xmlns:atom="http://www.w3.org/2005/Atom" xmlns:atom="http://www.w3.org/2005/Atom"
(1)Caiff Gweinidogion Cymru wneud darpariaeth drwy reoliadau at ddiben hwyluso neu alluogi rhannu swydd o fewn prif gyngor.
(2)At ddibenion yr adran hon, ystyr “swydd o fewn prif gyngor” yw—
(a)cadeirydd prif gyngor (gweler adran 22 o Ddeddf 1972);
(b)is-gadeirydd prif gyngor (gweler adran 24 o’r Ddeddf honno);
(c)aelod llywyddol o brif gyngor (gweler adran 24A o’r Ddeddf honno);
(d)dirprwy aelod llywyddol o brif gyngor (gweler adran 24B o’r Ddeddf honno);
(e)cadeirydd pwyllgor neu is-bwyllgor o brif gyngor;
(f)is-gadeirydd neu ddirprwy gadeirydd pwyllgor neu is-bwyllgor o brif gyngor;
(g)dirprwy faer o fewn gweithrediaeth maer a chabinet (gweler Atodlen 1 i Ddeddf 2000 (trefniadau gweithrediaeth)).
(3)Caiff rheoliadau o dan is-adran (1), yn benodol—
(a)ei gwneud yn ofynnol i brif gynghorau hwyluso neu alluogi rhannu swydd o fewn prif gyngor (gan gynnwys drwy ddiwygio rheolau sefydlog ac offerynnau eraill);
(b)gwneud darpariaeth ynglŷn â phenodi, ethol neu enwebu person i rannu swydd o fewn prif gyngor;
(c)gwneud darpariaeth ynglŷn ag arfer swyddogaethau swydd o fewn prif gyngor a rennir;
(d)gwneud darpariaeth ynglŷn â phleidleisio a chworwm pan rennir swydd o fewn prif gyngor.
(4)Caiff rheoliadau o dan is-adran (1) ddiwygio, addasu, gymhwyso (gydag addasiadau neu hebddynt), ddatgymhwyso, ddiddymu neu ddirymu unrhyw ddeddfiad.
(5)Rhaid i brif gyngor roi sylw i unrhyw ganllawiau a ddyroddir gan Weinidogion Cymru at ddibenion rheoliadau a wneir o dan is-adran (1).
(6)Yn is-adran (2), mae cyfeiriad at bwyllgor neu is-bwyllgor yn cynnwys cyfeiriad at gyd-bwyllgor, neu is-bwyllgor i gyd-bwyllgor.
Gwybodaeth Cychwyn
I1A. 60 mewn grym ar 21.1.2021, gweler a. 175(3)(j)
(1)Mae Mesur 2011 wedi ei ddiwygio fel a ganlyn.
(2)Yn adran 24 (absenoldeb mamolaeth)—
(a)yn lle is-adran (2) rhodder—
“(2)Rhaid i reoliadau gynnwys darpariaeth ar gyfer penderfynu—
(a)i ba raddau y mae gan aelod hawl i absenoldeb mamolaeth mewn cysylltiad â phlentyn;
(b)pryd y caniateir cymryd absenoldeb mamolaeth.”;
(b)hepgorer is-adrannau (3) a (4).
(3)Yn adran 25 (absenoldeb newydd-anedig), hepgorer—
(a)is-adran (4);
(b)is-adran (6);
(c)is-adran (9);
(d)yn is-adran (10), y diffiniad o “wythnos”.
(4)Yn adran 26 (absenoldeb mabwysiadydd), hepgorer is-adran (3).
(5)Yn adran 27 (absenoldeb mabwysiadu newydd), hepgorer—
(a)is-adran (4);
(b)is-adran (6);
(c)is-adrannau (9) a (10).
(6)Yn adran 28 (absenoldeb rhiant), hepgorer is-adran (4).
Gwybodaeth Cychwyn
I2A. 61 mewn grym ar 21.1.2021, gweler a. 175(1)(d)