Rheoliadau Organeddau A Addaswyd Yn Enetig (Eu Gollwng Yn Fwriadol) (Cymru) 2002 No. 3188 (Cy. 304)

ATODLEN 1 LL+C YR WYBODAETH SYDD I'W CHYNNWYS MEWN CAIS AM [F1 uwchblanhigion a addaswyd yn enetig at ddibenion nad ydynt yn ymwneud â marchnata] NEU FARCHNATA UWCHBLANHIGION A ADDASWYD YN ENETIG

Diwygiadau Testunol

F1 Geiriau yn Atod. 1 pennawd wedi eu hamnewid (30.10.2019) gan Rheoliadau Organeddau a Addaswyd yn Enetig (Eu Gollwng yn Fwriadol) (Diwygio) (Cymru) 2019 (O.S. 2019/1316), rhlau. 1(2), 6(2)

Rhan IV LL+C GWYBODAETH SY'N YMWNEUD Å'R PLANHIGYN A ADDASWYD YN ENETIG

14.   Yr wybodaeth ganlynol am y dilyniannau a fewnroddwyd neu a ddilewyd: LL+C

(a) maint a strwythur y mewnosodiad a'r dulliau a ddefnyddiwyd ar gyfer ei nodweddiad, gan gynnwys gwybodaeth am unrhyw rannau o'r fector a gyflwynwyd i'r planhigyn a addaswyd yn enetig neu unrhyw gariwr neu DNA estron sy'n dal i fod yn y planhigyn a addaswyd yn enetig ,

(b) maint a swyddogaeth y rhanbarth neu'r rhanbarthau a ddilewyd,

(c) rhif copi y mewnosodiad, a

(ch) lleoliad neu leoliadau y mewnosodiad neu'r mewnosodiadau yng nghelloedd y planhigyn (p'un a ydyw wedi'i integreiddio yn y cromosom, y cloroplastau, y mitocondria, neu ar ffurf anintegredig) a'r dulliau ar gyfer ei benderfynu.

Gwybodaeth Cychwyn

I1 Atod. 1 para. 14 mewn grym ar 31.12.2002, gweler rhl. 1(1)