RHAN 7LL+CCynhyrchion a Fwriedir ar gyfer Warysau neu Storfeydd Llongau neu Gyfryngau Cludo Mordwyol Trawsffiniol
Cymhwyso Rhan 7LL+C
44. Mae'r Rhan hon yn gymwys i gynhyrchion y mae eu sefydliad cyrchfan—
(a)yn warws mewn parth rhydd, warws rydd neu warws dollau, sydd wedi'i lleoli yn nhiriogaeth dollau'r Gymuned;
(b)yn storfa long sy'n cydymffurfio ag Erthygl 13 o Gyfarwyddeb 97/78/EC sydd wedi'i lleoli y tu allan i'r Deyrnas Unedig; neu
(c)yn gyfrwng cludo mordwyol trawsffiniol.
Gwybodaeth Cychwyn
I1Rhl. 44 mewn grym ar 14.2.2007, gweler rhl. 1(2)
Gwybodaeth ychwanegol sydd i'w rhoi ymlaen llawLL+C
45.—(1) Ni chaiff neb gyflwyno cynnyrch y mae'r Rhan hon yn gymwys iddo i Gymru, na rhoi cynnyrch o'r fath gerbron mewn safle arolygu ar y ffin ar gyfer cyrchfan yng Nghymru, oni bai bod y milfeddyg swyddogol y rhoddwyd hysbysiad iddo, yn unol â rheoliad 17, o gyflwyno neu o roi'r cynnyrch gerbron, wedi'i hysbysu—
(a)a oes bwriad i fewnforio'r cynnyrch yn y pen draw;
(b)onid oes, a yw'n gynnyrch tramwy, neu'n gynnyrch y mae ei sefydliad cyrchfan yn gyfrwng cludo mordwyol trawsffiniol; ac
(c)sut bynnag, a yw'r cynnyrch yn cydymffurfio â'r amodau mewnforio.
(2) Rhaid i'r wybodaeth ym mharagraff (1) gael ei rhoi yn ysgrifenedig a chaniateir ei chynnwys yn yr hysbysiad o gyflwyno'r cynnyrch neu o'i roi gerbron a roddwyd yn unol â rheoliad 17.
Gwybodaeth Cychwyn
I2Rhl. 45 mewn grym ar 14.2.2007, gweler rhl. 1(2)
Gwiriad ffisegol o gynhyrchion nad ydynt yn cydymffurfioLL+C
46. Pan fo'r dogfennau gofynnol yn dangos bod cynnyrch y mae'r Rhan hon yn gymwys iddo yn gynnyrch nad yw'n cydymffurfio, dim ond os yw'r milfeddyg swyddogol o'r farn ei fod yn peri risg i iechyd anifeiliaid neu i iechyd y cyhoedd y mae angen i unrhyw berson, y mae'n ofynnol iddo o dan reoliad 18 ei roi i'r milfeddyg swyddogol wrth y safle arolygu ar y ffin, neu sicrhau ei fod yn cael ei roi iddo, ganiatáu i'r milfeddyg swyddogol, neu gynorthwyydd a benodwyd yn unol â rheoliad 6(1)(b) neu 6(2)(c) gyflawni gwiriad corfforol ar y cynnyrch.
Gwybodaeth Cychwyn
I3Rhl. 46 mewn grym ar 14.2.2007, gweler rhl. 1(2)
Gwahardd cynhyrchion nad ydynt yn cydymffurfio o warysauLL+C
47. Ni chaiff neb gyflwyno cynnyrch nad yw'n cydymffurfio i warws mewn parth rhydd, warws rydd na warws dollau yng Nghymru.
Gwybodaeth Cychwyn
I4Rhl. 47 mewn grym ar 14.2.2007, gweler rhl. 1(2)
Symud yn uniongyrchol i gyfrwng cludo mordwyol trawsffiniolLL+C
48. Ni chaiff neb symud cynnyrch y mae ei sefydliad cyrchfan yn gyfrwng cludo mordwyol trawsffiniol o'r safle arolygu ar y ffin lle cafodd ei gyflwyno ac eithrio yn uniongyrchol ac yn ddiymdroi i'r cyfrwng cludo mordwyol trawsffiniol hwnnw.
Gwybodaeth Cychwyn
I5Rhl. 48 mewn grym ar 14.2.2007, gweler rhl. 1(2)
Tystysgrif ychwanegol i fynd gyda chynhyrchion sydd ar gyfrwng cludo mordwyolLL+C
49.—(1) Rhaid i berson sy'n gyfrifol dros gynnyrch neu lwyth o gynhyrchion y mae ei sefydliad cyrchfan yn gyfrwng cludo mordwyol trawsffiniol, ac unrhyw gludydd sydd â gofal dros gynnyrch neu lwyth o'r fath am y tro, sicrhau bod y dystysgrif y cyfeirir ati yn Erthygl 13(2)(a) o Gyfarwyddeb 97/78/EC, sy'n gorfod bod yn seiliedig ar y patrwm yn yr Atodiad i Benderfyniad y Comisiwn 2000/571/EC(1), yn mynd gyda'r cynnyrch neu'r llwyth o'r safle arolygu ar y ffin yr anfonir ef ohono nes bod y cynnyrch yn cael ei draddodi ar fwrdd y cyfrwng cludo mordwyol.
(2) Pan gaiff y cynnyrch neu'r llwyth ei draddodi ar fwrdd y cyfrwng cludo mordwyol, rhaid i feistr y cyfrwng cludo mordwyol hwnnw, neu gynrychiolydd swyddogol y meistr, gadarnhau bod y cynnyrch neu'r llwyth wedi ei draddodi drwy adlofnodi'r dystysgrif y cyfeirir ati ym mharagraff (1) a'i dychwelyd cyn gynted ag y bo'n rhesymol ymarferol i'r milfeddyg swyddogol yn y safle arolygu ar y ffin y cafodd y cynnyrch neu'r llwyth ei anfon ohono (fel y dangosir ar y dystysgrif).
(3) Mae gofynion y rheoliad hwn yn gymwys yn ychwanegol at ofynion rheoliad 20 (sy'n ymwneud â'r ddogfen fynediad filfeddygol gyffredin).
Gwybodaeth Cychwyn
I6Rhl. 49 mewn grym ar 14.2.2007, gweler rhl. 1(2)
OJ Rhif . gorchymyn datblygu cyffredinol L240, 23.9.2000, t. 14.