Rheoliadau Cynlluniau Gostyngiadau’r Dreth Gyngor a Gofynion Rhagnodedig (Cymru) 2013

RHAN 1 LL+C Y weithdrefn ar gyfer gwneud cais am ostyngiad o dan gynllun awdurdod

Gweithdrefn y caiff person ei dilyn i wneud cais am ostyngiad o dan gynllun awdurdod LL+C

1.   Mae paragraffau 2 i 7 yn gymwys i gais am ostyngiad o dan gynllun awdurdod.

Gwybodaeth Cychwyn

I1 Atod. 12 para. 1 mewn grym ar 28.11.2013, gweler rhl. 1(2)

2.   Caniateir gwneud cais— LL+C

(a) mewn ysgrifen,

(b) drwy gyfathrebiad electronig yn unol â Rhan 4, neu

(c) os yw’r awdurdod wedi cyhoeddi rhif teleffon at y diben o gael ceisiadau o’r fath, dros y teleffon.

Gwybodaeth Cychwyn

I2 Atod. 12 para. 2 mewn grym ar 28.11.2013, gweler rhl. 1(2)

3.—( 1) Rhaid gwneud unrhyw gais a wneir mewn ysgrifen i’r swyddfa ddynodedig a rhaid iddo fod— LL+C

(a) ar ffurflen sydd wedi ei chwblhau’n briodol ac a gymeradwywyd gan yr awdurdod at ddibenion gwneud cais mewn ysgrifen; neu

(b) yn y cyfryw ffurf ysgrifenedig y mae’r awdurdod yn derbyn sy’n ddigonol mewn amgylchiadau unrhyw achos penodol (neu ddosbarth o achosion) o ystyried digonolrwydd yr wybodaeth a thystiolaeth ysgrifenedig.

(2) Mae cais mewn ysgrifen yn ddiffygiol os na wneir y cais ar y ffurf a ddisgrifir ym mharagraff 3(1)(a) neu (b).

(3) Rhaid i unrhyw ffurflen a ddarperir gan yr awdurdod at y diben o wneud cais mewn ysgrifen gael ei darparu’n ddi-dâl.

Gwybodaeth Cychwyn

I3 Atod. 12 para. 3 mewn grym ar 28.11.2013, gweler rhl. 1(2)

4.—( 1) Pan fo cais a wneir mewn ysgrifen yn ddiffygiol oherwydd— LL+C

(a) ei fod wedi ei wneud ar y ffurflen a gymeradwywyd at y diben ond nad yw’r awdurdod yn ei dderbyn fel ffurflen a gwblhawyd yn briodol, caiff yr awdurdod ofyn i’r ceisydd gwblhau’r cais diffygiol; neu

(b) ei fod wedi ei wneud mewn ysgrifen ond nid ar y ffurflen a gymeradwywyd at y diben hwnnw, ac nad yw’r awdurdod yn derbyn y cais fel un ar ffurf ysgrifenedig sy’n ddigonol yn amgylchiadau’r achos, o ystyried digonolrwydd yr wybodaeth a’r dystiolaeth ysgrifenedig, caiff yr awdurdod gyflenwi copi o’r ffurflen gymeradwy i’r ceisydd neu ofyn am wybodaeth neu dystiolaeth bellach.

(2) Bydd cais a wneir ar ffurflen a ddarparwyd gan yr awdurdod wedi ei gwblhau’n briodol os cwblheir ef yn unol â’r cyfarwyddiadau ar y ffurflen, gan gynnwys unrhyw gyfarwyddiadau i ddarparu gwybodaeth a thystiolaeth mewn cysylltiad â’r cais.

Gwybodaeth Cychwyn

I4 Atod. 12 para. 4 mewn grym ar 28.11.2013, gweler rhl. 1(2)

5.—( 1) Os yw cais a wneir drwy gyfathrebiad electronig yn ddiffygiol, rhaid i’r awdurdod roi cyfle i’r person sy’n gwneud y cais gywiro’r diffyg. LL+C

(2) Bydd cais a wneir drwy gyfathrebiad electronig yn ddiffygiol os nad yw’r ceisydd yn darparu’r holl wybodaeth y gofynnir amdani gan yr awdurdod.

Gwybodaeth Cychwyn

I5 Atod. 12 para. 5 mewn grym ar 28.11.2013, gweler rhl. 1(2)

6.   Mewn achos penodol caiff awdurdod benderfynu na fydd cais a wneir dros y teleffon yn ddilys oni fydd y person sy’n gwneud y cais yn cymeradwyo datganiad ysgrifenedig o amgylchiadau’r person hwnnw a ddarperir gan yr awdurdod. LL+C

Gwybodaeth Cychwyn

I6 Atod. 12 para. 6 mewn grym ar 28.11.2013, gweler rhl. 1(2)

7.—( 1) Os yw cais a wneir dros y teleffon yn ddiffygiol, rhaid i’r awdurdod roi cyfle i’r person sy’n gwneud y cais gywiro’r diffyg. LL+C

(2) Bydd cais a wneir dros y teleffon yn ddiffygiol os na fydd y ceisydd yn darparu’r holl wybodaeth y gofynnir amdani gan yr awdurdod yn ystod yr alwad teleffon.

Gwybodaeth Cychwyn

I7 Atod. 12 para. 7 mewn grym ar 28.11.2013, gweler rhl. 1(2)