31.—(1) Rhaid i’r person cofrestredig lunio a gweithredu datganiad ysgrifenedig, ar sail canllawiau cenedlaethol cyfredol ar gyfer dadebru, o’r polisïau sydd i gael eu cymhwyso a’r gweithdrefnau sydd i gael eu dilyn yn y practis deintyddol preifat mewn perthynas â dadebru cleifion a rhaid iddo adolygu’r datganiad hwnnw bob blwyddyn.
(2) Rhaid i’r person cofrestredig sicrhau bod y polisïau a’r gweithdrefnau y cyfeirir atynt ym mharagraff (1)—
(a)ar gael ar gais i bob claf; a
(b)yn cael eu cyfathrebu i, a’u deall gan, unrhyw berson sy’n gweithio yn, neu at ddibenion, y practis deintyddol preifat a all fod yn rhan o benderfyniadau am ddadebru claf.
(3) Rhaid i’r person cofrestredig hefyd—
(a)sicrhau bod unrhyw berson sy’n gweithio yn, neu at ddibenion, y practis deintyddol preifat a all fod yn rhan o benderfyniadau am ddadebru claf, neu a all fod yn rhan o ddadebru cleifion, wedi ei hyfforddi’n addas; a
(b)sicrhau bod yr holl gyfarpar a meddyginiaethau y mae eu hangen i ddadebru cleifion ar gael ar y fangre a ddefnyddir i gynnal y practis deintyddol preifat.
32.—(1) Rhaid i’r person cofrestredig sicrhau na chaiff unrhyw gynnyrch laser Dosbarth 3B neu Ddosbarth 4(1) ei ddefnyddio yn, neu at ddibenion, y practis deintyddol preifat oni bai bod gan y person cofrestredig brotocol proffesiynol wedi ei lunio gan ddeintydd neu broffesiynolyn gofal deintyddol hyfforddedig a phrofiadol y mae triniaeth sy’n defnyddio cynnyrch laser Dosbarth 3B neu Ddosbarth 4 i gael ei darparu yn unol ag ef, ac y darperir y driniaeth yn unol â’r protocol hwnnw.
(2) Rhaid i’r person cofrestredig gynnal cofrestr yn y practis deintyddol preifat o bob achlysur pan fo cynnyrch laser Dosbarth 3B neu Ddosbarth 4 wedi ei ddefnyddio, sy’n cynnwys—
(a)enw’r claf y defnyddiwyd y cynnyrch laser Dosbarth 3B neu Ddosbarth 4 mewn cysylltiad â’i driniaeth;
(b)enw’r person a ddefnyddiodd y cynnyrch laser Dosbarth 3B neu Ddosbarth 4; ac
(c)ei ddyddiad defnyddio.
(3) Rhaid i’r person cofrestredig sicrhau nad yw cynnyrch laser Dosbarth 3B neu Ddosbarth 4 o’r fath ond yn cael ei ddefnyddio yn y practis deintyddol preifat gan berson sydd wedi ymgymryd â hyfforddiant priodol ac sydd wedi dangos dealltwriaeth—
(a)o sut i ddefnyddio’r cynnyrch laser Dosbarth 3B neu Ddosbarth 4 yn gywir;
(b)o’r risgiau sy’n gysylltiedig â defnyddio’r cynnyrch laser Dosbarth 3B neu Ddosbarth 4;
(c)o’i effeithiau biolegol ac amgylcheddol;
(d)o’r rhagofalon sydd i gael eu cymryd cyn defnyddio cynnyrch laser Dosbarth 3B neu Ddosbarth 4 ac wrth ei ddefnyddio; ac
(e)o’r camau sydd i gael eu cymryd os digwydd damwain, argyfwng neu achlysur andwyol arall sy’n ymwneud â chynnyrch laser Dosbarth 3B neu Ddosbarth 4.
I gael ystyr cynnyrch laser Dosbarth 3B neu Ddosbarth 4 gweler Rhan 1 Safon Prydeinig EN 60825 – 1 (Diogelwch ymbelydredd cynhyrchion a systemau laser). Gellir cael copïiau oddi wrth: BS1 Customer Services, 389 Chiswick High Road, London W4 4AL.