Offerynnau Statudol Cymru
CYNLLUNIO GWLAD A THREF, CYMRU
Gwnaed
9 Awst 2009
Gosodwyd gerbron Cynulliad Cenedlaethol Cymru
11 Awst 2009
Yn dod i rym
1 Medi 2009
Mae Gweinidogion Cymru, drwy arfer y pwerau a roddwyd gan adrannau 59, 60, 61, a 333(7) o Ddeddf Cynllunio Gwlad a Thref 1990(1), yn gwneud y Gorchymyn a ganlyn:
1990 p.8; y mae iddi ddiwygiadau nad ydynt yn berthnasol i'r Gorchymyn hwn. Trosglwyddwyd swyddogaethau'r Ysgrifennydd Gwladol o dan adrannau 59, 60 a 61 a 333(7), i'r graddau y maent yn arferadwy o ran Cymru, i Gynulliad Cenedlaethol Cymru gan erthygl 2 o Orchymyn Cynulliad Cenedlaethol Cymru (Trosglwyddo Swyddogaethau) 1999, ac Atodlen 1 iddo (O.S. 1999/672): gweler y cofnod yn Atodlen 1 ar gyfer Deddf Cynllunio Gwlad a Thref 1990 (p.8) fel y'i hamnewidiwyd gan erthygl 4 o Orchymyn Cynulliad Cenedlaethol Cymru (Trosglwyddo Swyddogaethau) 2000 ac Atodlen 3 iddo (O.S. 2000/253). Trosglwyddwyd y swyddogaethau i Weinidogion Cymru gan adran 162 o Ddeddf Llywodraeth Cymru 2006 (p.32) a pharagraff 30 o Atodlen 11 iddi, a'r swyddogaethau hynny yn swyddogaethau Cynulliad perthnasol fel y'u diffinnir ym mharagraff 30(2).