25.—(1) Mae’r rheoliad hwn yn gymwys pan fydd yn ofynnol i awdurdod cynllunio gyhoeddi hysbysiad o orchymyn a wneir o dan adran 107 o Ddeddf 2023 (addasu a dirymu cydsyniad).
(2) At ddibenion paragraff 3(2) o Atodlen 8 i Ddeddf 2023 (y weithdrefn ar gyfer gorchmynion sy’n addasu neu’n dirymu cydsyniad adeilad rhestredig), y ffordd y mae rhaid i awdurdod cynllunio gyhoeddi’r hysbysiad hwnnw yw mewn papur newydd sy’n cylchredeg yn yr ardal leol y mae’r adeilad rhestredig y mae’r gorchymyn yn ymwneud ag ef ynddi.
26.—(1) Y gyfradd llog a bennir at ddiben adran 146(1) o Ddeddf 2023 (adennill costau gwaith diogelu) yw 2% y flwyddyn yn uwch na chyfradd sylfaenol Banc Lloegr.
(2) Yn y rheoliad hwn, ystyr “cyfradd sylfaenol Banc Lloegr” ar gyfer unrhyw ddiwrnod penodol yw—
(a)os yw gorchymyn o dan adran 19 o Ddeddf Banc Lloegr 1998(1) mewn grym, unrhyw gyfradd sy’n cyfateb i’r gyfradd a ddisgrifir yn is-baragraff (b), neu os nad oes unrhyw gyfradd,
(b)y gyfradd a gyhoeddwyd fel y gyfradd fasnachu swyddogol yng nghyfarfod Pwyllgor Polisi Ariannol Banc Lloegr a gynhaliwyd ddiwethaf cyn y diwrnod hwnnw.
27. Mae Atodlen 4 yn cynnwys diwygiadau canlyniadol.
28. Mae Atodlen 5 yn cynnwys dirymiadau.