Rheoliadau Enseffalopathïau Sbyngffurf Trosglwyddadwy (Cymru) 2006

Eithriadau

3.   Nid yw paragraffau 1(2) a 2(5) yn gymwys mewn perthynas ag unrhyw beth sydd wedi ei gynnwys mewn–

(a) bwyd anifeiliaid anwes i'w fwydo i anifeiliaid anwes (gan gynnwys cwn gwaith) ar y safle hwnnw;

(b) gwrtaith organig neu ddeunydd gwella pridd sydd wedi ei gynhyrchu a'i ddefnyddio yn unol â Rheoliad (EC) Rhif 1774/2002 o Senedd Ewrop a'r Cyngor yn gosod rheolau iechyd ynglyn â sgil-gynhyrchion anifeiliaid nad ydynt wedi eu bwriadu i'w bwyta gan bobl(1)a'r Rheoliadau Sgil-gynhyrchion Anifeiliaid 2003(2) a pharagraff 18,

ar yr amod–

(a) nad yw'n cael ei fwydo i unrhyw anifeiliaid sy'n cael eu ffermio;

(b) nad yw'n cael ei storio neu ei drin mewn rhannau o'r safle lle –

(i) mae gan anifeiliaid sy'n cael eu ffermio fynediad atynt; neu

(ii) mae bwydydd anifeiliaid ar gyfer anifeiliaid sy'n cael eu ffermio yn cael eu storio neu eu trin;

(c) nad yw'n dod i gysylltiad â–

(i) bwydydd anifeiliaid y caniateir iddynt gael eu bwydo i anifeiliaid sy'n cael eu ffermio; neu

(ii) drin cyfarpar a ddefnyddir mewn cysylltiad ag unrhyw fwydydd anifeiliaid o'r fath; ac

(ch) nad yw anifeiliaid sy'n cael eu ffermio byth yn cael mynediad at fwydydd anifeiliaid anwes, ac nad ydynt yn cael mynediad at wrtaith organig neu ddeunydd gwella pridd hyd nes y bydd wedi cael ei ddefnyddio ar y tir a bod y cyfnod dim pori a nodir yn rheoliad 11 o Reoliadau Sgil-gynhyrchion Anifeiliaid 2003 wedi dod i ben.

(1)

OJ Rhif L165, 30.4.2004, tud.1.

(2)

OJ Rhif L139, 30.4.2004, tud.55.