am y tro.

(4) Rhaid i Weinidogion Cymru anfon copi o’r cynigion—

(a) at yr awdurdod lleol ar gyfer yr ardal, a

(b) at gorff llywodraethu pob ysgol y mae’r cynigion yn ymwneud â hwy.

Gwybodaeth Cychwyn

I1 A. 59 ddim mewn grym ar y Cydsyniad Brenhinol, gweler a. 100(4)