Dehongli
2.—(1) Yn y Rheoliadau hyn—
ystyr “cadw” (“keep”) yw cadw, meddu neu reoli;
ystyr “ceidwad” (“keeper”) yw'r person sy'n cadw, neu sy'n meddu ar, neu sydd â rheolaeth dros, aderyn;
ystyr “ceidwad cofrestredig” (“registered keeper”) mewn perthynas ag aderyn cofrestredig yw'r person sydd wedi ei gofrestru fel ceidwad yr aderyn yn y gofrestr sy'n cael ei chadw gan Weinidogion Cymru o dan reoliad 3(1);
ystyr “cyfeiriad cofrestredig” (“registered address”) yw'r cyfeiriad sydd wedi ei gynnwys yn y gofrestr sy'n gael ei chadw gan Weinidogion Cymru o dan reoliad 3(1);
ystyr “y Ddeddf” (“the Act”) yw Deddf Bywyd Gwyllt a Chefn Gwlad 1981; ac
ystyr “modrwy” (“ring”) yw unrhyw fodrwy neu fand ar gyfer modrwyo aderyn.
(2) Yn y Rheoliadau hyn, mae unrhyw gyfeiriad at aderyn y mae'r Rheoliadau hyn yn gymwys iddo yn gyfeiriad at unrhyw aderyn a gynhwysir yn Atodlen 4 i'r Ddeddf ac y mae unrhyw berson yn ei gadw.