Rheoliadau Ardrethu Annomestig (Newid Rhestrau ac Apelau) (Cymru) 2023

Offerynnau Statudol Cymru

2023 Rhif 350 (Cy. 51)

Ardrethu A Phrisio, Cymru

Rheoliadau Ardrethu Annomestig (Newid Rhestrau ac Apelau) (Cymru) 2023

Gwnaed

22 Mawrth 2023

Yn dod i rym

1 Ebrill 2023

Mae Gweinidogion Cymru yn gwneud y Rheoliadau a ganlyn drwy arfer y pwerau a roddir gan adrannau 42(5), 53(5), 55(2) i (6) a (7A), 143(1) a (2), paragraff 2(6A) o Atodlen 6, paragraffau 10 i 12 o Atodlen 7A, paragraff 6(1A) o Atodlen 9 a pharagraffau 1, 4, 5(1)(a), (b) ac (g), 6(1)(g), 7A, 8, 11, 12, 15 ac 16 o Atodlen 11 i Ddeddf Cyllid Llywodraeth Leol 1988(1) ac a freiniwyd bellach ynddynt hwy(2).

Gosodwyd drafft o’r offeryn hwn gerbron Senedd Cymru ac fe’i cymeradwywyd ganddi drwy benderfyniad yn unol ag adran 143(3E)(b) o’r Ddeddf.

(1)

1988 p. 41. Mewnosodwyd adran 55(7A), Atodlen 7A a pharagraff 6(1A) o Atodlen 9 gan adran 139 o Ddeddf Llywodraeth Leol a Thai 1989 (p. 42) a pharagraffau 30(5), 40 a 47(3) o Atodlen 5 iddi. Mewnosodwyd paragraff 2(6A) o Atodlen 6 gan Ddeddf Llywodraeth Leol a Thai 1989 ac fe’i hamnewidiwyd gan baragraff 4 o Atodlen 10 i Ddeddf Cyllid Llywodraeth Leol 1992 (p. 14). Mewnosodwyd adrannau 55(4A), (4B) a (5A) gan adrannau 32(2) a 32(3) o Ddeddf Menter 2016 (p. 12). Gweler y diffiniad o “prescribed” yn adran 146(6).

(2)

Trosglwyddwyd swyddogaethau’r Ysgrifennydd Gwladol, i’r graddau y maent yn arferadwy o ran Cymru, i Gynulliad Cenedlaethol Cymru yn rhinwedd erthygl 2(1) o Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672). Mae’r swyddogaethau hynny bellach yn arferadwy gan Weinidogion Cymru yn rhinwedd adran 162 o Ddeddf Llywodraeth Cymru 2006 (p. 32) a pharagraff 30 o Atodlen 11 iddi.