Rheoliadau Addysg (Cyllid Myfyrwyr) (Diwygiadau Amrywiol) (Rhif 3) (Cymru) 2023

RHAN 3 Diwygiadau i Reoliadau Addysg (Athrofa Brifysgol Ewropeaidd) (Cymru) 2014

PENNOD 1 Cyflwyniad

8.   Mae Rheoliadau Addysg (Athrofa Brifysgol Ewropeaidd) (Cymru) 2014(1) wedi eu diwygio yn unol â’r Rhan hon.

PENNOD 2 Diwygiadau i’r diffiniad o “person sydd â chaniatâd i ddod i mewn neu i aros fel dinesydd perthnasol o Affganistan”

9.   Yn rheoliad 3(1), yn y diffiniad o “person sydd â chaniatâd i ddod i mewn neu i aros fel dinesydd perthnasol o Affganistan”—

(a) yn lle paragraff (a) rhodder—

“(a) y rhoddwyd caniatâd amhenodol iddo i ddod i mewn i’r Deyrnas Unedig o dan baragraff 276BA2 o’r rheolau mewnfudo neu ganiatâd amhenodol i aros yn y Deyrnas Unedig o dan baragraff 276BS2 o’r rheolau mewnfudo;”;

(b) ar ôl paragraff (a) mewnosoder—

“(aa) y rhoddwyd caniatâd iddo i ddod i mewn neu ganiatâd amhenodol i ddod i mewn i’r Deyrnas Unedig o dan baragraff 276BJ2 neu 276BO2 o’r rheolau mewnfudo neu baragraff ARAP 16.1 o Atodiad Polisi Adleoli a Chymorth i Affganiaid i’r rheolau mewnfudo;

(ab) y rhoddwyd caniatâd amhenodol iddo i ddod i mewn i’r Deyrnas Unedig o dan baragraff ARAP 6.1 o Atodiad Polisi Adleoli a Chymorth i Affganiaid i’r rheolau mewnfudo neu ganiatâd amhenodol i aros yn y Deyrnas Unedig o dan baragraff ARAP 6.2 o’r Atodiad hwnnw i’r rheolau mewnfudo;”.

PENNOD 3 Aelodau o deuluoedd dinasyddion Affganistan

10.   Yn rheoliad 3(1), yn y diffiniad o “person sydd â chaniatâd i ddod i mewn neu i aros fel dinesydd perthnasol o Affganistan”—

(a) hepgorer paragraff (aa) (fel y’i mewnosodir gan reoliad 9(b) o’r Rheoliadau hyn);

(b) mewnosoder “neu” ar ôl paragraff (b);

(c) hepgorer paragraff (d) a’r “neu” o’i flaen.

11.   Yn Atodlen 1, ym mharagraff 4ZA(4)—

(a) ym mharagraff (c)(i)—

(i) hepgorer “neu” ar ôl paragraff (ab);

(ii) ar ôl paragraff (ac) mewnosoder—

“neu

(ad) person sydd â chaniatâd i ddod i mewn neu i aros fel dinesydd perthnasol o Affganistan;”;

(b) ym mharagraff (c)(ii)—

(i) hepgorer “neu” ar ôl paragraff (aa);

(ii) ar ôl paragraff (ab) mewnosoder—

“neu

(ac) person sydd â chaniatâd i ddod i mewn neu i aros fel dinesydd perthnasol o Affganistan;”;

(c) ym mharagraff (d)—

(i) hepgorer “neu” ar ôl is-baragraff (i);

(ii) ar ddiwedd is-baragraff (ii), yn lle’r atalnod llawn rhodder “; neu”;

(iii) ar ôl is-baragraff (ii) mewnosoder—

“(iii) person sydd â chaniatâd i ddod i mewn neu i aros fel dinesydd perthnasol o Affganistan.”

PENNOD 4 Aelodau o deuluoedd gwladolion Wcreinaidd

12.   Yn rheoliad 6(10G)—

(a) yn is-baragraff (a), ar ôl “wladolyn Wcreinaidd a ddiogelir” mewnosoder “neu’n briod, partner sifil, plentyn neu lysblentyn i berson o’r fath”;

(b) yn lle is-baragraff (b) rhodder—

“(b) y cyfnod y caniateir i’r person sydd â chaniatâd i ddod i mewn neu i aros fel gwladolyn Wcreinaidd a ddiogelir aros yn y Deyrnas Unedig i fod i ddod i ben cyn diwrnod cyntaf y flwyddyn academaidd y mae A yn gwneud cais am gymorth mewn cysylltiad â hi ac nad oes, ar y diwrnod cyn bod y flwyddyn academaidd honno’n dechrau, unrhyw ganiatâd pellach i aros wedi ei roi,”.

13.   Yn Atodlen 1, ym mharagraff 4ZC—

(a) daw’r testun presennol yn is-baragraff (1);

(b) ar ôl yr is-baragraff hwnnw mewnosoder—

“(2) Person—

(a) sy’n briod neu’n bartner sifil i wladolyn Wcreinaidd a ddiogelir;

(b) a oedd, ar ddyddiad y cais i gael caniatâd i ddod i mewn neu i aros, yn briod neu’n bartner sifil i’r person hwnnw;

(c) sy’n preswylio fel arfer yn y Deyrnas Unedig a’r Ynysoedd ac nad yw wedi peidio â phreswylio felly er pan roddwyd caniatâd iddo i aros yn y Deyrnas Unedig; a

(d) sy’n preswylio fel arfer yng Nghymru ar ddiwrnod cyntaf blwyddyn academaidd gyntaf y cwrs.

(3) Person—

(a) sydd—

(i) yn blentyn i wladolyn Wcreinaidd a ddiogelir; neu

(ii) yn blentyn i briod neu bartner sifil gwladolyn Wcreinaidd a ddiogelir;

(b) a oedd, ar ddyddiad y cais i gael caniatâd i ddod i mewn neu i aros—

(i) o dan 18 oed; a

(ii) yn blentyn i wladolyn Wcreinaidd a ddiogelir neu, yn ôl y digwydd, yn blentyn i berson a oedd yn briod neu’n bartner sifil i’r person a oedd yn wladolyn Wcreinaidd a ddiogelir;

(c) sy’n preswylio fel arfer yn y Deyrnas Unedig a’r Ynysoedd ac nad yw wedi peidio â phreswylio felly er pan roddwyd caniatâd iddo i aros yn y Deyrnas Unedig; a

(d) sy’n preswylio fel arfer yng Nghymru ar ddiwrnod cyntaf blwyddyn academaidd gyntaf y cwrs.

(4) Yn y paragraff hwn, ystyr “dyddiad y cais i gael caniatâd i ddod i mewn neu i aros” yw’r dyddiad y gwnaeth y person sydd â chaniatâd i ddod i mewn neu i aros fel gwladolyn Wcreinaidd a ddiogelir y cais a arweiniodd at y person hwnnw yn cael caniatâd i ddod i mewn i’r Deyrnas Unedig neu i aros ynddi.”

(1)

O.S. 2014/3037 (Cy. 303), y diwygiadau perthnasol yw O.S. 2021/1294 (Cy. 328), O.S. 2022/79 (Cy. 28) ac O.S. 2022/764 (Cy. 166). Mae offerynnau diwygio eraill ond nid yw’r un ohonynt yn berthnasol.