Deddf Comisiwn Democratiaeth a Ffiniau Cymru etc. 2013 (dccc4)

RHAN 2 LL+C [F1 Comisiwn Democratiaeth a Ffiniau Cymru]

Diwygiadau Testunol

F1 Pennawd Rhn. 2 wedi ei amnewid (25.6.2024) gan Deddf Senedd Cymru (Aelodau ac Etholiadau) 2024 (asc 4), a. 25(1)(a), Atod. 1 para. 44(3)

Pwerau cyffredinol a chyfarwyddiadau LL+C

[F2 11A Pŵer i godi tâl LL+C

(1) Caiff y Comisiwn godi tâl ar berson am ddarparu nwyddau neu wasanaethau fel a grybwyllir yn is-adran (2) i adennill cost y ddarpariaeth os yw’r person wedi cytuno i’r nwyddau neu’r gwasanaethau gael eu darparu.

(2) Y nwyddau neu’r gwasanaethau yw—

(a) nwyddau y mae’r Comisiwn yn eu darparu neu’n eu sicrhau, neu hyfforddiant y mae’r Comisiwn yn ei ddarparu neu’n ei sicrhau, wrth arfer ei swyddogaethau o dan adran 20A (swyddogaethau gweinyddu etholiadol);

(b) hyfforddiant y mae’r Comisiwn yn ei ddarparu neu’n ei sicrhau ar gyfer prif gyngor mewn cysylltiad â swyddogaethau’r cyngor o dan Ran 3.]

Diwygiadau Testunol

F2 A. 11A wedi ei fewnosod (1.1.2025) gan Deddf Etholiadau a Chyrff Etholedig (Cymru) 2024 (asc 5), aau. 68(2), 72(4); O.S. 2024/1337, ergl. 2(p)

12 Pwerau LL+C

(1) Caiff y Comisiwn wneud unrhyw beth y bwriedir iddo hwyluso’r arferiad o’i swyddogaethau neu sy’n ffafriol i’r arferiad o’i swyddogaethau neu’n gysylltiedig â hynny.

(2) Ond ni chaiff y Comisiwn—

(a) benthyca arian;

(b) caffael tir neu eiddo arall heb gydsyniad Gweinidogion Cymru; neu

(c) ffurfio a hyrwyddo cwmnïau.

Gwybodaeth Cychwyn

I1 A. 12 mewn grym ar 30.9.2013, gweler a. 75(2)(a)

13 Dirprwyo LL+C

(1) Caiff y Comisiwn ddirprwyo i un neu fwy o’i aelodau neu [F3 un neu fwy o’i gomisiynwyr cynorthwyol] y swyddogaethau hynny o dan [F4 —

(a) Penodau 2 i 4, 6 neu 7 o Ran 3 (swyddogaethau sy’n ymwneud â chynnal adolygiadau o lywodraeth leol neu ymchwiliadau lleol);

(b) Rhan 3A (swyddogaethau sy’n ymwneud ag adolygiadau o ffiniau etholaethau’r Senedd);

(c) Atodlen 1 i Ddeddf Llywodraeth Leol ac Etholiadau (Cymru) 2021 (swyddogaethau sy’n ymwneud ag adolygiadau cychwynnol),

fel a benderfynir ganddo i’r graddau y mae wedi eu dirprwyo felly.]

(2) Nid yw is-adran (1) yn effeithio ar—

(a) cyfrifoldeb y Comisiwn dros arfer swyddogaethau dirprwyedig, na

(b) gallu’r Comisiwn i arfer swyddogaethau dirprwyedig.

Diwygiadau Testunol

F3 Geiriau yn a. 13(1) wedi eu hamnewid (25.6.2024) gan Deddf Senedd Cymru (Aelodau ac Etholiadau) 2024 (asc 4), aau. 16(2), 25(1)(a)

F4 Geiriau yn a. 13(1) wedi eu hamnewid (24.8.2024) gan Deddf Senedd Cymru (Aelodau ac Etholiadau) 2024 (asc 4), a. 25(2)(c), Atod. 3 para. 2(3)

Gwybodaeth Cychwyn

I2 A. 13 mewn grym ar 30.9.2013, gweler a. 75(2)(a)

14 Cyfarwyddiadau LL+C

[F5 (1A) Caiff Gweinidogion Cymru roi cyfarwyddyd i’r Comisiwn mewn perthynas ag arfer swyddogaethau’r Comisiwn o dan unrhyw ddeddfiad, ac eithrio mewn perthynas ag arfer swyddogaethau o dan—

(a) Rhan 2A (cydlynu gwaith gweinyddu etholiadol);

(b) Rhan 3A (swyddogaethau sy’n ymwneud ag adolygiadau o ffiniau etholaethau’r Senedd).

(1B) Rhaid i’r Comisiwn gydymffurfio â chyfarwyddyd a roddir iddo gan Weinidogion Cymru o dan y Ddeddf hon.

(1C) Rhaid i Weinidogion Cymru gyhoeddi pob cyfarwyddyd y maent yn ei roi i’r Comisiwn neu i brif gyngor o dan y Ddeddf hon.]

(2) Caniateir i gyfarwyddyd a roddir gan Weinidogion Cymru o dan y Ddeddf hon gael ei amrywio neu ei ddirymu drwy gyfarwyddyd dilynol.

F6 (3) . . . . . . . . . . . . . . . . . . . . . . . . . . . . . . . .

Diwygiadau Testunol

F5 A. 14(1A)-(1C) wedi ei amnewid ar gyfer a. 14(1) (1.1.2025) gan Deddf Etholiadau a Chyrff Etholedig (Cymru) 2024 (asc 5), a. 72(4), Atod. 1 para. 1(3)(a); O.S. 2024/1337, ergl. 2(b)

F6 A. 14(3) wedi ei hepgor (1.1.2025) yn rhinwedd Deddf Etholiadau a Chyrff Etholedig (Cymru) 2024 (asc 5), a. 72(4), Atod. 1 para. 1(3)(b); O.S. 2024/1337, ergl. 2(b)

Gwybodaeth Cychwyn

I3 A. 14 mewn grym ar 30.9.2013, gweler a. 75(2)(a)