Mesur Dysgu a Sgiliau (Cymru) 2009

RHAN 4 LL+C Amrywiol ac atodol

46 Rheoliadau sy'n gysylltiedig â gweithredu'r cwricwlwm lleol LL+C

(1) Os yw Gweinidogion Cymru o'r farn a grybwyllir yn is-adran (2), cânt wneud darpariaeth drwy reoliadau, at ddibenion penodedig deddfiad, ynghylch yr amgylchiadau—

(a) pan fo, neu pan na fo, person i'w ystyried—

(i) yn un y mae addysg yn cael ei darparu ar ei gyfer mewn ysgol;

(ii) yn ddisgybl ofrestredig ysgol neu riant cofrestredig disgybl o'r fath;

(iii) yn un sydd mewn ysgol;

(iv) yn un sy'n mynychu ysgol neu'n bresennol ynddi;

(v) yn un sy'n cael addysg mewn ysgol;

(vi) yn un sy'n astudio, neu'n bwriadu astudio, mewn ysgol;

(vii) yn un sy'n cael ei dderbyn i ysgol neu y gwrthodwyd ei dderbyn i ysgol;

(viii) yn un sy'n gwneud cais i gael ei dderbyn i ysgol, yn cynnig derbyn person i ysgol, yn derbyn neu'n gwrthod derbyn cais person i gael ei dderbyn i ysgol neu'n penderfynu derbyniadau i ysgol;

(ix) yn un sydd wedi penderfynu ym mha ysgol y darperir addysg i blentyn;

(x) yn un y caniateir codi taliadau ar ei gyfer ynghylch cael ei dderbyn i ysgol a gynhelir.

(b) pan fo, neu pan na fo, trefniadau ar gyfer darparu addysg ar ran ysgol i'w hystyried yn drefniadau derbyn;

(c) pan fo, neu pan na fo, trefniadau ar gyfer galluogi mynegi dymuniadau ynghylch ym mha ysgol y mae'r person sy'n mynegi'r dymuniad yn dymuno y darperir addysg ar ei gyfer ei hun neu ar gyfer person arall yn gymwys;

(d) pan fo, neu pan na fo, person i'w ystyried—

(i) yn un sy'n cael addysg neu hyfforddiant mewn sefydliad yn y sector addysg bellach;

(ii) yn un sy'n mynychu'r sefydliad hwnnw, neu'n bresennol ynddo;

(iii) yn fyfyriwr y sefydliad hwnnw, neu'n fyfyriwr sydd ynddo;

(iv) yn un sy'n astudio, neu'n bwriadu astudio, yn y sefydliad hwnnw;

(v) yn un sy'n gwneud cais i gael ei dderbyn i'r sefydliad hwnnw, yn cynnig derbyn person i'r sefydliad hwnnw, yn derbyn neu'n gwrthod derbyn cais person i gael ei dderbyn i'r sefydliad hwnnw, yn dethol person i gael ei dderbyn i'r sefydliad hwnnw neu'n penderfynu derbyniadau i'r sefydliad hwnnw;

(vi) mewn perthynas â'r sefydliad hwnnw, yn berson anabl.

(2) Y farn yw bod y ddarpariaeth yn angenrheidiol, yn ddymunol neu'n hwylus mewn cysylltiad â gweithredu'r diwygiadau a wnaed i Ddeddf Addysg 2002 (p. 32) a Deddf Dysgu a Medrau 2000 (p. 21) gan [F1 Ran 2] o'r Mesur hwn.

(3) Mae'r dibenion y caniateir eu pennu o dan is-adran (1) yn cynnwys y rhai sy'n ymwneud â gwneud rheoliadau neu orchymyn o dan ddeddfiad.

(4) Yn yr adran hon mae “deddfiad” yn cynnwys deddfiad—

(a) sydd wedi'i gynnwys yn y Mesur hwn; neu

(b) sydd wedi'i gynnwys mewn Deddf Seneddol neu un o Fesurau Cynulliad Cenedlaethol Cymru a gaiff ei basio ar ôl pasio'r Mesur hwn.

Diwygiadau Testunol

F1 Geiriau yn a. 46(2) wedi eu hamnewid (30.4.2021) gan Deddf Cwricwlwm ac Asesu (Cymru) 2021 (asc 4), a. 84(1), Atod. 2 para. 58 (ynghyd â savings ac transitional provisions in O.S. 2022/111, rhlau. 1, 3)

Gwybodaeth Cychwyn

I1 A. 46 mewn grym ar 13.7.2009, gweler a. 49(1)

47 Mân ddiwygiadau a diwygiadau canlyniadol LL+C

Mae'r Atodlen yn cynnwys mân ddiwygiadau a diwygiadau canlyniadol.

Gwybodaeth Cychwyn

I2 A. 47 ddim mewn grym ar Gymeradwyaeth Frenhinol, gweler a. 49

I3 A. 47 mewn grym ar 7.12.2009 at ddibenion penodedig gan O.S. 2009/3174, ergl. 2(1)(q)

I4 A. 47 mewn grym ar 19.1.2011 i'r graddau nad yw eisoes mewn grym gan O.S. 2011/97, ergl. 2(1)(o)

48 Gorchmynion a rheoliadau LL+C

(1) Mae unrhyw bŵer sydd gan Weinidogion Cymru i wneud rheoliadau neu orchymyn o dan y Mesur hwn yn arferadwy drwy offeryn statudol.

(2) Mae unrhyw bŵer o'r fath yn cynnwys pŵer—

(a) i wneud darpariaeth wahanol ar gyfer achosion gwahanol;

(b) i wneud darpariaeth yn gyffredinol neu mewn perthynas ag achosion penodol;

(c) i wneud y cyfryw ddarpariaeth gysylltiedig, darpariaeth atodol, darpariaeth drosiannol neu'r cyfryw ddarpariaeth arbed ag y gwêl Gweinidogion Cymru'n dda ei gwneud.

(3) Mae unrhyw offeryn statudol sy'n cynnwys rheoliadau a wneir o dan y Mesur hwn yn ddarostyngedig i gael ei ddiddymu yn unol â phenderfyniad gan Gynulliad Cenedlaethol Cymru.

Gwybodaeth Cychwyn

I5 A. 48 mewn grym ar 13.7.2009, gweler a. 49(1)

49 Cychwyn LL+C

(1) Daw adrannau 46, 48, 50 a'r adran hon i rym ar ddiwedd cyfnod o ddau fis sy'n dechrau ar y diwrnod y cymeradwyir y Mesur hwn gan Ei Mawrhydi yn Ei Chyngor.

(2) Daw gweddill darpariaethau'r Mesur hwn i rym ar y diwrnod y bydd Gweinidogion Cymru yn ei bennu drwy orchymyn. Caniateir i ddiwrnodau gwahanol gael eu pennu at ddibenion gwahanol.

Gwybodaeth Cychwyn

I6 A. 49 mewn grym ar 13.7.2009, gweler a. 49(1)

50 Enw byr LL+C

Enw'r Mesur hwn yw Mesur Dysgu a Sgiliau (Cymru) 2009.

Gwybodaeth Cychwyn

I7 A. 50 mewn grym ar 13.7.2009, gweler a. 49(1)