Rheoliadau Gwarchod Plant a Gofal Dydd (Cymru) 2010

Rheoliadau 4, 6, 8, 20 a 28

ATODLEN 2 LL+C GWYBODAETH A DOGFENNAU SY'N OFYNNOL AR GYFER COFRESTRU O DAN RAN 2 O'R MESUR

Dehongli LL+C

1.   Yn yr Atodlen hon, ystyr “ceisydd” yw—

(a) person sy'n gwneud cais am gofrestriad fel gwarchodwr plant neu ddarparydd gofal dydd o dan Ran 2 o'r Mesur; a

(b) pan fo'r cyd-destun yn mynnu, person a gofrestrwyd o dan Ran 2 o'r Mesur fel gwarchodwr plant neu ddarparydd gofal dydd.

Gwybodaeth Cychwyn

I1 Atod. 2 para. 1 mewn grym ar 1.4.2011, gweler rhl. 1(1)

RHAN 1 LL+C Gwybodaeth a dogfennau sy'n ofynnol ar gyfer cofrestru: gwarchodwr plant

Gwybodaeth am y ceisydd LL+C

2.—( 1) Mae'r paragraff hwn yn gymwys i unigolyn sy'n gwneud cais i gofrestru fel gwarchodwr plant.

(2) Enw llawn y ceisydd (ac unrhyw enw arall neu enw blaenorol), ei ddyddiad geni, ei gyfeiriad a'i rif teleffon.

(3) Manylion cymwysterau proffesiynol neu dechnegol a phrofiad y ceisydd, i'r graddau y mae'r cyfryw gymwysterau a phrofiad yn berthnasol i ofalu am blant o dan wyth mlwydd oed.

(4) Manylion hanes cyflogaeth y ceisydd, gan gynnwys—

(a) hanes cyflogaeth llawn, ynghyd ag esboniad ysgrifenedig boddhaol o unrhyw fylchau mewn cyflogaeth;

(b) os oedd unrhyw gyflogaeth neu swydd flaenorol yn cynnwys gweithio gyda phlant, cadarnhad, i'r graddau y bo'n rhesymol ymarferol, o'r rheswm pam y daeth y gyflogaeth neu'r swydd honno i ben;

(c) enw a chyfeiriad unrhyw gyflogwr presennol, a phan fo'n berthnasol, unrhyw gyflogwyr blaenorol.

(5) Enwau a chyfeiriadau dau ganolwr—

(a) nad ydynt yn berthnasau i'r ceisydd;

(b) sydd ill dau yn alluog i ddarparu geirda mewn perthynas â chymhwysedd y ceisydd i ofalu am blant o dan wyth mlwydd oed; ac

(c) un ohonynt, os yw'n bosibl, yn gyflogwr diweddaraf y ceisydd.

(6) Manylion unrhyw fusnes a gynhelir, neu a gynhaliwyd, gan y ceisydd.

Gwybodaeth Cychwyn

I2 Atod. 2 para. 2 mewn grym ar 1.4.2011, gweler rhl. 1(1)

Gwybodaeth am y gofal a ddarperir LL+C

3.   Enw, cyfeiriad, rhif teleffon, rhif ffacsimile (os oes un), a chyfeiriad post electronig (os oes un) y fangre lle y bwriedir gofalu am y plant (“y fangre”), ynghyd â disgrifiad o'r fangre a'r cyfleusterau a ddarperir, neu sydd i'w darparu, ar gyfer plant perthnasol.

Gwybodaeth Cychwyn

I3 Atod. 2 para. 3 mewn grym ar 1.4.2011, gweler rhl. 1(1)

4.   Y datganid o ddiben.

Gwybodaeth Cychwyn

I4 Atod. 2 para. 4 mewn grym ar 1.4.2011, gweler rhl. 1(1)

5.   Yr oriau arfaethedig y dymuna'r ceisydd gael ei gofrestru ar eu cyfer fel gwarchodwr plant.

Gwybodaeth Cychwyn

I5 Atod. 2 para. 5 mewn grym ar 1.4.2011, gweler rhl. 1(1)

6.   Disgrifiad o'r ardal y lleolir y fangre ynddi, a manylion ynghylch mynediad i'r fangre.

Gwybodaeth Cychwyn

I6 Atod. 2 para. 6 mewn grym ar 1.4.2011, gweler rhl. 1(1)

7.   Datganiad ynglŷn â'r trefniadau diogelwch, gan gynnwys trefniadau at ddibenion—

(a) diogelu mynediad at wybodaeth a gedwir yn y fangre; a

(b) cyfyngu ar fynediad i mewn i'r fangre o fangreoedd cyfagos, neu os yw'r fangre yn rhan o adeilad, o rannau eraill o'r adeilad.

Gwybodaeth Cychwyn

I7 Atod. 2 para. 7 mewn grym ar 1.4.2011, gweler rhl. 1(1)

8.   Pa un a oes busnes neu weithgarwch arall a gynhelir, neu a fydd yn cael ei gynnal, yn y fangre yr un pryd ag y gofelir am blant yno o dan y cofrestriad arfaethedig, ac os felly, manylion y cyfryw fusnes neu weithgarwch.

Gwybodaeth Cychwyn

I8 Atod. 2 para. 8 mewn grym ar 1.4.2011, gweler rhl. 1(1)

9.   Nifer y plant y gofelir amdanynt, a'u hoedrannau.

Gwybodaeth Cychwyn

I9 Atod. 2 para. 9 mewn grym ar 1.4.2011, gweler rhl. 1(1)

Gwybodaeth am bersonau eraill: staff LL+C

10.   Mewn perthynas ag unrhyw berson, ac eithrio'r ceisydd, sy'n gofalu neu sydd i ofalu am blant neu blentyn perthnasol—

(a) enw'r person (ac unrhyw enw arall ac enw blaenorol) a'i ddyddiad geni;

(b) dyletswyddau a chyfrifoldebau'r person mewn perthynas â gwaith y person hwnnw.

Gwybodaeth Cychwyn

I10 Atod. 2 para. 10 mewn grym ar 1.4.2011, gweler rhl. 1(1)

11.   Mewn perthynas ag unrhyw berson, ac eithrio'r ceisydd, sy'n gofalu neu sydd i ofalu am blant perthnasol—

(a) pa un a yw'r person yn preswylio, neu a fwriedir iddo breswylio yn y fangre ai peidio;

(b) os yw'r person yn berthynas i'r ceisydd, natur y berthynas honno;

(c) pa un a yw'r person yn gweithio, neu a fwriedir iddo weithio, ar sail amser llawn ynteu ar sail ran-amser, ac os ar sail ran-amser, y nifer o oriau bob wythnos y bwriedir i'r person hwnnw weithio;

(ch) y dyddiad y dechreuodd y person weithio, neu y bwriedir iddo ddechrau gweithio;

(d) gwybodaeth ynghylch cymwysterau, profiad a sgiliau'r person hwnnw, i'r graddau y mae'n berthnasol i'r gwaith sydd i'w gyflawni gan y person hwnnw;

(dd) datganiad gan y ceisydd i'r perwyl ei fod wedi ei fodloni ynghylch dilysrwydd y cymwysterau ac wedi gwirio'r profiad a'r sgiliau y cyfeirir atynt yn is-baragraff (d);

(e) datganiad gan y ceisydd ynghylch—

(i) addasrwydd cymwysterau'r person ar gyfer y gwaith y bwriedir i'r person ei gyflawni,

(ii) pa un a oes gan y person y sgiliau angenrheidiol ai peidio ar gyfer gwaith o'r fath, a

(iii) addasrwydd y person i weithio gyda phlant o dan wyth mlwydd oed a bod mewn cysylltiad â phlant o'r fath yn rheolaidd;

(f) datganiad gan y person ynglŷn â chyflwr ei iechyd corfforol a meddyliol;

(ff) datganiad gan y ceisydd i'r perwyl bod y person yn ffit yn gorfforol ac yn feddyliol ar gyfer y gwaith y bwriedir i'r person hwnnw ei gyflawni;

(g) datganiad gan y ceisydd i gadarnhau pa un a fodlonwyd ef ai peidio ynghylch dilysrwydd hunaniaeth y person, ac yn nodi'r dull a ddefnyddiodd y ceisydd i fodloni ei hunan ynglŷn â hynny, a pha un a yw'r ceisydd wedi cael copi o dystysgrif geni'r person ai peidio;

(ng) cadarnhad gan y ceisydd bod ganddo ffotograff diweddar o'r person;

(h) datganiad gan y ceisydd i'r perwyl ei fod wedi cael—

(i) dau eirda mewn perthynas â'r person, a bod y ceisydd wedi ei fodloni ynghylch dilysrwydd y geirdaon hynny,

(ii) hanes cyflogaeth llawn, ynghyd ag esboniad boddhaol o unrhyw fylchau yng nghyflogaeth y person, a

(iii) os oedd cyflogaeth neu swydd flaenorol y person yn ymwneud â phlant, cadarnhad, i'r graddau y bo'n rhesymol ymarferol, o'r rheswm pam y daeth y gyflogaeth neu'r swydd honno i ben

Gwybodaeth Cychwyn

I11 Atod. 2 para. 11 mewn grym ar 1.4.2011, gweler rhl. 1(1)

Gwybodaeth ynghylch personau eraill: pob person arall LL+C

12.—( 1) Enw llawn (ac unrhyw enw arall ac enw blaenorol), dyddiad geni a chyfeiriad pob person (ac eithrio'r ceisydd a pherson a grybwyllir ym mharagraffau 10 ac 11) sydd wedi cyrraedd 16 mlwydd oed, yn gweithio yn y fangre berthnasol ac yn dod, neu'n debygol o ddod, i gysylltiad rheolaidd â phlant perthnasol.

(2) At ddibenion is-baragraff (1), mae person sy'n gweithio yn y fangre berthnasol yn cynnwys person sy'n gweithio ar sail wirfoddol.

Gwybodaeth Cychwyn

I12 Atod. 2 para. 12 mewn grym ar 1.4.2011, gweler rhl. 1(1)

13.   Enw llawn (ac unrhyw enw arall ac enw blaenorol) a, dyddiad geni pob person sydd wedi cyrraedd 16 mlwydd oed, yn byw yn y fangre berthnasol, ac yn dod, neu'n debygol o ddod, i gysylltiad rheolaidd â phlant perthnasol.

Gwybodaeth Cychwyn

I13 Atod. 2 para. 13 mewn grym ar 1.4.2011, gweler rhl. 1(1)

14.   Enw llawn (ac unrhyw enw arall ac enw blaenorol), dyddiad geni a chyfeiriad pob person sydd wedi cyrraedd 16 mlwydd oed ac sydd rywfodd arall yn bresennol yn y fangre berthnasol ac yn dod, neu'n debygol o ddod, i gysylltiad yn rheolaidd â phlant perthnasol.

Gwybodaeth Cychwyn

I14 Atod. 2 para. 14 mewn grym ar 1.4.2011, gweler rhl. 1(1)

Y dogfennau sydd i'w cyflenwi LL+C

15.   Tystysgrif geni'r ceisydd.

Gwybodaeth Cychwyn

I15 Atod. 2 para. 15 mewn grym ar 1.4.2011, gweler rhl. 1(1)

16.   Prawf o hunaniaeth y ceisydd, gan gynnwys ffotograff diweddar.

Gwybodaeth Cychwyn

I16 Atod. 2 para. 16 mewn grym ar 1.4.2011, gweler rhl. 1(1)

17.   Tystysgrifau neu dystiolaeth addas arall o gymwysterau proffesiynol neu dechnegol y ceisydd, i'r graddau y mae cymwysterau o'r fath yn berthnasol i ofalu am blant sydd o dan wyth mlwydd oed.

Gwybodaeth Cychwyn

I17 Atod. 2 para. 17 mewn grym ar 1.4.2011, gweler rhl. 1(1)

18.   Tystysgrif o yswiriant yr ymgeisydd rhag atebolrwydd y gellid ei achosi i'r person hwnnw mewn perthynas â marwolaeth, anaf, atebolrwydd cyhoeddus, difrod neu golled arall mewn cysylltiad â'r gwarchod plant arfaethedig.

Gwybodaeth Cychwyn

I18 Atod. 2 para. 18 mewn grym ar 1.4.2011, gweler rhl. 1(1)

19.—( 1) Datganiad ysgrifenedig gan y ceisydd yn cadarnhau—

(a) mewn perthynas â phob person, ac eithrio'r ceisydd, sy'n gofalu, neu y bwriedir iddo ofalu, am y plant a warchodir, bod–

(i) tystysgrif cofnod troseddol fanylach wedi ei dyroddi; a

(ii) pan fo'n briodol(1), cofrestriad gydag ADA wedi ei gwblhau a bod y ceisydd wedi cael rhif cofrestru ADA y person hwnnw; a

(b) y bydd y ceisydd yn rhoi'r tystysgrifau a ddyroddwyd felly, a'r rhifau cofrestru a ddyrannwyd, ar gael i'w harchwilio gan Weinidogion Cymru os gofynnir amdanynt gan Weinidogion Cymru.

(2) Yn ddarostyngedig i baragraff (3), datganiad ysgrifenedig gan y ceisydd yn cadarnhau–—

(a) mewn perthynas â phob person a grybwyllir ym mharagraffau 12 i 14, bod—

(i) tystysgrif cofnod troseddol fanylach wedi ei dyroddi; a

(ii) pan fo'n briodol, cofrestriad gydag ADA wedi ei gwblhau a bod y ceisydd wedi cael rhif cofrestru ADA y person hwnnw; a

(b) y bydd y ceisydd yn rhoi'r tystysgrifau a ddyroddwyd felly, a'r rhifau cofrestru a ddyrannwyd, ar gael i'w harchwilio gan Weinidogion Cymru os gofynnir amdanynt gan Weinidogion Cymru.

(3) Pan fo rheoliad 20(5) yn gymwys, ac nad oes awdurdod gan y ceisydd i gael y cyfryw wybodaeth neu ddogfen, datganiad ysgrifenedig gan y ceisydd y caiff y personau a grybwyllir ym mharagraffau 12 i 14 eu goruchwylio'n briodol ar bob achlysur pan fo unrhyw berson o'r fath yn dod i gysylltiad â phlentyn neu blant perthnasol.

Gwybodaeth Cychwyn

I19 Atod. 2 para. 19 mewn grym ar 1.4.2011, gweler rhl. 1(1)

20.—( 1) Yn ddarostyngedig i is-baragraff (2), adroddiad gan ymarferydd meddygol cofrestredig ynglŷn â pha un a yw'r ceisydd yn ffit ai peidio yn gorfforol ac yn feddyliol i ofalu am blant o dan wyth mlwydd oed.

(2) Os nad oes modd i'r ceisydd gael yr adroddiad y cyfeirir ato yn is-baragraff (1), datganiad gan y ceisydd ynglŷn â chyflwr ei iechyd corfforol a meddyliol.

Gwybodaeth Cychwyn

I20 Atod. 2 para. 20 mewn grym ar 1.4.2011, gweler rhl. 1(1)

RHAN 2 LL+C Gwybodaeth a dogfennau sy'n ofynnol ar gyfer cofrestru: darparydd gofal dydd

Dehongli LL+C

21.   Yn Rhan hon—

• ystyr “perthynas” (“relative”) mewn perthynas ag unrhyw berson yw—

  (a)

  priod neu bartner sifil y person hwnnw;

  (b)

  unrhyw riant, taid, nain, plentyn, ŵyr, wyres, brawd, chwaer, ewythr, modryb, nai neu nith y person neu briod neu bartner sifil y person;

  (c)

  priod neu bartner sifil unrhyw berthynas y cyfeirir ato yn is-baragraff (b),

  (ch)

  ac at y diben o benderfynu ynghylch unrhyw berthynas o'r fath, rhaid trin llysblentyn person fel plentyn y person, ac y mae cyfeiriadau at “briod” mewn perthynas ag unrhyw berson yn cynnwys cyn–briod a pherson sy'n byw gyda'r person fel gŵr neu wraig, ac y mae cyfeiriadau at “bartner sifil” yn cynnwys cyn-bartner sifil.

Gwybodaeth Cychwyn

I21 Atod. 2 para. 21 mewn grym ar 1.4.2011, gweler rhl. 1(1)

Gwybodaeth am y ceisydd: unigolyn LL+C

22.—( 1) Mae'r paragraff hwn yn gymwys pan fo'r ceisydd yn unigolyn.

(2) Enw llawn y ceisydd (ac unrhyw enw arall neu enw blaenorol), ei ddyddiad geni, ei gyfeiriad a'i rif teleffon.

(3) Manylion cymwysterau proffesiynol neu dechnegol a phrofiad y ceisydd, i'r graddau y mae'r cyfryw gymwysterau a phrofiad yn berthnasol i ofalu am blant o dan wyth mlwydd oed.

(4) Manylion unrhyw fusnes a gynhelir neu a gynhaliwyd gan y ceisydd.

(5) Manylion hanes cyflogaeth y ceisydd, gan gynnwys—

(a) hanes cyflogaeth llawn, ynghyd ag esboniad ysgrifenedig boddhaol o unrhyw fylchau mewn cyflogaeth;

(b) os oedd unrhyw gyflogaeth neu swydd flaenorol yn cynnwys gweithio gyda phlant, cadarnhad, i'r graddau y bo'n rhesymol ymarferol, o'r rheswm pam y daeth y gyflogaeth neu'r swydd honno i ben;

(c) enw a chyfeiriad unrhyw gyflogwr presennol, a phan fo'n berthnasol, unrhyw gyflogwyr blaenorol;

(ch) enwau a chyfeiriadau dau ganolwr—

(i) nad ydynt yn berthnasau i'r ceisydd,

(ii) sydd ill dau yn alluog i ddarparu geirda mewn perthynas â chymhwysedd y ceisydd i ofalu am blant o dan wyth mlwydd oed; a

(iii) un ohonynt, os yw'n bosibl, yn gyflogwr diweddaraf y ceisydd.

Gwybodaeth Cychwyn

I22 Atod. 2 para. 22 mewn grym ar 1.4.2011, gweler rhl. 1(1)

Gwybodaeth am y ceisydd: sefydliad LL+C

23.—( 1) Mae'r paragraff hwn yn gymwys pan fo'r ceisydd yn sefydliad.

(2) Enw, cyfeiriad a rhif teleffon y ceisydd.

(3) Yn achos ceisydd sefydliadol sy'n gwmni, ei swyddfa gofrestredig neu brif swyddfa'r cwmni, ei rif cofrestru ac, yn achos ceisydd sefydliadol sy'n elusen gofrestredig, ei rif elusen gofrestredig.

(4) Os yw'r sefydliad yn is-gwmni cwmni daliannol, enw a chyfeiriad y cwmni daliannol, ei swyddfa gofrestredig neu'i brif swyddfa ac unrhyw is-gwmni arall y cwmni daliannol hwnnw.

(5) Yn yr Atodlen hon rhaid dehongli'r geiriau “cwmni daliannol” (“holding company”) ac “is–gwmni” (“subsidiary”) yn unol â'r dehongliad o “subsidiary” a “holding company” yn adran 1159 o Ddeddf Cwmnïau 2006(2).

Gwybodaeth Cychwyn

I23 Atod. 2 para. 23 mewn grym ar 1.4.2011, gweler rhl. 1(1)

Gwybodaeth am yr unigolyn cyfrifol pan fo'r ceisydd yn sefydliad LL+C

24.—( 1) Mae'r paragraff hwn yn gymwys pan fo'r ceisydd yn sefydliad ac, fel y cyfryw, wedi penodi unigolyn cyfrifol.

(2) Enw llawn (ac unrhyw enw arall ac enw blaenorol) yr unigolyn cyfrifol, ei ddyddiad geni, ei gyfeiriad a'i rif teleffon.

(3) Manylion am gymwysterau proffesiynol neu dechnegol yr unigolyn gyfrifol a'i brofiad, i'r graddau y mae'r cyfryw gymwysterau a phrofiad yn berthnasol i—

(a) darparu gofal dydd i blant o dan wyth mlwydd oed,

(b) pan fo paragraff 25 yn gymwys, goruchwylio'r ddarpariaeth o ofal dydd i blant o dan wyth mlwydd oed.

(4) Ac eithrio pan fo paragraff 25 yn gymwys, manylion am hanes cyflogaeth yr unigolyn cyfrifol–

(a) hanes cyflogaeth llawn, ynghyd ag esboniad ysgrifenedig boddhaol o unrhyw fylchau mewn cyflogaeth;

(b) os oedd unrhyw gyflogaeth neu swydd flaenorol yn cynnwys gweithio gyda phlant, cadarnhad, i'r graddau y bo'n rhesymol ymarferol, o'r rheswm pam y daeth y gyflogaeth neu'r swydd honno i ben;

(c) enw a chyfeiriad unrhyw gyflogwr presennol, a phan fo'n berthnasol, unrhyw gyflogwyr blaenorol;

(ch) enwau a chyfeiriadau dau ganolwr —

(i) nad ydynt yn berthnasau i'r unigolyn cyfrifol,

(ii) sydd ill dau yn alluog i ddarparu geirda mewn perthynas â chymhwysedd yr unigolyn cyfrifol i ofalu am blant o dan wyth mlwydd oed; ac

(iii) un ohonynt, os yw'n bosibl, yn gyflogwr diweddaraf yr unigolyn cyfrifol.

Gwybodaeth Cychwyn

I24 Atod. 2 para. 24 mewn grym ar 1.4.2011, gweler rhl. 1(1)

Gwybodaeth am y person â chyfrifoldeb LL+C

25.—( 1) Mae'r paragraff hwn yn gymwys pan fo person â chyfrifoldeb wedi ei benodi.

(2) Enw llawn (ac unrhyw enw arall neu enw blaenorol) y person â chyfrifoldeb, ac os nad y person hwnnw hefyd yw'r ceisydd neu'r unigolyn cyfrifol, ei ddyddiad geni, ei gyfeiriad a'i rif teleffon.

(3) Manylion cymwysterau proffesiynol neu dechnegol y person â chyfrifoldeb a'i brofiad, i'r graddau y mae'r cyfryw gymwysterau a phrofiad yn berthnasol i ddarparu gofal dydd i blant o dan wyth mlwydd oed.

(4) Manylion hanes cyflogaeth y ceisydd, gan gynnwys—

(a) hanes cyflogaeth llawn, ynghyd ag esboniad ysgrifenedig boddhaol o unrhyw fylchau mewn cyflogaeth;

(b) os oedd unrhyw gyflogaeth neu swydd flaenorol yn cynnwys gweithio gyda phlant, cadarnhad, i'r graddau y bo'n rhesymol ymarferol, o'r rheswm pam y daeth y gyflogaeth neu'r swydd honno i ben;

(c) enw a chyfeiriad unrhyw gyflogwr presennol, a phan fo'n berthnasol, unrhyw gyflogwyr blaenorol;

(ch) enwau a chyfeiriadau dau ganolwr —

(i) nad ydynt yn berthnasau i'r person,

(ii) sydd ill dau yn alluog i ddarparu geirda mewn perthynas â chymhwysedd y person i ofalu am blant o dan wyth mlwydd oed; ac

(iii) un ohonynt, os yw'n bosibl, yn gyflogwr diweddaraf y person.

Gwybodaeth Cychwyn

I25 Atod. 2 para. 25 mewn grym ar 1.4.2011, gweler rhl. 1(1)

Gwybodaeth am y gofal a ddarperir LL+C

26.   Enw, cyfeiriad, rhif teleffon, rhif ffacsimile (os oes un), a chyfeiriad post electronig (os oes un) y fangre lle y bwriedir gofalu am y plant (“y fangre”) ynghyd â disgrifiad o'r cyfleusterau a ddarperir neu sydd i'w darparu i blant y gofelir amdanynt, gan gynnwys datganiad pa un a yw'r fangre wedi ei hadeiladu'n bwrpasol neu wedi ei throsi i'w defnyddio fel mangre lle y gofelir am blant.

Gwybodaeth Cychwyn

I26 Atod. 2 para. 26 mewn grym ar 1.4.2011, gweler rhl. 1(1)

27.   Y datganiad o ddiben.

Gwybodaeth Cychwyn

I27 Atod. 2 para. 27 mewn grym ar 1.4.2011, gweler rhl. 1(1)

28.   Yr oriau arfaethedig y dymuna'r ceisydd gael ei gofrestru ar eu cyfer fel darparydd gofal dydd i blant.

Gwybodaeth Cychwyn

I28 Atod. 2 para. 28 mewn grym ar 1.4.2011, gweler rhl. 1(1)

29.   Disgrifiad o'r ardal y lleolir y fangre ynddi, a manylion ynghylch mynediad i'r fangre.

Gwybodaeth Cychwyn

I29 Atod. 2 para. 29 mewn grym ar 1.4.2011, gweler rhl. 1(1)

30.   Datganiad ynglŷn â'r trefniadau diogelwch, gan gynnwys trefniadau at ddibenion —

(a) diogelu mynediad at wybodaeth a gedwir yn y fangre; a

(b) cyfyngu ar fynediad i mewn i'r fangre o fangreoedd cyfagos, neu os yw'r fangre yn rhan o adeilad, o rannau eraill o'r adeilad.

Gwybodaeth Cychwyn

I30 Atod. 2 para. 30 mewn grym ar 1.4.2011, gweler rhl. 1(1)

31.   Pa un a oes busnes neu weithgarwch arall a gynhelir, neu a fydd yn cael ei gynnal, yn y fangre yr un pryd ag y gofelir am blant yno o dan y cofrestriad arfaethedig, ac os felly, manylion y cyfryw fusnes neu weithgarwch.

Gwybodaeth Cychwyn

I31 Atod. 2 para. 31 mewn grym ar 1.4.2011, gweler rhl. 1(1)

32.   Nifer y plant y bwriedir darparu gofal iddynt, a'u hoedrannau.

Gwybodaeth Cychwyn

I32 Atod. 2 para. 32 mewn grym ar 1.4.2011, gweler rhl. 1(1)

Gwybodaeth am bersonau eraill: staff LL+C

33.   Mewn perthynas ag unrhyw berson, ac eithrio'r unigolyn cyfrifol neu, os yw'n berthnasol, y person â chyfrifoldeb, sy'n gofalu neu sydd i ofalu am y plant y darperir neu y bwriedir darparu gofal dydd iddynt—

(a) enw'r person (ac unrhyw enw arall ac enw blaenorol) a'i ddyddiad geni;

(b) dyletswyddau a chyfrifoldebau'r person mewn perthynas â gwaith y person hwnnw.

Gwybodaeth Cychwyn

I33 Atod. 2 para. 33 mewn grym ar 1.4.2011, gweler rhl. 1(1)

34.   Mewn perthynas ag unrhyw berson, ac eithrio'r unigolyn cyfrifol neu, os yw'n berthnasol, y person â chyfrifoldeb, sy'n gofalu neu sydd i ofalu am y plant y darperir neu y bwriedir darparu gofal dydd iddynt—

(a) pa un a yw'r person yn preswylio, neu a fwriedir iddo breswylio yn y fangre ai peidio;

(b) os yw'r person yn berthynas i'r ceisydd, natur y berthynas honno gyda'r ceisydd;

(c) pa un a yw'r person yn gweithio, neu a fwriedir iddo weithio, ar sail amser llawn ynteu ar sail ran-amser, ac os ar sail ran-amser, y nifer o oriau bob wythnos y bwriedir i'r person hwnnw weithio;

(ch) y dyddiad y dechreuodd y person weithio, neu y bwriedir iddo ddechrau gweithio;

(d) gwybodaeth ynghylch cymwysterau, profiad a sgiliau'r person hwnnw, i'r graddau y mae'n berthnasol i'r gwaith sydd i'w gyflawni gan y person hwnnw;

(dd) datganiad gan y ceisydd i'r perwyl ei fod wedi ei fodloni ynghylch dilysrwydd y cymwysterau ac wedi gwirio'r profiad a'r sgiliau y cyfeirir atynt yn is-baragraff (d);

(e) datganiad gan y ceisydd ynghylch—

(i) addasrwydd cymwysterau'r person ar gyfer y gwaith y bwriedir i'r person ei gyflawni,

(ii) pa un a oes gan y person y sgiliau angenrheidiol ai peidio ar gyfer gwaith o'r fath,

(iii) addasrwydd y person i weithio gyda phlant o dan wyth mlwydd oed a bod mewn cysylltiad â phlant o'r fath yn rheolaidd;

(f) datganiad gan y person ynglŷn â chyflwr ei iechyd corfforol a meddyliol;

(ff) datganiad gan y ceisydd i'r perwyl bod y person yn ffit yn gorfforol ac yn feddyliol ar gyfer y gwaith y bwriedir i'r person hwnnw ei gyflawni;

(g) datganiad gan y ceisydd i gadarnhau pa un a fodlonwyd ef ai peidio ynghylch dilysrwydd hunaniaeth y person, ac yn nodi'r dull a ddefnyddiodd y ceisydd i fodloni ei hunan ynglŷn â hynny, a pha un a yw'r ceisydd wedi cael copi o dystysgrif geni'r person ai peidio;

(ng) cadarnhad gan y ceisydd bod ganddo ffotograff diweddar o'r person;

(h) datganiad gan y ceisydd i'r perwyl ei fod wedi cael—

(i) dau eirda mewn perthynas â'r person, a bod y ceisydd wedi ei fodloni ynghylch dilysrwydd y geirdaon hynny,

(ii) hanes cyflogaeth llawn, ynghyd ag esboniad ysgrifenedig boddhaol o unrhyw fylchau yng nghyflogaeth y person;

(iii) os oedd cyflogaeth neu swydd flaenorol y person yn cynnwys gweithio gyda phlant, cadarnhad, i'r graddau y bo'n rhesymol ymarferol, o'r rheswm pam y daeth y gyflogaeth neu'r swydd honno i ben.

Gwybodaeth Cychwyn

I34 Atod. 2 para. 34 mewn grym ar 1.4.2011, gweler rhl. 1(1)

Gwybodaeth ynghylch personau eraill: pob person arall LL+C

35.   Enw llawn (ac unrhyw enw arall ac enw blaenorol), dyddiad geni a chyfeiriad pob person (ac eithrio'r ceisydd a pherson a grybwyllir ym mharagraffau 24, 25 a 33) sydd wedi cyrraedd 16 mlwydd oed, yn gweithio yn y fangre berthnasol ac yn dod, neu'n debygol o ddod, i gysylltiad rheolaidd â phlant perthnasol.

Gwybodaeth Cychwyn

I35 Atod. 2 para. 35 mewn grym ar 1.4.2011, gweler rhl. 1(1)

36.   At ddibenion paragraff 35 mae person sy'n gweithio yn y fangre berthnasol yn cynnwys person sy'n gweithio ar sail wirfoddol.

Gwybodaeth Cychwyn

I36 Atod. 2 para. 36 mewn grym ar 1.4.2011, gweler rhl. 1(1)

37.   Enw llawn (ac unrhyw enw arall ac enw blaenorol), a dyddiad geni pob person sydd wedi cyrraedd 16 mlwydd oed, yn byw yn y fangre berthnasol ac yn dod, neu'n debygol o ddod, i gysylltiad rheolaidd â phlant perthnasol.

Gwybodaeth Cychwyn

I37 Atod. 2 para. 37 mewn grym ar 1.4.2011, gweler rhl. 1(1)

Y dogfennau sydd i'w cyflenwi LL+C

38.   Tystysgrif geni'r ceisydd, a phan fo'n berthnasol tystysgrifau geni'r unigolyn cyfrifol a'r person â chyfrifoldeb.

Gwybodaeth Cychwyn

I38 Atod. 2 para. 38 mewn grym ar 1.4.2011, gweler rhl. 1(1)

39.   Prawf o hunaniaeth y ceisydd, a phan fo'n briodol, o hunaniaeth yr unigolyn cyfrifol a'r person â chyfrifoldeb gan gynnwys ffotograffau diweddar.

Gwybodaeth Cychwyn

I39 Atod. 2 para. 39 mewn grym ar 1.4.2011, gweler rhl. 1(1)

40.   Tystysgrifau neu dystiolaeth addas arall o gymwysterau proffesiynol neu dechnegol y ceisydd, a phan fo'n briodol, yr unigolyn cyfrifol a'r person â chyfrifoldeb, i'r graddau y mae cymwysterau o'r fath yn berthnasol i ofalu am blant sydd o dan wyth mlwydd oed.

Gwybodaeth Cychwyn

I40 Atod. 2 para. 40 mewn grym ar 1.4.2011, gweler rhl. 1(1)

41.   Tystysgrif o yswiriant yr ymgeisydd rhag atebolrwydd y gellid ei achosi i'r person hwnnw mewn perthynas â marwolaeth, anaf, atebolrwydd cyhoeddus, difrod neu golled arall mewn cysylltiad â'r ddarpariaeth arfaethedig o ofal dydd.

Gwybodaeth Cychwyn

I41 Atod. 2 para. 41 mewn grym ar 1.4.2011, gweler rhl. 1(1)

42.—( 1) Datganiad ysgrifenedig gan y ceisydd yn cadarnhau—

(a) mewn perthynas â phob person, ac eithrio'r ceisydd, sy'n gofalu, neu y bwriedir iddo ofalu, am y plant y darperir gofal dydd iddynt, bod–

(i) tystysgrif cofnod troseddol fanylach wedi ei dyroddi; a

(ii) cofrestriad gydag ADA wedi ei gwblhau a bod y ceisydd wedi cael rhif cofrestru ADA y person hwnnw; a

(b) y bydd y ceisydd yn rhoi'r tystysgrifau a ddyroddwyd felly, a'r rhifau cofrestru a ddyrannwyd, ar gael i'w harchwilio gan Weinidogion Cymru os gofynnir amdanynt gan Weinidogion Cymru.

(2) Yn ddarostyngedig i baragraff (3), datganiad ysgrifenedig gan y ceisydd yn cadarnhau—

(a) mewn perthynas â phob person a grybwyllir ym mharagraffau 35 i 37, bod—

(i) tystysgrif cofnod troseddol fanylach wedi ei dyroddi; a

(ii) pan fo'n briodol, cofrestriad gydag ADA wedi ei gwblhau a bod y ceisydd wedi cael rhif cofrestru ADA y person hwnnw; a

(b) y bydd y ceisydd yn rhoi'r tystysgrifau a ddyroddwyd felly, a'r rhifau cofrestru a ddyrannwyd, ar gael i'w harchwilio gan Weinidogion Cymru os gofynnir amdanynt gan Weinidogion Cymru.

(3) Pan fo rheoliad 20(5) yn gymwys, ac nad oes awdurdod gan y ceisydd i gael y cyfryw wybodaeth neu ddogfen, datganiad ysgrifenedig gan y ceisydd y caiff y personau a grybwyllir ym mharagraffau 35 i 37 eu goruchwylio'n briodol ar bob achlysur pan fo unrhyw berson o'r fath yn dod i gysylltiad â phlentyn neu blant perthnasol.

Gwybodaeth Cychwyn

I42 Atod. 2 para. 42 mewn grym ar 1.4.2011, gweler rhl. 1(1)

43.   Os yw'r ceisydd yn sefydliad, copïau o'r ddau adroddiad blynyddol diwethaf yr oedd yn ofynnol eu paratoi.

Gwybodaeth Cychwyn

I43 Atod. 2 para. 43 mewn grym ar 1.4.2011, gweler rhl. 1(1)

44.   Pan fo'r sefydliad yn is-gwmni i gwmni daliannol, y ddau adroddiad blynyddol diwethaf (os oes rhai) ar gyfer y cwmni daliannol ac unrhyw is-gwmni arall y cwmni daliannol hwnnw.

Gwybodaeth Cychwyn

I44 Atod. 2 para. 44 mewn grym ar 1.4.2011, gweler rhl. 1(1)

45.   Cyfrifon blynyddol diwethaf y sefydliad, os oes rhai.

Gwybodaeth Cychwyn

I45 Atod. 2 para. 45 mewn grym ar 1.4.2011, gweler rhl. 1(1)

46.—( 1) Yn ddarostyngedig i is-baragraff (2), adroddiad gan ymarferydd meddygol cofrestredig ynglŷn â pha un a yw'r ceisydd, a phan fo'n briodol, yr unigolyn cyfrifol a'r person â chyfrifoldeb yn ffit ai peidio yn gorfforol ac yn feddyliol i ofalu am blant o dan wyth mlwydd oed.

(2) Os nad oes modd i berson a grybwyllir yn is-baragraff (1) gael yr adroddiad y cyfeirir ato yn yr is-baragraff hwnnw, datganiad gan y person hwnnw ynglŷn â chyflwr ei iechyd corfforol a meddyliol.

Gwybodaeth Cychwyn

I46 Atod. 2 para. 46 mewn grym ar 1.4.2011, gweler rhl. 1(1)

(1)

Mae'r gofyniad ar i bersonau sy'n ymgymryd â gweithgarwch a reoleiddir mewn lleoliadau gofal plant gofrestru gydag ADA o dan y Cynllun Fetio a Gwahardd yn cael ei weithredu fesul cam, yn unol â Rheoliadau a wnaed o dan Ddeddf Diogelu Grwpiau Hyglwyf 2006 (p.47). Mewn perthynas â hyn, rhaid dehongli'r ymadrodd “pan fo'n briodol” yn unol â'r gofyniad sydd ar y person i gofrestru gydag ADA, fel a esbonnir yn y Vetting and Barring Scheme Guidance (ISBN - 978 - 1 - 84987 - 2020 7) a gyhoeddwyd gan y Swyddfa Gartref ym Mawrth 2010.

(2)

2006 p.46.