Rheoliadau Ardrethu Annomestig (Symiau a Godir) (Cymru) 2022

Dehongli

2.   Yn y Rheoliadau hyn—

mae i “cyfnod perthnasol” (“ relevant period”) yr ystyr a roddir yn rheoliad 1(3);

ystyr “diwrnod perthnasol” (“ relevant day”) yw diwrnod y codir swm ynglŷn ag ef sy’n dod o fewn y cyfnod perthnasol;

mae i “diwrnod y codir swm ynglŷn ag ef”, mewn perthynas â hereditamentau sy’n cael eu meddiannu a ddangosir ar restr leol, yr ystyr a roddir i “chargeable day” yn adran 43(3) o’r Ddeddf, mewn perthynas â hereditamentau nad ydynt yn cael eu meddiannu a ddangosir ar restr leol, yr ystyr a roddir yn adran 45(3) o’r Ddeddf, ac mewn perthynas â hereditamentau a ddangosir ar restr ganolog, yr ystyr a roddir yn adran 54(3) o’r Ddeddf;

ystyr “y Ddeddf” (“ the Act”) yw Deddf Cyllid Llywodraeth Leol 1988;

mae i “hereditament diffiniedig” (“ defined hereditament”) yr ystyr a roddir yn rheoliad 3;

ystyr “rhestr ganolog” (“ central list”) yw rhestr a lunnir ac a gedwir yn unol ag adran 52 o’r Ddeddf(1);

ystyr “rhestr leol” (“ local list”) yw rhestr a lunnir ac a gedwir yn unol ag adran 41 o’r Ddeddf(2);

ystyr “rhwymedigaeth sylfaenol” (“BL”) (“ base liability”, “BL”) yw’r swm a gyfrifir yn unol â rheoliad 4;

ystyr “swm tybiannol a godir” (“NCA”) (“ notional chargeable amount”, “NCA”) yw’r swm a gyfrifir yn unol â rheoliadau 6 a 7.

(1)

Diwygiwyd adran 54A(5)(b) o’r Ddeddf gan adran 1(4)(b) o Ddeddf Ardrethu Annomestig (Rhestrau) 2021 (p. 8) fel bod adran 52(2) o’r Ddeddf yn cael effaith fel pe bai rhestr i’w llunio ar 1 Ebrill 2023. Diwygiwyd adran 52 o’r Ddeddf gan adran 139 o Ddeddf Llywodraeth Leol a Thai 1989 (p. 42), a pharagraff 28 o Atodlen 5 iddi, adran 29(7) i (10) ac adran 30(3) o Ddeddf Twf a Seilwaith 2013 (p. 27) ac adran 1(3) o Ddeddf Ardrethu Annomestig (Rhestrau) 2021 (p. 8).

(2)

Diwygiwyd adran 54A(4)(b) o’r Ddeddf gan adran 1(4)(a) o Ddeddf Ardrethu Annomestig (Rhestrau) 2021 (p. 8) fel bod adran 41(2) o’r Ddeddf yn cael effaith fel pe bai rhestr i’w llunio ar 1 Ebrill 2023. Diwygiwyd adran 41 o’r Ddeddf gan adran 139 o Ddeddf Llywodraeth Leol a Thai 1989, a pharagraff 19 o Atodlen 5 iddi, adran 117(1) o Ddeddf Cyllid Llywodraeth Leol 1992 (p. 14), a pharagraff 59 o Atodlen 13 iddi, adran 29(2) i (5) ac adran 30(2) o Ddeddf Twf a Seilwaith 2013 ac adran 1(2) o Ddeddf Ardrethu Annomestig (Rhestrau) 2021.