Rheoliadau Cynllunio (Adeiladau Rhestredig ac Ardaloedd Cadwraeth) (Pennu’r Weithdrefn) (Cyfnod Rhagnodedig) (Cymru) 2014

Cyfnod rhagnodedig

2.—(1) Saith niwrnod gwaith o’r dyddiad perthnasol yw’r cyfnod rhagnodedig at ddibenion adran 88E(3) o Ddeddf 1990.

(2) Ym mharagraff (1)—

ystyr “diwrnod gwaith” (“working day”) yw diwrnod nad yw’n ddydd Sadwrn, yn ddydd Sul, yn Ŵyl y Banc nac yn ŵyl gyhoeddus arall yng Nghymru; ac

ystyr “y dyddiad perthnasol” (“the relevant date”) yw—

(a)

o ran atgyfeiriadau o dan adran 12(1) o Ddeddf 1990, y diwrnod y mae Gweinidogion Cymru yn cael hysbysiad o’r atgyfeiriad gan yr awdurdod cynllunio lleol;

(b)

o ran apêl o dan adran 20(2) o Ddeddf 1990, y diwrnod y mae Gweinidogion Cymru yn cael hysbysiad o’r apêl, ynghyd â’r dogfennau a bennir yn rheoliad 12(2) o Reoliadau Cynllunio (Adeiladau Rhestredig ac Ardaloedd Cadwraeth) (Cymru) 2012(3); ac

(c)

o ran apêl o dan adran 39(4) o Ddeddf 1990, y diwrnod y mae Gweinidogion Cymru yn cael hysbysiad o’r apêl a’r datganiad ysgrifenedig yn unol â rheoliad 5 o Reoliadau Cynllunio Gwlad a Thref (Hysbysiadau Gorfodi ac Apelau) (Cymru) 2003(5).

(1)

Mae diwygiadau i adran 12 o Ddeddf 1990 ond nid yw’r un ohonynt yn berthnasol i’r Rheoliadau hyn.

(2)

Diwygiwyd adran 20 o Ddeddf 1990 gan adran 43(4)(a) a (b) o Ddeddf Cynllunio a Phrynu Gorfodol 2004. Mae diwygiad arall ond nid yw’n berthnasol i’r Rheoliadau hyn.

(4)

Diwygiwyd adran 39 o Ddeddf 1990 gan adran 25 o Ddeddf Cynllunio a Digolledu 1991, a pharagraff 3(2), (3) a (4) o Atodlen 3 iddi; ac erthygl 7 o Orchymyn Cynllunio Gwlad a Thref (Cyfathrebu Electronig) (Rhif 1) 2004, O.S. 2004/3156. Mae diwygiadau eraill ond nid yw’r un ohonynt yn berthnasol i’r Rheoliadau hyn.