Rheoliadau Cymeriad Crefyddol Ysgolion (Gweithdrefn Ddynodi) (Cymru) 2016

12.—( 1) Mae Rheoliadau Cymeriad Crefyddol Ysgolion (Gweithdrefn Ddynodi) (Cymru) 2016(1) wedi eu diwygio fel a ganlyn.

(2) Mae’r diwygiadau hyn yn cymryd effaith mewn cysylltiad â disgyblion mewn ysgol feithrin a gynhelir neu ysgol a gynhelir sydd—

(a) o 1 Medi 2022—

(i) yn cael addysg feithrin;

(ii) mewn blwyddyn derbyn;

(iii) ym mlynyddoedd 1 i 6;

(iv) ym mlwyddyn 7 mewn ysgol a gynhelir pan fo’r pennaeth a’r corff llywodraethu wedi mabwysiadu cwricwlwm perthnasol o dan Ran 2 o Ddeddf 2021;

(b) o 1 Medi 2023—

(i) ym mlwyddyn 7;

(ii) ym mlwyddyn 8;

(c) o 1 Medi 2024 ym mlwyddyn 9 mewn ysgol a gynhelir;

(d) o 1 Medi 2025 ym mlwyddyn 10 mewn ysgol a gynhelir;

(e) o 1 Medi 2026 ym mlwyddyn 11 i 13 mewn ysgol a gynhelir.

(3) Yn rheoliad 2(1), yn lle’r diffiniad o “y grefydd berthnasol neu’r enwad crefyddol perthnasol” rhodder—

“ystyr “y grefydd berthnasol neu’r enwad crefyddol perthnasol” (“the relevant religion or religious denomination”) yw’r grefydd neu’r enwad crefyddol y caiff addysgu a dysgu mewn cysylltiad â Chrefydd, Gwerthoedd a Moeseg eu darparu yn unol â’i daliadau neu â’i ddaliadau—

(a)

o dan baragraff 7(3) neu baragraff 8(4) o Atodlen 1 i Ddeddf Cwricwlwm ac Asesu (Cymru) 2021, neu

(b)

o dan adran 61 o’r Ddeddf honno, ac yn unol—

(i)

ag unrhyw ddarpariaethau yng ngweithred ymddiriedolaeth yr ysgol sy’n ymwneud ag addysgu a dysgu mewn cysylltiad ag elfen fandadol Crefydd, Gwerthoedd a Moeseg, neu

(ii)

â daliadau’r grefydd neu’r enwad crefyddol a bennir mewn perthynas â’r ysgol mewn gorchymyn o dan adran 68A o Ddeddf Safonau a Fframwaith Ysgolion 1998(2).”

(4) Yn rheoliad 4(3), yn lle “69(3)” rhodder “68A(1)”.

(1)

O.S. 2016/1144 (Cy. 275).

(2)

Gweler adran 47(2) o Ddeddf Addysg 2005 a fewnosodwyd gan O.S. 2022/XXX sy’n amnewid y diffiniad o “denominational education” o ran Cymru.