Cylch gorchwylLL+C
2(1)Cyn cynnal ymchwiliad, rhaid i'r Comisiynydd baratoi cylch gorchwyl yr ymchwiliad.
(2)Rhaid i'r cylch gorchwyl bennu—
(a)y person yr ymchwilir iddo (“D”),
(b)y methiant a amheuir i gydymffurfio â gofyniad perthnasol.
(3)Cyn setlo'r cylch gorchwyl, rhaid i'r Comisiynydd—
(a) rhoi hysbysiad am y cylch gorchwyl arfaethedig—
(i)i D, a
(ii)i unrhyw berson arall a chanddo fuddiant,
(b)rhoi cyfle i bob person y rhoddir hysbysiad iddo ynghylch y cylch gorchwyl arfaethedig i wneud sylwadau ynghylch y cylch gorchwyl arfaethedig, ac
(c)ystyried unrhyw sylwadau a wneir.
(4)Ar ôl setlo'r cylch gorchwyl (ac yntau wedi cydymffurfio ag is-baragraff (3)), rhaid i'r Comisiynydd—
(a)cyhoeddi cylch gorchwyl yr ymchwiliad mewn modd sy'n debygol, yn nhyb y Comisiynydd, o ddwyn yr ymchwiliad i sylw personau y mae a wnelo'r ymchwiliad â hwy neu bersonau sy'n debygol o fod yn bersonau a chanddynt fuddiant ynddo, a
(b)hysbysu'r canlynol am y cylch gorchwyl—
(i)D, a
(ii)unrhyw berson arall a chanddo fuddiant.
(5)Mae'r paragraff hwn yn gymwys i unrhyw newid yn y cylch gorchwyl fel y byddai'r paragraff yn gymwys pe byddai'r newid yn y cylch gorchwyl yn gyfystyr â pharatoi'r cylch gorchwyl hwnnw.
Gwybodaeth Cychwyn
I1Atod. 10 para. 2 ddim mewn grym ar Cydsyniad Brenhinol gweler a. 156(2)
I2Atod. 10 para. 2 mewn grym ar 7.7.2015 gan O.S. 2015/1413, ergl. 3(h)