Rheoliadau Diogelu Iechyd (Cyfyngiadau Coronafeirws) (Rhif 5) (Cymru) 2020 No. 1609 (Cy. 335)

Please note that the date you requested in the address for this web page is not an actual date upon which a change occurred to this item of legislation. You are being shown the legislation from , which is the first date before then upon which a change was made.

RHAN 8 LL+C Troseddau a chosbau

PENNOD 2 LL+C Cosbau penodedig

Swm cosb benodedig: troseddau sy’n gysylltiedig â busnes LL+C

52.—( 1) Mae’r rheoliad hwn yn gymwys i hysbysiad cosb benodedig a ddyroddir mewn cysylltiad â throsedd honedig o dan reoliad 42(1), (2), (3) neu (4) (“trosedd busnes honedig”).

(2) Pan fo hysbysiad cosb benodedig wedi ei ddyroddi mewn cysylltiad â throsedd busnes honedig, swm y gosb benodedig yw £1,000.

(3) Ond os yw’r person y dyroddir iddo hysbysiad cosb benodedig mewn cysylltiad â throsedd busnes honedig eisoes wedi cael hysbysiad cosb benodedig perthnasol—

(a) nid yw paragraff (2) yn gymwys, a

(b) swm y gosb benodedig yw—

(i) yn achos yr ail hysbysiad cosb benodedig o’r fath a geir, £2,000;

(ii) yn achos y trydydd hysbysiad cosb benodedig o’r fath a geir, £4,000;

(iii) yn achos y pedwerydd hysbysiad cosb benodedig o’r fath a geir, ac unrhyw hysbysiad cosb benodedig o’r fath a geir wedi hynny, £10,000.

(4) Ym mharagraff (3), ystyr “hysbysiad cosb benodedig perthnasol” yw—

(a) hysbysiad cosb benodedig a ddyroddir mewn cysylltiad â throsedd busnes honedig;

(b) hysbysiad cosb benodedig o dan Reoliadau Diogelu Iechyd (Cyfyngiadau Coronafeirws) (Rhif 4) (Cymru) 2020 y mae rheoliad 42 o’r Rheoliadau hynny yn gymwys iddo.

Gwybodaeth Cychwyn

I1 Rhl. 52 mewn grym ar 20.12.2020 (fel y diwygiwyd gan O.S. 2020/1610, rhl. 2(2)), gweler rhl. 1(3)