Deddf Archwilio Cyhoeddus (Cymru) 2013

(cyflwynwyd gan adran 16(2))

ATODLEN 2 LL+C Y berthynas rhwng yr Archwilydd Cyffredinol a SAC

RHAN 1 LL+C COD YMARFER

Paratoi a chymeradwyo etc LL+C

1 (1) Rhaid i SAC a’r Archwilydd Cyffredinol baratoi cod ymarfer ar y cyd sy’n ymdrin â’r berthynas rhwng SAC a’r Archwilydd Cyffredinol.

(2) Wrth wneud hynny, rhaid iddynt geisio adlewyrchu’r egwyddor a nodir yn adran 8(1) a (2).

(3) Rhaid i SAC a’r Archwilydd Cyffredinol adolygu’r cod ar y cyd yn rheolaidd a’i ddiwygio fel y bo’n briodol.

(4) Rhaid i’r cod (gan gynnwys unrhyw ddiwygiad) gael ei gymeradwyo gan y Cynulliad Cenedlaethol.

(5) At y diben hwn, rhaid i gadeirydd SAC a’r Archwilydd Cyffredinol osod y cod (neu’r diwygiad) gerbron y Cynulliad Cenedlaethol.

(6) Rhaid i SAC a’r Archwilydd Cyffredinol ill dau gydymffurfio â chod sydd wedi ei gymeradwyo gan y Cynulliad Cenedlaethol.

(7) Rhaid i SAC a’r Archwilydd Cyffredinol drefnu i god a gymeradwywyd gael ei gyhoeddi.

Gwybodaeth Cychwyn

I1 Atod. 2 para. 1 ddim mewn grym ar y Cydsyniad Brenhinol, gweler a. 35(2)

I2 Atod. 2 para. 1 mewn grym ar 4.7.2013 gan O.S. 2013/1466, ergl. 2(v)(i)

Cynnwys LL+C

2 (1) Rhaid i’r cod gynnwys—

(a) darpariaeth ynghylch sut y mae SAC i fonitro swyddogaethau’r Archwilydd Cyffredinol at ddibenion adran 17(1);

(b) darpariaeth ynghylch sut y mae cyngor i gael ei roi gan SAC i’r Archwilydd Cyffredinol at ddibenion adran 17(2) (gan gynnwys natur y cyngor sydd i’w roi);

(c) darpariaeth ynghylch safonau ar gyfer llywodraethu corfforaethol.

(2) Caniateir i’r cod gynnwys darpariaeth ynghylch unrhyw fater arall sy’n berthnasol i’r berthynas rhwng SAC a’r Archwilydd Cyffredinol.

Gwybodaeth Cychwyn

I3 Atod. 2 para. 2 ddim mewn grym ar y Cydsyniad Brenhinol, gweler a. 35(2)

I4 Atod. 2 para. 2 mewn grym ar 4.7.2013 gan O.S. 2013/1466, ergl. 2(v)(ii)

RHAN 2 LL+C ADRODDIADAU A DOGFENNAU

Adroddiadau LL+C

3 (1) Rhaid i’r Archwilydd Cyffredinol a chadeirydd SAC, ar gyfer pob blwyddyn ariannol, lunio adroddiad blynyddol, ar y cyd, ar arferiad swyddogaethau’r Archwilydd Cyffredinol a SAC yn ystod y flwyddyn.

(2) Rhaid i adroddiad blynyddol gynnwys (ymhlith pethau eraill) asesiad o’r canlynol—

(a) y graddau y mae arferiad swyddogaethau’r Archwilydd Cyffredinol a SAC wedi bod yn gyson â’r cynllun blynyddol a baratowyd am y flwyddyn o dan adran 25;

(b) y graddau y cyflawnwyd y blaenoriaethau a nodwyd yn y cynllun.

(3) O leiaf unwaith yn ystod pob blwyddyn ariannol, rhaid i’r Archwilydd Cyffredinol a chadeirydd SAC lunio hefyd, ar y cyd, adroddiad ar arferiad swyddogaethau’r Archwilydd Cyffredinol a SAC (“adroddiad interim”).

(4) Rhaid i adroddiad interim gynnwys (ymhlith pethau eraill) asesiad o’r canlynol—

(a) y graddau y mae arferiad swyddogaethau’r Archwilydd Cyffredinol a SAC wedi bod yn gyson â’r cynllun blynyddol a baratowyd am y flwyddyn o dan adran 25;

(b) y graddau y gwnaed cynnydd tuag at gyflawni’r blaenoriaethau a nodwyd yn y cynllun.

(5) Nid oes dim yn y paragraff hwn yn atal y Cynulliad Cenedlaethol rhag ei gwneud yn ofynnol i’r Archwilydd Cyffredinol a chadeirydd SAC baratoi adroddiad interim ar unrhyw adeg yn ystod blwyddyn ariannol.

(6) Rhaid i’r Archwilydd Cyffredinol a’r person sy’n gadeirydd SAC ar y cyd—

(a) gosod yr adroddiad blynyddol gerbron y Cynulliad Cenedlaethol cyn gynted ag y bo’n ymarferol ar ôl diwedd blwyddyn ariannol;

(b) gosod adroddiadau interim gerbron y Cynulliad Cenedlaethol ar ddyddiadau i’w pennu o bryd i’w gilydd gan y Cynulliad.

Gwybodaeth Cychwyn

I5 Atod. 2 para. 3 ddim mewn grym ar y Cydsyniad Brenhinol, gweler a. 35(2)

I6 Atod. 2 para. 3 mewn grym ar 1.4.2014 gan O.S. 2013/1466, ergl. 3(1)

Dogfennau a gwybodaeth LL+C

4 (1) Caniateir darparu unrhyw ddogfen neu wybodaeth y mae’n ofynnol i berson ei darparu i’r Archwilydd Cyffredinol, neu y caniateir ei darparu iddo, i SAC (naill ai gan y person hwnnw neu gan yr Archwilydd Cyffredinol).

(2) At ddibenion adran 3(2) o Ddeddf Rhyddid Gwybodaeth 2000 a rheoliad 3(2) o Reoliadau Gwybodaeth Amgylcheddol 2004 (neu unrhyw reoliadau sy’n disodli’r rheoliadau hynny), mae unrhyw ddogfen neu wybodaeth sy’n cael ei dal gan SAC fel y crybwyllir yn adran 21(2)(d) o’r Ddeddf hon i’w thrin fel petai’r ddogfen neu’r wybodaeth yn cael ei dal gan SAC ar ei rhan ei hun.

Gwybodaeth Cychwyn

I7 Atod. 2 para. 4 ddim mewn grym ar y Cydsyniad Brenhinol, gweler a. 35(2)

I8 Atod. 2 para. 4 mewn grym ar 1.4.2014 gan O.S. 2013/1466, ergl. 3(1)

RHAN 3 LL+C PERSON ARALL, DROS DRO, YN ARFER SWYDDOGAETHAU’R ARCHWILYDD CYFFREDINOL

5 LL+C Caiff SAC, gyda chytundeb y Cynulliad Cenedlaethol, ddynodi person i arfer swyddogaethau Archwilydd Cyffredinol dros dro yn lle’r Archwilydd Cyffredinol (“dynodiad dros dro”).

Gwybodaeth Cychwyn

I9 Atod. 2 para. 5 ddim mewn grym ar y Cydsyniad Brenhinol, gweler a. 35(2)

I10 Atod. 2 para. 5 mewn grym ar 4.7.2013 gan O.S. 2013/1466, ergl. 2(v)(iii)

6 LL+C Ni chaniateir gwneud dynodiad dros dro ond o dan yr amgylchiadau a ganlyn—

(a) bod swydd yr Archwilydd Cyffredinol yn wag,

(b) nad yw’r Archwilydd Cyffredinol yn fodlon cyflawni swyddogaethau’r swydd,

(c) bod SAC a’r Cynulliad Cenedlaethol yn ystyried bod yr Archwilydd Cyffredinol yn methu â chyflawni swyddogaethau’r swydd, neu

(d) bod SAC a’r Cynulliad Cenedlaethol yn ystyried bod seiliau i ddiswyddo’r Archwilydd Cyffredinol oherwydd camymddygiad.

Gwybodaeth Cychwyn

I11 Atod. 2 para. 6 ddim mewn grym ar y Cydsyniad Brenhinol, gweler a. 35(2)

I12 Atod. 2 para. 6 mewn grym ar 4.7.2013 gan O.S. 2013/1466, ergl. 2(v)(iii)

7 LL+C Mae swyddogaethau’r Archwilydd Cyffredinol y cyfeirir atynt ym mharagraff 5 yn cynnwys y canlynol (ond nid ydynt yn gyfyngedig iddynt)—

(a) swyddogaethau fel prif weithredwr SAC (gweler adran 16);

(b) os yn berthnasol, swyddogaethau fel swyddog cyfrifyddu SAC (gweler paragraff 33(1) o Ran 8 o Atodlen 1);

(c) y pŵer i ddirprwyo o dan adran 18.

Gwybodaeth Cychwyn

I13 Atod. 2 para. 7 ddim mewn grym ar y Cydsyniad Brenhinol, gweler a. 35(2)

I14 Atod. 2 para. 7 mewn grym ar 4.7.2013 gan O.S. 2013/1466, ergl. 2(v)(iii)

8 LL+C Rhaid i berson sydd wedi ei ddynodi i arfer swyddogaethau’r Archwilydd Cyffredinol fod yn gyflogai i SAC.

Gwybodaeth Cychwyn

I15 Atod. 2 para. 8 ddim mewn grym ar y Cydsyniad Brenhinol, gweler a. 35(2)

I16 Atod. 2 para. 8 mewn grym ar 4.7.2013 gan O.S. 2013/1466, ergl. 2(v)(iii)

9 LL+C Bydd person sydd wedi ei ddynodi i arfer y swyddogaethau hynny yn parhau’n gyflogedig gan SAC ar yr un telerau.

Gwybodaeth Cychwyn

I17 Atod. 2 para. 9 ddim mewn grym ar y Cydsyniad Brenhinol, gweler a. 35(2)

I18 Atod. 2 para. 9 mewn grym ar 4.7.2013 gan O.S. 2013/1466, ergl. 2(v)(iii)

10 LL+C Ond bydd y person hwnnw yn cael ei ddynodi i arfer swyddogaethau ar y telerau ychwanegol hynny (gan gynnwys telerau talu cydnabyddiaeth) y cytunir arnynt gan SAC a’r Cynulliad Cenedlaethol.

Gwybodaeth Cychwyn

I19 Atod. 2 para. 10 ddim mewn grym ar y Cydsyniad Brenhinol, gweler a. 35(2)

I20 Atod. 2 para. 10 mewn grym ar 4.7.2013 gan O.S. 2013/1466, ergl. 2(v)(iii)

11 LL+C Caiff telerau talu cydnabyddiaeth—

(a) darparu ar gyfer lwfansau, arian rhodd a buddion eraill i dalu treuliau yr aed iddynt yn briodol ac o anghenraid gan y person wrth arfer y swyddogaethau, a

(b) cynnwys fformiwla neu fecanwaith arall ar gyfer addasu un neu fwy o’r elfennau hynny o dro i dro.

Gwybodaeth Cychwyn

I21 Atod. 2 para. 11 ddim mewn grym ar y Cydsyniad Brenhinol, gweler a. 35(2)

I22 Atod. 2 para. 11 mewn grym ar 4.7.2013 gan O.S. 2013/1466, ergl. 2(v)(iii)

12 LL+C Ond ni chaiff y telerau talu cydnabyddiaeth ddarparu ar gyfer talu cyflog ychwanegol neu bensiwn.

Gwybodaeth Cychwyn

I23 Atod. 2 para. 12 ddim mewn grym ar y Cydsyniad Brenhinol, gweler a. 35(2)

I24 Atod. 2 para. 12 mewn grym ar 4.7.2013 gan O.S. 2013/1466, ergl. 2(v)(iii)

13 LL+C Rhaid i SAC dalu tâl cydnabyddiaeth i’r person fel y darperir ar ei gyfer gan unrhyw delerau ychwanegol o ran talu cydnabyddiaeth y cytunir arnynt, neu o dan y telerau hynny.

Gwybodaeth Cychwyn

I25 Atod. 2 para. 13 ddim mewn grym ar y Cydsyniad Brenhinol, gweler a. 35(2)

I26 Atod. 2 para. 13 mewn grym ar 4.7.2013 gan O.S. 2013/1466, ergl. 2(v)(iii)

14 LL+C O ran hyd dynodiad dros dro mewn perthynas ag amgylchiad y cyfeirir ato ym mharagraff 6—

(a) ni chaiff fod yn fwy na 6 mis, ond

(b) caniateir i SAC ei estyn unwaith mewn perthynas â’r amgylchiad hwnnw, gyda chytundeb y Cynulliad Cenedlaethol, am hyd at 6 mis arall.

Gwybodaeth Cychwyn

I27 Atod. 2 para. 14 ddim mewn grym ar y Cydsyniad Brenhinol, gweler a. 35(2)

I28 Atod. 2 para. 14 mewn grym ar 4.7.2013 gan O.S. 2013/1466, ergl. 2(v)(iii)