Rheoliadau Awdurdodau Lleol (Coronafeirws) (Cyfarfodydd) (Cymru) 2020 No. 442 (Cy. 100)

RHAN 3 LL+C Gofynion ynglŷn â chyfarfodydd

Penodiadau ac etholiadau eraill y mae’n ofynnol eu cynnal mewn cyfarfodydd LL+C

14.—( 1) Yn y rheoliad hwn—

ystyr “cyfarfod perthnasol” (“relevant meeting”) yw cyfarfod awdurdod lleol sydd i’w gynnal cyn 1 Mai 2021;

ystyr “swydd berthnasol” (“relevant office”) yw swydd y penodir neu yr etholir person iddi mewn cyfarfod perthnasol, heblaw swyddi—

(a)

cadeirydd ac is-gadeirydd prif gyngor;

(b)

cadeirydd ac is-gadeirydd cyngor cymuned;

(c)

cadeirydd a dirprwy gadeirydd awdurdod Parc Cenedlaethol;

(d)

cadeirydd Awdurdod Iechyd Porthladd Bae Abertawe.

(2) Mae unrhyw ofyniad a osodir gan unrhyw ddeddfiad neu offeryn arall i benodi neu ethol person i swydd berthnasol mewn cyfarfod perthnasol, heblaw gofyniad i lenwi lle gwag yn y swydd honno, i’w drin fel pŵer i benodi neu ethol person i’r swydd honno mewn unrhyw gyfarfod perthnasol.

(3) Mae cyfnod swydd person sy’n dal swydd berthnasol yn union cyn i’r Rheoliadau hyn ddod i rym yn parhau tan yn union cyn i olynydd y person hwnnw ddod i’w swydd, er gwaethaf unrhyw ddarpariaeth i’r gwrthwyneb mewn unrhyw ddeddfiad neu offeryn arall, heblaw darpariaeth sy’n ymwneud â gadael y swydd cyn diwedd cyfnod y swydd.

Gwybodaeth Cychwyn

I1 Rhl. 14 mewn grym ar 22.4.2020, gweler rhl. 1(3)