Rheoliadau Sgil-gynhyrchion Anifeiliaid (Cymru) 2006

RHAN 6 LL+C Rhanddirymiadau

Yr awdurdod cymwys ar gyfer Pennod V o Reoliad y Gymuned LL+C

25.   Yr awdurdod cymwys at ddibenion Pennod V o Reoliad y Gymuned (rhanddirymiadau) fydd y Cynulliad Cenedlaethol.

Gwybodaeth Cychwyn

I1 Rhl. 25 mewn grym ar 12.5.2006, gweler rhl. 1

Rhanddirymiadau'n ymwneud â defnyddio sgil-gynhyrchion anifeiliaid LL+C

26.—( 1) Caniateir defnyddio sgil-gynhyrchion anifeiliaid at ddibenion diagnostig, dibenion addysgol neu ddibenion ymchwil os yw hynny'n unol ag awdurdodiad.

(2) Caniateir defnyddio sgil-gynhyrchion anifeiliaid ar gyfer tacsidermi–

(a) os yw'n unol ag awdurdodiad; a

(b) os yw mewn gwaith technegol a gymeradwywyd.

(3) Caniateir rhoi sgil-gynhyrchion anifeiliaid a bennir yn Erthygl 23(2)(b) o Reoliad y Gymuned yn fwyd i–

(a) anifeiliaid sw;

(b) anifeiliaid syrcas;

(c) ymlusgiaid ac adar ysglyfaethus ac eithrio anifeiliaid sw neu syrcas;

(ch) cŵ n o gynelau cydnabyddedig neu i heidiau cydnabyddedig o gŵ n hela; neu

(d) cynrhon ar gyfer abwyd pysgota,

os yw'n unol ag awdurdodiad.

(4) Mae'r Cynulliad Cenedlaethol i gynnal cofrestr o fangreoedd a awdurdodir ar gyfer rhoi sgil-gynhyrchion anifeiliaid o'r fath yn fwyd i anifeiliaid sw neu syrcas, cwn o gynelau cydnabyddedig neu i heidiau cydnabyddedig o gwn hela a chynrhon ar gyfer abwyd pysgota.

(5) Mae'r gofrestr yn y paragraff blaenorol i gynnwys yr wybodaeth ganlynol–

(a) enw'r gweithredydd;

(b) cyfeiriad y fangre; ac

(c) y busnes sy'n cael ei redeg yn y fangre.

(6) Yn y rheoliad hwn ac yn y rheoliad canlynol ystyr “sw” yw mangre sydd naill ai wedi'i chofrestru o dan Ddeddf Trwyddedu Sŵau 1981(1) neu fangre y mae'r Cynulliad Cenedlaethol wedi rhoi gollyngiad iddi o dan adran 14 o'r Ddeddf honno.

(7) Bydd unrhyw berson sy'n defnyddio sgil-gynhyrchion anifeiliaid at unrhyw un o'r dibenion yn y rheoliad hwn ac eithrio yn unol ag awdurdodiad yn euog o dramgwydd.

Gwybodaeth Cychwyn

I2 Rhl. 26 mewn grym ar 12.5.2006, gweler rhl. 1

Canolfannau casglu LL+C

27.—( 1) At ddibenion Erthygl 23(2) o Reoliad y Gymuned, ni chaiff unrhyw berson weithredu canolfan gasglu at ddibenion bwydo sgil-gynhyrchion anifeiliaid–

(a) i gwn o gynelau cydnabyddedig neu i heidiau cydnabyddedig o gŵ n hela; neu

(b) i gynrhon ar gyfer abwyd pysgota;

onid yw'r fangre a gweithredydd y fangre wedi'u hawdurdodi.

(2) Ni chaiff unrhyw berson weithredu unrhyw fangre lle y cesglir sgil-gynhyrchion anifeiliaid a lle y cânt eu trin ar gyfer eu rhoi yn fwyd i anifeiliaid sw neu syrcas mewn mangreoedd eraill onid yw'r fangre lle y cesglir y sgil-gynhyrchion hynny a lle y cânt eu trin a gweithredydd y fangre honno wedi'u hawdurdodi.

(3) Rhaid i weithredydd mangreoedd a awdurdodwyd o dan y rheoliad hwn gynnal a gweithredu'r fangre'n unol ag–

(a) yr amodau sy'n gymwys i ganolfan gasglu yn Atodiad IX i Reoliad y Gymuned;

(b) amodau'r awdurdodiad; ac

(c) holl ofynion perthnasol eraill Rheoliad y Gymuned a'r Rheoliadau hyn.

(4) Rhaid iddynt hefyd sicrhau bod unrhyw berson a gyflogir yn y fangre, neu a wahoddir i'r fangre, yn cydymffurfio â'r amodau a'r gofynion hynny.

(5) Bydd unrhyw berson sy'n methu cydymffurfio ag unrhyw un o ddarpariaethau'r rheoliad hwn yn euog o dramgwydd.

Gwybodaeth Cychwyn

I3 Rhl. 27 mewn grym ar 12.5.2006, gweler rhl. 1

Claddu anifeiliaid anwes LL+C

28.   Yn unol ag Erthygl 24(1)(a) o Reoliad y Gymuned, caniateir i anifeiliaid anwes sydd wedi trigo gael eu claddu.

Gwybodaeth Cychwyn

I4 Rhl. 28 mewn grym ar 12.5.2006, gweler rhl. 1

Ardaloedd pellennig LL+C

29.—( 1) Dim ond Ynys Enlli ac Ynys Bur sy'n ardaloedd pellennig at ddibenion Erthygl 24(1)(b) o Reoliad y Gymuned ac yn unol â hynny caniateir gwaredu'r sgil-gynhyrchion anifeiliaid y cyfeirir atynt yn yr is-baragraff hwnnw ac sy'n tarddu o'r ardaloedd hynny drwy eu llosgi neu eu claddu yn y fangre ar yr amod y gwneir hyn yn unol â Rhan C o Atodiad II i Reoliad y Comisiwn (EC) Rhif 811/2003(2).

(2) Yr awdurdod cymwys at ddibenion Erthygl 7 o Reoliad y Comisiwn (EC) Rhif 811/2003 a rhan C o Atodiad II iddo yw'r Cynulliad Cenedlaethol.

Gwybodaeth Cychwyn

I5 Rhl. 29 mewn grym ar 12.5.2006, gweler rhl. 1

Claddu yn achos brigiad clefyd LL+C

30.—( 1) Yn unol ag Erthygl 24(1)(c) o Reoliad y Gymuned, os oes brigiad clefyd sydd wedi'i grybwyll yn Rhestr A o Swyddfa Ryngwladol Clefydau Episootig, ni fydd yn dramgwydd o dan y Rheoliadau hyn i sgil-gynhyrchion anifeiliaid gael eu gwaredu fel gwastraff drwy eu llosgi neu eu claddu yn y fangre (fel y diffinnir “burning or burial on site”yn Rhan A o Atodiad II i Reoliad y Comisiwn (EC) Rhif 811/2003) os yw'r sgil-gynnyrch anifeiliaid yn cael ei gludo, a'i gladdu neu ei losgi, yn unol–

(a) â hysbysiad a roddir gan y Cynulliad Cenedlaethol o dan Erthygl 24(1)(c) sy'n awdurdodi gwaredu yn unol â'r ddarpariaeth honno; a

(b) â darpariaethau Erthygl 6 o Reoliad y Comisiwn EC Rhif 811/2003 a Rhan B o Atodiad II iddo.

(2) Yr awdurdod cymwys at ddibenion Erthygl 6 o Reoliad y Comisiwn (EC) Rhif 811/2003 a Rhan B o Atodiad II iddo yw'r Cynulliad Cenedlaethol.

Gwybodaeth Cychwyn

I6 Rhl. 30 mewn grym ar 12.5.2006, gweler rhl. 1

Llosgi a chladdu gwenyn a chynhyrchion gwenyna LL+C

31.   Yn unol ag Erthygl 8 o Reoliad y Comisiwn (EC) Rhif 811/2003, caniateir gwaredu gwenyn a chynhyrchion gwenyna Categori 2 drwy eu claddu neu eu llosgi yn y fangre os yw hynny'n cael ei wneud yn unol â'r Erthygl honno.

Gwybodaeth Cychwyn

I7 Rhl. 31 mewn grym ar 12.5.2006, gweler rhl. 1

(1)

1981 p.37.

(2)

OJ Rhif L117, 13.5.2003, t.14.