ATODLEN 3Cyfyngiadau Lefel Rhybudd 3
RHAN 4Cyfyngiadau ar fusnesau a gwasanaethau penodol
PENNOD 2Cyfyngiadau ar fusnesau bwyd a diod a mangreoedd trwyddedig
Cyfyngiadau ar fusnesau bwyd a diod
8.
(1)
O ran person sy’n gyfrifol am gynnal busnes bwyd a diod—
(a)
ni chaiff agor ei fangre i gwsmeriaid cyn 6.00 a.m. bob dydd;
(b)
rhaid iddo gau’r fangre i gwsmeriaid am neu cyn 6.00 p.m. bob dydd.
(2)
Ni chaiff y person sy’n gyfrifol am gynnal busnes bwyd a diod neu unrhyw fusnes neu wasanaeth arall y mae ei fangre wedi ei awdurdodi ar gyfer gwerthu neu gyflenwi alcohol—
(a)
gwerthu na chyflenwi alcohol i’w yfed yn ei fangre;
(b)
caniatáu i alcohol gael ei yfed yn y fangre.
(3)
At ddibenion y paragraff hwn, mae ardal sy’n gyfagos i fangre’r busnes lle y mae seddi yn cael eu rhoi ar gael i gwsmeriaid y busnes (pa un ai gan y busnes ai peidio) i’w thrin fel rhan o fangre’r busnes hwnnw.
(4)
Pan—
(a)
bo person sy’n gyfrifol am gynnal busnes bwyd a diod (“busnes A”) yn ddarostyngedig i ofyniad neu gyfyngiad o dan y paragraff hwn, a
(b)
bo busnes A yn ffurfio rhan o fusnes mwy (“busnes B”),
cydymffurfir â’r gofyniad neu’r cyfyngiad os yw’r person sy’n gyfrifol am gynnal busnes B yn cydymffurfio â’r gofyniad neu’r cyfyngiad.