xmlns:atom="http://www.w3.org/2005/Atom"

Offerynnau Statudol Cymru

2006 Rhif 1660 (Cy.159) (C.56)

ADDYSG, CYMRU

Gorchymyn Deddf Addysg Uwch 2004 (Cychwyn Rhif 2 a Darpariaeth Drosiannol) (Cymru) (Diwygio) 2006

Wedi'i wneud

21 Mehefin 2006

Mae Cynulliad Cenedlaethol Cymru, drwy arfer y pwerau a roddwyd iddo gan adrannau 47(5), 52(3), (4) a (6) o Ddeddf Addysg Uwch 2004(1) gyda chytundeb yr Ysgrifennydd Gwladol (2), drwy hyn yn gwneud y Gorchymyn a ganlyn:

Enwi, cymhwyso a dehongli

1.  Enw'r Gorchymyn hwn yw Gorchymyn Deddf Addysg Uwch 2004 (Cychwyn Rhif 2 a Darpariaeth Drosiannol) (Cymru) (Diwygio) 2006.

Diwygio'r Gorchymyn

2.  Mae Gorchymyn Deddf Addysg Uwch 2004 (Cychwyn Rhif 2 a Darpariaeth Drosiannol) (Cymru) 2005(3)yn cael ei ddiwygio fel a ganlyn:

Yn lle erthygl 5 rhodder yr erthyglau canlynol—

“5.  Daw adran 44(4) i rym ar 23 Mehefin 2006.

5A.  Daw adran 44(3) i rym ar 1 Medi 2006.”.

Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998(4).

D. Elis-Thomas

Llywydd y Cynulliad Cenedlaethol

23 Mehefin 2006

Nodyn Esboniadol

(Nid yw'r nodyn hwn yn rhan o'r Gorchymyn)

Mae'r Gorchymyn hwn yn diwygio Gorchymyn Deddf Addysg Uwch 2004 (Cychwyn Rhif 2 a Darpariaeth Drosiannol) 2005 (“Gorchymyn Rhif 2”) drwy roi dyddiad dod i rym newydd ar gyfer adran 44(4) o Ddeddf Addysg 2004 (sy'n trosglwyddo i'r Cynulliad Cenedlaethol bŵer yr Ysgrifennydd Gwladol o dan adran 23 o Ddeddf Addysgu ac Addysg Uwch 1998 i drosglwyddo neu ddirprwyo swyddogaethau cymorth myfyrwyr o dan reoliadau a wneir o dan adran 22 o'r Ddeddf honno).

Bydd yr is-adran honno, a oedd i ddod i rym ar 1 Medi 2006 o dan Orchymyn Rhif 2, yn awr yn dod i rym ar 23 Mehefin 2006.

(2)

Fel sy'n ofynnol gan Ddeddf Addysg Uwch 2004, adran 52 (4).