Rheoliadau Addysg (Cyllid Myfyrwyr) (Diwygiadau Amrywiol) (Cymru) 2024

RHAN 3 Diwygio Rheoliadau Addysg (Athrofa Brifysgol Ewropeaidd) (Cymru) 2014

PENNOD 1 Cyflwyniad

4.   Mae Rheoliadau Addysg (Athrofa Brifysgol Ewropeaidd) (Cymru) 2014(1) wedi eu diwygio yn unol â’r Rhan hon.

PENNOD 2 Person y rhoddwyd caniatâd iddo aros fel partner a ddiogelir

5.   Yn rheoliad 3, ym mharagraff (1), yn y diffiniad o “person y rhoddwyd caniatâd iddo aros fel partner a ddiogelir”—

(a) yn lle “caniatâd iddo aros” rhodder “caniatâd iddo ddod i mewn neu aros” ac yn lle “ganiatâd cyfredol i aros yn y Deyrnas Unedig” rhodder “ganiatâd cyfredol i ddod i mewn i’r Deyrnas Unedig neu i aros ynddi”;

(b) yn lle “leave to remain” rhodder “leave to enter or remain”;

(c) o flaen paragraff (a) mewnosoder—

“(1) yn achos person y rhoddwyd caniatâd iddo aros cyn 31 Ionawr 2024, unrhyw un neu ragor o’r darpariaethau a ganlyn o’r rheolau mewnfudo—”;

(d) ar ôl paragraff (1) mewnosoder—

“(2) yn achos person y rhoddwyd caniatâd iddo ddod i mewn neu aros ar neu ar ôl 31 Ionawr 2024, y naill neu’r llall o’r darpariaethau a ganlyn o’r rheolau mewnfudo—

(a) paragraff VDA 9.1 o’r Atodiad Dioddefwr Cam-drin Domestig, neu

(b) paragraff BP 11.1 o’r Atodiad Partner sydd wedi cael Profedigaeth.”

6.   Yn rheoliad 6(10D)—

(a) yn is-baragraff (a), yn lle “caniatâd iddo aros” rhodder “caniatâd iddo ddod i mewn neu aros”;

(b) yn is-baragraff (b), yn lle “chaniatâd i aros” rhodder “chaniatâd i ddod i mewn neu i aros” ac yn lle “ganiatâd pellach i aros” rhodder “ganiatâd pellach i ddod i mewn neu i aros”.

7.   Yn Atodlen 1, ym mharagraff 4ZB (personau y rhoddwyd caniatâd iddynt aros fel partner a ddiogelir a’u plant)—

(a) yn y pennawd, yn lle “caniatâd iddynt aros” rhodder “caniatâd iddynt ddod i mewn neu aros”;

(b) yn is-baragraff (1)(a), yn lle “caniatâd iddo aros” rhodder “caniatâd iddo ddod i mewn neu aros”;

(c) yn is-baragraff (2)(a), yn lle “caniatâd iddo aros” rhodder “caniatâd iddo ddod i mewn neu aros”;

(d) yn is-baragraff (2)(b), yn lle “caniatâd iddo aros” rhodder “caniatâd iddo ddod i mewn neu aros”;

(e) yn is-baragraff (2)(c), yn lle “caniatâd iddo i aros yn y Deyrnas Unedig” rhodder “caniatâd iddo i ddod i mewn i’r Deyrnas Unedig neu i aros ynddi”;

(f) yn is-baragraff (3), yn lle “caniatâd iddo aros” rhodder “caniatâd iddo ddod i mewn neu aros”.

(1)

O.S. 2014/3037 (Cy. 303), y diwygiadau perthnasol yw O.S. 2021/1294 (Cy. 328), O.S. 2022/79 (Cy. 28), O.S. 2022/764 (Cy. 166) ac O.S. 2023/1349 (Cy. 243). Mae offerynnau diwygio eraill ond nid yw’r un ohonynt yn berthnasol.