- Y Diweddaraf sydd Ar Gael (Diwygiedig) - Saesneg
- Y Diweddaraf sydd Ar Gael (Diwygiedig) - Cymraeg
- Gwreiddiol (Fel y'i Gwnaed) - Saesneg
- Gwreiddiol (Fel y'i Gwnaed) - Cymraeg
Dyma’r fersiwn wreiddiol (fel y’i gwnaed yn wreiddiol). Dim ond ar ei ffurf wreiddiol y mae’r eitem hon o ddeddfwriaeth ar gael ar hyn o bryd.
Mae’r Offeryn Statudol hwn yn cywiro gwallau yn O.S. 2022/22 (Cy. 10) a 2022/28 (Cy. 13) ac fe’i dyroddir yn rhad ac am ddim i bawb y gwyddys iddynt gael yr Offerynnau Statudol hynny.
Offerynnau Statudol Cymru
Tai, Cymru
Gwnaed
8 Tachwedd 2023
Gosodwyd gerbron Senedd Cymru
10 Tachwedd 2023
Yn dod i rym
6 Rhagfyr 2023
Mae Gweinidogion Cymru yn gwneud y Rheoliadau a ganlyn drwy arfer y pwerau a roddir iddynt gan adrannau 29(1), 32(4), 236(3) a 256(1) o Ddeddf Rhentu Cartrefi (Cymru) 2016(1).
1.—(1) Enw’r Rheoliadau hyn yw Rheoliadau Rhentu Cartrefi (Diwygiadau Amrywiol) (Cymru) 2023.
(2) Daw’r Rheoliadau hyn i rym ar 6 Rhagfyr 2023.
2.—(1) Mae Rheoliadau Rhentu Cartrefi (Gwybodaeth Esboniadol ar gyfer Datganiadau Ysgrifenedig o Gontractau Meddiannaeth) (Cymru) 2022(2) wedi eu diwygio fel a ganlyn.
(2) Yn rheoliad 3 (materion rhagnodedig y mae rhaid cynnwys gwybodaeth esboniadol ar eu cyfer yn y datganiad ysgrifenedig o gontract meddiannaeth)—
(a)ym mharagraff (f)—
(i)yn lle “bod rhaid i’r datganiad ysgrifenedig o’r contract meddiannaeth gael ei roi i ddeiliad y contract” rhodder “o ran y datganiad ysgrifenedig o’r contract meddiannaeth”;
(ii)ar ddechrau is-baragraff (i) mewnosoder “caniateir ei roi i ddeiliad y contract cyn y dyddiad meddiannu ac, os nad ydyw, rhaid ei roi i ddeiliad y contract”;
(iii)yn is-baragraff (ii), ar ôl “gontract wedi ei drosi,” mewnosoder “rhaid ei roi i ddeiliad y contract”;
(b)yn lle paragraff (g) rhodder—
“(g)os yw’r landlord yn methu â rhoi’r datganiad ysgrifenedig o’r contract meddiannaeth i ddeiliad y contract o fewn 14 o ddiwrnodau i’r dyddiad meddiannu, caiff y landlord fod yn atebol i dalu digollediad i ddeiliad y contract sy’n cyfateb i ddiwrnod o rent am bob diwrnod na ddarperir y datganiad ysgrifenedig, gan ddechrau â’r dyddiad meddiannu, hyd at uchafswm o ddau fis o rent (oni bai bod methiant y landlord i ddarparu’r datganiad ysgrifenedig yn fwriadol, ac os felly, caiff y llys benderfynu bod swm cynyddol yn daladwy fesul diwrnod)”.
(3) Yn rheoliad 8 (contract safonol cyfnod penodol)—
(a)ym mharagraff (b)(v)(bb)—
(i)yn y testun Saesneg, ar ôl “must give up possession” mewnosoder “,”;
(ii)yn y testun Saesneg, ar ôl “occupation contract is” mewnosoder “a”;
(b)ym mharagraff (b)(v)(cc), yn y testun Saesneg, ar ôl “to the Act,” mewnosoder “the”.
3.—(1) Mae Rheoliadau Rhentu Cartrefi (Datganiadau Ysgrifenedig Enghreifftiol o Gontract) (Cymru) 2022(3) wedi eu diwygio fel a ganlyn.
(2) Yn Atodlen 1 (datganiad ysgrifenedig enghreifftiol o gontract meddiannaeth diogel), yn Rhan 1 (contract meddiannaeth diogel – gwybodaeth esboniadol), yn yr ail baragraff, yn lle “y mae’n hwyr” rhodder “(gan ddechrau â’r dyddiad meddiannu) nad yw’r datganiad ysgrifenedig wedi ei ddarparu”.
(3) Yn Atodlen 2 (datganiad ysgrifenedig enghreifftiol o gontract meddiannaeth safonol cyfnodol)—
(a)yn Rhan 1 (contract meddiannaeth safonol cyfnodol – gwybodaeth esboniadol), yn yr ail baragraff, yn lle “y mae’n hwyr” rhodder “(gan ddechrau â’r dyddiad meddiannu) nad yw’r datganiad ysgrifenedig wedi ei ddarparu”;
(b)yn Rhan 3 (contract meddiannaeth safonol cyfnodol – telerau sylfaenol ac atodol)—
(i)yn nheler 47 (tor contract (F+)), ym mharagraff (1), yn y testun Saesneg, yn yr ail le y mae’n digwydd hepgorer “on that ground”;
(ii)yn nheler 60 (terfynu contract yn dilyn hysbysiad a roddir o dan deler 55 (F+))—
(aa)ar ddechrau paragraff (3)(a) mewnosoder “cyn i’r contract hwn ddod i ben, ac yn ystod y cyfnod o 28 o ddiwrnodau sy’n dechrau â’r diwrnod y rhoddwyd yr hysbysiad,”;
(bb)ym mharagraff (3)(b), yn y testun Saesneg, ar ôl “starting with” mewnosoder “the”.
(4) Yn Atodlen 3 (datganiad ysgrifenedig enghreifftiol o gontract meddiannaeth safonol cyfnod penodol ar gyfer cyfnod o lai na saith mlynedd)—
(a)yn Rhan 1 (contract meddiannaeth safonol cyfnod penodol – gwybodaeth esboniadol)—
(i)yn yr ail baragraff, yn lle “y mae’n hwyr” rhodder “(gan ddechrau â’r dyddiad meddiannu) nad yw’r datganiad ysgrifenedig wedi ei ddarparu”;
(ii)ar ôl paragraff (c) mewnosoder yn baragraff newydd—
“Os ydych yn dal i feddiannu’r annedd ar ôl diwedd y cyfnod penodol, rydych chi a’r landlord i’ch trin fel pe baech wedi gwneud contract safonol cyfnodol newydd mewn perthynas â’r annedd.”;
(b)yn Rhan 2 (contract meddiannaeth safonol cyfnod penodol – materion allweddol), yn y paragraff cyntaf, yn lle “a nodir isod” rhodder “o ____________________ (mewnosoder cyfnod y contract meddiannaeth mewn dyddiau/wythnosau/misoedd/blynyddoedd)”;
(c)yn Rhan 3 (contract safonol cyfnod penodol – telerau sylfaenol ac atodol), ar ddiwedd is-bennawd teler 39 (hysbysiadau adennill meddiant) mewnosoder “(F+)”.
4. Yn Rheoliadau Rhentu Cartrefi (Ffurfiau Rhagnodedig) (Cymru) 2022(4), yn yr Atodlen (ffurfiau rhagnodedig), yn ffurflen RHW17 (hysbysiad y landlord o derfynu: contract safonol cyfnodol gyda chyfnod hysbysu byrraf a ganiateir o ddau fis (heblaw contract safonol rhagarweiniol neu gontract safonol ymddygiad gwaharddedig)), yn y nodiadau cyfarwyddyd ar gyfer deiliaid contract—
(a)o dan y pennawd “Cyfnod hysbysu byrraf a ganiateir o ddau fis”—
(i)ar ddiwedd “Gall contract meddiannaeth fod â chyfnod hysbysu byrraf a ganiateir o ddau fis oherwydd” hepgorer “:”;
(ii)hepgorer paragraff a) a’r “neu” ar ei ôl;
(iii)hepgorer “b)”;
(b)o dan y pennawd “Cyfyngiadau ar roi’r hysbysiad hwn”, o dan yr is-bennawd “Pedwar/chwe mis cyntaf meddiannaeth”—
(i)hepgorer y geiriau o “Os oedd y contract meddiannaeth yn denantiaeth fyrddaliol sicr” hyd at “ddyddiad meddiannu’r contract.”;
(ii)yn lle “Yn y naill achos neu’r llall, nid” rhodder “Nid”.
Julie James
Y Gweinidog Newid Hinsawdd, un o Weinidogion Cymru
8 Tachwedd 2023
(Nid yw’r nodyn hwn yn rhan o’r Rheoliadau)
Mae’r Rheoliadau hyn yn diwygio Rheoliadau Rhentu Cartrefi (Gwybodaeth Esboniadol ar gyfer Datganiadau Ysgrifenedig o Gontractau Meddiannaeth) (Cymru) 2022 (O.S. 2022/22 (Cy. 10)), Rheoliadau Rhentu Cartrefi (Datganiadau Ysgrifenedig Enghreifftiol o Gontract) (Cymru) 2022 (O.S. 2022/28 (Cy. 13)) a Rheoliadau Rhentu Cartrefi (Ffurfiau Rhagnodedig) (Cymru) 2022 (O.S. 2022/244 (Cy. 72)).
Mae rheoliad 2 yn diwygio rheoliadau 3 ac 8 o Reoliadau Rhentu Cartrefi (Gwybodaeth Esboniadol ar gyfer Datganiadau Ysgrifenedig o Gontractau Meddiannaeth) (Cymru) 2022. Gwneir diwygiadau i reoliad 3 i egluro’r materion rhagnodedig y mae rhaid cynnwys gwybodaeth esboniadol ar eu cyfer yn y datganiad ysgrifenedig o gontract meddiannaeth. Gwneir diwygiadau i reoliad 8 i gywiro mân wallau testunol ac atalnodi yn y testun Saesneg.
Mae rheoliad 3 yn diwygio Atodlenni 1, 2 a 3 i Reoliadau Rhentu Cartrefi (Datganiadau Ysgrifenedig Enghreifftiol o Gontract) (Cymru) 2022. Gwneir diwygiadau i Atodlenni 1, 2 a 3 i’r Rheoliadau hynny i egluro’r cyfnod y gall digollediad fod yn daladwy mewn perthynas ag ef gan landlord sydd wedi methu â darparu datganiad ysgrifenedig o fewn yr amserlen ofynnol. Gwneir diwygiadau i Ran 3 o Atodlen 2 i gywiro gwallau yn nhestun Saesneg telerau 47 a 60 ac i adlewyrchu adran 180(3)(a) o Ddeddf Rhentu Cartrefi (Cymru) 2016 yn nheler 60. Gwneir diwygiad i Ran 1 o Atodlen 3 i adlewyrchu adran 184(2) o Ddeddf Rhentu Cartrefi (Cymru) 2016, gwneir diwygiad i Ran 2 o’r Atodlen honno i ddarparu ar gyfer nodi hyd cyfnod y contract meddiannaeth a gwneir diwygiad i Ran 3 o’r Atodlen honno i egluro bod teler 39 yn deler sylfaenol y gellir ei newid neu ei adael allan o ddatganiad ysgrifenedig.
Mae Rheoliad 4 yn diwygio’r nodiadau cyfarwyddyd ar gyfer deiliaid contractau yn ffurflen RHW17 (hysbysiad y landlord o derfynu: contract safonol cyfnodol gyda chyfnod hysbysu byrraf a ganiateir o ddau fis (heblaw contract safonol rhagarweiniol neu gontract safonol ymddygiad gwaharddedig)) yn yr Atodlen i Reoliadau Rhentu Cartrefi (Ffurfiau Rhagnodedig) (Cymru) 2022. Mae’r diwygiad yn dileu canllawiau mewn perthynas â chontractau wedi eu trosi nad ydynt yn berthnasol mwyach.
Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Rheoliadau hyn. O ganlyniad, ystyriwyd nad oedd yn angenrheidiol cynnal asesiad effaith rheoleiddiol o’r costau a’r manteision sy’n debygol o ddeillio o gydymffurfio â’r offeryn hwn.
2016 dccc 1. Gweler adran 252 am y diffiniad o “rhagnodedig”.
O.S. 2022/244 (Cy. 72). Rhoddir effaith i Ffurflen RHW17 gan reoliad 20.
Y Diweddaraf sydd Ar Gael (diwygiedig):Y fersiwn ddiweddaraf sydd ar gael o’r ddeddfwriaeth yn cynnwys newidiadau a wnaed gan ddeddfwriaeth ddilynol ac wedi eu gweithredu gan ein tîm golygyddol. Gellir gweld y newidiadau nad ydym wedi eu gweithredu i’r testun eto yn yr ardal ‘Newidiadau i Ddeddfwriaeth’. Dim ond yn Saesneg y mae’r fersiwn ddiwygiedig ar gael ar hyn o bryd.
Gwreiddiol (Fel y’i Deddfwyd neu y’i Gwnaed) - Saesneg: Mae'r wreiddiol Saesneg fersiwn y ddeddfwriaeth fel ag yr oedd pan gafodd ei deddfu neu eu gwneud. Ni wnaed unrhyw newidiadau i’r testun.
Gwreiddiol (Fel y’i Deddfwyd neu y’i Gwnaed)-Cymraeg:Y fersiwn Gymraeg wreiddiol o’r ddeddfwriaeth fel yr oedd yn sefyll pan gafodd ei deddfu neu ei gwneud. Ni wnaed unrhyw newidiadau i’r testun.
Gallwch wneud defnydd o ddogfennau atodol hanfodol a gwybodaeth ar gyfer yr eitem ddeddfwriaeth o’r tab hwn. Yn ddibynnol ar yr eitem ddeddfwriaeth sydd i’w gweld, gallai hyn gynnwys:
Defnyddiwch y ddewislen hon i agor dogfennau hanfodol sy’n cyd-fynd â’r ddeddfwriaeth a gwybodaeth am yr eitem hon o ddeddfwriaeth. Gan ddibynnu ar yr eitem o ddeddfwriaeth sy’n cael ei gweld gall hyn gynnwys:
liciwch ‘Gweld Mwy’ neu ddewis ‘Rhagor o Adnoddau’ am wybodaeth ychwanegol gan gynnwys