Rheoliadau Addysg (Cyllid Myfyrwyr) (Diwygiadau Amrywiol) (Rhif 3) (Cymru) 2023 No. 1349 (Cy. 243)

RHAN 6 Diwygiadau i Reoliadau Addysg (Cymorth i Fyfyrwyr) (Cymru) 2018

PENNOD 2 Aelodau o deuluoedd dinasyddion Affganistan

34.   Yn rheoliad 23F(1)—

(a) yn is-baragraff (a), ar ôl “(gweler Atodlen 2, paragraff 2ZA)” mewnosoder “neu’n briod, yn bartner sifil, yn blentyn neu’n llysblentyn i berson o’r fath”;

(b) yn lle is-baragraff (b), rhodder—

“(b) pan, ar ddiwedd y diwrnod cyn diwrnod cyntaf y flwyddyn academaidd y mae P yn gwneud cais am gymorth mewn cysylltiad â hi, fo’r cyfnod y caiff—

(i) P, neu

(ii) y person, oherwydd ei fod yn berson sydd â chaniatâd i ddod i mewn neu i aros fel dinesydd perthnasol o Affganistan, a oedd yn peri i P fod yn fyfyriwr cymwys,

aros yn y Deyrnas Unedig wedi dod i ben ac nad yw caniatâd pellach i aros wedi cael ei roi ac nad oes apêl yn yr arfaeth.”

35.   Ym mhob un o reoliadau 80(2)(b)(ic) ac 81(3)(b)(ic), ar y diwedd mewnosoder “neu’n briod, yn bartner sifil, yn blentyn neu’n llysblentyn i berson o’r fath”.

36.   Yn Atodlen 2, paragraff 2ZA, is-baragraff (4)—

(a) ym mharagraff (ea)—

(i) hepgorer is-baragraff (ia);

(ii) ar ôl is-baragraff (ii) mewnosoder “neu”;

(iii) hepgorer is-baragraff (iv) a’r “neu” o’i flaen;

(b) ym mharagraff (g)(i)—

(i) hepgorer “neu” ar ôl paragraff (ab);

(ii) ar ôl paragraff (ac) mewnosoder—

“(ad) person sydd â chaniatâd i ddod i mewn neu i aros fel dinesydd perthnasol o Affganistan, neu”;

(c) ym mharagraff (g)(ii)—

(i) hepgorer “neu” ar ôl paragraff (aa);

(ii) ar ôl paragraff (ab) mewnosoder—

“neu

(ac) person sydd â chaniatâd i ddod i mewn neu i aros fel dinesydd perthnasol o Affganistan,”;

(d) ym mharagraff (h)—

(i) hepgorer “neu” ar ôl is-baragraff (i);

(ii) ar ddiwedd is-baragraff (ii), yn lle’r atalnod llawn rhodder “, neu”;

(iii) ar ôl is-baragraff (ii) mewnosoder—

“(iii) person sydd â chaniatâd i ddod i mewn neu i aros fel dinesydd perthnasol o Affganistan.”

37.   Yn Atodlen 4—

(a) ym mharagraff 13F(1)—

(i) ym mharagraff (a), ar ôl “(gweler Atodlen 2, paragraff 2ZA)” mewnosoder “neu’n briod, yn bartner sifil, yn blentyn neu’n llysblentyn i berson o’r fath”;

(ii) yn lle paragraff (b) rhodder—

“(b) pan, ar ddiwedd y diwrnod cyn diwrnod cyntaf y flwyddyn academaidd y mae P yn gwneud cais am gymorth mewn cysylltiad â hi, fo’r cyfnod y caiff—

(i) P, neu

(ii) y person, oherwydd ei fod yn berson sydd â chaniatâd i ddod i mewn neu i aros fel dinesydd perthnasol o Affganistan, a oedd yn peri i P fod yn fyfyriwr cymwys,

aros yn y Deyrnas Unedig wedi dod i ben ac nad yw caniatâd pellach i aros wedi cael ei roi ac nad oes apêl yn yr arfaeth.”;

(b) ym mharagraff 14(3)(b)(ic), ar y diwedd mewnosoder “neu’n briod, yn bartner sifil, yn blentyn neu’n llysblentyn i berson o’r fath”.