Rheoliadau Dŵr Mwynol Naturiol, Dŵr Ffynnon a Dŵr Yfed wedi’i Botelu (Cymru) 2015

Rheoliadau 14(1)(d) a 19

ATODLEN 7 LL+C Gofynion ar gyfer dŵr wedi’i botelu a’i labelu’n “spring water” neu “dŵr ffynnon” a dŵr yfed wedi’i botelu gan gynnwys crynodiadau neu werthoedd a ragnodwyd o’r paramedrau

RHAN 1 LL+C Gofynion ar gyfer dŵr wedi’i botelu a’i labelu’n “spring water” neu “dŵr ffynnon” a dŵr yfed wedi’i botelu

1.   Mae dŵr yn bodloni gofynion yr Atodlen hon— LL+C

(a) os nad yw’r dŵr yn cynnwys unrhyw ficro-organebau (heblaw paramedr) neu barasit, neu unrhyw briodwedd, elfen neu sylwedd (heblaw paramedr) mewn crynodiad neu werth a fyddai’n golygu perygl posibl i iechyd dynol;

(b) os nad yw’r dŵr yn cynnwys unrhyw sylwedd (p’un a ydyw’n baramedr ai peidio) ar grynodiad neu werth a fyddai, ar y cyd ag unrhyw briodwedd, elfen, sylwedd neu organeb arall y mae’n eu cynnwys (p’un a ydyw’n baramedr ai peidio), yn golygu perygl posibl i iechyd dynol; ac

(c) os nad yw’r dŵr yn cynnwys crynodiadau neu werthoedd o unrhyw rai o’r paramedrau a restrir yn y tablau yn Rhan 2, Rhan 3 a Rhan 4 o’r Atodlen hon yn fwy na’r crynodiadau neu werthoedd a ragnodwyd.

Gwybodaeth Cychwyn

I1 Atod. 7 para. 1 mewn grym ar 28.11.2015, gweler rhl. 1(2)

2.   Rhaid darllen crynodiadau neu werthoedd y paramedrau a restrir yn y tablau yn Rhan 2, Rhan 3 a Rhan 4 o’r Atodlen hon ar y cyd â’r nodiadau ar y tablau hynny. LL+C

Gwybodaeth Cychwyn

I2 Atod. 7 para. 2 mewn grym ar 28.11.2015, gweler rhl. 1(2)

RHAN 2 LL+C Gwerthoedd paramedrig ar gyfer paramedrau microbiolegol a chemegol

Gwybodaeth Cychwyn

I3 Atod. 7 Rhn. 2 mewn grym ar 28.11.2015, gweler rhl. 1(2)

Tabl A: Paramedrau Microbiolegol

Eitem	Paramedr	Unedau Mesur	Crynodiad neu Werth Mwyaf
(1) Dylid mesur y cyfanswm cyfrif cytref hyfyw o fewn 12 awr ar ôl potelu, gan gadw’r sampl dŵr ar dymheredd cyson yn ystod y cyfnod hwnnw o 12 awr. Ni ddylai unrhyw gynnydd yng nghyfanswm cyfrif cytref hyfyw’r dŵr rhwng y 12 awr ar ôl ei botelu ac adeg y gwerthu fod yn fwy na’r hyn a ddisgwylir yn arferol.
(2) Mewn 72 awr ar agar-agar neu gymysgedd o agar-gelatin.
(3) Mewn 24 awr ar agar-agar.
1.	Escherichia coli (E coli)	nifer/250 ml	0/250 ml
2.	Enterococi	nifer/250 ml	0/250 ml
3.	Pseudomonas aeruginosa	nifer/250ml	0/250 ml
4.	Cyfrif cytref 22ºC	nifer/ml	100/ml (1) (2)
5.	Cyfrif cytref 37ºC	nifer/ml	20/ml(1) (3)

Tabl B: Paramedrau Cemegol

Eitem	Paramedr	Unedau Mesur	Crynodiad neu Werth Mwyaf
(1) Mae’r gwerth paramedrig yn cyfeirio at y crynodiad monomer gweddilliol yn y dŵr fel y’i cyfrifir yn unol â manylebau mwyafswm y gollyngiad o’r polymer cyfatebol sydd mewn cyffyrddiad â’r dŵr.
(2) Rhaid i grynodiad (mg/l) nitrad wedi’i rannu â 50 a ychwanegir i grynodiad (mg/l) o nitrid wedi’i rannu â 3 beidio â bod yn fwy nag 1.
(3) Ystyr “Plaleiddiad” yw:
– pryfleiddiad organig,
– chwynleiddiad organig,
– ffyngleiddiad organig,
– nematoleiddiad organig,
– gwiddonleiddiaid organig,
– algaleiddiaid organig,
– llygodleiddiaid organig,
– llysnafeddleiddiaid organig, a
– cynhyrchion perthynol (inter alia, rheoleiddwyr tyfiant) a’u metabolion, eu cynnyrch diraddio ac adweithio perthnasol.
Dim ond y plaleiddiaid hynny sy’n debygol o fod yn bresennol mewn dŵr penodol sydd angen eu monitro.
(4) Mae mwyafswm crynodiad yn gymwys i bob plaleiddiad unigol. Yn achos aldrin, deueldrin, heptaclor a heptaclor epocsid mwyafswm y crynodiad yw 0.030 μg/l.
(5) Mae mwyafswm y crynodiad ar gyfer “cyfanswm y sylweddau” yn cyfeirio at swm y crynodiadau o bob plaleiddiad unigol a ganfyddir ac a feintolir yn y weithdrefn fonitro.
(6) Y cyfansoddion penodedig yw benso(b)fflworanthen, benso(k)fflworanthen, benso(ghi)perylen, indeno(1.2,3-cd) pyren.
(7) Mae’r crynodiad mwyaf a bennir yn gymwys i swm crynodiadau’r paramedrau penodedig.
1.	Acrylamid	µg/l	0.10 (1)
2.	Antimoni	µg Sb/l	5
3.	Arsenig	µg As/l	10
4.	Bensen	µg/l	1.0
5.	Benso (a) pyren	µg/l	0.010
6.	Boron	mg/l	1.0
7.	Bromad	µg/l BrO3/l	10
8.	Cadmiwm	µg Cd/l	5
9.	Cromiwm	µg Cr/l	50
10.	Copr	mg Cu/l	2
11.	Cyanid	µg CN/l	50
12.	1,2-dicloroethan	µg/l	3.0
13.	Epicolorohydrin	µg/l	0.10 (1)
14.	Fflworid	mg F/l	1.5
15.	Plwm	µg Pb/l	10
16.	Mercwri	µg Hg/l	1
17.	Nicel	µg Ni/l	20
18.	Nitrad	mg NO3/l	50 (2)
19.	Nitrid	mg NO2/l	0.5 (2)
20.	Plaleiddiaid a chynhyrchion perthynol:
	- sylweddau unigol	µg/l	0.10 (3) (4)
	- cyfanswm y sylweddau	µg/l	0.50 (3) (5)
21.	Hydrocarbonau aromatig polysyclig	µg/l	0.1 swm crynodiadau cyfansoddion penodedig (6)
22.	Seleniwm	µg Se/l	10
23.	Tetracloroethen a Thricloroethen	µg/l	10 (7)
24.	Tricloromethen, Dicolrorbromomethan, Dibromocolromethan a Thribromomethan	µg/l	100 (7)
25.	Finyl clorid	µg/l	0.50 (1)

RHAN 3 LL+C Gwerthoedd paramedrig ar gyfer paramedrau dangosol

Gwybodaeth Cychwyn

I4 Atod. 7 Rhn. 3 mewn grym ar 28.11.2015, gweler rhl. 1(2)

Tabl C: Paramedrau Dangosol

Eitem	Paramedr	Unedau Mesur	Crynodiad neu Werth Mwyaf
(1) Rhaid i’r dŵr beidio bod yn ffyrnig.
(2) Dim ond yn angenrheidiol os yw’r dŵr yn deillio o ddŵr arwyneb neu’n cael ei ddylanwadu gan ddŵr arwyneb.
(3) Nid oes angen mesur y paramedr hwn os yw Cyfanswm Carbon Organig y paramedr yn cael ei ddadansoddi.
(4) Nid oes angen mesur y paramedr hwn ar gyfer cyflenwadau o lai na 10,000m3 y dydd.
1.	Alwminiwm	µg/l	200
2.	Amoniwm	mg/l	0.50
3.	Clorid	mg/l	250 (1)
4.	Clostridium perfringens (gan gynnwys sborau)	nifer/100ml	0 (2)
5.	Lliw	graddfa Mg/1 Pt/Co	20
6.	Dargludedd	µS cm-1 ar 20°C	2500 (1)
7.	Crynodiad ïonau hydrogen	unedau pH	4.5 (lleiaf) 9.5 (mwyaf) (1)
8.	Haearn	µg/l	200
9.	Manganîs	µg/l	50
10.	Arogl	Rhif gwanediad	3 at 25°C
11.	Ocsidioldeb	mg/l O2	5 (3)
12.	Sylffad	mg/l	250 (1)
13.	Sodiwm	mg/l	200
14.	Blas	Rhif gwanediad	3 ar 25°C
15.	Cyfrif cytref 22°C	Dim newid annormal
16.	Bacteria Colifform	nifer/250ml	0
17.	Cyfanswm Carbon Organig	Dim newid annormal	(4)
18.	Cymylogrwydd	Derbyniol i ddefnyddwyr a dim newid annormal

RHAN 4 LL+C Gwerthoedd paramedrig ar gyfer radon, tritiwm a dogn dangosiadol (ID)

Gwybodaeth Cychwyn

I5 Atod. 7 Rhn. 4 mewn grym ar 28.11.2015, gweler rhl. 1(2)

Tabl D:

Eitem	Paramedr	Uned Fesur	Crynodiad neu Werth Mwyaf
(1) Bernir bod cyfiawnhad i gamau adferol ar sail diogelwch radiolegol, heb ystyriaeth bellach, pan fo crynodiadau radon yn fwy na 1000 Bq/l.
(2) Gallai lefelau ymgodol o dritiwm ddangos presenoldeb radioniwclidau artiffisial eraill. Os bydd y crynodiad tritiwm yn uwch na’i werth paramedrig, bydd dadansoddiad o bresenoldeb radioniwclidau artiffisial eraill yn ofynnol.
1.	Radon	Bq/l	100 (1)
2.	Tritiwm	Bq/l	100 (2)
3.	Dogn Dangosiadol	mSv	0.10