1.—(1) Penderfynir ar “blwyddyn academaidd”, mewn cysylltiad â chwrs, fel a ganlyn—
(a)nodi’r cyfnod yng Ngholofn 2 o Dabl 14 y mae’r flwyddyn academaidd yn dechrau ynddo mewn gwirionedd;
(b)y flwyddyn academaidd yw’r cyfnod o 12 mis sy’n dechrau ar y dyddiad a bennir yn y cofnod yng Ngholofn 1 o’r Tabl sy’n cyfateb i’r cyfnod a nodir yng Ngholofn 2.
(2) Ond os yw’r cwrs yn gwrs blwyddyn gyntaf gywasgedig, ystyr “blwyddyn academaidd”, mewn cysylltiad â blwyddyn gyntaf y cwrs, yw’r cyfnod o 8 mis sy’n dechrau ar y dyddiad a bennir felly.
(3) Mae unrhyw gyfeiriad yn y Rheoliadau hyn at “blwyddyn academaidd” yn gyfeiriad at flwyddyn y penderfynir arni yn unol ag is-baragraffau (1) a (2).
Colofn 1 Dyddiad dechrau’r flwyddyn academaidd at ddibenion y Rheoliadau hyn | Colofn 2 Y cyfnod y mae blwyddyn academaidd yn dechrau ynddo |
|---|---|
| 1 Medi | Ar neu ar ôl 1 Awst ond cyn 1 Ionawr |
| 1 Ionawr | Ar neu ar ôl 1 Ionawr ond cyn 1 Ebrill |
| 1 Ebrill | Ar neu ar ôl 1 Ebrill ond cyn 1 Gorffennaf |
| 1 Gorffennaf | Ar neu ar ôl 1 Gorffennaf ond cyn 1 Awst |
Gwybodaeth Cychwyn
I1Atod. 1 para. 1 mewn grym ar 12.3.2018, gweler rhl. 1(2)