Dehongli
2.—(1) Yn y Rheoliadau hyn—
y “cyfnod rhagnodedig” (“prescribed period”) yw pedair wythnos o’r diwrnod y daw’r contract meddiannaeth i ben o dan adran 220 o’r Ddeddf;
ystyr “y Ddeddf” (“the Act”) yw Deddf Rhentu Cartrefi (Cymru) 2016;
ystyr “eiddo” (“property”) yw eiddo (heblaw eiddo’r landlord) sydd yn yr annedd pan ddaw’r contract meddiannaeth i ben o dan adran 220 o’r Ddeddf;
mae “gwaredu” (“disposal”) yn cynnwys gwerthu eiddo, ond nid yw’n gyfyngedig i hynny.
(2) Mae i’r geiriau a’r ymadroddion a ddefnyddir yn y Rheoliadau hyn yr un ystyr ag sydd iddynt yn y Ddeddf.