(Nid yw'r nodyn hwn yn rhan o'r Rheoliadau)
Mae'r Rheoliadau hyn, sy'n gymwys i Gymru, yn diwygio Rheoliadau'r Gronfa Ddata Gwartheg 1998 (O.S. 1998/1796) i'r graddau y maent yn ymwneud â'r cyfnod y mae'n rhaid i geidwad roi hysbysiad i Gynulliad Cenedlaethol Cymru am symudiad gwartheg.
Effaith y diwygiad sy'n cael ei wneud gan y Rheoliadau yw lleihau'r cyfnod y mae'n rhaid hysbysu'r Cynulliad Cenedlaethol ynddo drwy'r post neu drwy ddull electronig am symudiad anifeiliaid o saith diwrnod i dri (rheoliad 2). Mae hyn yn unol â gofynion ail indent Erthygl 7.1 o Reoliad (EC) Rhif 1760/2000 sy'n sefydlu system ar gyfer adnabod a chofrestru anifeiliaid buchol (OJ Rhif L204, 11.8.2000, t. 1).
Nid oes arfarniad rheoliadol wedi cael ei baratoi ar gyfer y Rheoliadau hyn.