Rheoliadau Iechyd a Gofal Digidol Cymru (Aelodaeth a Gweithdrefn) 2020

RHAN 1 Cyffredinol

Enwi a chychwyn

1.—( 1) Enw’r Rheoliadau hyn yw Rheoliadau Iechyd a Gofal Digidol Cymru (Aelodaeth a Gweithdrefn) 2020.

(2) Dawʼr Rheoliadau hyn i rym ar 30 Rhagfyr 2020.

Dehongli

2.   Yn y Rheoliadau hyn—

mae i “aelod cyswllt” (“associate member”) yr ystyr a roddir yn erthygl 4(5) o’r Gorchymyn;

mae i “aelod nad yw’n swyddog” (“non-officer member”) yr ystyr a roddir yn erthygl 4(3) o’r Gorchymyn;

mae i “aelod sy’n swyddog” (“officer member”) yr ystyr a roddir yn erthygl 4(4) o’r Gorchymyn;

ystyr “corff gwasanaeth iechyd” (“health service body”) yw—

(a)

grŵp comisiynu clinigol a sefydlir o dan adran 14D o Ddeddf y Gwasanaeth Iechyd Gwladol 2006(1),

(b)

yr Asiantaeth Gwasanaethau Cyffredin ar gyfer Gwasanaethau Iechyd yr Alban sydd wedi ei chyfansoddi o dan adran 10(1) o Ddeddf y Gwasanaeth Iechyd Gwladol (Yr Alban) 1978(2),

(c)

Bwrdd Iechyd neu Fwrdd Iechyd Arbennig a gyfansoddir o dan adran 2 o Ddeddf y Gwasanaeth Iechyd Gwladol (Yr Alban) 1978(3),

(d)

y Ganolfan Gwybodaeth Iechyd a Gofal Cymdeithasol sydd wedi ei sefydlu o dan adran 252 o Ddeddf Iechyd a Gofal Cymdeithasol 2012(4),

(e)

yr Awdurdod Ymchwil Iechyd sydd wedi ei sefydlu o dan adran 109 o Ddeddf Gofal 2014(5),

(f)

Bwrdd Iechyd Lleol,

(g)

Bwrdd Comisiynu’r Gwasanaeth Iechyd Gwladol sydd wedi ei sefydlu o dan adran 1H o Ddeddf y Gwasanaeth Iechyd Gwladol 2006,

(h)

ymddiriedolaeth sefydledig GIG a sefydlir o dan adran 30 o Ddeddf y Gwasanaeth Iechyd Gwladol 2006,

(i)

ymddiriedolaeth GIG a sefydlir o dan adran 18 o’r Ddeddf neu a sefydlir o dan adran 25 o Ddeddf y Gwasanaeth Iechyd Gwladol 2006,

(j)

y Sefydliad Cenedlaethol dros Ragoriaeth mewn Iechyd a Gofal sydd wedi ei sefydlu o dan adran 232 o Ddeddf Iechyd a Gofal Cymdeithasol 2012,

(k)

y Bwrdd Iechyd a Gofal Cymdeithasol Rhanbarthol sydd wedi ei sefydlu o dan adran 7 o Ddeddf Iechyd a Gofal Cymdeithasol (Diwygio) (Gogledd Iwerddon) 2009(6),

(l)

Awdurdod Iechyd Arbennig a sefydlir o dan adran 22 o’r Ddeddf;

mae i “cydnabod”, mewn perthynas ag undeb llafur, yr ystyr a roddir i “recognised” gan Ddeddf 1992;

ystyr “Deddf 1992” (“the 1992 Act”) yw Deddf yr Undebau Llafur a Chysylltiadau Llafur (Cydgrynhoi) 1992(7);

ystyr “y Ddeddf” (“the Act”) yw Deddf y Gwasanaeth Iechyd Gwladol (Cymru) 2006;

ystyr “y Gorchymyn” (“the Order”) yw Gorchymyn Iechyd a Gofal Digidol Cymru (Sefydlu ac Aelodaeth) 2020(8);

mae i “swyddog clinigol” (“clinical officer”) yr ystyr a roddir yn erthygl 1(3) o’r Gorchymyn;

ystyr “IGDC” (“DHCW”) yw Iechyd a Gofal Digidol Cymru sydd wedi ei sefydlu gan y Gorchymyn;

mae i “undeb llafur” yr ystyr a roddir i “trade union” gan Ddeddf 1992.

(1)

2006 p. 41, mewnosodwyd adran 14D gan adran 25(1) o Ddeddf Iechyd a Gofal Cymdeithasol 2012 p. 7.

(2)

1978 p. 29 (“Deddf 1978”), adran 10(1) a ddiwygiwyd gan adran 25(3) o Ddeddf y Gwasanaethau Iechyd 1980 p. 53 a pharagraff 2 o Atodlen 6 iddi.

(3)

Gwnaed diwygiadau perthnasol i adran 2 o Ddeddf 1978 gan Ddeddf Iechyd a Gwasanaethau Cymdeithasol a Dyfarniadau Nawdd Cymdeithasol 1983 p. 41, Atodlen 7, paragraff 1; Deddf Ysmygu, Iechyd a Gofal Cymdeithasol (Yr Alban) 2005 dsa 13, Atodlen 2, paragraff 2(2); Deddf y Gwasanaeth Iechyd Gwladol a Gofal yn y Gymuned 1990 p. 19, adran 28(a)(i) a (ii), adran 28(b), adran 28(c) ac adran 66(1) ac Atodlen 9, paragraff 19(1); Deddf Diwygio’r Gwasanaeth Iechyd Gwladol (Yr Alban) asp 7, Atodlen 1, paragraff 1(2)(a) a (b).

(4)

2012 p. 7.

(5)

2014 p. 23.

(6)

2009 p. 1.

(7)

1992 p. 52.

(8)

O.S. 2020/1451 (Cy. 313)