Deddf Rheoleiddio ac Arolygu Gofal Cymdeithasol (Cymru) 2016

Valid from 03/04/2017

Cofrestru yn y rhan gweithwyr cymdeithasol neu mewn rhan ychwanegol o’r gofrestr LL+C

82 Cais i gofrestru LL+C

(1) Mae cais i gofrestru yn y rhan gweithwyr cymdeithasol neu mewn rhan ychwanegol o’r gofrestr i’w wneud i’r cofrestrydd.

(2) Rhaid i gais o dan is-adran (1) bennu pob rhan o’r gofrestr y gwneir cais i gofrestru ynddi.

Gwybodaeth Cychwyn

I1 A. 82 ddim mewn grym ar y Cydsyniad Brenhinol, gweler a. 188(1)

83 Cofrestru LL+C

(1) Rhaid i’r cofrestrydd ganiatáu cais a wneir o dan adran 82 os yw wedi ei fodloni—

(a) bod y cais wedi ei wneud ar y ffurf ac yn y modd a bennir mewn rheolau a wneir gan GCC,

(b) bod yr ymgeisydd wedi talu’r ffi (os oes ffi) a bennir mewn rheolau a wneir gan GCC o dan adran 74, ac

(c) bod yr ymgeisydd yn bodloni’r gofynion cofrestru.

(2) Y gofynion cofrestru yw—

(a) bod y person wedi ei gymhwyso’n briodol (gweler adran 84),

(b) nad oes unrhyw amhariad ar addasrwydd y person i ymarfer ar un neu ragor o’r seiliau yn adran 117(1), ac

(c) bod y person yn bwriadu ymarfer gwaith personau sydd wedi eu cofrestru yn y rhan o’r gofrestr y mae’r cais yn ymwneud â hi.

(3) At ddibenion is-adran (2)(c) caiff GCC drwy reolau bennu—

(a) gweithgareddau sydd i’w hystyried fel ymarfer gwaith personau sydd wedi eu cofrestru mewn rhan o’r gofrestr;

(b) y meini prawf i’w cymhwyso gan y cofrestrydd ar gyfer dyfarnu a yw person yn bwriadu ymarfer.

Gwybodaeth Cychwyn

I2 A. 83 ddim mewn grym ar y Cydsyniad Brenhinol, gweler a. 188(1)