Rheoliadau Dŵr Mwynol Naturiol, Dŵr Ffynnon a Dŵr Yfed wedi’i Botelu (Cymru) 2015 No. 1867 (Cy. 274)

Please note that the date you requested in the address for this web page is not an actual date upon which a change occurred to this item of legislation. You are being shown the legislation from , which is the first date before then upon which a change was made.

ATODLEN 1 LL+C Cydnabod dŵr mwynol naturiol

RHAN 2 LL+C Dŵr mwynol naturiol a echdynnir o’r ddaear mewn gwlad heblaw Gwladwriaeth AEE

5.   Rhaid i berson sy’n ceisio cael cydnabyddiaeth ar gyfer dŵr a echdynnir o’r ddaear mewn gwlad heblaw Gwladwriaeth AEE yn ddŵr mwynol naturiol at ddibenion Erthygl 1 o Gyfarwyddeb 2009/54 wneud cais ysgrifenedig i’r Asiantaeth, gan roi’r wybodaeth ganlynol— LL+C

(a) y manylion a bennir ym mharagraff 10(a) o Ran 3;

(b) y wybodaeth a geir o ganlyniad i’r arolygon a’r dadansoddiad y gofynnir amdanynt o dan baragraff 10(b) ac (c), fel y’i darllenir gyda pharagraff 11, o Ran 3; ac

(c) tystiolaeth i ddangos nad yw’r dŵr yn cynnwys unrhyw sylwedd a restrir yn Rhan 1 o Atodlen 5 ar lefel sy’n fwy na’r terfyn uchaf a bennir o ran y sylwedd hwnnw yn yr Atodlen honno.

Gwybodaeth Cychwyn

I1 Atod. 1 para. 5 mewn grym ar 28.11.2015, gweler rhl. 1(2)

6.   Pan fydd yn ofynnol rhoi gwybodaeth ar yr anionau, catïonau, cyfansoddion sydd heb eu hïoneiddio ac yr elfennau hybrin yn unol â pharagraff 5(b), rhaid mynegi crynodiad bob anion, catïon, cyfansoddyn sydd heb ei ïoneiddio ac elfen hybrin a bennir yng ngholofn gyntaf y tablau yn Rhan 4 o’r Atodlen hon yn yr uned fesur a bennir yn ail golofn y tablau yn Rhan 4. LL+C

Gwybodaeth Cychwyn

I2 Atod. 1 para. 6 mewn grym ar 28.11.2015, gweler rhl. 1(2)

7.   Rhaid i’r Asiantaeth gydnabod y cyfryw ddŵr os bydd yr awdurdod cyfrifol yn y wlad yr echdynnir y dŵr ohoni wedi ardystio— LL+C

(a) ei fod wedi’i fodloni—

(i) bod y gofynion ym mharagraffau 10(b) ac (c) o Ran 3 wedi’u sefydlu;

(ii) gyda’r dystiolaeth a roddir yn unol â pharagraff 5(c); a

(b) bod archwiliadau cyfnodol wedi cael eu gwneud i ganfod—

(i) bod y dŵr yn ddŵr mwynol naturiol sy’n cydymffurfio â pharagraff 3 o Adran I o Atodiad I i Gyfarwyddeb 2009/54;

(ii) bod nodweddion y dŵr wedi’u hasesu yn unol â’r canlynol—

(aa) y pwyntiau a rifir 1 i 4 ym mharagraff 2(a) o Adran I o Atodiad I i Gyfarwyddeb 2009/54;

(bb) y manylion a’r meini prawf a restrir yn Rhan 3 o’r Atodlen hon; ac

(cc) dulliau gwyddonol cydnabyddedig; a

(iii) bod darpariaethau Atodlen 4 yn cael eu cymhwyso gan y person sy’n datblygu’r ffynnon.

Gwybodaeth Cychwyn

I3 Atod. 1 para. 7 mewn grym ar 28.11.2015, gweler rhl. 1(2)

8.   Bydd cydnabyddiaeth o’r cyfryw ddŵr yn dirwyn i ben ar ôl cyfnod o bum mlynedd oni fydd awdurdod cyfrifol y wlad yr echdynnwyd y dŵr ohoni wedi adnewyddu’r ardystiad sy’n ofynnol gan baragraff 7. LL+C

Gwybodaeth Cychwyn

I4 Atod. 1 para. 8 mewn grym ar 28.11.2015, gweler rhl. 1(2)

9.   Rhaid i’r Asiantaeth, pan fydd yn cydnabod dŵr yn unol â’r Rhan hon, gyhoeddi datganiad o gydnabyddiaeth o’r fath yn y London Gazette, yr Edinburgh Gazette a’r Belfast Gazette. LL+C

Gwybodaeth Cychwyn

I5 Atod. 1 para. 9 mewn grym ar 28.11.2015, gweler rhl. 1(2)