Adran 19: Adroddiad blynyddol
36.Mae’r adran hon yn ei gwneud yn ofynnol i’r Comisiynydd gyflwyno adroddiad blynyddol i’r Cynulliad. Caiff y Cynulliad roi cyfarwyddiadau ar ffurf yr adroddiad a natur y wybodaeth y mae’n rhaid ei chynnwys ynddo ond mae’n rhaid beth bynnag i’r adroddiad gynnwys gwybodaeth am faterion ariannol y swydd (gweler hefyd baragraff 7 o’r Atodlen isod). Rhaid i’r Comisiynydd hefyd gydymffurfio, os yw’n rhesymol ymarferol iddo wneud hynny, ag unrhyw ofyniad gan y Pwyllgor Safonau Ymddygiad i fod yn bresennol gerbron y Pwyllgor a rhoi gwybodaeth am y materion y mae’n ofynnol eu cynnwys yn yr adroddiad blynyddol.
