Rheoliadau Adnoddau Dŵr (Rheoli Llygredd Amaethyddol) (Cymru) 2021 No. 77 (Cy. 20)

Please note that the date you requested in the address for this web page is not an actual date upon which a change occurred to this item of legislation. You are being shown the legislation from , which is the first date before then upon which a change was made.

Rheoliad 25

ATODLEN 6 LL+C Y gofynion ar gyfer systemau storio slyri

1.   Mae’r gofynion sydd i’w bodloni mewn perthynas â system storio slyri fel a ganlyn. LL+C

Gwybodaeth Cychwyn

I1 Atod. 6 para. 1 mewn grym ar 1.4.2021, gweler rhl. 1(3)

2.   Rhaid i sylfaen y tanc storio slyri, sylfaen a muriau unrhyw danc elifiant, sianelau a phydew derbyn, a muriau unrhyw bibellau fod yn anhydraidd. LL+C

Gwybodaeth Cychwyn

I2 Atod. 6 para. 2 mewn grym ar 1.4.2021, gweler rhl. 1(3)

3.   Rhaid i sylfaen a muriau’r tanc storio slyri, unrhyw danc elifiant, sianelau a phydew derbyn, a muriau unrhyw bibellau fod wedi eu diogelu rhag cyrydiad yn unol â pharagraff 7 o’r cod ymarfer ar adeiladau a strwythurau ar gyfer amaethyddiaeth a gyhoeddwyd gan y Sefydliad Safonau Prydeinig dan rif BS 5502: Rhan 50: 1993(1). LL+C

Gwybodaeth Cychwyn

I3 Atod. 6 para. 3 mewn grym ar 1.4.2021, gweler rhl. 1(3)

4.   Rhaid i sylfaen a muriau’r tanc storio slyri ac unrhyw bydew derbyn allu gwrthsefyll llwythi nodweddiadol sydd wedi eu cyfrifo ar y rhagdybiaethau ac yn y dull a ddangosir gan baragraff 5 o’r cod ymarfer ar adeiladau a strwythurau ar gyfer amaethyddiaeth a gyhoeddwyd gan y Sefydliad Safonau Prydeinig dan rif BS 5502: Rhan 50: 1993. LL+C

Gwybodaeth Cychwyn

I4 Atod. 6 para. 4 mewn grym ar 1.4.2021, gweler rhl. 1(3)

5.—( 1) Rhaid bod gan unrhyw gyfleusterau a ddefnyddir i storio slyri dros dro cyn iddo gael ei drosglwyddo i danc storio slyri ddigon o le i storio— LL+C

(a) yr uchafswm o slyri (gan ddiystyru unrhyw slyri a fydd yn cael ei drosglwyddo’n uniongyrchol i danc storio slyri) sy’n debygol o gael ei gynhyrchu yn y fangre mewn unrhyw gyfnod o ddau ddiwrnod, neu

(b) swm llai y mae CANC wedi cytuno’n ysgrifenedig ei fod yn ddigonol i osgoi unrhyw risg sylweddol o lygru dyfroedd a reolir.

(2) Pan fo slyri yn llifo i mewn i sianel cyn cael ei ollwng i bydew derbyn a bod llif y slyri allan o’r sianel yn cael ei reoli gan lifddor, rhaid i’r hyn y gall y pydew derbyn ei ddal fod yn ddigonol i ddal yr uchafswm o slyri y gellir ei ollwng drwy agor y llifddor.

Gwybodaeth Cychwyn

I5 Atod. 6 para. 5 mewn grym ar 1.4.2021, gweler rhl. 1(3)

6.   Yn achos tanciau storio slyri sydd â muriau wedi eu gwneud o bridd, rhaid i’r tanc fod ag o leiaf 750 mm o fwrdd rhydd, a 300 mm o fwrdd rhydd ym mhob achos arall. LL+C

Gwybodaeth Cychwyn

I6 Atod. 6 para. 6 mewn grym ar 1.4.2021, gweler rhl. 1(3)

7.   Ni chaniateir lleoli unrhyw ran o’r tanc storio slyri, nac unrhyw danc elifiant na sianelau na phydew derbyn o fewn 10 metr i unrhyw ddyfroedd croyw mewndirol na dyfroedd arfordirol y gallai slyri fynd i mewn iddynt pe bai’n dianc oni chymerir rhagofalon y mae CANC wedi cytuno’n ysgrifenedig eu bod yn ddigonol i osgoi unrhyw risg sylweddol o lygru dyfroedd a reolir. LL+C

Gwybodaeth Cychwyn

I7 Atod. 6 para. 7 mewn grym ar 1.4.2021, gweler rhl. 1(3)

8.   Rhaid i’r tanc storio slyri ac unrhyw danc elifiant, sianelau, pibellau a phydew derbyn fod wedi eu dylunio a’u hadeiladu fel y’u bod yn debygol, gyda’r gwaith cynnal a chadw priodol, o barhau i fodloni gofynion paragraffau 2 i 4 am o leiaf 20 mlynedd. LL+C

Gwybodaeth Cychwyn

I8 Atod. 6 para. 8 mewn grym ar 1.4.2021, gweler rhl. 1(3)

9.   Os nad yw muriau’r tanc storio slyri yn anhydraidd, rhaid i sylfaen y tanc— LL+C

(a) ymestyn y tu hwnt i’r muriau;

(b) cael o’i hamgylch sianelau sydd wedi eu dylunio a’u hadeiladu fel eu bod yn casglu unrhyw slyri sy’n dianc o’r tanc;

(c) bod â darpariaeth ddigonol ar gyfer draenio’r slyri o’r sianelau hynny i danc elifiant drwy sianel neu bibell.

Gwybodaeth Cychwyn

I9 Atod. 6 para. 9 mewn grym ar 1.4.2021, gweler rhl. 1(3)

10.—( 1) Yn ddarostyngedig i is-baragraff (3), os oes pibell ddraenio wedi ei gosod yn y tanc storio slyri neu yn unrhyw danc elifiant neu bydew derbyn, rhaid bod dwy falf mewn cyfres ar y bibell a bod pellter o 1 metr o leiaf rhwng un falf a’r llall. LL+C

(2) Rhaid i bob falf allu cau llif y slyri drwy’r bibell a rhaid eu cadw wedi eu cau ac wedi eu cloi yn y safle hwnnw pan nad ydynt yn cael eu defnyddio.

(3) Nid yw is-baragraff (1) yn gymwys mewn perthynas â thanc storio slyri sy’n draenio drwy’r bibell i danc storio slyri arall os yw’r tanc arall yn dal yr un faint neu fwy neu os yw topiau’r tanciau ar yr un lefel â’i gilydd.

Gwybodaeth Cychwyn

I10 Atod. 6 para. 10 mewn grym ar 1.4.2021, gweler rhl. 1(3)

(1)

Dyddiad cyhoeddi: 15 Ebrill 1993. ISBN 0-580-22053-2.