- Latest available (Revised) - English
- Latest available (Revised) - Welsh
- Original (As made) - English
- Original (As made) - Welsh
This is the original version (as it was originally made). Dim ond ar ei ffurf wreiddiol y mae’r eitem hon o ddeddfwriaeth ar gael ar hyn o bryd.
Offerynnau Statudol Cymru
Y GWASANAETH IECHYD GWLADOL, CYMRU
Gwnaed
19 Mai 2010
Mae Gweinidogion Cymru, drwy arfer y pwerau a roddwyd gan adrannau 161(3) a (4) a 170(3) o Ddeddf Iechyd a Gofal Cymdeithasol 2008(1) yn gwneud y Gorchymyn a ganlyn:
1.—(1) Enw'r Gorchymyn hwn yw Gorchymyn Deddf Iechyd a Gofal Cymdeithasol 2008 (Cychwyn Rhif 3) (Cymru) 2010.
(2) Mae'r Gorchymyn hwn yn gymwys o ran Cymru.
2. 21 Mai 2010 yw'r diwrnod penodedig i ddarpariaethau canlynol Deddf Iechyd a Gofal Cymdeithasol 2008 ddod i rym—
(a)adran 140, i'r graddau y mae'n ymwneud â Rhan 2 o Atodlen 12;
(b)adran 166, i'r graddau y mae'n ymwneud â'r diddymiadau a grybwyllir ym mharagraff (ch);
(c)Rhan 2 o Atodlen 12; ac
(ch)y diddymiadau sydd wedi'u cynnwys yn Rhan 4 o Atodlen 15 sy'n ymwneud ag adrannau 174 i 176 o Ddeddf y Gwasanaeth Iechyd Gwladol (Cymru) 2006 ac Atodlen 8 iddi(2).
Edwina Hart
Y Gweinidog dros Iechyd a Gwasanaethau Cymdeithasol, un o Weinidogion Cymru
19 Mai 2010
(Nid yw'r nodyn hwn yn rhan o'r Gorchymyn)
Mae'r Gorchymyn hwn yn dwyn i rym ar 21 Mai 2010 ddarpariaethau Deddf Iechyd a Gofal Cymdeithasol 2008 (“y Ddeddf”) sy'n ymwneud â chyllido gwariant ar wasanaethau fferyllol cymunedol a ddarperir fel rhan o'r Gwasanaeth Iechyd Gwladol yng Nghymru. Dyma'r prif newidiadau: yn gyntaf, y bydd cyllid ar gyfer gwasanaethau fferyllol cymunedol a oedd gynt wedi ei ddal yn ganolog yn dod yn rhan o'r dyraniadau a roddir i Fyrddau Iechyd Lleol; ac yn ail, y rhoddir pwerau i Weinidogion Cymru i ddynodi unrhyw elfen o'r gydnabyddiaeth a delir gan Fyrddau Iechyd Lleol ar gyfer gwasanaethau fferyllol cymunedol ac nad yw'n elfen sydd i'w phriodoli i gost cyffuriau. Mecanwaith yw dynodiad sy'n caniatáu i Weinidogion Cymru reoli'r ffordd y dyrennir cyllido elfen ddynodedig rhwng Byrddau Iechyd Lleol.
Nodyn am y gorchmynion cychwyn blaenorol
Cafodd darpariaethau canlynol y Ddeddf eu dwyn i rym o ran Cymru gan orchmynion cychwyn a wnaed gan Weinidogion Cymru cyn dyddiad y Gorchymyn hwn.
Y ddarpariaeth | Y dyddiad cychwyn | O.S. rhif |
---|---|---|
a.148 | 19 Ebrill 2010 | 2010/989 (Cy.98) |
a.147 | 6 Ebrill 2009 | 2009/631 (Cy.57) |
a.166 (i'r graddau y mae'n ymwneud â Rhan 5 o Atodlen 15) | 6 Ebrill 2009 | 2009/631 (Cy.57) |
Atodlen 13 | 6 Ebrill 2009 | 2009/631 (Cy.57) |
Rhan 5 o Atodlen 15 | 6 Ebrill 2009 | 2009/631 (Cy.57) |
Latest Available (revised):The latest available updated version of the legislation incorporating changes made by subsequent legislation and applied by our editorial team. Changes we have not yet applied to the text, can be found in the ‘Changes to Legislation’ area. The revised version is currently only available in English.
Original (As Enacted or Made) - English: The original English language version of the legislation as it stood when it was enacted or made. No changes have been applied to the text.
Original (As Enacted or Made) - Welsh:The original Welsh language version of the legislation as it stood when it was enacted or made. No changes have been applied to the text.
Access essential accompanying documents and information for this legislation item from this tab. Dependent on the legislation item being viewed this may include:
Use this menu to access essential accompanying documents and information for this legislation item. Dependent on the legislation item being viewed this may include:
Click 'View More' or select 'More Resources' tab for additional information including: