Rheoliadau Addysg (Cymorth i Fyfyrwyr) (Cymru) 2018 No. 191 (Cy. 42)

YR ATODLENNI

ATODLEN 3 LL+C Cyfrifo incwm

RHAN 4 LL+C Incwm gweddilliol

PENNOD 2 LL+C Incwm gweddilliol personau ac eithrio myfyriwr cymwys

Didyniadau at ddiben cyfrifo incwm gweddilliol personau ac eithrio myfyriwr cymwys LL+C

15.—( 1) At ddibenion cyfrifo incwm gweddilliol P, y didyniadau yw—

Didyniad A

Swm gros unrhyw bremiwm neu swm a delir gan P mewn cysylltiad â phensiwn yn ystod y flwyddyn ariannol gymwys—

(a) y rhoddir rhyddhad mewn perthynas ag ef o dan adran 188 o Ddeddf Cyllid 2004, neu

(b) pan fo incwm P yn cael ei gyfrifiannu at ddibenion deddfwriaeth treth incwm [F1 Aelod-wladwriaeth] , y byddai rhyddhad yn cael ei roi mewn perthynas ag ef pe bai’r ddeddfwriaeth honno yn gwneud darpariaeth sy’n cyfateb i’r ddarpariaeth yn y Deddfau Treth Incwm,

ond nid yw’n cynnwys unrhyw swm a delir fel premiwm o dan bolisi aswiriant bywyd.

Didyniad B

Pan fo paragraff 18 yn gymwys, swm sy’n cyfateb i Ddidyniad A ar yr amod nad yw’r swm hwn yn fwy na’r didyniadau a fyddai’n cael eu gwneud pe bai holl incwm P yn incwm at ddibenion Deddfau Treth Incwm mewn gwirionedd.

Didyniad C

£1,130, pan fo P—

(a) yn fyfyriwr cymwys mewn cysylltiad â’r flwyddyn academaidd gyfredol ond hefyd yn rhiant myfyriwr cymwys, neu

(b) wedi cael dyfarndal statudol mewn cysylltiad â’r un cyfnod.

Diwygiadau Testunol

F1 Geiriau yn Atod. 3 para. 15 wedi eu hamnewid (31.12.2020) gan Rheoliadau Addysg (Cyllid Myfyrwyr) (Diwygiadau Amrywiol) (Cymru) (Ymadael â’r UE) 2020 (O.S. 2020/1302), rhlau. 1(3), 32(4)(b)

Gwybodaeth Cychwyn

I1 Atod. 3 para. 15 mewn grym ar 12.3.2018, gweler rhl. 1(2)