Rheoliadau Caffael (Cymru) 2024

Offerynnau Statudol Cymru

2024 Rhif 782 (Cy. 121)

Caffael Cyhoeddus, Cymru

Rheoliadau Caffael (Cymru) 2024

Gwnaed

3 Gorffennaf 2024

Yn dod i rym yn unol â rheoliad 1(2) a (3)

Mae Gweinidogion Cymru(1) yn gwneud y Rheoliadau a ganlyn drwy arfer y pwerau a roddir iddynt gan adrannau 9(2), 33(8), 69(4), 87(7), 95(1), (2) a (3), 97(1) a (2), 121(1) a (2), 122(3) a 125 o Ddeddf Caffael 2023(2), a pharagraff 5(1) o Atodlen 1 iddi.

Yn unol ag adran 121(3) o’r Ddeddf honno, mae Gweinidogion Cymru wedi ymgynghori ag unrhyw bersonau y mae’n ymddangos iddynt eu bod yn cynrychioli barn cyfleustodau preifat, yn ogystal ag unrhyw bersonau eraill y maent yn ystyried eu bod yn briodol.

Yn unol ag adran 122(10)(b), (c), (e), (h), (l), (m), (o), (q) ac (r) o’r Ddeddf honno, gosodwyd drafft o’r Rheoliadau hyn gerbron Senedd Cymru ac fe’i cymeradwywyd ganddi drwy benderfyniad.

RHAN 1 Cyflwyniad

Enwi a dod i rym

1.—( 1) Enw’r Rheoliadau hyn yw Rheoliadau Caffael (Cymru) 2024.

(2) Daw’r Rheoliadau hyn, ac eithrio Rhan 1 a rheoliad 47(1) a (2), i rym yr un pryd ag y daw adran 11 o Ddeddf Caffael 2023 i rym at unrhyw ddiben(3).

(3) Daw Rhan 1 a rheoliad 47(1) a (2) i rym drannoeth y diwrnod y gwneir y Rheoliadau hyn.

Cymhwyso

2.—( 1) Mae’r Rheoliadau hyn yn gymwys i—

(a) awdurdod contractio sy’n awdurdod Cymreig datganoledig, gan gynnwys mewn perthynas â chaffaeliad o dan drefniant caffael Cymreig datganoledig, a

(b) awdurdod contractio sydd i’w drin fel awdurdod Cymreig datganoledig o dan adran 111 o Ddeddf Caffael 2023.

(2) Yn y rheoliad hwn—

mae i “awdurdod Cymreig datganoledig” yr ystyr a roddir i “devolved Welsh authority” gan adran 157A o Ddeddf Llywodraeth Cymru 2006(4);

mae i “trefniant caffael Cymreig datganoledig” yr ystyr a roddir i “devolved Welsh procurement arrangement” yn adran 114(2) o Ddeddf Caffael 2023.

Dehongli

3.   Yn y Rheoliadau hyn—

mae i “awdurdod contractio” yr ystyr a roddir i “contracting authority” gan adran 2(1) o Ddeddf 2023;

ystyr “Deddf 2023” (“the 2023 Act”) yw Deddf Caffael 2023;

ystyr “GGG” (“CPV”) yw’r Eirfa Gaffael Gyffredin fel y’i mabwysiadwyd gan Reoliad (EC) Rhif 2195/2002 Senedd Ewrop a’r Cyngor dyddiedig 5 Tachwedd 2002 ar yr Eirfa Gaffael Gyffredin (5).

RHAN 2 Tryloywder

Dehongli Rhan 2

4.   Yn y Rhan hon—

mae i “amcangyfrif o werth” yr ystyr a roddir i “estimated value” gan adran 4 o Ddeddf 2023;

mae i “awdurdod priodol” yr ystyr a roddir i “appropriate authority” gan adran 123 o Ddeddf 2023;

mae i “caffaeliad” yr ystyr a roddir i “procurement” gan adran 1(1) o Ddeddf 2023;

mae i “cod adnabod unigryw” (“unique identifier”) yr ystyr a roddir gan reoliad 9;

ystyr “cofrestr pobl â rheolaeth sylweddol” (“PSC register”) yw’r gofrestr y mae’n ofynnol i gwmni ei chadw o dan adran 790M o DC 2006 (dyletswydd i gadw cofrestr)(6);

mae i “contract consesiwn” yr ystyr a roddir i “concession contract” gan adran 8 o Ddeddf 2023;

mae i “contract cyfleustodau” yr ystyr a roddir i “utilities contract” gan adran 6 o Ddeddf 2023;

mae i “contract cyfundrefn arbennig” yr ystyr a roddir i “special regime contract” gan adran 10(6) o Ddeddf 2023;

mae i “contract cyffyrddiad ysgafn” yr ystyr a roddir i “light touch contract” gan adran 9 o Ddeddf 2023;

mae i “contract cyhoeddus” yr ystyr a roddir i “public contract” gan adran 3 o Ddeddf 2023;

mae i “contract trosadwy” yr ystyr a roddir i “convertible contract” gan adran 74(1) o Ddeddf 2023;

mae i “cwmni cydfuddiannol gwasanaethau cyhoeddus” yr ystyr a roddir i “public service mutual” gan adran 33(6) o Ddeddf 2023;

mae i “cyflenwr gwaharddedig” yr ystyr a roddir i “excluded supplier” gan adran 57(1) o Ddeddf 2023;

mae i “cyfleustod” yr ystyr a roddir i “utility” gan adran 35(4) o Ddeddf 2023;

mae i “cyfleustod preifat” yr ystyr a roddir i “private utility” gan adran 2(2) o Ddeddf 2023;

mae i “cyfnod tendro” yr ystyr a roddir i “tendering period” gan adran 54(5) o Ddeddf 2023;

ystyr “Cytundeb ar Gaffael gan Lywodraethau” (“GPA”) yw’r Cytundeb ar Gaffael gan Lywodraethau a lofnodwyd ym Marrakesh ar 15 Ebrill 1994 (7), fel y’i diwygir o bryd i’w gilydd;

ystyr “Cytundeb Cynhwysfawr a Blaengar ar gyfer Partneriaeth y Môr Tawel” (“Comprehensive and Progressive Agreement for Trans-Pacific Partnership”) yw’r Cytundeb Cynhwysfawr a Blaengar ar gyfer Partneriaeth y Môr Tawel, a lofnodwyd yn Santiago ar 8 Mawrth 2018, gan gynnwys Protocol Derbyn Teyrnas Unedig Prydain Fawr a Gogledd Iwerddon i’r Cytundeb Cynhwysfawr a Blaengar ar gyfer Partneriaeth y Môr Tawel, a lofnodwyd yn Auckland a Bandar Seri Begawan ar 16 Gorffennaf 2023 (8), fel y’i diwygir o bryd i’w gilydd;

mae i “dangosyddion perfformiad allweddol” yr ystyr a roddir i “key performance indicators” gan adran 52(4) o Ddeddf 2023;

mae i “darparwr cyflogaeth â chymorth” yr ystyr a roddir i “supported employment provider” gan adran 32(4) o Ddeddf 2023;

ystyr “DC 2006” (“CA 2006”) yw Deddf Cwmnïau 2006(9);

mae i “dogfen dendro gysylltiedig” yr ystyr a roddir i “associated tender document” gan adran 21(4) o Ddeddf 2023;

mae i “dosbarthiad daearyddol” (“geographical classification”) yr ystyr a roddir gan reoliad 15(2);

mae i “fframwaith” yr ystyr a roddir i “framework” gan adran 45(2) o Ddeddf 2023;

mae i “fframwaith agored” yr ystyr a roddir i “open framework” gan adran 49(1) o Ddeddf 2023;

mae i “gweithdrefn agored” yr ystyr a roddir i “open procedure” gan adran 20(2)(a) o Ddeddf 2023;

mae i “gweithdrefn hyblyg gystadleuol” yr ystyr a roddir i “competitive flexible procedure” gan adran 20(2)(b) o Ddeddf 2023;

mae i “gweithiau” (“works”) yr ystyr a roddir gan reoliad 45;

mae i “gwybodaeth yr awdurdod contractio” (“contracting authority information”) yr ystyr a roddir gan reoliad 14;

mae i “gwybodaeth graidd y cyflenwr” (“core supplier information”) yr ystyr a roddir gan reoliad 6(9);

ystyr “heb fod ar gael” (“unavailable”) yw bod y platfform digidol Cymreig heb fod yn weithredol am ddim llai na 4 awr;

mae i “hysbysiad caffael arfaethedig” yr ystyr a roddir i “planned procurement notice” gan adran 15(2) o Ddeddf 2023;

mae i “hysbysiad dyfarnu contract” yr ystyr a roddir i “contract award notice” gan adran 50(2) o Ddeddf 2023;

mae i “hysbysiad manylion contract” yr ystyr a roddir i “contract details notice” gan adran 53(2) o Ddeddf 2023;

mae i “hysbysiad marchnad ddynamig” yr ystyr a roddir i “dynamic market notice” gan adran 39 o Ddeddf 2023;

mae i “hysbysiad marchnad ddynamig cyfleustodau cymhwysol” yr ystyr a roddir i “qualifying utilities dynamic market notice” gan adran 40(6) o Ddeddf 2023;

mae i “hysbysiad piblinell” yr ystyr a roddir i “pipeline notice” gan adran 93(3) o Ddeddf 2023;

mae i “hysbysiad tendro” yr ystyr a roddir i “tender notice” gan adran 21(2) o Ddeddf 2023;

mae i “hysbysiad tryloywder” yr ystyr a roddir i “transparency notice” gan adran 44(2) o Ddeddf 2023;

mae i “hysbysiad ymgysylltu rhagarweiniol â’r farchnad” yr ystyr a roddir i “preliminary market engagement notice” gan adran 17(2) o Ddeddf 2023;

mae i “marchnad ddynamig” yr ystyr a roddir i “dynamic market” gan adran 34(8) o Ddeddf 2023;

mae i “meini prawf dyfarnu” yr ystyr a roddir i “award criteria” gan adran 23(1) o Ddeddf 2023;

mae i “menter fach a chanolig ei maint” (“small and medium-sized enterprise”) yr ystyr a roddir gan adran 123(1) o Ddeddf 2023;

mae i “person cysylltiedig” yr ystyr a roddir i “connected person” gan baragraff 45 o Atodlen 6 i Ddeddf 2023;

ystyr “platfform digidol canolog” (“central digital platform”) yw’r system ar-lein a sefydlwyd gan y Gweinidog dros Swyddfa’r Cabinet(10);

ystyr “platfform digidol Cymreig” (“Welsh digital platform”) yw’r system ar-lein a ddarperir gan Lywodraeth Cymru i’w defnyddio gan awdurdodau contractio y mae rheoliad 2 yn gymwys iddynt;

mae i “proses ddethol gystadleuol” yr ystyr a roddir i “competitive selection process” gan adran 46(10) o Ddeddf 2023;

mae i “pwnc y contract” (“contract subject-matter”) yr ystyr a roddir gan reoliad 15;

mae i “rheolaeth sylweddol” yr ystyr a roddir i “significant control” gan adran 790C(2) o DC 2006(11);

ystyr “Swyddfa’r Cabinet” (“Cabinet Office”) yw adran Llywodraeth y DU sy’n gyfrifol am gefnogi prif weinidog a Chabinet y Deyrnas Unedig, gan weithredu ar ran y Gweinidog dros Swyddfa’r Cabinet;

mae i “system ar-lein arall” (“alternative online system”) yr ystyr a roddir gan reoliad 5(11).

Cyhoeddi hysbysiadau ar y platfform digidol canolog

5.—( 1) Rhaid cyhoeddi neu roi hysbysiad, dogfen neu wybodaeth a gyhoeddir neu a roddir o dan ddarpariaeth o Ddeddf 2023 a restrir ym mharagraff (5) drwy gyhoeddi’r hysbysiad, y ddogfen neu’r wybodaeth gan yr awdurdod contractio ar y platfform digidol canolog yn gyntaf.

(2) Oni bai bod paragraff (3) neu baragraff (6) yn gymwys, mae’r gofyniad ym mharagraff (1) i’r awdurdod contractio gyhoeddi neu roi hysbysiad, dogfen neu wybodaeth ar y platfform digidol canolog yn gyntaf wedi ei fodloni pan fo’r awdurdod contractio wedi cyflwyno’r hysbysiad, y ddogfen neu’r wybodaeth i’r platfform digidol Cymreig ac—

(a) bo’r Gweinidog dros Swyddfa’r Cabinet wedi rhoi gwybod i’r awdurdod contractio fod yr hysbysiad wedi ei gyflwyno’n llwyddiannus ar gyfer ei gyhoeddi i’r platfform digidol canolog, neu fod y ddogfen neu’r wybodaeth wedi ei chyflwyno’n llwyddiannus ar gyfer ei chyhoeddi iddo, neu

(b) bo modd i gyflenwyr ac aelodau o’r cyhoedd gyrchu’r hysbysiad, y ddogfen neu’r wybodaeth ar y platfform digidol canolog.

(3) Os yw’r platfform digidol Cymreig heb fod ar gael fel na ellir bodloni’r gofyniad ym mharagraff (2), caniateir i awdurdod contractio gyhoeddi hysbysiad, dogfen neu wybodaeth—

(a) ar y platfform digidol canolog, neu

(b) ar y platfform digidol canolog drwy ddefnyddio system ar-lein arall.

(4) Pan fo paragraff (3) yn gymwys bydd y gofyniad ym mharagraff (1) wedi ei fodloni—

(a) pan fo’r Gweinidog dros Swyddfa’r Cabinet wedi rhoi gwybod i’r awdurdod contractio fod yr hysbysiad wedi ei gyflwyno’n llwyddiannus ar gyfer ei gyhoeddi i’r platfform, neu fod y ddogfen neu’r wybodaeth wedi ei chyflwyno’n llwyddiannus ar gyfer ei chyhoeddi iddo, neu

(b) pan fo modd i gyflenwyr ac aelodau o’r cyhoedd gyrchu’r hysbysiad, y ddogfen neu’r wybodaeth ar y platfform digidol canolog.

(5) Y darpariaethau perthnasol o Ddeddf 2023 yw—

(a) adran 15(1) (hysbysiadau caffael arfaethedig)(12),

(b) adran 17(1)(a) (hysbysiadau ymgysylltu rhagarweiniol â’r farchnad),

(c) adran 21(1) (hysbysiadau tendro),

(d) adran 24(4) (mireinio meini prawf dyfarnu), mewn cysylltiad ag ailgyhoeddi hysbysiadau tendro yn unig,

(e) adran 31(5) (addasu caffaeliad adran 19), mewn cysylltiad ag ailgyhoeddi hysbysiadau tendro yn unig,

(f) adran 39(2) (hysbysiadau marchnad ddynamig: bwriad i sefydlu marchnad ddynamig)(13),

(g) adran 39(3) (hysbysiadau marchnad ddynamig: sefydlu marchnad ddynamig),

(h) adran 39(4) (hysbysiadau marchnad ddynamig: addasiadau i farchnad ddynamig),

(i) adran 39(5) (hysbysiadau marchnad ddynamig: diwedd marchnad ddynamig),

(j) adran 44(1) (hysbysiadau tryloywder),

(k) adran 50(1) (hysbysiadau dyfarnu contract),

(l) adran 52(3) (dangosyddion perfformiad allweddol),

(m) adran 53(1) (hysbysiadau manylion contract),

(n) adran 53(3) (copïau o gontractau),

(o) adran 55(2) (hysbysiadau terfynu caffaeliad),

(p) adran 69(1) (hysbysiadau cydymffurfedd taliadau),

(q) adran 71(2)(b) (cyflawni contract: asesu perfformiad yn erbyn dangosyddion perfformiad allweddol),

(r) adran 71(5) (cyflawni contract: torri contract cyhoeddus neu fethu â chyflawni),

(s) adran 75(1) (hysbysiadau newid contract),

(t) adran 75(5) (hysbysiadau newid contract: addasiadau a wneir ar y cyd),

(u) adran 77(1) (cyhoeddi addasiadau),

(v) adran 80(1) (hysbysiadau terfynu contract),

(w) adran 87(1) (hysbysiadau tendro ar gyfer contractau sydd o dan y trothwy),

(x) adran 87(3) (hysbysiadau manylion contract yn dilyn contractau hysbysadwy sydd o dan y trothwy),

(y) adran 93(2) (hysbysiadau piblinell), a

(z) adran 94(3) (esemptiadau cyffredinol rhag dyletswyddau i gyhoeddi neu ddatgelu gwybodaeth: gwybodaeth yn cael ei chadw yn ôl).

(6) Os yw’r holl amodau sy’n gymwys ym mharagraff (7) wedi eu bodloni, caiff yr awdurdod contractio gyhoeddi neu roi’r hysbysiad, y ddogfen neu’r wybodaeth ar y platfform digidol Cymreig neu, os nad yw ar gael, ar system ar-lein arall ac wrth wneud hynny mae’r awdurdod i’w drin fel pe bai am y tro yn bodloni’r gofyniad ym mharagraff (1).

(7) Yr amodau yw—

(a) yn achos hysbysiad a grybwyllir ym mharagraff (8), nad oes llai na 4 awr wedi mynd heibio ers cyflwyno’r hysbysiad ar gyfer ei gyhoeddi i’r platfform digidol canolog,

(b) yn achos unrhyw hysbysiad arall, unrhyw ddogfen arall neu unrhyw wybodaeth arall, nad oes llai nag 48 awr wedi mynd heibio ers cyflwyno’r hysbysiad, y ddogfen neu’r wybodaeth ar gyfer ei gyhoeddi neu ei chyhoeddi i’r platfform digidol canolog,

(c) nad yw’r awdurdod contractio wedi cael cadarnhad gan y Gweinidog dros Swyddfa’r Cabinet fod yr hysbysiad wedi ei gyhoeddi ar y platfform digidol canolog yn llwyddiannus, neu fod y ddogfen neu’r wybodaeth wedi ei chyhoeddi arno’n llwyddiannus, a

(d) nad oes modd i aelodau o’r cyhoedd gyrchu’r hysbysiad, y ddogfen neu’r wybodaeth ar y platfform digidol canolog.

(8) Yr hysbysiadau yw hysbysiad tryloywder, hysbysiad dyfarnu contract neu hysbysiad manylion contract sy’n ymwneud ag—

(a) dyfarnu contract cyhoeddus yn uniongyrchol o dan baragraffau 13 a 14 o Atodlen 5 i Ddeddf 2023 (sefyllfa frys), neu

(b) dyfarnu contract cyhoeddus yn uniongyrchol o dan adran 42 o Ddeddf 2023 (dyfarniad uniongyrchol er mwyn gwarchod bywyd, etc.).

(9) Ond nid yw’r awdurdod contractio i gael ei drin mwyach fel pe bai am y tro yn bodloni’r gofyniad ym mharagraff (1) os yw’r Gweinidog dros Swyddfa’r Cabinet yn rhoi gwybod i’r awdurdod contractio fod cyflwyno’r hysbysiad, y ddogfen neu’r wybodaeth i’r platfform digidol canolog wedi ei wrthod.

(10) Rhaid i awdurdod contractio sy’n defnyddio’r platfform digidol Cymreig neu system ar-lein arall yn unol â pharagraff (6) gydweithredu â’r Gweinidog dros Swyddfa’r Cabinet er mwyn sicrhau bod yr hysbysiad, y ddogfen neu’r wybodaeth o dan sylw wedi hynny—

(a) yn cael ei gyhoeddi neu ei chyhoeddi ar y platfform digidol canolog, a

(b) yn gallu cael ei gyrchu neu ei chyrchu gan aelodau o’r cyhoedd ar y system honno.

(11) Ystyr “system ar-lein arall” yw system ar-lein ar gyfer cyhoeddi gwybodaeth am gaffael—

(a) sy’n system rad ac am ddim ac ar gael yn rhwydd i gyflenwyr ac aelodau o’r cyhoedd,

(b) sy’n system hygyrch i bobl anabl, ac

(c) nad y platfform digidol canolog na’r platfform digidol Cymreig mohoni.

(12) Nid oes dim yn y rheoliad hwn yn atal awdurdod contractio rhag cyhoeddi’r hysbysiad, y ddogfen neu’r wybodaeth yn rhywle heblaw ar y platfform digidol canolog, y platfform digidol Cymreig neu system ar-lein arall, ond ni chaiff yr awdurdod wneud hynny cyn cydymffurfio â gofynion paragraff (1) neu (6).

Rhannu gwybodaeth graidd y cyflenwr drwy’r platfform digidol canolog

6.—( 1) Mae’r rheoliad hwn yn gymwys i awdurdod contractio pan fo cyflenwr yn rhannu gwybodaeth graidd y cyflenwr â’r awdurdod yn ystod gweithdrefn a restrir ym mharagraff (2) gyda golwg ar ddyfarnu contract cyhoeddus.

(2) Y gweithdrefnau yw—

(a) gweithdrefn agored,

(b) gweithdrefn hyblyg gystadleuol,

(c) dyfarniad uniongyrchol o dan adran 41 neu 43 o Ddeddf 2023, neu

(d) proses ddethol gystadleuol ar gyfer fframweithiau o dan adran 46 o Ddeddf 2023.

(3) Os rhennir gwybodaeth graidd y cyflenwr—

(a) yn ystod gweithdrefn agored, neu

(b) yn ystod gweithdrefn hyblyg gystadleuol,

rhaid i’r awdurdod contractio gael cadarnhad gan y cyflenwr ynghylch y materion ym mharagraff (5) cyn diwedd y cyfnod tendro.

(4) Os rhennir gwybodaeth graidd y cyflenwr—

(a) cyn dyfarniad uniongyrchol o dan adran 41 neu 43 o Ddeddf 2023, neu

(b) yn ystod proses ddethol gystadleuol ar gyfer fframweithiau o dan adran 46 o’r Ddeddf honno,

rhaid i’r awdurdod contractio gael cadarnhad gan y cyflenwr ynghylch y materion ym mharagraff (5) cyn dyfarnu’r contract cyhoeddus.

(5) Y materion yw bod y cyflenwr—

(a) wedi cofrestru ar y platfform digidol canolog,

(b) wedi cyflwyno gwybodaeth graidd ddiweddaraf y cyflenwr i’r platfform hwnnw, ac

(c) wedi rhannu’r wybodaeth graidd ddiweddaraf honno am y cyflenwr â’r awdurdod contractio drwy gyfleuster sydd wedi ei ddarparu ar y platfform hwnnw at ddiben rhannu gwybodaeth graidd cyflenwyr.

(6) Mae paragraff (7) yn gymwys—

(a) pan fo cyflenwr wedi rhannu gwybodaeth graidd ddiweddaraf y cyflenwr ag awdurdod contractio yn ystod gweithdrefn a restrir ym mharagraff (2), a

(b) pan fo gwybodaeth graidd y cyflenwr yn newid wedi hynny, a bo’r cyflenwr yn rhannu â’r awdurdod contractio, cyn i’r contract cyhoeddus gael ei ddyfarnu, wybodaeth graidd y cyflenwr sydd wedi ei diweddaru neu wedi ei chywiro.

(7) Rhaid i’r awdurdod contractio gael cadarnhad pellach gan y cyflenwr ynghylch y materion ym mharagraff (8) cyn dyfarnu’r contract cyhoeddus.

(8) Y materion yw bod y cyflenwr—

(a) wedi cyflwyno i’r platfform digidol canolog wybodaeth graidd y cyflenwr sydd wedi ei diweddaru neu ei chywiro, a

(b) wedi rhannu’r wybodaeth graidd y cyflenwr sydd wedi ei diweddaru neu ei chywiro â’r awdurdod contractio drwy gyfleuster a ddarperir ar y platfform hwnnw at ddiben rhannu gwybodaeth graidd cyflenwyr.

(9) Yn yRhan hon, ystyr “gwybodaeth graidd y cyflenwr” yw—

(a) gwybodaeth sylfaenol y cyflenwr, a nodir yn rheoliad 10,

(b) gwybodaeth y cyflenwr o ran ei sefyllfa ariannol ac economaidd, a nodir yn rheoliad 11,

(c) gwybodaeth y cyflenwr o ran ei bersonau cysylltiedig, a nodir yn rheoliad 12, a

(d) gwybodaeth y cyflenwr o ran seiliau dros wahardd, a nodir yn rheoliad 13.

(10) Yn y rheoliad hwn, mae cyfeiriad at gyfleuster a ddarperir ar y platfform digidol canolog yn cynnwys cyfeiriad at gyfleuster i lawrlwytho gwybodaeth sydd i’w hanfon ymlaen at awdurdod contractio gan gyflenwr.

(11) Mae’r rheoliad hwn yn ddarostyngedig i reoliad 8.

Gwybodaeth y cyflenwr ar gyfer contractau hysbysadwy sydd o dan y trothwy

7.—( 1) Cyn i gyflenwr gymryd rhan mewn caffaeliad hysbysadwy sydd o dan y trothwy ac a gyflawnir gan awdurdod contractio, rhaid i’r awdurdod sicrhau bod y cyflenwr wedi cofrestru ar y platfform digidol canolog.

(2) Rhaid i’r awdurdod contractio gael cadarnhad cofrestru gan y cyflenwr cyn dyfarnu’r contract hysbysadwy sydd o dan y trothwy.

(3) Yn y rheoliad hwn—

ystyr “caffaeliad hysbysadwy sydd o dan y trothwy” (“notifiable below-threshold procurement”) yw dyfarnu contract hysbysadwy sydd o dan y trothwy, ymrwymo iddo a’i reoli;

mae i “contract hysbysadwy sydd o dan y trothwy” yr ystyr a roddir i “notifiable below-threshold contract” gan adran 87(4) o Ddeddf 2023.

Gwybodaeth graidd y cyflenwr: platfform ddim yn gweithio, sefyllfa frys, cyfleustodau preifat

8.—( 1) Pan na fo modd i awdurdod contractio, mewn cysylltiad â gwybodaeth graidd y cyflenwr a rennir yn ystod gweithdrefn agored neu weithdrefn hyblyg gystadleuol, gael cadarnhad gan y cyflenwr ynghylch y materion yn rheoliad 6(5) cyn diwedd y cyfnod tendro oherwydd y rheswm ym mharagraff (2), mae paragraff (3) yn gymwys.

(2) Y rheswm yw nad oedd modd i’r cyflenwr gofrestru’n rhesymol ar y platfform digidol canolog, cyflwyno gwybodaeth iddo, neu ddefnyddio cyfleuster ar gyfer rhannu gwybodaeth drwyddo, oherwydd nad oedd y platfform hwnnw yn gweithio’n briodol yn ystod unrhyw gyfnod cyn diwedd y cyfnod tendro.

(3) Rhaid i’r awdurdod contractio gael cadarnhad gan y cyflenwr ynghylch y materion yn rheoliad 6(5) cyn gynted ag y bo’n ymarferol a pha un bynnag cyn dyfarnu’r contract.

(4) Mae rheoliad 6 yn gymwys yn achos dyfarnu contract cyhoeddus yn uniongyrchol yn unol â pharagraffau 13 a 14 o Atodlen 5 i Ddeddf 2023 (sefyllfa frys), ond gan ddarllen rheoliad 6—

(a) fel pe bai’r cyfeiriad ym mharagraff (4) at yr awdurdod contractio yn cael cadarnhad cyn dyfarnu’r contract cyhoeddus yn gyfeiriad at yr awdurdod yn cael cadarnhad cyn gynted ag y bo’n ymarferol a pha un bynnag cyn dyddiad cyhoeddi’r hysbysiad manylion contract, a

(b) fel pe bai paragraffau (6) i (8) wedi eu hepgor.

(5) Nid yw rheoliad 6 yn gymwys i gyfleustod preifat yn achos dyfarnu contract cyhoeddus yn uniongyrchol yn unol â pharagraffau 13 a 14 o Atodlen 5 i Ddeddf 2023 (sefyllfa frys).

Codau adnabod unigryw ac esemptiad rhag eu cyhoeddi ar y platfform digidol Cymreig neu system ar-lein arall

9.—( 1) Yn y Rhan hon, ystyr “cod adnabod unigryw”—

(a) yn achos caffaeliad, yw’r cod unigryw a ddyrennir gan y platfform digidol canolog pan gyhoeddir yr hysbysiad cyntaf sy’n ymwneud â’r caffaeliad ar y platfform hwnnw, heblaw o dan yr amgylchiadau a nodir yn is-baragraff (b),

(b) yn achos caffaeliad pan fo newid wedi bod i ddyfarniad uniongyrchol yn unol ag adran 43 o Ddeddf 2023, yw’r cod unigryw a ddyrennir gan y platfform digidol canolog pan gyhoeddir yr hysbysiad tryloywder sy’n ymwneud â’r contract ar y platfform hwnnw,

(c) yn achos contract, y cod unigryw sy’n galluogi’r sawl a fo’n darllen hysbysiad sy’n cyfeirio at y contract i wahaniaethu rhwng y contract hwnnw a chontractau eraill sydd wedi eu dyfarnu o dan yr un broses gaffael,

(d) yn achos marchnad ddynamig, y cod unigryw a ddyrennir gan y platfform digidol canolog pan gyhoeddir y cyntaf o’r hysbysiadau a ganlyn ar y platfform hwnnw mewn perthynas â’r farchnad ddynamig—

(i) unrhyw hysbysiad piblinell,

(ii) unrhyw hysbysiad ymgysylltu rhagarweiniol â’r farchnad, neu

(iii) yr hysbysiad marchnad ddynamig cyntaf, ac

(e) yn achos—

(i) cyflenwr,

(ii) awdurdod contractio,

(iii) person sy’n cyflawni caffaeliad, neu ran o gaffaeliad, ar ran awdurdod contractio, neu

(iv) person heblaw awdurdod contractio sy’n sefydlu marchnad ddynamig yn unol ag adran 35(3) o Ddeddf 2023,

y cod unigryw a gyflwynir i’r platfform digidol canolog ac a gydnabyddir gan y platfform hwnnw neu, pan na chyflwynir ac na chydnabyddir cod o’r fath, y cod unigryw a ddyrennir gan y platfform hwnnw pan yw’r person yn cofrestru ar y platfform hwnnw.

(2) Mae paragraff (3) yn gymwys pan fo awdurdod contractio yn cyhoeddi hysbysiad, dogfen neu wybodaeth a grybwyllir yn rheoliad 5(5) ar y platfform digidol Cymreig neu, os nad yw ar gael, ar system ar-lein arall o dan reoliad 5(6).

(3) Nid yw’n ofynnol i’r awdurdod contractio gyhoeddi unrhyw god adnabod unigryw yn unol â’r Rhan hon hyd nes y cyhoeddir yr hysbysiad hwnnw, y ddogfen honno neu’r wybodaeth honno wedi hynny ar y platfform digidol canolog o dan reoliad 5(10).

Gwybodaeth sylfaenol y cyflenwr

10.—( 1) Mae’r rheoliad hwn yn nodi gwybodaeth sylfaenol y cyflenwr.

(2) Pan fo cyflenwr yn unigolyn, yr wybodaeth yw—

(a) enw’r cyflenwr,

(b) y cod adnabod unigryw ar gyfer y cyflenwr,

(c) cyfeiriad post cyswllt a chyfeiriad e-bost y cyflenwr,

(d) pan fo gan y cyflenwr wefan, cyfeiriad y wefan,

(e) rhif cofrestru TAW y cyflenwr (o fewn yr ystyr a roddir i “VAT registration number” yn adran 5A(6) o Ddeddf Treth ar Werth 1994(14)), os yw’n gymwys, ac

(f) manylion unrhyw gymhwyster perthnasol neu unrhyw sicrwydd masnach perthnasol a ddelir gan yr unigolyn, gan gynnwys—

(i) yn achos cymhwyster, enw’r person neu’r corff a ddyfarnodd y cymhwyster, enw’r cymhwyster a’r dyddiad y cafodd ei ddyfarnu, neu

(ii) yn achos sicrwydd masnach, enw’r person neu’r corff a ddyfarnodd y cofrestriad, rhif cyfeirnod y sicrwydd a’r dyddiad y rhoddwyd y sicrwydd.

(3) Pan na fo’r cyflenwr yn unigolyn, yr wybodaeth yw—

(a) enw’r cyflenwr,

(b) y cod adnabod unigryw ar gyfer y cyflenwr,

(c) cyfeiriad cofrestredig y cyflenwr neu gyfeiriad ei brif swyddfa,

(d) cyfeiriad post cyswllt a chyfeiriad e-bost y cyflenwr,

(e) pan fo’r cyflenwr yn marchnata ei nwyddau, ei wasanaethau neu ei weithiau ar-lein, cyfeiriad y wefan berthnasol,

(f) ffurf gyfreithiol y cyflenwr a’r gyfraith y’i llywodraethir odani,

(g) pan fo’r cyflenwr yn gwmni sydd wedi ei gofrestru o dan DC 2006, y dyddiad y cofrestrodd y cyflenwr o dan y Ddeddf honno,

(h) pan na fo’r cyflenwr yn gwmni sydd wedi ei gofrestru o dan DC 2006—

(i) unrhyw ddyddiad cyfwerth â’r dyddiad a grybwyllir yn is-baragraff (g), neu

(ii) pan na fo dyddiad cyfwerth, y dyddiad y dechreuodd y cyflenwr fasnachu,

(i) rhif cofrestru TAW y cyflenwr (o fewn yr ystyr a roddir i “VAT registration number” yn adran 5A(6) o Ddeddf Treth ar Werth 1994), os yw’n gymwys,

(j) manylion unrhyw gymhwyster perthnasol neu unrhyw sicrwydd masnach perthnasol a ddelir gan y cyflenwr, gan gynnwys—

(i) yn achos cymhwyster, enw’r person neu’r corff a ddyfarnodd y cymhwyster, enw’r cymhwyster a’r dyddiad y cafodd ei ddyfarnu, neu

(ii) yn achos sicrwydd masnach, enw’r person neu’r corff a ddyfarnodd y cofrestriad, rhif cyfeirnod y sicrwydd a’r dyddiad y rhoddwyd y sicrwydd, a

(k) a yw’r cyflenwr—

(i) yn fenter fach a chanolig ei maint,

(ii) yn gorff anllywodraethol â gwerthoedd yn ei lywio ac sy’n ailfuddsoddi ei wargedion yn bennaf er mwyn hybu amcanion cymdeithasol, amgylcheddol neu ddiwylliannol,

(iii) yn ddarparwr cyflogaeth â chymorth, neu

(iv) yn gwmni cydfuddiannol gwasanaethau cyhoeddus.

Gwybodaeth y cyflenwr o ran ei sefyllfa economaidd ac ariannol

11.—( 1) Mae’r rheoliad hwn yn nodi gwybodaeth y cyflenwr o ran ei sefyllfa economaidd ac ariannol.

(2) Yr wybodaeth yw—

(a) yn achos cyflenwr yr oedd yn ofynnol i’w gyfrifon gael eu harchwilio ar gyfer dwy flwyddyn ariannol ddiweddaraf y cyflenwr yn unol â Rhan 16 o DC 2006, copi o’r cyfrifon hynny,

(b) yn achos cyflenwr yr oedd yn ofynnol i’w gyfrifon gael eu harchwilio ar gyfer blwyddyn ariannol ddiweddaraf y cyflenwr yn unol â Rhan 16 o DC 2006, ond nid y flwyddyn ariannol yn union cyn honno, copi o’r cyfrifon hynny,

(c) yn achos cyflenwr yr oedd yn ofynnol i’w gyfrifon gael eu harchwilio ar gyfer dwy flwyddyn ariannol ddiweddaraf y cyflenwr yn unol â gofyniad tramor cyfwerth â Rhan 16 o DC 2006, copi o’r cyfrifon hynny,

(d) yn achos cyflenwr yr oedd yn ofynnol i’w gyfrifon gael eu harchwilio ar gyfer blwyddyn ariannol ddiweddaraf y cyflenwr yn unol â gofyniad tramor cyfwerth â Rhan 16 o DC 2006, ond nid y flwyddyn ariannol yn union cyn honno, copi o’r cyfrifon hynny, neu

(e) yn achos unrhyw gyflenwr arall—

(i) os oedd y cyflenwr mewn busnes am y ddwy o flynyddoedd ariannol mwyaf diweddar y cyflenwr, cyfrifon neu wybodaeth arall am y ddwy flynedd hynny, neu

(ii) os oedd y cyflenwr mewn busnes am flwyddyn ariannol ddiweddaraf y cyflenwr ond nid y flwyddyn ariannol yn union cyn hynny, cyfrifon neu wybodaeth arall ar gyfer blwyddyn ariannol ddiweddaraf y cyflenwr,

sy’n gyfwerth â gwybodaeth a gynhwysir mewn cyfrifon a archwilir yn unol â Rhan 16 o DC 2006, i’r graddau y gellir rhoi’r cyfrifon hynny neu’r wybodaeth arall honno yn rhesymol.

(3) Ym mharagraff (2)(a) a (b) mae i “blwyddyn ariannol” yr un ystyr â “financial year” yn adran 390 o DC 2006.

Gwybodaeth y cyflenwr o ran ei bersonau cysylltiedig

12.—( 1) Mae’r rheoliad hwn yn nodi gwybodaeth y cyflenwr o ran ei bersonau cysylltiedig.

(2) Yr wybodaeth yw’r wybodaeth yn y rheoliad hwn ar gyfer pob person cysylltiedig i’r cyflenwr.

(3) Mae paragraff (4) yn nodi’r wybodaeth—

(a) pan fo’r cyflenwr yn gwmni sydd wedi ei gofrestru o dan DC 2006,

(b) pan fo’r person cysylltiedig yn berson â rheolaeth sylweddol dros y cyflenwr, ac

(c) pan fo’r person cysylltiedig yn gofrestradwy.

(4) Yr wybodaeth yw—

(a) enw, dyddiad geni a chenedligrwydd y person cysylltiedig,

(b) cyfeiriad cyflwyno’r person cysylltiedig,

(c) pa un neu ragor o’r amodau penodedig yn Rhan 1 o Atodlen 1A i DC 2006 sy’n gymwys,

(d) y dyddiad pan ddaeth y person cysylltiedig yn gofrestradwy fel person â rheolaeth sylweddol, os yw’n gymwys, ac

(e) enw’r gofrestr pobl â rheolaeth sylweddol y mae’r person cysylltiedig wedi ei gofrestru arni fel person â rheolaeth sylweddol, os yw’n gymwys.

(5) Mae paragraff (6) yn nodi’r wybodaeth—

(a) pan fo’r cyflenwr yn gwmni sydd wedi ei gofrestru o dan DC 2006,

(b) pan fo’r person cysylltiedig yn endid cyfreithiol perthnasol, ac

(c) pan fo’r person cysylltiedig yn gofrestradwy.

(6) Yr wybodaeth yw—

(a) enw’r person cysylltiedig,

(b) cyfeiriad cofrestredig y person cysylltiedig neu gyfeiriad ei brif swyddfa,

(c) cyfeiriad cyflwyno’r person cysylltiedig,

(d) ffurf gyfreithiol y person cysylltiedig a’r gyfraith y’i llywodraethir odani,

(e) pa un neu ragor o’r amodau penodedig yn Rhan 1 o Atodlen 1A i DC 2006 sy’n gymwys,

(f) y dyddiad pan ddaeth y person cysylltiedig yn gofrestradwy fel endid cyfreithiol perthnasol, os yw’n gymwys, ac

(g) enw’r gofrestr pobl â rheolaeth sylweddol y mae’r person cysylltiedig wedi ei gofrestru arni fel endid cyfreithiol perthnasol, os yw’n gymwys.

(7) Mae paragraff (8) yn nodi’r wybodaeth—

(a) pan fo’r cyflenwr yn gwmni sydd wedi ei gofrestru o dan DC 2006, a

(b) pan fo’r person cysylltiedig—

(i) yn gyfarwyddwr neu’n gyfarwyddwr cysgodol i’r cyflenwr, a

(ii) yn unigolyn.

(8) Yr wybodaeth yw—

(a) enw, dyddiad geni a chenedligrwydd y person cysylltiedig,

(b) cyfeiriad cyflwyno’r person cysylltiedig, ac

(c) y wlad neu’r wladwriaeth (neu’r rhan o’r Deyrnas Unedig) y mae’r person cysylltiedig yn preswylio ynddi fel arfer.

(9) Mae paragraff (10) yn nodi’r wybodaeth—

(a) pan fo’r cyflenwr yn gwmni sydd wedi ei gofrestru o dan DC 2006, a

(b) o ran y person cysylltiedig—

(i) pan fo’n gyfarwyddwr neu’n gyfarwyddwr cysgodol i’r cyflenwr, a

(ii) pan na fo’n unigolyn.

(10) Yr wybodaeth yw—

(a) enw’r person cysylltiedig;

(b) cyfeiriad cofrestredig y person cysylltiedig neu gyfeiriad ei brif swyddfa,

(c) cyfeiriad cyflwyno’r person cysylltiedig,

(d) ffurf gyfreithiol y person cysylltiedig a’r gyfraith y’i llywodraethir odani, ac

(e) pan fo’r person cysylltiedig yn gwmni sydd wedi ei gofrestru o dan DC 2006, rhif cofrestru’r person a roddwyd o dan y Ddeddf honno.

(11) Mae paragraff (12) yn nodi’r wybodaeth—

(a) pan fo’r cyflenwr yn gwmni sydd wedi ei gofrestru o dan DC 2006, a

(b) pan fo’r person cysylltiedig yn rhiant-ymgymeriad neu’n is-ymgymeriad i’r cyflenwr.

(12) Yr wybodaeth yw—

(a) enw’r person cysylltiedig,

(b) cyfeiriad cofrestredig y person cysylltiedig neu gyfeiriad ei brif swyddfa,

(c) cyfeiriad cyflwyno’r person cysylltiedig, a

(d) pan fo’r person cysylltiedig yn gwmni sydd wedi ei gofrestru o dan DC 2006, y rhif cofrestru a roddwyd o dan y Ddeddf honno.

(13) Mae paragraff (14) yn nodi’r wybodaeth—

(a) pan fo’r cyflenwr yn gwmni sydd wedi ei gofrestru o dan DC 2006, a

(b) pan fo’r person cysylltiedig yn gwmni rhagflaenol i’r cyflenwr.

(14) Yr wybodaeth yw—

(a) enw’r person cysylltiedig,

(b) cyfeiriad cofrestredig olaf y person cysylltiedig neu gyfeiriad ei brif swyddfa olaf,

(c) pan fo’r person cysylltiedig yn gwmni sydd wedi ei gofrestru o dan DC 2006, y rhif cofrestru a roddwyd o dan y Ddeddf honno, a

(d) y dyddiad pan aeth y person cysylltiedig yn ansolfent ac y peidiodd â masnachu.

(15) Mae paragraff (16) yn nodi’r wybodaeth—

(a) pan na fo’r cyflenwr yn gwmni sydd wedi ei gofrestru o dan DC 2006, a

(b) pan ellir ystyried yn rhesymol fod y person cysylltiedig mewn sefyllfa gyfwerth, mewn perthynas â’r cyflenwr, â’r person cysylltiedig a ddisgrifir ym mharagraff (3), (5), (7), (9), (11) neu (13).

(16) Mae’r wybodaeth yn wybodaeth y gellir ystyried yn rhesymol ei bod yn gyfwerth â’r hyn y cyfeirir ato ym mharagraff (4), (6), (8), (10), (12) neu (14) (yn ôl y digwydd).

(17) Mae paragraff (18) yn nodi’r wybodaeth ar gyfer person cysylltiedig nad yw unrhyw un o baragraffau (3), (5), (7), (9), (11), (13) na (15) yn gymwys iddo—

(a) sydd â’r hawl i arfer, neu sy’n arfer mewn gwirionedd, ddylanwad sylweddol neu reolaeth sylweddol dros y cyflenwr, neu

(b) y mae gan y cyflenwr yr hawl i arfer, neu ei fod yn arfer mewn gwirionedd, ddylanwad sylweddol neu reolaeth sylweddol drosto.

(18) Yr wybodaeth yw—

(a) enw’r person cysylltiedig,

(b) cyfeiriad cofrestredig y person cysylltiedig neu gyfeiriad ei brif swyddfa,

(c) cyfeiriad cyflwyno’r person cysylltiedig,

(d) ffurf gyfreithiol y person cysylltiedig a’r gyfraith y’i llywodraethir odani,

(e) pan fo’r person cysylltiedig yn gwmni sydd wedi ei gofrestru o dan DC 2006, y rhif cofrestru a roddwyd o dan y Ddeddf honno,

(f) pan fo’r person cysylltiedig yn gyfwerth tramor â chwmni sydd wedi ei gofrestru o dan DC 2006, y rhif cofrestru sy’n gyfwerth â’r rhai sydd wedi eu dyroddi o dan DC 2006,

(g) pa un neu ragor o’r amodau penodedig yn Rhan 1 o Atodlen 1A i DC 2006 sy’n gymwys, ac

(h) y dyddiad pan ddaeth y person cysylltiedig yn gofrestradwy fel person â rheolaeth sylweddol, os yw’n gymwys.

(19) Yn y rheoliad hwn—

• mae i “cofrestradwy”—

  (a)

  mewn cysylltiad â pherson â rheolaeth sylweddol, yr ystyr a roddir i “registrable” gan adran 790C(4) o DC 2006;

  (b)

  mewn cysylltiad ag endid cyfreithiol perthnasol, yr ystyr a roddir i “registrable” gan adran 790C(8) o DC 2006;

• mae i “cyfeiriad cyflwyno” yr ystyr a roddir i “service address” gan adran 1141 o DC 2006;

• mae i “endid cyfreithiol perthnasol” yr ystyr a roddir i “relevant legal entity” gan adran 790C(6) o DC 2006;mae i’r termau “cyfarwyddwr”, “rhiant-ymgymeriad”, “is-ymgymeriad”, “cwmni rhagflaenol” a “cyfarwyddwr cysgodol” yr un ystyr ag a roddir i “director”, “parent undertaking”, “subsidiary undertaking”, “predecessor company” a “shadow director” yn y drefn honno gan baragraff 45 o Atodlen 6 i Ddeddf 2023.

Gwybodaeth y cyflenwr o ran seiliau dros wahardd

13.—( 1) Mae paragraffau (2) i (13) yn nodi gwybodaeth y cyflenwr o ran seiliau dros wahardd.

(2) A yw’r cyflenwr neu berson cysylltiedig wedi ei euogfarnu o drosedd y cyfeirir ati yn y paragraffau a ganlyn o Atodlen 6 i Ddeddf 2023—

(a) paragraff 2 (dynladdiad corfforaethol neu laddiad corfforaethol);

(b) paragraff 3 (terfysgaeth);

(c) paragraffau 4 i 18 (dwyn, twyll, llwgrwobrwyo etc.);

(d) paragraffau 19 i 26 (troseddau marchnad lafur, caethwasiaeth a masnachu pobl);

(e) paragraffau 27 ac 28 (troseddau cyfundrefnol);

(f) paragraffau 29 i 31 (troseddau treth);

(g) paragraff 32 (trosedd cartel);

(h) paragraff 33 (troseddau ategol);

(i) paragraff 34 (troseddau a gyflawnwyd y tu allan i’r Deyrnas Unedig).

(3) A yw’r cyflenwr neu berson cysylltiedig wedi bod yn destun digwyddiad y cyfeirir ato yn y paragraffau a ganlyn o Atodlen 6 i Ddeddf 2023—

(a) paragraff 36 (cosbau am drafodiadau sy’n gysylltiedig â thwyll TAW ac efadu trethi neu dollau);

(b) paragraff 37 (cosbau sy’n daladwy am wallau mewn dogfennaeth dreth a methiant i hysbysu a mathau penodol o ddrygioni o ran TAW a thollau cartref);

(c) paragraff 38 (addasiadau ar gyfer trefniadau treth camddefnyddiol);

(d) paragraff 39 (canfyddiad gan CThEF, wrth arfer ei bwerau mewn cysylltiad â TAW, o arfer camddefnyddiol);

(e) paragraff 40 (trechu mewn cysylltiad â threfniadau treth hysbysadwy);

(f) paragraff 41 (torri cyfraith cystadleuaeth);

(g) paragraff 42 (materion cyfwerth y tu allan i’r Deyrnas Unedig).

(4) Mewn cysylltiad â pharagraff 43 o Atodlen 6 i Ddeddf 2023 (methiant i gydweithredu ag ymchwiliad)—

(a) a yw awdurdod priodol wedi rhoi hysbysiad i’r cyflenwr neu berson cysylltiedig o dan adran 60(6) o Ddeddf 2023, a

(b) a yw’r cyflenwr neu’r person cysylltiedig wedi methu â chydymffurfio â’r hysbysiad cyn diwedd y cyfnod a bennir yn yr hysbysiad.

(5) A yw’r cyflenwr neu berson cysylltiedig wedi bod yn destun digwyddiad y cyfeirir ato yn y paragraffau canlynol o Atodlen 7 i Ddeddf 2023—

(a) paragraff 1 (gorchmynion sy’n ymwneud â chamymddwyn yn y farchnad lafur);

(b) paragraff 4 (trosedd sy’n ymwneud â chamymddwyn amgylcheddol);

(c) paragraff 5 (ansolfedd, methdaliad, etc.);

(d) paragraff 6 (atal neu roi’r gorau i gynnal y cyfan neu ran sylweddol o fusnes);

(e) paragraff 9 (torri Deddf Cystadleuaeth 1998, gwaharddiad Pennod 2 neu gyfwerth y tu allan i’r Deyrnas Unedig);

(f) paragraff 11(2) (dyfarniad llys etc. o gamymddwyn proffesiynol);

(g) paragraff 12 (torri contract a pherfformiad gwael).

(6) Mewn cysylltiad â pharagraff 2 o Atodlen 7 i Ddeddf 2023 (camymddwyn o ran y farchnad lafur), a yw’r cyflenwr neu berson cysylltiedig—

(a) wedi bod yn destun ymchwiliad, neu yn destun ymchwiliad ar hyn o bryd, ynghylch ymddygiad y tu allan i’r Deyrnas Unedig a allai arwain at wneud gorchymyn a grybwyllir ym mharagraff 1 o Atodlen 7 i Ddeddf 2023 pe bai’r ymddygiad yn digwydd yn y Deyrnas Unedig, neu

(b) wedi cymryd rhan mewn ymddygiad o’r fath.

(7) Mewn cysylltiad â pharagraff 3 o Atodlen 7 i Ddeddf 2023 (camymddwyn o ran y farchnad lafur), a yw’r cyflenwr neu berson cysylltiedig—

(a) wedi bod yn destun ymchwiliad, neu yn destun ymchwiliad ar hyn o bryd, ynghylch ymddygiad (pa un ai yn y Deyrnas Unedig neu y tu allan iddi) sydd (neu a fyddai, pe bai’n digwydd yn y Deyrnas Unedig) yn drosedd y cyfeirir ati—

(i) yn adran 1, 2, 4 neu 30 o Ddeddf Caethwasiaeth Fodern 2015(15),

(ii) yn adran 1, 4 neu 32 o Ddeddf Masnachu Pobl a Chamfanteisio ar Bobl (Yr Alban) 2015(16), neu

(iii) yn adran 1, 2 neu 4 o Ddeddf Masnachu Pobl a Chamfanteisio ar Bobl (Cyfiawnder Troseddol a Chymorth i Ddioddefwyr) (Gogledd Iwerddon) 2015(17), neu baragraff 16 o Atodlen 3 i’r Ddeddf honno, neu

(b) wedi cymryd rhan mewn ymddygiad o’r fath.

(8) Mewn cysylltiad â pharagraff 7 o Atodlen 7 i Ddeddf 2023 (achosion posibl o dorri cyfraith cystadleuaeth)—

(a) a yw’r cyflenwr neu berson cysylltiedig wedi bod yn destun ymchwiliad, neu yn destun ymchwiliad ar hyn o bryd, ynghylch a yw cytundeb neu arfer ar y cyd y mae’r cyflenwr neu berson cysylltiedig yn barti iddo wedi torri—

(i) y gwaharddiad Pennod 1 (o fewn yr ystyr a roddir i “the Chapter 1 prohibition” gan adran 2 o Ddeddf Cystadleuaeth 1998(18)),

(ii) unrhyw waharddiad sylweddol debyg sy’n gymwys mewn awdurdodaeth y tu allan i’r Deyrnas Unedig, neu

(b) a yw cytundeb neu arfer ar y cyd y mae’r cyflenwr neu berson cysylltiedig yn barti iddo wedi torri gwaharddiadau o’r fath,

ac eithrio o dan yr amgylchiadau a grybwyllir yn is-baragraff (2) o baragraff 7.

(9) Mewn cysylltiad â pharagraff 8 o Atodlen 7 i Ddeddf 2023 (achosion posibl o dorri cyfraith cystadleuaeth), a yw’r cyflenwr neu berson cysylltiedig—

(a) wedi bod yn destun ymchwiliad, neu yn destun ymchwiliad ar hyn o bryd, ynghylch a yw’r cyflenwr neu berson cysylltiedig wedi torri—

(i) y gwaharddiad Pennod 2 (o fewn yr ystyr a roddir i “the Chapter 2 prohibition” gan adran 18 o Ddeddf Cystadleuaeth 1998), neu

(ii) unrhyw waharddiad sylweddol debyg sy’n gymwys mewn awdurdodaeth y tu allan i’r Deyrnas Unedig, neu

(b) wedi torri gwaharddiadau o’r fath.

(10) Mewn cysylltiad â pharagraff 10 o Atodlen 7 i Ddeddf 2023 (achosion posibl o dorri cyfraith cystadleuaeth), a yw’r cyflenwr neu berson cysylltiedig—

(a) wedi bod yn destun ymchwiliad, neu yn destun ymchwiliad ar hyn o bryd, ynghylch ymddygiad sydd—

(i) yn drosedd o dan adran 188 o Ddeddf Menter 2002(19) (trosedd cartel), neu

(ii) yn drosedd sylweddol debyg o dan gyfraith gwlad neu diriogaeth y tu allan i’r Deyrnas Unedig, neu

(b) wedi cymryd rhan mewn ymddygiad o’r fath,

ac eithrio o dan yr amgylchiadau a grybwyllir yn is-baragraff (2) o baragraff 10 o Atodlen 7 i Ddeddf 2023.

(11) Mewn cysylltiad â pharagraff 11 o Atodlen 7 i Ddeddf 2023 (camymddwyn proffesiynol), a yw’r cyflenwr neu berson cysylltiedig—

(a) wedi bod yn destun ymchwiliad, neu yn destun ymchwiliad ar hyn o bryd, ynghylch camymddwyn proffesiynol sy’n codi amheuon ynghylch uniondeb y cyflenwr, neu

(b) wedi cymryd rhan mewn camymddwyn o’r fath.

(12) Mewn cysylltiad â pharagraff 13 o Atodlen 7 i Ddeddf 2023 (gweithredu mewn ffordd amhriodol wrth gaffael), a yw’r cyflenwr neu berson cysylltiedig—

(a) wedi bod yn destun ymchwiliad, neu yn destun ymchwiliad ar hyn o bryd, ynghylch a weithredodd y cyflenwr yn amhriodol mewn perthynas ag unrhyw gaffaeliad ac, wrth wneud hynny, ei fod wedi rhoi mantais annheg iddo ei hun mewn perthynas â dyfarnu contract cyhoeddus, neu

(b) wedi ymddwyn yn amhriodol yn y ffordd honno.

(13) Os yw’r cyflenwr neu berson cysylltiedig wedi bod yn destun digwyddiad a grybwyllir ym mharagraffau (2) i (12), yr wybodaeth a ganlyn mewn cysylltiad â phob person sydd wedi bod yn destun digwyddiad—

(a) disgrifiad byr o’r digwyddiad,

(b) enw’r person sy’n destun y digwyddiad,

(c) enw, cyfeiriad post cyswllt a chyfeiriad e-bost y person,

(d) yn achos euogfarn neu ddigwyddiad arall pan fo cofnod wedi ei wneud o benderfyniad awdurdod cyhoeddus, sef y sail awdurdodol ar gyfer yr euogfarn neu’r digwyddiad arall—

(i) dolen i’r dudalen we lle y gellir cyrchu’r penderfyniad, neu

(ii) copi o’r penderfyniad,

(e) unrhyw dystiolaeth bod y person sy’n destun y digwyddiad—

(i) wedi cymryd y digwyddiad o ddifrif, er enghraifft drwy dalu unrhyw ddirwy neu iawndal,

(ii) wedi cymryd camau i atal y digwyddiad rhag digwydd eto, er enghraifft drwy newid staff neu reolwyr, neu roi gweithdrefnau neu hyfforddiant ar waith, a

(iii) wedi ymrwymo i gymryd camau ataliol pellach, pan fo hynny’n briodol, ac

(f) os yw’r amgylchiadau a arweiniodd at y digwyddiad wedi dod i ben, y dyddiad y daethant i ben.

(14) Yn y rheoliad hwn, ystyr “digwyddiad”—

(a) mewn perthynas â darpariaeth yn Atodlen 6 i Ddeddf 2023, yw’r ystyr a roddir i “event” ym mharagraff 45 o’r Atodlen honno;

(b) mewn perthynas â darpariaeth yn Atodlen 7 i Ddeddf 2023, yw’r ystyr a roddir i “event” ym mharagraff 16 o’r Atodlen honno.

(15) Yn y rheoliad hwn, mae i “camymddwyn proffesiynol” yr ystyr a roddir i “professional misconduct” gan baragraff 11(3) o Atodlen 7 i Ddeddf 2023.

Gwybodaeth yr awdurdod contractio

14.   Yn y Rhan hon, ystyr “gwybodaeth yr awdurdod contractio” yw—

(a) pan fo un awdurdod contractio ar gyfer caffaeliad, enw’r awdurdod contractio,

(b) pan fo dau neu ragor o awdurdodau contractio yn gweithredu ar y cyd ar gyfer caffaeliad—

(i) enw’r awdurdod contractio y mae’r awdurdodau contractio sy’n gweithredu ar y cyd yn ei bennu’n awdurdod arweiniol ar gyfer y caffaeliad, a

(ii) enw pob un o’r awdurdodau contractio eraill,

(c) cyfeiriad post cyswllt a chyfeiriad e-bost ar gyfer pob awdurdod contractio,

(d) y cod adnabod unigryw ar gyfer pob awdurdod contractio, neu ar gyfer pob awdurdod contractio sy’n gweithredu ar y cyd,

(e) ar gyfer unrhyw berson sy’n cyflawni’r caffaeliad, neu ran o’r caffaeliad, ar ran awdurdod contractio, neu ar ran un neu ragor o’r awdurdodau contractio sy’n gweithredu ar y cyd—

(i) enw’r person,

(ii) cyfeiriad post cyswllt a chyfeiriad e-bost y person,

(iii) cod adnabod unigryw y person, a

(iv) crynodeb o rôl y person, ac

(f) mewn cysylltiad â hysbysiad a gyhoeddir gan yr awdurdod contractio, enw, cyfeiriad post cyswllt a chyfeiriad e-bost y person y dylid cysylltu ag ef os bydd ymholiad ynghylch yr hysbysiad.

Pwnc y contract

15.—( 1) Yn y Rhan hon, ystyr “pwnc y contract” yw’r wybodaeth a ganlyn, i’r graddau y mae’n hysbys i’r awdurdod contractio pan gyhoeddir yr wybodaeth—

(a) a yw’r contract yn bennaf ar gyfer cyflenwi nwyddau, gwasanaeth neu weithiau,

(b) disgrifiad o’r mathau o nwyddau, gwasanaethau neu weithiau a fydd yn cael eu cyflenwi,

(c) crynodeb o’r modd y bydd y nwyddau, y gwasanaethau neu’r gweithiau hynny yn cael eu cyflenwi,

(d) amcangyfrif o’r dyddiad y bydd y nwyddau, y gwasanaethau neu’r gweithiau yn cael eu cyflenwi neu amcangyfrif o’r cyfnod y byddant yn cael eu cyflenwi drosto,

(e) amcangyfrif o swm nwyddau, gwasanaethau neu weithiau a fydd yn cael eu cyflenwi,

(f) y codau GGG perthnasol, ac

(g) y dosbarthiad daearyddol, pan fo’n bosibl disgrifio hyn.

(2) Yn y Rhan hon, ystyr “dosbarthiad daearyddol” yw—

(a) yr ardal y mae’r nwyddau, y gwasanaethau neu’r gweithiau i gael eu cyflenwi ynddi yn y Deyrnas Unedig, drwy gyfeirio at yr ardaloedd ITL 1, ITL 2 ac ITL 3 perthnasol a restrir ar y wefan â’r pennawd “International Geographies” ar wefan y Swyddfa Ystadegau Gwladol(20) fel y’i diwygir o bryd i’w gilydd, neu

(b) pan fo’r nwyddau, y gwasanaethau neu’r gweithiau i gael eu cyflenwi y tu allan i’r Deyrnas Unedig, enw’r wlad a, pan fo’n briodol, y rhanbarth y maent i gael eu cyflenwi ynddo.

Hysbysiadau piblinell

16.—( 1) Mae’r rheoliad hwn yn nodi pa wybodaeth y mae rhaid ei chynnwys mewn hysbysiad piblinell a gyhoeddir o dan adran 93(2) o Ddeddf 2023.

(2) Yr wybodaeth yw—

(a) gwybodaeth yr awdurdod contractio,

(b) enw’r caffaeliad,

(c) y cod adnabod unigryw ar gyfer y caffaeliad,

(d) pwnc y contract, ac

(e) amcangyfrif o’r dyddiad y bydd y canlynol yn cael eu cyhoeddi—

(i) yr hysbysiad tendro ar gyfer y contract cyhoeddus, neu

(ii) yr hysbysiad tryloywder ar gyfer y contract cyhoeddus.

(3) Nid oes dim yn y rheoliad hwn yn atal awdurdod contractio rhag cyhoeddi gwybodaeth berthnasol arall yn yr hysbysiad.

Hysbysiadau caffael arfaethedig

17.—( 1) Mae’r rheoliad hwn yn nodi gwybodaeth arall y mae rhaid ei chynnwys mewn hysbysiad caffael arfaethedig a gyhoeddir o dan adran 15(1) o Ddeddf 2023.

(2) Yr wybodaeth yw—

(a) gwybodaeth yr awdurdod contractio,

(b) enw’r caffaeliad,

(c) y cod adnabod unigryw ar gyfer y caffaeliad,

(d) pwnc y contract,

(e) amcangyfrif o’r dyddiad y bydd yr hysbysiad tendro ar gyfer y contract cyhoeddus yn cael ei gyhoeddi,

(f) amcangyfrif o’r dyddiad erbyn pryd y gofynnir i gyflenwyr gyflwyno ceisiadau i gymryd rhan mewn unrhyw broses dendro neu dendrau,

(g) pa un o’r gweithdrefnau canlynol y disgwylir ei defnyddio—

(i) gweithdrefn agored, neu

(ii) gweithdrefn hyblyg gystadleuol,

(h) a fydd y contract cyhoeddus yn cael ei ddyfarnu drwy gyfeirio at aelodaeth cyflenwyr o farchnad ddynamig,

(i) amcangyfrif o’r dyddiad y bydd y contract cyhoeddus yn cael ei ddyfarnu,

(j) sut y gellir cael gafael ar ddogfennau sy’n ymwneud â’r caffaeliad,

(k) datganiad sy’n esbonio sut a phryd y caniateir mynegi diddordeb yn y contract, ac

(l) cymaint o’r wybodaeth yn ymwneud â hysbysiadau tendro, y cyfeirir ati yn rheoliad 19 (2), 20(2), 21 (2), 22(2) neu 23(2), ag sydd ar gael i’r awdurdod contractio ar adeg cyhoeddi’r hysbysiad caffael arfaethedig.

(3) Nid oes dim yn y rheoliad hwn yn atal awdurdod contractio rhag cyhoeddi gwybodaeth arall sy’n ymwneud â’r un caffaeliad mewn hysbysiad caffael arfaethedig.

Hysbysiadau ymgysylltu rhagarweiniol â’r farchnad

18.—( 1) Mae’r rheoliad hwn yn nodi gwybodaeth arall y mae rhaid ei chynnwys mewn hysbysiad ymgysylltu rhagarweiniol â’r farchnad a gyhoeddir o dan adran 17(1)(a) o Ddeddf 2023.

(2) Yr wybodaeth yw—

(a) gwybodaeth yr awdurdod contractio,

(b) enw’r caffaeliad,

(c) y cod adnabod unigryw ar gyfer y caffaeliad,

(d) pwnc y contract,

(e) naill ai—

(i) y dyddiad y mae’r awdurdod contractio yn bwriadu dod â’r ymgysylltu rhagarweiniol â’r farchnad i ben, neu

(ii) y dyddiad y daeth yr ymgysylltu rhagarweiniol â’r farchnad i ben, ac

(f) disgrifiad o’r broses y mae’r awdurdod contractio yn bwriadu ymgysylltu, neu wedi ymgysylltu, â chyflenwyr drwyddi yn ystod yr ymgysylltu rhagarweiniol â’r farchnad, er enghraifft—

(i) lleoliad, dyddiad ac amser digwyddiadau, a

(ii) unrhyw gyfnodau ar gyfer cyflwyno datganiadau o ddiddordeb a gwybodaeth gan gyflenwyr.

(3) Nid oes dim yn y rheoliad hwn yn atal awdurdod contractio rhag cyhoeddi gwybodaeth arall sy’n ymwneud â’r un caffaeliad yn yr hysbysiad.

Hysbysiadau tendro: gweithdrefn agored

19.—( 1) Mae’r rheoliad hwn yn nodi gwybodaeth arall y mae rhaid ei chynnwys mewn hysbysiad tendro ar gyfer dyfarnu contract cyhoeddus drwy weithdrefn agored, a gyhoeddir o dan adran 21(1)(a) o Ddeddf 2023.

(2) Yr wybodaeth yw—

(a) gwybodaeth yr awdurdod contractio,

(b) enw’r caffaeliad,

(c) y cod adnabod unigryw ar gyfer y caffaeliad,

(d) datganiad bod yr hysbysiad tendro ar gyfer dyfarnu contract cyhoeddus drwy weithdrefn agored yn unol ag adran 20(1) a (2)(a) o Ddeddf 2023,

(e) a yw’r hysbysiad tendro yn ymwneud â chontract cyfundrefn arbennig ac, os felly, a yw’r contract hwnnw—

(i) yn gontract consesiwn,

(ii) yn gontract cyffyrddiad ysgafn, neu

(iii) yn gontract cyfleustodau,

(f) pwnc y contract,

(g) amcangyfrif o werth y contract cyhoeddus,

(h) pan fo’r contract cyhoeddus ar gyfer nwyddau, gwasanaethau neu weithiau y mae’r awdurdod contractio yn disgwyl y bydd eu hangen ar ôl i’r contract ddod i ben—

(i) a yw’r awdurdod contractio yn bwriadu caffael nwyddau, gwasanaethau neu weithiau tebyg wedi hynny drwy ddibynnu ar y cyfiawnhad dros ddyfarnu’n uniongyrchol ym mharagraff 8 o Atodlen 5 i Ddeddf 2023, neu

(ii) amcangyfrif, os yw’n bosibl, o’r dyddiad y bydd unrhyw hysbysiad tendro dilynol yn cael ei gyhoeddi,

(i) a fydd arwerthiant electronig yn cael ei ddefnyddio ac, os felly, fanylion technegol ynghylch y modd y gall cyflenwyr gymryd rhan yn yr arwerthiant electronig,

(j) sut y caniateir cyflwyno tendrau a’r dyddiad erbyn pryd y mae rhaid eu cyflwyno,

(k) y meini prawf dyfarnu, neu grynodeb o’r meini prawf dyfarnu, ar gyfer y contract cyhoeddus,

(l) yr ieithoedd y caniateir cyflwyno tendrau neu ymholiadau mewn cysylltiad â’r weithdrefn dendro ynddynt,

(m) a yw’r contract cyhoeddus yn gontract y mae gan y Deyrnas Unedig rwymedigaethau ar ei gyfer o dan y Cytundeb ar Gaffael gan Lywodraethau,

(n) o’r dyddiad y daw’r Cytundeb Cynhwysfawr a Blaengar ar gyfer Partneriaeth y Môr Tawel i rym ar gyfer y Deyrnas Unedig, a yw’r contract cyhoeddus yn gontract y mae gan y Deyrnas Unedig rwymedigaethau ar ei gyfer o dan y Cytundeb hwnnw,

(o) a yw’r contract cyhoeddus wedi ei ddyfarnu drwy gyfeirio at lotiau ac, os felly, ar gyfer pob lot—

(i) enw’r lot,

(ii) y rhif neilltuol a roddwyd i’r lot gan yr awdurdod contractio,

(iii) yr wybodaeth a ganlyn, i’r graddau y mae’n hysbys i’r awdurdod contractio pan gyhoeddir yr hysbysiad tendro—

(aa) disgrifiad o’r mathau o nwyddau, gwasanaethau neu weithiau a fydd yn cael eu cyflenwi,

(bb) crynodeb o’r modd y bydd y nwyddau, y gwasanaethau neu’r gweithiau hynny yn cael eu cyflenwi,

(cc) amcangyfrif o’r dyddiad y bydd y nwyddau, y gwasanaethau neu’r gweithiau yn cael eu cyflenwi neu amcangyfrif o’r cyfnod y byddant yn cael eu cyflenwi drosto,

(dd) amcangyfrif o swm nwyddau, gwasanaethau neu weithiau a fydd yn cael eu cyflenwi,

(ee) amcangyfrif o werth y lot,

(ff) y codau GGG perthnasol,

(gg) y meini prawf dyfarnu perthnasol mewn perthynas â’r lot,

(hh) unrhyw opsiwn mewn perthynas â’r lot, ac

(ii) y dosbarthiad daearyddol, pan fo’n bosibl ei ddisgrifio,

(p) pan fo’r contract cyhoeddus wedi ei ddyfarnu drwy gyfeirio at lotiau—

(i) a ganiateir i gyflenwr gyflwyno tendr ar gyfer uchafswm o lotiau yn unig ac, os felly, yr uchafswm,

(ii) a ganiateir dyfarnu uchafswm o lotiau yn unig i gyflenwr ac, os felly, yr uchafswm, a

(iii) a fydd yr awdurdod contractio yn dyfarnu lotiau lluosog i’r un cyflenwr yn unol â meini prawf ac, os felly, grynodeb o’r meini prawf,

(q) pan fo’r awdurdod contractio yn ystyried o dan adran 18(2) o Ddeddf 2023 y gellid dyfarnu’r contract cyhoeddus drwy gyfeirio at lotiau ond nad yw hynny’n digwydd, y rhesymau dros hyn, ac eithrio yn achos contract cyfleustodau neu gontract cyffyrddiad ysgafn,

(r) disgrifiad o unrhyw opsiwn a fydd yn cael ei gynnwys yn y contract cyhoeddus—

(i) i gyflenwi nwyddau, gwasanaethau neu weithiau ychwanegol, neu

(ii) i ymestyn neu adnewyddu cyfnod y contract,

(s) a yw’r awdurdod contractio yn bwriadu gosod y cyfnod tendro lleiaf byrraf drwy gyfeirio at un o’r cofnodion a ganlyn yn y tabl yn adran 54(4) o Ddeddf 2023 ac, os felly, pa gofnod—

(i) yr ail gofnod (contractau cyfleustodau neu gontractau a ddyfernir gan awdurdod contractio nad yw’n awdurdod llywodraeth ganolog, sy’n ddarostyngedig i gyfnod tendro a negodwyd; dim cyfnod lleiaf),

(ii) y trydydd cofnod (contractau cyfleustodau neu gontractau penodol a ddyfernir gan awdurdod contractio nad yw’n awdurdod llywodraeth ganolog, pan ganiateir cyflwyno tendrau gan gyflenwyr a ddetholwyd ymlaen llaw yn unig; 10 niwrnod),

(iii) y pedwerydd cofnod (mae hysbysiad caffael arfaethedig cymhwysol wedi ei gyhoeddi; 10 niwrnod), neu

(iv) y pumed cofnod (sefyllfa frys; 10 niwrnod),

(t) a yw’r awdurdod contractio yn ystyried y gall y contract cyhoeddus neu unrhyw lot sy’n ffurfio rhan o’r contract fod yn arbennig o addas i’w ddyfarnu—

(i) i fenter fach a chanolig ei maint, neu

(ii) i gorff anllywodraethol â gwerthoedd yn ei lywio sy’n ailfuddsoddi ei wargedion yn bennaf er mwyn hybu amcanion cymdeithasol, amgylcheddol neu ddiwylliannol,

(u) a yw dogfennau tendro cysylltiedig yn cael eu darparu yn unol â’r hysbysiad tendro ar yr un pryd ag y mae’r hysbysiad yn cael ei gyhoeddi ac, os felly—

(i) enw pob dogfen dendro gysylltiedig,

(ii) a yw pob dogfen dendro gysylltiedig ynghlwm wrth yr hysbysiad tendro, a

(iii) os nad yw dogfen dendro gysylltiedig ynghlwm wrth yr hysbysiad tendro, dolen i’r dudalen we lle y mae wedi ei darparu,

(v) a yw dogfen dendro gysylltiedig yn cael ei darparu, neu y gall gael ei darparu, yn unol â’r hysbysiad tendro ar ôl y dyddiad y bydd yr hysbysiad hwnnw yn cael ei gyhoeddi ac, os felly, dolen i’r dudalen we lle y bydd yn cael ei darparu, neu esboniad ynghylch sut y bydd y ddogfen yn cael ei darparu,

(w) disgrifiad o unrhyw fanylebau technegol y disgwylir eu bodloni neu groesgyfeiriad i’r lle y gellir eu cyrchu,

(x) disgrifiad o unrhyw amodau cymryd rhan o dan adran 22 o Ddeddf 2023,

(y) unrhyw delerau talu (yn ogystal â’r rhai a nodir yn adran 68 o Ddeddf 2023),

(z) disgrifiad yn nodi unrhyw risg—

(i) y mae’r awdurdod contractio yn ystyried y gallai beri i’r contract cyhoeddus beidio â chael ei gyflawni’n foddhaol ond, oherwydd ei natur, y mae’n bosibl na fydd yn cael sylw yn y contract cyhoeddus fel y’i dyfernir, a

(ii) a all ei gwneud yn ofynnol addasu’r contract cyhoeddus yn ddiweddarach o dan baragraff 5 o Atodlen 8 i Ddeddf 2023 (addasu contract yn dilyn gwireddiad risg hysbys), ac

(z1) amcangyfrif o’r dyddiad y bydd y contract cyhoeddus yn cael ei ddyfarnu.

(3) Ym mharagraff (2), ystyr “arwerthiant electronig” yw proses ailadroddol sy’n cynnwys defnyddio dulliau electronig er mwyn i gyflenwyr gyflwyno naill ai brisiau newydd, neu werthoedd newydd ar gyfer elfennau o’r tendr y mae modd eu meintioli nad ydynt yn ymwneud â phrisiau ac sy’n gysylltiedig â’r meini prawf gwerthuso, neu’r ddau, gan arwain at bennu safleoedd tendrau neu aildrefnu safleoedd tendrau mewn rhestr drefnol.

(4) Nid oes dim yn y rheoliad hwn yn atal awdurdod contractio rhag cyhoeddi gwybodaeth arall sy’n ymwneud â’r un caffaeliad yn yr hysbysiad.

(5) Nid yw’r rheoliad hwn yn gymwys i hysbysiad tendro ar gyfer dyfarnu fframwaith drwy weithdrefn agored (gweler yn hytrach reoliad 21).

Hysbysiadau tendro: gweithdrefn hyblyg gystadleuol

20.—( 1) Mae’r rheoliad hwn yn nodi gwybodaeth arall y mae rhaid ei chynnwys mewn hysbysiad tendro ar gyfer dyfarnu contract cyhoeddus drwy weithdrefn hyblyg gystadleuol a gyhoeddir yn unol ag adran 21(1)(b) o Ddeddf 2023.

(2) Yr wybodaeth yw—

(a) yr un wybodaeth â’r wybodaeth y cyfeirir ati yn rheoliad 19(2) ac eithrio is-baragraffau (d) a (j),

(b) datganiad bod yr hysbysiad tendro ar gyfer dyfarnu contract cyhoeddus drwy weithdrefn hyblyg gystadleuol yn unol ag adran 20(1) a (2)(b) o Ddeddf 2023,

(c) disgrifiad o’r broses sydd i’w dilyn yn ystod y weithdrefn, gan gynnwys—

(i) a all y weithdrefn gynnwys negodi ar unrhyw adeg, a

(ii) os yw’r awdurdod contractio yn bwriadu dibynnu ar adran 24 o Ddeddf 2023 (mireinio meini prawf), crynodeb o’r modd y bydd yn dibynnu ar yr adran honno,

(d) pan fo nifer y cyflenwyr, neu y gall y bo nifer y cyflenwyr, yn ddim mwy nag uchafswm o gyflenwyr, yn gyffredinol neu mewn cysylltiad â rowndiau tendro penodol neu brosesau dethol eraill, yr uchafswm o gyflenwyr a’r meini prawf a ddefnyddir i ddethol y nifer cyfyngedig o gyflenwyr,

(e) pan fo nifer y cyflenwyr, neu y gall y bo nifer y cyflenwyr, yn ddim llai nag isafswm bwriadedig o gyflenwyr, yn gyffredinol neu mewn cysylltiad â rowndiau tendro penodol neu brosesau dethol eraill, yr isafswm bwriadedig o gyflenwyr,

(f) pan fo’r hysbysiad tendro yn cael ei ddefnyddio at ddiben gwahodd cyflenwyr i gyflwyno cais i gymryd rhan, sut y caniateir cyflwyno ceisiadau i gymryd rhan a’r dyddiad erbyn pryd y mae rhaid eu cyflwyno,

(g) pan fo’r hysbysiad tendro yn cael ei ddefnyddio at ddiben gwahodd cyflenwyr i gyflwyno eu tendr cyntaf neu eu hunig dendr, sut y caniateir cyflwyno tendrau a’r dyddiad erbyn pryd y mae rhaid eu cyflwyno, ac

(h) a yw’r hysbysiad tendro yn cael ei ddefnyddio—

(i) i neilltuo contract i ddarparwyr cyflogaeth â chymorth yn unol ag adran 32 o Ddeddf 2023, neu

(ii) i neilltuo contract i gwmnïau cydfuddiannol gwasanaethau cyhoeddus yn unol ag adran 33 o Ddeddf 2023.

(3) Nid oes dim yn y rheoliad hwn yn atal awdurdod contractio rhag cyhoeddi gwybodaeth arall sy’n ymwneud â’r un caffaeliad yn yr hysbysiad.

(4) Nid yw’r rheoliad hwn yn gymwys—

(a) i hysbysiad tendro ar gyfer dyfarnu fframwaith drwy weithdrefn hyblyg gystadleuol (gweler yn hytrach reoliad 21), na

(b) i hysbysiad tendro ar gyfer dyfarnu contract cyhoeddus drwy gyfeirio at aelodaeth cyflenwyr o farchnad ddynamig (gweler yn hytrach reoliad 22).

Hysbysiadau tendro: fframweithiau

21.—( 1) Mae’r rheoliad hwn yn nodi gwybodaeth arall y mae rhaid ei chynnwys mewn hysbysiad tendro ar gyfer dyfarnu fframwaith, a gyhoeddir yn unol ag adran 21(1) o Ddeddf 2023.

(2) Yr wybodaeth yw—

(a) pan fo’r weithdrefn agored yn cael ei defnyddio, yr un wybodaeth â’r wybodaeth y cyfeirir ati yn rheoliad 19(2),

(b) pan fo’r weithdrefn hyblyg gystadleuol yn cael ei defnyddio, yr un wybodaeth â’r wybodaeth y cyfeirir ati yn rheoliad 20(2),

(c) manylion y broses ddethol sydd i’w chymhwyso wrth ddyfarnu contractau,

(d) cyfnod y fframwaith,

(e) yr awdurdodau contractio a chanddynt hawlogaeth i ddyfarnu contractau yn unol â’r fframwaith (pa un ai drwy restru enwau’r awdurdodau hynny neu drwy ddisgrifio categorïau o awdurdodau),

(f) a yw’r fframwaith wedi ei ddyfarnu o dan fframwaith agored,

(g) pan fo’r fframwaith yn cael ei ddyfarnu o dan fframwaith agored, y cod adnabod unigryw ar gyfer caffaeliad y fframwaith olaf a ddyfarnwyd o dan y fframwaith agored (oni bai nad oes fframwaith wedi ei ddyfarnu o dan y fframwaith agored yn flaenorol),

(h) pan fo’r fframwaith yn cael ei ddyfarnu o dan fframwaith agored, amcangyfrif o ddyddiad dod i ben y fframwaith agored,

(i) pa un ai’r bwriad yw dyfarnu’r fframwaith—

(i) i gyflenwr unigol,

(ii) i uchafswm o gyflenwyr, neu

(iii) i nifer diderfyn o gyflenwyr,

(j) pan mai’r bwriad yw dyfarnu’r fframwaith i uchafswm o gyflenwyr, yr uchafswm o gyflenwyr,

(k) a yw’r fframwaith yn darparu ar gyfer codi ffioedd yn unol ag adran 45(7) o Ddeddf 2023 ac, os felly, y ganran sefydlog o werth amcangyfrifedig unrhyw gontract a ddyfernir i’r cyflenwr yn unol â’r fframwaith ac unrhyw wybodaeth angenrheidiol arall er mwyn deall sut y caiff ffioedd eu codi, ac

(l) pan fo’r fframwaith yn cael ei ddyfarnu drwy gyfeirio at aelodaeth cyflenwyr o farchnad ddynamig—

(i) y cod adnabod unigryw ar gyfer y farchnad ddynamig y mae’r contract cyhoeddus yn cael ei ddyfarnu yn ei herbyn,

(ii) datganiad bod yr hysbysiad tendro ar gyfer dyfarnu contract cyhoeddus sydd i’w ddyfarnu drwy gyfeirio at aelodaeth cyflenwyr o farchnad ddynamig, a

(iii) pan fo’r contract cyhoeddus yn cael ei ddyfarnu o dan ran briodol o farchnad ddynamig—

(aa) enw’r rhan, a

(bb) y rhif neilltuol a roddwyd i’r rhan gan y person a sefydlodd y farchnad ddynamig.

(3) Nid oes dim yn y rheoliad hwn yn atal awdurdod contractio rhag cyhoeddi gwybodaeth arall sy’n ymwneud â’r un caffaeliad yn yr hysbysiad.

Hysbysiadau tendro: marchnadoedd dynamig ac eithrio marchnadoedd dynamig cyfleustodau cymhwysol

22.—( 1) Mae’r rheoliad hwn yn nodi gwybodaeth arall y mae rhaid ei chynnwys mewn hysbysiad tendro ar gyfer dyfarnu contract cyhoeddus drwy gyfeirio at aelodaeth cyflenwyr o farchnad ddynamig, a gyhoeddir o dan adrannau 21(1)(b) a 34(1) o Ddeddf 2023.

(2) Yr wybodaeth yw—

(a) yr un wybodaeth â’r wybodaeth y cyfeirir ati yn rheoliad 20(2),

(b) y cod adnabod unigryw ar gyfer y farchnad ddynamig y mae’r contract cyhoeddus yn cael ei ddyfarnu yn ei herbyn,

(c) datganiad bod yr hysbysiad tendro ar gyfer dyfarnu contract cyhoeddus sydd i’w ddyfarnu drwy gyfeirio at aelodaeth cyflenwyr o farchnad ddynamig, a

(d) pan fo’r contract cyhoeddus yn cael ei ddyfarnu o dan ran briodol o farchnad ddynamig—

(i) enw’r rhan, a

(ii) y rhif neilltuol a roddwyd i’r rhan gan yr awdurdod priodol.

(3) Nid oes dim yn y rheoliad hwn yn atal awdurdod contractio rhag cyhoeddi gwybodaeth arall sy’n ymwneud â’r un caffaeliad yn yr hysbysiad.

(4) Nid yw’r rheoliad hwn yn gymwys i hysbysiad tendro o’r math a grybwyllir yn rheoliad 23(1).

Hysbysiadau tendro: hysbysiadau marchnad ddynamig cyfleustodau cymhwysol

23.—( 1) Mae’r rheoliad hwn yn nodi gwybodaeth arall y mae rhaid ei chynnwys mewn hysbysiad tendro ar gyfer dyfarnu contract cyhoeddus, drwy gyfeirio at farchnad ddynamig cyfleustodau a sefydlir o dan hysbysiad marchnad ddynamig cyfleustodau cymhwysol, a ddarperir o dan adran 40(2) neu (3) o Ddeddf 2023.

(2) Yr wybodaeth yw—

(a) gwybodaeth yr awdurdod contractio,

(b) y cod adnabod unigryw ar gyfer y farchnad ddynamig y mae’r contract cyhoeddus yn cael ei ddyfarnu yn ei herbyn,

(c) pwnc y contract,

(d) pan fo’r contract cyhoeddus ar gyfer nwyddau, gwasanaethau neu weithiau y mae’r awdurdod contractio yn disgwyl y bydd eu hangen ar ôl i’r contract ddod i ben, amcangyfrif o’r dyddiad, os yw’n bosibl, y bydd unrhyw hysbysiad tendro dilynol yn cael ei ddarparu,

(e) disgrifiad o unrhyw opsiwn a fydd yn cael ei gynnwys yn y contract cyhoeddus—

(i) i gyflenwi nwyddau, gwasanaethau neu weithiau ychwanegol, neu

(ii) i estyn neu adnewyddu cyfnod y contract,

(f) a fydd arwerthiant electronig yn cael ei ddefnyddio,

(g) sut y caniateir cyflwyno ceisiadau i gymryd rhan a’r dyddiad erbyn pryd y mae rhaid eu cyflwyno,

(h) sut y caniateir cyflwyno tendrau a’r dyddiad erbyn pryd y mae rhaid eu cyflwyno,

(i) a yw’r awdurdod contractio yn bwriadu dibynnu ar un o’r cyfnodau tendro lleiaf canlynol a grybwyllir yn y tabl yn adran 54(4) o Ddeddf 2023 ac, os felly, pa gofnod—

(i) y cofnod cyntaf (mae’r contract sy’n cael ei ddyfarnu yn gontract cyffyrddiad ysgafn; dim cyfnod lleiaf),

(ii) yr ail gofnod (contractau cyfleustodau neu gontractau a ddyfernir gan awdurdod contractio nad yw’n awdurdod llywodraeth ganolog, sy’n ddarostyngedig i gyfnod tendro a negodwyd; dim cyfnod lleiaf);

(iii) y trydydd cofnod (contractau cyfleustodau neu gontractau a ddyfernir gan awdurdod contractio nad yw’n awdurdod llywodraeth ganolog, pan ganiateir cyflwyno tendrau gan gyflenwyr a ddetholwyd ymlaen llaw yn unig; 10 niwrnod), neu

(iv) y pumed cofnod (sefyllfa frys; 10 niwrnod),

(j) disgrifiad o’r mathau o nwyddau, gwasanaethau neu weithiau a fydd yn cael eu cyflenwi, a

(k) amcangyfrif o swm nwyddau, gwasanaethau neu weithiau a fydd yn cael eu cyflenwi.

(3) Pan fo awdurdod contractio eisoes wedi cyhoeddi gwybodaeth a grybwyllir ym mharagraff (2) yn yr hysbysiad marchnad ddynamig cyfleustodau cymhwysol y mae’r hysbysiad yn ymwneud ag ef yn unol â rheoliad 26(2)(i)(ii), nid yw’n ofynnol i’r awdurdod contractio ddarparu’r wybodaeth honno yn yr hysbysiad.

(4) Ym mharagraff (2), mae i “arwerthiant electronig” yr ystyr a roddir gan reoliad 19(3).

(5) Nid oes dim yn y rheoliad hwn yn atal awdurdod contractio rhag darparu gwybodaeth arall yn yr hysbysiad.

Dogfennau tendro cysylltiedig

24.—( 1) Mae’r rheoliad hwn yn nodi pa wybodaeth y caniateir ei chynnwys mewn dogfen dendro gysylltiedig a ddarperir o dan adran 21(3) o Ddeddf 2023 yn unol â hysbysiad tendro.

(2) Caiff y ddogfen gynnwys unrhyw wybodaeth sy’n ategu’r hysbysiad tendro gan gynnwys, pan fo’n briodol, wybodaeth sy’n dyblygu’r wybodaeth a grybwyllir—

(a) yn rheoliad 19(2),

(b) yn rheoliad 20(2),

(c) yn rheoliad 21(2),

(d) yn rheoliad 22(2), neu

(e) yn rheoliad 23(2).

Hysbysiadau tendro ar gyfer contractau sydd o dan y trothwy

25.—( 1) Mae’r rheoliad hwn yn nodi gwybodaeth arall y mae rhaid ei chynnwys mewn hysbysiad tendro ar gyfer contractau sydd o dan y trothwy, a gyhoeddir o dan adran 87(1) o Ddeddf 2023.

(2) Yr wybodaeth yw—

(a) gwybodaeth yr awdurdod contractio,

(b) enw’r caffaeliad,

(c) y cod adnabod unigryw ar gyfer y caffaeliad,

(d) pan fo’r contract yn cael ei ddyfarnu drwy gyfeirio at farchnad ddynamig, y cod adnabod unigryw ar gyfer y farchnad ddynamig honno,

(e) pan fo’r contract i gael ei ddyfarnu o dan ran briodol o farchnad ddynamig, y rhif neilltuol a roddwyd i’r rhan honno gan yr awdurdod contractio,

(f) pwnc y contract,

(g) amcangyfrif o werth y contract,

(h) sut y caniateir cyflwyno tendrau a’r dyddiad erbyn pryd y mae rhaid eu cyflwyno,

(i) a yw’r hysbysiad yn cael ei ddefnyddio i wahodd tendrau ar gyfer contract cyfundrefn arbennig ac, os felly, a yw’r contract hwnnw yn gontract cyffyrddiad ysgafn,

(j) a yw’r awdurdod contractio yn ystyried y gall y contract neu unrhyw lot sy’n ffurfio rhan o’r contract fod yn arbennig o addas i’w ddyfarnu—

(i) i fenter fach a chanolig ei maint, neu

(ii) i gorff anllywodraethol â gwerthoedd yn ei lywio sy’n ailfuddsoddi ei wargedion yn bennaf er mwyn hybu amcanion cymdeithasol, amgylcheddol neu ddiwylliannol,

(k) esboniad o’r meini prawf y bydd dyfarnu’r contract yn cael ei asesu yn eu herbyn, ac

(l) disgrifiad o unrhyw amodau cymryd rhan mewn perthynas â dyfarnu’r contract.

(3) Nid oes dim yn y rheoliad hwn yn atal awdurdod contractio rhag cyhoeddi gwybodaeth arall sy’n ymwneud â’r un caffaeliad yn yr hysbysiad.

(4) Yn y rheoliad hwn, mae i “hysbysiad tendro ar gyfer contractau sydd o dan y trothwy” yr ystyr a roddir i “below-threshold tender notice” gan adran 87(5) o Ddeddf 2023.

Hysbysiadau marchnad ddynamig (gan gynnwys hysbysiadau marchnad ddynamig cyfleustodau cymhwysol)

26.—( 1) Mae paragraff (2) yn nodi gwybodaeth arall y mae rhaid ei chynnwys mewn hysbysiad marchnad ddynamig a gyhoeddir o dan adran 39(2) o Ddeddf 2023 (hysbysiadau marchnad ddynamig: bwriad i sefydlu marchnad ddynamig).

(2) Yr wybodaeth yw—

(a) enw’r person sy’n sefydlu’r farchnad ddynamig,

(b) pan fo dau berson neu ragor yn sefydlu’r farchnad ddynamig ar y cyd—

(i) enw’r person arweiniol, a

(ii) enw pob un o’r personau eraill,

(c) cyfeiriad post cyswllt a chyfeiriad e-bost ar gyfer pob person a grybwyllir yn is-baragraff (a) neu (b),

(d) y cod adnabod unigryw ar gyfer pob person a grybwyllir yn is-baragraff (a) neu (b),

(e) enw unrhyw berson (“A”) sy’n sefydlu’r farchnad ddynamig ar ran person arall ac—

(i) cyfeiriad post cyswllt a chyfeiriad e-bost A,

(ii) cod adnabod unigryw A, a

(iii) crynodeb o rôl A mewn perthynas â’r farchnad ddynamig,

(f) enw, cyfeiriad post cyswllt a chyfeiriad e-bost unrhyw berson y gellir cysylltu ag ef os bydd ymholiad ynghylch y farchnad ddynamig,

(g) enw’r farchnad ddynamig,

(h) y cod adnabod unigryw ar gyfer y farchnad ddynamig,

(i) yn achos hysbysiad marchnad ddynamig cyfleustodau cymhwysol—

(i) datganiad mai dim ond aelodau o’r farchnad, neu o ran o’r farchnad, fydd yn cael eu hysbysu am fwriad yn y dyfodol i ddyfarnu contract drwy gyfeirio at aelodaeth cyflenwyr o’r farchnad, neu o ran o’r farchnad, ac yn cael hysbysiad tendro yn unol ag adran 40(1) a (2) o Ddeddf 2023, a

(ii) cymaint o’r wybodaeth a fyddai’n cael ei chyhoeddi mewn unrhyw hysbysiad tendro a gyhoeddir yn unol â rheoliad 23(2) ag sydd ar gael pan gyhoeddir yr hysbysiad marchnad ddynamig cyfleustodau cymhwysol,

(j) sut y gellir cael gafael ar ddogfennau sy’n ymwneud â’r farchnad ddynamig,

(k) sut y caniateir gwneud cais i ymuno â’r farchnad ddynamig,

(l) a yw’r farchnad ddynamig yn bennaf ar gyfer cyflenwi nwyddau, gwasanaethau neu weithiau,

(m) disgrifiad o’r mathau o nwyddau, gwasanaethau neu weithiau y mae’r farchnad ddynamig yn ymwneud â hwy, wedi ei roi yn y fath fanylder fel y gall darllenydd yr hysbysiad marchnad ddynamig benderfynu a yw’n dymuno gwneud cais i ymuno â’r farchnad ddynamig, neu ran briodol o’r farchnad,

(n) y codau GGG perthnasol,

(o) yr amodau ar gyfer aelodaeth o’r farchnad ddynamig, neu ran o’r farchnad, wedi eu gosod yn unol ag adran 36 o Ddeddf 2023,

(p) disgrifiad o’r dulliau a fydd yn cael eu defnyddio i ddilysu a yw cyflenwr yn bodloni’r amodau hynny, gan gynnwys unrhyw amodau gwahanol ar gyfer mathau gwahanol o nwyddau, gwasanaethau neu weithiau,

(q) a ganiateir i’r farchnad ddynamig gael ei defnyddio i ddyfarnu contract cyhoeddus y mae gan y Deyrnas Unedig rwymedigaethau ar ei gyfer o dan y Cytundeb ar Gaffael gan Lywodraethau,

(r) o’r dyddiad y daw’r Cytundeb Cynhwysfawr a Blaengar ar gyfer Partneriaeth y Môr Tawel i rym ar gyfer y Deyrnas Unedig, a yw’r farchnad ddynamig yn farchnad y mae gan y Deyrnas Unedig rwymedigaethau ar ei chyfer o dan y Cytundeb hwnnw,

(s) a ganiateir i’r farchnad ddynamig gael ei defnyddio i ddyfarnu contract cyfundrefn arbennig ac, os felly, a yw’r contract hwnnw—

(i) yn gontract consesiwn,

(ii) yn gontract cyffyrddiad ysgafn, neu

(iii) yn gontract cyfleustodau,

(t) pan fo’r farchnad ddynamig wedi ei rhannu’n rhannau priodol at ddiben gwahardd cyflenwyr nad ydynt yn aelodau o ran briodol—

(i) enw pob rhan,

(ii) disgrifiad o bob rhan gan gynnwys unrhyw godau GGG perthnasol, a

(iii) y rhif neilltuol a roddir i bob rhan gan y person sy’n sefydlu’r farchnad ddynamig,

(u) gwybodaeth sy’n galluogi darllenydd i nodi pa awdurdodau contractio fydd yn gwneud cais, neu y caniateir iddynt wneud cais, i ddefnyddio’r farchnad ddynamig (naill ai drwy gyfeirio at restr o awdurdodau neu restr sy’n disgrifio categorïau o awdurdodau),

(v) y dosbarthiad daearyddol, pan fo’n bosibl ei ddisgrifio,

(w) yn achos marchnad ddynamig, y mae amcangyfrif o’r dyddiad y bydd yn peidio â gweithredu yn hysbys ar ei chyfer—

(i) amcangyfrif o’r dyddiad y bydd y farchnad ddynamig yn cael ei sefydlu, a

(ii) amcangyfrif o’r dyddiad y bydd y farchnad ddynamig yn peidio â gweithredu,

(x) yn achos marchnad ddynamig nad oes amcangyfrif o’r dyddiad y bydd yn peidio â gweithredu yn hysbys ar ei chyfer—

(i) amcangyfrif o’r dyddiad y bydd y farchnad ddynamig yn cael ei sefydlu, a

(ii) datganiad bod y farchnad ddynamig yn farchnad benagored,

(y) yn achos marchnad ddynamig nad yw’n farchnad ddynamig cyfleustodau, a yw’r farchnad ddynamig yn darparu ar gyfer codi ffioedd yn unol ag adran 38(1) o Ddeddf 2023 ac, os felly—

(i) y ganran sefydlog i’w chymhwyso i werth amcangyfrifedig unrhyw gontract cyhoeddus a ddyfernir i gyflenwr drwy gyfeirio at y farchnad ddynamig, a

(ii) unrhyw wybodaeth angenrheidiol arall er mwyn galluogi cyflenwyr i ddeall sut y bydd ffioedd yn cael eu codi, a

(z) yn achos marchnad ddynamig cyfleustodau—

(i) a yw’r farchnad ddynamig cyfleustodau yn darparu ar gyfer codi ffioedd yn unol ag adran 38(3) o Ddeddf 2023, a

(ii) os felly, unrhyw wybodaeth angenrheidiol arall er mwyn galluogi cyflenwyr i ddeall sut y bydd ffioedd yn cael eu codi.

(3) Mae paragraff (4) yn nodi gwybodaeth arall y mae rhaid ei chynnwys mewn hysbysiad marchnad ddynamig a gyhoeddir o dan adran 39(3) o Ddeddf 2023 (sefydlu marchnad ddynamig).

(4) Yr wybodaeth yw—

(a) yr un wybodaeth â’r wybodaeth y cyfeirir ati ym mharagraff (2)(a) i (h),

(b) y dyddiad y cafodd y farchnad ddynamig ei sefydlu,

(c) ar gyfer pob cyflenwr sy’n aelod o’r farchnad ddynamig—

(i) enw’r cyflenwr,

(ii) cyfeiriad post cyswllt a chyfeiriad e-bost y cyflenwr,

(iii) y cod adnabod unigryw ar gyfer y cyflenwr, a

(iv) a yw’r cyflenwr—

(aa) yn fenter fach a chanolig ei maint, neu

(bb) yn gorff anllywodraethol â gwerthoedd yn ei lywio ac sy’n ailfuddsoddi ei wargedion yn bennaf er mwyn hybu amcanion cymdeithasol, amgylcheddol neu ddiwylliannol, a

(d) pan fo’r farchnad ddynamig wedi ei rhannu’n rhannau, y rhan y mae pob un o’r cyflenwyr hynny yn aelod ohoni.

(5) Mae paragraff (6) yn nodi gwybodaeth arall y mae rhaid ei chynnwys mewn hysbysiad marchnad ddynamig a gyhoeddir o dan adran 39(4) o Ddeddf 2023 (addasiadau i farchnad ddynamig).

(6) Yr wybodaeth yw—

(a) yr un wybodaeth â’r wybodaeth y cyfeirir ati ym mharagraff (2)(a) i (h),

(b) y dyddiad y mae’r addasiad yn cael effaith ohono,

(c) os yw cyflenwr yn cael ei dderbyn i’r farchnad, datganiad i’r perwyl hwnnw ac—

(i) ei enw, ei gyfeiriad post cyswllt, ei gyfeiriad e-bost a’i god adnabod unigryw, a

(ii) pan fo’r farchnad ddynamig wedi ei rhannu’n rhannau, y rhan y mae’r cyflenwr yn aelod ohoni,

(d) a yw’r cyflenwr—

(i) yn fenter fach a chanolig ei maint, neu

(ii) yn gorff anllywodraethol â gwerthoedd yn ei lywio ac sy’n ailfuddsoddi ei wargedion yn bennaf er mwyn hybu amcanion cymdeithasol, amgylcheddol neu ddiwylliannol,

(e) os yw cyflenwr yn cael ei dynnu oddi wrth y farchnad, datganiad i’r perwyl hwnnw ac—

(i) ei enw, ei gyfeiriad post cyswllt, ei gyfeiriad e-bost a’i god adnabod unigryw, a

(ii) pan fo’r farchnad ddynamig wedi ei rhannu’n rhannau, y rhan y mae’r cyflenwr yn aelod ohoni,

(f) crynodeb o unrhyw addasiad arall sy’n cael ei wneud, ac

(g) cadarnhad y cafodd asesiad gwrthdaro ei baratoi a’i ddiwygio yn unol ag adran 83 o Ddeddf 2023.

(7) Mae paragraff (8) yn nodi gwybodaeth arall y mae rhaid ei chynnwys mewn hysbysiad marchnad ddynamig a gyhoeddir o dan adran 39(5) o Ddeddf 2023 (diwedd marchnad ddynamig).

(8) Yr wybodaeth yw—

(a) yr un wybodaeth â’r wybodaeth y cyfeirir ati ym mharagraff (2)(a) i (h), a

(b) y dyddiad y peidiodd y farchnad â gweithredu.

(9) Nid oes dim yn y rheoliad hwn yn atal awdurdod contractio rhag cyhoeddi gwybodaeth arall sy’n ymwneud â’r un caffaeliad mewn hysbysiad marchnad ddynamig.

Hysbysiadau tryloywder

27.—( 1) Mae’r rheoliad hwn yn nodi gwybodaeth arall y mae rhaid ei chynnwys mewn hysbysiad tryloywder a gyhoeddir o dan adran 44(1) o Ddeddf 2023.

(2) Yr wybodaeth yw—

(a) gwybodaeth yr awdurdod contractio,

(b) enw’r caffaeliad,

(c) y cod adnabod unigryw ar gyfer y caffaeliad,

(d) yn achos caffaeliad pan fo newid wedi bod i ddyfarniad uniongyrchol yn unol ag adran 43 o Ddeddf 2023, y cod adnabod unigryw a ddyrannwyd i’r caffaeliad cyn y newid i ddyfarniad uniongyrchol,

(e) y cod adnabod unigryw ar gyfer y contract, os yw hyn yn hysbys pan gyhoeddir yr hysbysiad tryloywder,

(f) pwnc y contract,

(g) a yw’r contract cyhoeddus yn gontract cyfundrefn arbennig ac, os felly, a yw—

(i) yn gontract consesiwn,

(ii) yn gontract cyffyrddiad ysgafn, neu

(iii) yn gontract cyfleustodau,

(h) a yw’r contract yn cael ei ddyfarnu yn uniongyrchol i gyflenwr nad yw’n gyflenwr gwaharddedig oherwydd bod cyfiawnhad dros ddyfarnu yn uniongyrchol yn gymwys yn unol ag adran 41(1)(a) o Ddeddf 2023,

(i) os yw is-baragraff (h) yn gymwys, y cyfiawnhad dros ddyfarnu yn uniongyrchol yn Atodlen 5 i Ddeddf 2023 sy’n gymwys, ac esboniad ynghylch pam y mae’r awdurdod contractio yn ystyried ei fod yn gymwys,

(j) a yw’r contract yn cael ei ddyfarnu yn uniongyrchol i gyflenwr sy’n gyflenwr gwaharddedig oherwydd bod yr awdurdod contractio yn ystyried mai’r hyn sydd o’r budd mwyaf i’r cyhoedd yw dyfarnu’r contract i’r cyflenwr hwnnw yn unol ag adran 41(2) i (5) o Ddeddf 2023,

(k) os yw is-baragraff (j) yn gymwys—

(i) y drosedd, neu ddigwyddiad arall a grybwyllir yn Atodlen 6 i Ddeddf 2023, y mae’r cyflenwr yn gyflenwr gwaharddedig yn rhinwedd y drosedd honno neu’r digwyddiad hwnnw, a

(ii) pa sail yn adran 41(5) o Ddeddf 2023 sy’n gymwys, ac esboniad ynghylch pam y mae’r awdurdod contractio yn ystyried ei bod yn gymwys,

(l) a yw’r contract yn cael ei ddyfarnu yn uniongyrchol i gyflenwr yn unol â rheoliadau sydd wedi eu gwneud o dan adran 42 o Ddeddf 2023 (dyfarniad uniongyrchol er mwyn gwarchod bywyd, etc.),

(m) os yw is-baragraff (l) yn gymwys, enw a rhif cofrestru’r offeryn statudol sy’n cynnwys y rheoliadau hynny,

(n) a yw’r contract yn cael ei ddyfarnu yn uniongyrchol i gyflenwr nad yw’n gyflenwr gwaharddedig yn rhinwedd adran 43 o Ddeddf 2023 (newid i ddyfarniad uniongyrchol),

(o) os yw is-baragraff (n) yn gymwys, y rheswm pam, ym marn yr awdurdod contractio, na fu unrhyw dendrau addas nac unrhyw geisiadau i gymryd rhan drwy gyfeirio at adran 43(2) o Ddeddf 2023, a pham y mae’n ystyried nad yw dyfarniad o dan adran 19 o’r Ddeddf honno yn bosibl o dan yr amgylchiadau,

(p) a yw’r contract yn cael ei ddyfarnu drwy gyfeirio at lotiau ac, os felly—

(i) enw pob lot, a

(ii) y rhif neilltuol a roddwyd i bob lot gan yr awdurdod contractio,

(q) amcangyfrif o werth y contract,

(r) a yw’r awdurdod contractio yn ystyried y gall y contract neu unrhyw lot sy’n ffurfio rhan o’r contract fod yn arbennig o addas i’w ddyfarnu—

(i) i fenter fach a chanolig ei maint, neu

(ii) i gorff anllywodraethol â gwerthoedd yn ei lywio sy’n ailfuddsoddi ei wargedion yn bennaf er mwyn hybu amcanion cymdeithasol, amgylcheddol neu ddiwylliannol,

(s) disgrifiad yn nodi unrhyw risg—

(i) y mae’r awdurdod contractio yn ystyried y gallai beri i’r contract beidio â chael ei gyflawni’n foddhaol ond, oherwydd ei natur, y mae’n bosibl na fydd yn cael sylw yn y contract fel y’i dyfernir, a

(ii) a all ei gwneud yn ofynnol addasu’r contract yn ddiweddarach o dan baragraff 5 o Atodlen 8 i Ddeddf 2023 (addasu contract yn dilyn gwireddiad risg hysbys),

(t) a yw cyflenwyr wedi eu dethol ar gyfer dyfarnu’r contract,

(u) os yw cyflenwyr wedi eu dethol ar gyfer dyfarnu’r contract, ar gyfer pob cyflenwr a ddetholwyd—

(i) enw’r cyflenwr,

(ii) naill ai—

(aa) y cod adnabod unigryw ar gyfer y cyflenwr, neu

(bb) yn achos contract cyhoeddus sydd wedi ei ddyfarnu yn uniongyrchol yn unol â pharagraffau 13 a 14 o Atodlen 5 i Ddeddf 2023 (sefyllfa frys) pan na fo cod adnabod unigryw wedi ei ddyrannu i’r cyflenwr pan gyhoeddwyd yr hysbysiad tryloywder ond bo’r cyflenwr yn gallu darparu gwybodaeth unigryw yn lle hynny (er enghraifft, rhif cofrestru cwmni a roddwyd o dan DC 2006) y gellir ei chydnabod gan y platfform digidol canolog yn sail ar gyfer cod adnabod unigryw a ddyrennir gan y platfform hwnnw, yr wybodaeth unigryw honno, a

(iii) cyfeiriad post cyswllt a chyfeiriad e-bost y cyflenwr,

(v) amcangyfrif o’r dyddiad yr ymrwymir i’r contract, ac

(w) pan fo’r contract yn fframwaith—

(i) cyfnod y fframwaith,

(ii) a yw’r fframwaith yn darparu ar gyfer codi ffioedd ar gyflenwr yn unol â’r fframwaith ac, os felly, fanylion y ganran sefydlog a ddefnyddir i godi’r ffi arno yn unol ag adran 45(7) o Ddeddf 2023, a

(iii) yr awdurdodau contractio a chanddynt hawlogaeth i ddyfarnu contractau yn unol â’r fframwaith (pa un ai drwy restru enwau’r awdurdodau hynny neu drwy ddisgrifio categorïau o awdurdodau).

(3) Nid oes dim yn y rheoliad hwn yn atal awdurdod contractio rhag cyhoeddi gwybodaeth arall sy’n ymwneud â’r un caffaeliad yn yr hysbysiad.

Hysbysiadau dyfarnu contract ac eithrio’r rhai a gyhoeddir gan gyfleustodau preifat

28.—( 1) Mae’r rheoliad hwn yn nodi gwybodaeth arall y mae rhaid ei chynnwys mewn hysbysiad dyfarnu contract a gyhoeddir gan awdurdod contractio o dan adran 50(1) o Ddeddf 2023.

(2) Yr wybodaeth yw—

(a) gwybodaeth yr awdurdod contractio,

(b) enw’r caffaeliad,

(c) y cod adnabod unigryw ar gyfer—

(i) y caffaeliad,

(ii) y contract cyhoeddus,

(iii) pan fo’r contract cyhoeddus yn cael ei ddyfarnu yn unol â fframwaith, caffaeliad y fframwaith y mae’r contract cyhoeddus yn cael ei ddyfarnu yn unol ag ef, a

(iv) pan fo’r contract cyhoeddus yn cael ei ddyfarnu drwy gyfeirio at aelodaeth cyflenwyr o farchnad ddynamig, y farchnad ddynamig,

(d) pwnc y contract,

(e) ar gyfer pob cyflenwr y dyfernir y contract cyhoeddus iddo—

(i) enw’r cyflenwr,

(ii) cyfeiriad post cyswllt a chyfeiriad e-bost y cyflenwr,

(iii) naill ai—

(aa) y cod adnabod unigryw ar gyfer y cyflenwr, neu

(bb) yn achos contract cyhoeddus sydd wedi ei ddyfarnu yn uniongyrchol yn unol â pharagraffau 13 a 14 o Atodlen 5 i Ddeddf 2023 (sefyllfa frys) pan na fo cod adnabod unigryw wedi ei ddyrannu i’r cyflenwr pan gyhoeddwyd yr hysbysiad dyfarnu contract ond bo’r cyflenwr yn gallu darparu gwybodaeth unigryw yn lle hynny (er enghraifft, rhif cofrestru cwmni a roddwyd o dan DC 2006) y gellir ei chydnabod gan y platfform digidol canolog yn sail ar gyfer cod adnabod unigryw a ddyrennir gan y platfform hwnnw, yr wybodaeth unigryw honno,

(iv) a yw’r cyflenwr yn gymdeithas o gwmnïau neu’n gonsortiwm arall,

(v) a yw’r cyflenwr—

(aa) yn fenter fach a chanolig ei maint,

(bb) yn gorff anllywodraethol â gwerthoedd yn ei lywio ac sy’n ailfuddsoddi ei wargedion yn bennaf er mwyn hybu amcanion cymdeithasol, amgylcheddol neu ddiwylliannol,

(cc) yn ddarparwr cyflogaeth â chymorth, neu

(dd) yn gwmni cydfuddiannol gwasanaethau cyhoeddus,

(vi) ar gyfer pob person â chyswllt â’r cyflenwr, enw a chyfeiriad post cyswllt y person (mae i “person â chyswllt” yr ystyr a roddir i “associated person” gan adran 26(4) o Ddeddf 2023), a

(vii) gwybodaeth y cyflenwr o ran ei bersonau cysylltiedig yn unol â rheoliad 12, ond gan ddarllen paragraffau (4)(a) ac (8)(a) o’r rheoliad hwnnw fel pe bai pob cyfeiriad at ddyddiad geni yn gyfeiriad at fis a blwyddyn geni, yn ddarostyngedig i baragraff (4) o’r rheoliad hwn,

(f) y dyddiad y penderfynodd yr awdurdod contractio ddyfarnu’r contract cyhoeddus,

(g) os yw’r contract cyhoeddus yn cael ei ddyfarnu drwy gyfeirio at lotiau, ar gyfer pob lot—

(i) enw’r cyflenwr y mae’r lot yn cael ei ddyfarnu iddo,

(ii) enw’r lot,

(iii) y rhif neilltuol a roddwyd i’r lot gan yr awdurdod contractio,

(iv) disgrifiad o’r mathau o nwyddau, gwasanaethau neu weithiau a fydd yn cael eu cyflenwi,

(v) crynodeb o’r modd y bydd y nwyddau, y gwasanaethau neu’r gweithiau hynny yn cael eu cyflenwi,

(vi) amcangyfrif o’r dyddiad y bydd y nwyddau, y gwasanaethau neu’r gweithiau yn cael eu cyflenwi neu amcangyfrif o’r cyfnod y byddant yn cael eu cyflenwi drosto,

(vii) amcangyfrif o swm nwyddau, gwasanaethau neu weithiau a fydd yn cael eu cyflenwi,

(viii) amcangyfrif o werth y lot,

(ix) y codau GGG perthnasol, a

(x) y dosbarthiad daearyddol, pan fo’n bosibl ei ddisgrifio,

(h) pan fo’r contract cyhoeddus yn cael ei ddyfarnu yn unol â fframwaith, manylion ynghylch pa un o’r gweithdrefnau canlynol a ddefnyddiwyd—

(i) proses ddethol gystadleuol ar gyfer fframweithiau o dan adran 46 o Ddeddf 2023, neu

(ii) dyfarniad heb gystadleuaeth bellach o dan adran 45(4) o Ddeddf 2023,

(i) pan fo’r contract cyhoeddus yn fframwaith sy’n cael ei ddyfarnu o dan fframwaith agored, y cod adnabod unigryw ar gyfer caffaeliad y fframwaith olaf a ddyfarnwyd o dan y fframwaith agored (oni bai nad oes fframwaith wedi ei ddyfarnu o dan y fframwaith agored yn flaenorol),

(j) pan fo’r contract cyhoeddus yn cael ei ddyfarnu o dan ran briodol o farchnad ddynamig, y rhif neilltuol a roddwyd i’r rhan honno gan y person a sefydlodd y farchnad ddynamig,

(k) a yw’r contract cyhoeddus yn gontract cyfundrefn arbennig ac, os felly, a yw—

(i) yn gontract consesiwn,

(ii) yn gontract cyffyrddiad ysgafn, neu

(iii) yn gontract cyfleustodau,

(l) a yw’r awdurdod contractio wedi darparu crynodeb asesu i bob cyflenwr a gyflwynodd dendr a aseswyd, yn unol ag adran 50(3) o Ddeddf 2023 ac, os felly, y dyddiad y cafodd y crynodebau asesu hynny eu darparu,

(m) amcangyfrif o werth y contract cyhoeddus,

(n) mewn cysylltiad â phob contract cyhoeddus—

(i) cyfanswm y tendrau a gyflwynwyd erbyn dyddiad cau’r awdurdod contractio ar gyfer cyflwyno tendrau (gan ddiystyru tendrau a gyflwynwyd ond a dynnwyd yn ôl wedyn),

(ii) cyfanswm y tendrau a aseswyd gan yr awdurdod contractio, a

(iii) cyfanswm y tendrau aflwyddiannus a aseswyd gan yr awdurdod contractio ac a gyflwynwyd gan—

(aa) menter fach a chanolig ei maint, a

(bb) corff anllywodraethol â gwerthoedd yn ei lywio sy’n ailfuddsoddi ei wargedion yn bennaf er mwyn hybu amcanion cymdeithasol, amgylcheddol neu ddiwylliannol,

ac eithrio yn achos dyfarniad uniongyrchol o dan adran 41 neu 43 o Ddeddf 2023,

(o) pan fo’r contract cyhoeddus yn fframwaith neu y bo wedi ei ddyfarnu mewn ffordd arall nad yw’n unol â fframwaith, manylion ynghylch pa un o’r gweithdrefnau canlynol a ddefnyddiwyd—

(i) gweithdrefn agored,

(ii) gweithdrefn hyblyg gystadleuol, neu

(iii) dyfarniad uniongyrchol o dan adran 41 neu 43 o Ddeddf 2023,

(p) a ddefnyddiwyd hysbysiad tendro i neilltuo’r contract i ddarparwyr cyflogaeth â chymorth yn unol ag adran 32 o Ddeddf 2023, a pha un a ddyfarnwyd y contract i gyflenwr o’r fath,

(q) a ddefnyddiwyd hysbysiad tendro i neilltuo’r contract i gwmnïau cydfuddiannol gwasanaethau cyhoeddus yn unol ag adran 33 o Ddeddf 2023, ac a ddyfarnwyd y contract i gyflenwr o’r fath,

(r) y dyddiad dod i ben ar gyfer unrhyw gyfnod segur o dan adran 51 o Ddeddf 2023 neu, os nad oes unrhyw gyfnod segur yn gymwys, unrhyw ddyddiad cyn pryd y mae’r awdurdod contractio wedi penderfynu yn erbyn ymrwymo i’r contract,

(s) amcangyfrif o’r dyddiad yr ymrwymir i’r contract,

(t) pan fo’r contract cyhoeddus yn cael ei ddyfarnu yn uniongyrchol o dan adran 41 neu 43 o Ddeddf 2023, yr un wybodaeth â’r wybodaeth y cyfeirir ati yn rheoliad 27(2)(h) i (o),

(u) pan fo’r contract cyhoeddus yn cael ei ddyfarnu yn unol â fframwaith sy’n cael ei drefnu drwy gyfeirio at lotiau, y rhif neilltuol a roddwyd gan yr awdurdod contractio i’r lot y mae’r contract yn cael ei ddyfarnu odani, a

(v) pan fo—

(i) y contract cyhoeddus yn cael ei ddyfarnu drwy gyfeirio at lotiau, a

(ii) yr awdurdod contractio yn defnyddio’r hysbysiad dyfarnu contract i roi hysbysiad ei fod yn rhoi’r gorau i gaffael yr holl nwyddau, gwasanaethau a gweithiau a nodir yn un neu ragor o’r lotiau hynny neu mewn unrhyw lotiau o dan gontractau yn y dyfodol o dan y trefniant o dan adran 18(2)(a) o Ddeddf 2023,

gwybodaeth y lot sy’n dod i ben.

(3) Yn y rheoliad hwn, ystyr “gwybodaeth y lot sy’n dod i ben” yw—

(a) yr wybodaeth ganlynol ar gyfer pob lot sy’n dod i ben—

(i) enw’r lot,

(ii) y rhif neilltuol a roddwyd i’r lot gan yr awdurdod contractio,

(iii) y codau GGG perthnasol, a

(iv) disgrifiad o’r mathau o nwyddau, gwasanaethau neu weithiau a oedd i’w cyflenwi o dan y lot, a

(b) y dyddiad y penderfynodd yr awdurdod contractio roi’r gorau i’r caffaeliad o dan y lot.

(4) Nid yw’n ofynnol i awdurdod contractio gyhoeddi, yn unol â pharagraff (2)(e)(vii), wybodaeth personau cysylltiedig sy’n wybodaeth sydd wedi ei diogelu mewn perthynas—

(a) â pherson cysylltiedig sy’n unigolyn sy’n bodloni’r disgrifiad yn rheoliad 12(3)(b) ac (c), neu

(b) â pherson cysylltiedig sy’n unigolyn sy’n bodloni’r disgrifiad yn rheoliad 12(15)(b).

(5) Yn y rheoliad hwn, ystyr “gwybodaeth sydd wedi ei diogelu” yw gwybodaeth—

(a) mewn perthynas ag unigolyn a grybwyllir ym mharagraff (4)(a) neu (b), sydd am y tro wedi ei hepgor o gofrestr pobl â rheolaeth sylweddol yn unol â rheoliad 33(1) o Reoliadau Cofrestrau Pobl â Rheolaeth Sylweddol 2016(21), neu

(b) mewn perthynas ag unigolyn a grybwyllir ym mharagraff (4)(b), yw gwybodaeth y mae’r unigolyn—

(i) yn rhesymol o’r farn a nodir ym mharagraff (6) yn ei chylch, a

(ii) wedi cadarnhau’r farn honno yn ysgrifenedig i’r awdurdod contractio.

(6) Y farn yw, os bydd yr wybodaeth yn cael ei chyhoeddi—

(a) y bydd gweithgareddau’r cwmni, neu

(b) y bydd un neu ragor o nodweddion neu briodoleddau personol yr ymgeisydd pan fydd wedi ei gysylltu â’r cwmni hwnnw,

yn rhoi’r ymgeisydd neu berson sy’n byw gyda’r ymgeisydd mewn perygl difrifol o ddioddef trais neu fygythiad.

(7) Nid oes dim yn y rheoliad hwn yn atal awdurdod contractio rhag cyhoeddi gwybodaeth arall sy’n ymwneud â’r un caffaeliad yn yr hysbysiad.

(8) Nid yw’r rheoliad hwn yn gymwys i awdurdod contractio sy’n gyfleustod preifat.

Hysbysiadau dyfarnu contract a gyhoeddir gan gyfleustodau preifat

29.—( 1) Mae’r rheoliad hwn yn nodi gwybodaeth arall y mae rhaid ei chynnwys mewn hysbysiad dyfarnu contract a gyhoeddir gan gyfleustod preifat o dan adran 50(1) o Ddeddf 2023.

(2) Yr wybodaeth yw—

(a) yr un wybodaeth â’r wybodaeth y cyfeirir ati yn rheoliad 28(2)(a) i (q), ac eithrio is-baragraffau (h) ac (n),

(b) amcangyfrif o’r dyddiad yr ymrwymir i’r contract, ac

(c) disgrifiad o unrhyw opsiwn yn y contract cyhoeddus—

(i) i gyflenwi nwyddau, gwasanaethau neu weithiau ychwanegol, neu

(ii) i estyn neu adnewyddu cyfnod y contract.

(3) Nid oes dim yn y rheoliad hwn yn atal awdurdod contractio rhag cyhoeddi gwybodaeth arall sy’n ymwneud â’r un caffaeliad (gan gynnwys gwybodaeth sy’n ymwneud â chontractau eraill sydd wedi eu dyfarnu o dan yr un caffaeliad) yn yr hysbysiad.

(4) Nid yw’r rheoliad hwn yn gymwys—

(a) i ddyfarnu contract cyhoeddus yn uniongyrchol o dan adran 41 neu 43 o Ddeddf 2023 (gweler yn hytrach reoliad 30), neu

(b) i ddyfarnu contract cyhoeddus yn unol â fframwaith (gweler yn hytrach reoliad 31).

Hysbysiadau dyfarnu contract a gyhoeddir gan gyfleustodau preifat: dyfarniadau uniongyrchol

30.—( 1) Mae’r rheoliad hwn yn nodi gwybodaeth arall y mae rhaid ei chynnwys mewn hysbysiad dyfarnu contract a gyhoeddir gan gyfleustod preifat o dan adran 50(1) o Ddeddf 2023 pan gafodd y contract ei ddyfarnu yn uniongyrchol yn unol ag adran 41 neu 43 o Ddeddf 2023.

(2) Yr wybodaeth yw—

(a) yr un wybodaeth â’r wybodaeth y cyfeirir ati yn rheoliad 28(2)(a) i (q), ac eithrio is-baragraffau (c)(iii), (c)(iv), (h) i (j), (l) ac (n),

(b) amcangyfrif o’r dyddiad yr ymrwymir i’r contract,

(c) disgrifiad o unrhyw opsiwn yn y contract cyhoeddus—

(i) i gyflenwi nwyddau, gwasanaethau neu weithiau ychwanegol, neu

(ii) i estyn neu adnewyddu cyfnod y contract,

(d) a yw’r contract yn cael ei ddyfarnu yn uniongyrchol i gyflenwr nad yw’n gyflenwr gwaharddedig oherwydd bod cyfiawnhad dros ddyfarnu yn uniongyrchol yn gymwys yn unol ag adran 41(1)(a) o Ddeddf 2023,

(e) os yw is-baragraff (d) yn gymwys, y cyfiawnhad dros ddyfarnu yn uniongyrchol yn Atodlen 5 i Ddeddf 2023 sy’n gymwys, ac esboniad ynghylch pam y mae’r awdurdod contractio yn ystyried ei fod yn gymwys,

(f) a yw’r contract yn cael ei ddyfarnu yn uniongyrchol i gyflenwr sy’n gyflenwr gwaharddedig oherwydd bod yr awdurdod contractio yn ystyried mai’r hyn sydd o’r budd mwyaf i’r cyhoedd yw dyfarnu’r contract i’r cyflenwr hwnnw yn unol ag adran 41(2) i (5) o Ddeddf 2023,

(g) os yw is-baragraff (f) yn gymwys—

(i) y drosedd, neu ddigwyddiad arall a grybwyllir yn Atodlen 6 i Ddeddf 2023, y mae’r cyflenwr yn gyflenwr gwaharddedig yn rhinwedd y drosedd honno neu’r digwyddiad hwnnw, a

(ii) pa sail yn adran 41(5) o Ddeddf 2023 sy’n gymwys, ac esboniad ynghylch pam y mae’r awdurdod contractio yn ystyried ei bod yn gymwys,

(h) a yw’r contract yn cael ei ddyfarnu yn uniongyrchol i gyflenwr yn unol â rheoliadau a wneir o dan adran 42 o Ddeddf 2023 (dyfarniad uniongyrchol er mwyn gwarchod bywyd, etc.),

(i) os yw is-baragraff (h) yn gymwys, enw a rhif cofrestru’r offeryn statudol sy’n cynnwys y rheoliadau hynny,

(j) a yw’r contract yn cael ei ddyfarnu yn uniongyrchol i gyflenwr nad yw’n gyflenwr gwaharddedig yn rhinwedd adran 43 o Ddeddf 2023 (newid i ddyfarniad uniongyrchol), a

(k) os yw is-baragraff (j) yn gymwys, y rheswm pam, ym marn yr awdurdod contractio, na fu unrhyw dendrau addas nac unrhyw geisiadau i gymryd rhan drwy gyfeirio at adran 43(2) o Ddeddf 2023, a pham y mae’n ystyried nad yw dyfarniad o dan adran 19 o’r Ddeddf honno yn bosibl o dan yr amgylchiadau.

(3) Nid oes dim yn y rheoliad hwn yn atal awdurdod contractio rhag cyhoeddi gwybodaeth arall sy’n ymwneud â’r un caffaeliad yn yr hysbysiad.

Hysbysiadau dyfarnu contract a gyhoeddir gan gyfleustodau preifat: fframweithiau

31.—( 1) Mae’r rheoliad hwn yn nodi gwybodaeth arall y mae rhaid ei chynnwys mewn hysbysiad dyfarnu contract a gyhoeddir gan gyfleustod preifat o dan adran 50(1) o Ddeddf 2023 pan fo’r contract yn cael ei ddyfarnu yn unol â fframwaith.

(2) Yr wybodaeth yw—

(a) yr un wybodaeth â’r wybodaeth y cyfeirir ati yn rheoliad 28(2)(a) i (q), ac eithrio is-baragraffau (c)(iv), (i), (j), (n) ac (o),

(b) amcangyfrif o’r dyddiad yr ymrwymir i’r contract,

(c) disgrifiad o unrhyw opsiwn yn y contract cyhoeddus—

(i) i gyflenwi nwyddau, gwasanaethau neu weithiau ychwanegol, neu

(ii) i estyn neu adnewyddu cyfnod y contract,

(d) pan fo’r fframwaith wedi ei drefnu drwy gyfeirio at lotiau, y rhif neilltuol a roddwyd gan yr awdurdod contractio i’r lot y mae’r contract yn cael ei ddyfarnu odani,

(e) manylion ynghylch pa un o’r gweithdrefnau canlynol a ddefnyddiwyd i ddyfarnu’r contract cyhoeddus—

(i) proses ddethol gystadleuol ar gyfer fframweithiau o dan adran 46 o Ddeddf 2023, neu

(ii) dyfarniad heb gystadleuaeth bellach o dan adran 45(4) o Ddeddf 2023, ac

(f) os yw is-baragraff (e)(ii) yn gymwys, esboniad ynghylch pam y mae’r awdurdod contractio wedi ystyried ei fod yn gymwys drwy gyfeirio at adran 45(4) o Ddeddf 2023.

(3) Nid oes dim yn y rheoliad hwn yn atal awdurdod contractio rhag cyhoeddi gwybodaeth arall sy’n ymwneud â’r un caffaeliad yn yr hysbysiad.

Crynodebau asesu

32.—( 1) Mae’r rheoliad hwn yn nodi pa wybodaeth y mae rhaid ei chynnwys mewn crynodeb asesu a ddarperir i gyflenwr o dan adran 50(3) o Ddeddf 2023.

(2) Yn achos y tendr mwyaf manteisiol, yr wybodaeth yw—

(a) enw’r cyflenwr,

(b) cyfeiriad post cyswllt a chyfeiriad e-bost ar gyfer y cyflenwr,

(c) y cod adnabod unigryw ar gyfer y cyflenwr,

(d) mewn cysylltiad â’r meini prawf dyfarnu ar gyfer y contract cyhoeddus—

(i) y meini prawf dyfarnu, gan gynnwys y fethodoleg asesu, wedi eu nodi’n llawn, neu grynodeb o’r meini prawf dyfarnu, gan gynnwys—

(aa) enw pob maen prawf,

(bb) pwysigrwydd cymharol pob maen prawf, a

(cc) sut yr oedd pob maen prawf i gael ei asesu drwy gyfeirio at sgoriau a pha sgoriau oedd i fod ar gael ar gyfer pob maen prawf, a

(ii) os nad yw’r meini prawf dyfarnu, gan gynnwys y fethodoleg asesu, wedi eu nodi’n llawn yn y crynodeb asesu, arwydd o ble y gellir cyrchu’r fersiwn lawn, ac

(e) sut y cafodd y tendr ei asesu yn erbyn y meini prawf dyfarnu drwy gyfeirio at sgoriau, gan gynnwys—

(i) y sgôr a benderfynwyd ar gyfer pob maen prawf dyfarnu ac—

(aa) esboniad ynghylch y sgôr honno drwy gyfeirio at wybodaeth berthnasol yn y tendr, a

(bb) pan fo maen prawf dyfarnu yn cynnwys is-feini prawf asesu, esboniad ynghylch sut y cafodd y tendr ei asesu drwy gyfeirio at bob is-maen prawf, a

(ii) cyfanswm y sgôr ac unrhyw sgoriau is-gyfanswm.

(3) Yn achos unrhyw dendr arall a aseswyd, yr wybodaeth yw—

(a) yr un wybodaeth â’r wybodaeth y cyfeirir ati ym mharagraff (2)(a) i (d),

(b) yr un wybodaeth â’r wybodaeth y cyfeirir ati ym mharagraff (2)(e), ond dim ond i’r graddau y cafodd y tendr ei asesu yn erbyn y meini prawf dyfarnu,

(c) unrhyw esboniad pellach ynghylch pam nad yw’r contract cyhoeddus yn cael ei ddyfarnu i’r cyflenwr gan gynnwys, pan fo’r tendr wedi ei ddatgymhwyso o dan y fethodoleg asesu o dan adran 23(3) o Ddeddf 2023, y rhesymau dros y datgymhwyso hwnnw, a

(d) yr un wybodaeth â’r wybodaeth y cyfeirir ati ym mharagraff (2)(e) mewn cysylltiad â’r tendr mwyaf manteisiol.

(4) Rhaid i’r holl grynodebau asesu mewn cysylltiad â chontract cyhoeddus a ddarperir gan awdurdod contractio i gyflenwyr yn unol ag adran 50(3) o Ddeddf 2023 gael eu darparu ar yr un pryd.

(5) Nid oes dim yn y rheoliad hwn yn atal awdurdod contractio rhag darparu gwybodaeth arall sy’n ymwneud â’r un caffaeliad mewn crynodeb asesu.

Hysbysiadau manylion contract: gweithdrefn agored neu weithdrefn hyblyg gystadleuol

33.—( 1) Mae’r rheoliad hwn yn nodi gwybodaeth arall y mae rhaid ei chynnwys mewn hysbysiad manylion contract a gyhoeddir o dan adran 53(1) o Ddeddf 2023 pan ymrwymwyd i’r contract cyhoeddus yn dilyn—

(a) gweithdrefn agored, neu

(b) gweithdrefn hyblyg gystadleuol (gan gynnwys drwy gyfeirio at farchnad ddynamig).

(2) Yr wybodaeth yw—

(a) gwybodaeth yr awdurdod contractio,

(b) enw’r caffaeliad,

(c) y cod adnabod unigryw ar gyfer y caffaeliad,

(d) y cod adnabod unigryw ar gyfer y contract cyhoeddus,

(e) pan gafodd y contract cyhoeddus ei ddyfarnu drwy gyfeirio at aelodaeth cyflenwyr o farchnad ddynamig, y cod adnabod unigryw ar gyfer y farchnad ddynamig honno,

(f) pwnc y contract,

(g) ar gyfer pob cyflenwr sy’n barti i’r contract cyhoeddus—

(i) enw’r cyflenwr,

(ii) cyfeiriad post cyswllt a chyfeiriad e-bost y cyflenwr,

(iii) y cod adnabod unigryw ar gyfer y cyflenwr, a

(iv) a yw’r cyflenwr—

(aa) yn fenter fach a chanolig ei maint,

(bb) yn gorff anllywodraethol â gwerthoedd yn ei lywio ac sy’n ailfuddsoddi ei wargedion yn bennaf er mwyn hybu amcanion cymdeithasol, amgylcheddol neu ddiwylliannol,

(cc) yn ddarparwr cyflogaeth â chymorth, neu

(dd) yn gwmni cydfuddiannol gwasanaethau cyhoeddus,

(h) a ddyfarnwyd y contract cyhoeddus yn dilyn—

(i) gweithdrefn agored, neu

(ii) gweithdrefn hyblyg gystadleuol,

(i) a oedd y contract wedi ei neilltuo—

(i) i ddarparwyr cyflogaeth â chymorth yn unol ag adran 32 o Ddeddf 2023, neu

(ii) i gwmnïau cydfuddiannol gwasanaethau cyhoeddus yn unol ag adran 33 o Ddeddf 2023,

(j) os cafodd y contract cyhoeddus ei ddyfarnu drwy gyfeirio at lot—

(i) enw’r lot,

(ii) y rhif neilltuol a roddwyd i’r lot gan yr awdurdod contractio,

(iii) disgrifiad o’r mathau o nwyddau, gwasanaethau neu weithiau a fydd yn cael eu cyflenwi,

(iv) crynodeb o sut y bydd y nwyddau, y gwasanaethau neu’r gweithiau hynny yn cael eu cyflenwi,

(v) amcangyfrif o’r dyddiad y bydd y nwyddau, y gwasanaethau neu’r gweithiau yn cael eu cyflenwi neu amcangyfrif o’r cyfnod y byddant yn cael eu cyflenwi drosto,

(vi) amcangyfrif o swm nwyddau, gwasanaethau neu weithiau a fydd yn cael eu cyflenwi,

(vii) amcangyfrif o werth y lot, a

(viii) y codau GGG perthnasol,

(k) amcangyfrif o werth y contract cyhoeddus,

(l) y dyddiad yr ymrwymwyd i’r contract cyhoeddus,

(m) disgrifiad o unrhyw opsiwn yn y contract cyhoeddus—

(i) i gyflenwi nwyddau, gwasanaethau neu weithiau ychwanegol, neu

(ii) i estyn neu adnewyddu cyfnod y contract,

(n) pan gafodd y contract cyhoeddus ei ddyfarnu o dan ran briodol o farchnad ddynamig, y rhif neilltuol a roddwyd i’r rhan honno gan y person a sefydlodd y farchnad ddynamig,

(o) a yw’r contract cyhoeddus yn gontract cyfundrefn arbennig ac, os felly, a yw—

(i) yn gontract consesiwn,

(ii) yn gontract cyffyrddiad ysgafn, neu

(iii) yn gontract cyfleustodau,

(p) a yw’r contract cyhoeddus yn gontract y mae gan y Deyrnas Unedig rwymedigaethau ar ei gyfer o dan y Cytundeb ar Gaffael gan Lywodraethau,

(q) o’r dyddiad y daw’r Cytundeb Cynhwysfawr a Blaengar ar gyfer Partneriaeth y Môr Tawel i rym ar gyfer y Deyrnas Unedig, a yw’r contract cyhoeddus yn gontract y mae gan y Deyrnas Unedig rwymedigaethau ar ei gyfer o dan y Cytundeb hwnnw,

(r) pan gafodd y dangosyddion perfformiad allweddol eu gosod yn unol ag adran 52(1) o Ddeddf 2023—

(i) disgrifiad o bob dangosydd perfformiad allweddol, a

(ii) pa mor aml y bydd yr awdurdod contractio yn asesu perfformiad yn erbyn y dangosyddion perfformiad allweddol yn unol ag adran 71(2) o Ddeddf 2023, ac

(s) pan na chafodd dangosyddion perfformiad allweddol eu gosod yn rhinwedd adran 52(2) o Ddeddf 2023, esboniad ynghylch pam y mae’r awdurdod contractio yn ystyried na ellid asesu perfformiad y cyflenwr o dan y contract yn briodol drwy gyfeirio at ddangosyddion perfformiad allweddol.

(3) Nid oes dim yn y rheoliad hwn yn atal awdurdod contractio rhag cyhoeddi gwybodaeth arall sy’n ymwneud â’r un caffaeliad yn yr hysbysiad.

(4) Nid yw’r rheoliad hwn yn gymwys i hysbysiad manylion contract pan fo’r contract cyhoeddus yn fframwaith (gweler yn hytrach reoliad 34).

Hysbysiadau manylion contract: fframweithiau

34.—( 1) Mae’r rheoliad hwn yn nodi gwybodaeth arall y mae rhaid ei chynnwys mewn hysbysiad manylion contract a gyhoeddir o dan adran 53(1) o Ddeddf 2023 pan fo’r contract cyhoeddus yn fframwaith.

(2) Yr wybodaeth yw—

(a) yr un wybodaeth â’r wybodaeth y cyfeirir ati yn rheoliad 33(2)(a) i (q), ac eithrio is-baragraff (h),

(b) yr awdurdodau contractio a chanddynt hawlogaeth i ddyfarnu contractau cyhoeddus yn unol â’r fframwaith (pa un ai drwy restru enwau’r awdurdodau hynny neu drwy ddisgrifio categorïau o awdurdodau),

(c) cyfnod y fframwaith,

(d) a yw’r fframwaith wedi ei ddyfarnu o dan fframwaith agored,

(e) pan gafodd y fframwaith ei ddyfarnu o dan fframwaith agored, y cod adnabod unigryw ar gyfer caffaeliad y fframwaith olaf a ddyfarnwyd o dan y fframwaith agored (oni bai nad oes fframwaith wedi ei ddyfarnu o dan y fframwaith agored yn flaenorol),

(f) pan gafodd y fframwaith ei ddyfarnu o dan fframwaith agored, amcangyfrif o ddyddiad dod i ben y fframwaith agored,

(g) a ddyfarnwyd y contract cyhoeddus yn dilyn—

(i) gweithdrefn agored,

(ii) gweithdrefn hyblyg gystadleuol, neu

(iii) yn uniongyrchol yn unol ag adran 41 neu 43 o Ddeddf 2023,

(h) a yw’r fframwaith yn darparu ar gyfer codi ffioedd ar gyflenwr yn unol â’r fframwaith ac, os felly, fanylion y ganran sefydlog a ddefnyddir i godi’r ffi arno yn unol ag adran 45(7) o Ddeddf 2023,

(i) y pris sy’n daladwy, neu’r mecanwaith ar gyfer pennu’r pris sy’n daladwy, o dan gontract cyhoeddus sydd wedi ei ddyfarnu yn unol â’r fframwaith, a

(j) manylion y broses ddethol sydd i’w chymhwyso wrth ddyfarnu contract cyhoeddus yn unol â’r fframwaith.

(3) Nid oes dim yn y rheoliad hwn yn atal awdurdod contractio rhag cyhoeddi gwybodaeth arall sy’n ymwneud â’r un caffaeliad yn yr hysbysiad.

Hysbysiadau manylion contract: contractau cyhoeddus a ddyfernir yn unol â fframweithiau

35.—( 1) Mae’r rheoliad hwn yn nodi gwybodaeth arall y mae rhaid ei chynnwys mewn hysbysiad manylion contract a gyhoeddir o dan adran 53(1) o Ddeddf 2023 pan gafodd y contract cyhoeddus ei ddyfarnu yn unol â fframwaith.

(2) Yr wybodaeth yw—

(a) yr un wybodaeth â’r wybodaeth y cyfeirir ati yn rheoliad 33(2), ac eithrio is-baragraffau (e), (h), (n), (p) a (q),

(b) y cod adnabod unigryw ar gyfer caffaeliad y fframwaith y mae’r contract cyhoeddus yn cael ei ddyfarnu yn unol ag ef,

(c) pan fo’r fframwaith wedi ei drefnu drwy gyfeirio at lotiau, y rhif neilltuol a roddwyd gan yr awdurdod contractio i’r lot y mae’r contract yn cael ei ddyfarnu odani,

(d) manylion ynghylch pa un o’r gweithdrefnau a ganlyn a ddefnyddiwyd i ddyfarnu’r contract cyhoeddus—

(i) proses ddethol gystadleuol ar gyfer fframweithiau o dan adran 46 o Ddeddf 2023, neu

(ii) dyfarniad heb gystadleuaeth bellach o dan adran 45(4) o Ddeddf 2023, ac

(e) os yw is-baragraff (d)(ii) yn gymwys, esboniad ynghylch pam y mae’r awdurdod contractio wedi ystyried ei fod yn gymwys drwy gyfeirio at adran 45(4) o Ddeddf 2023.

(3) Nid oes dim yn y rheoliad hwn yn atal awdurdod contractio rhag cyhoeddi gwybodaeth arall sy’n ymwneud â’r un caffaeliad yn yr hysbysiad.

Hysbysiadau manylion contract: dyfarniad uniongyrchol

36.—( 1) Mae’r rheoliad hwn yn nodi gwybodaeth arall y mae rhaid ei chynnwys mewn hysbysiad manylion contract a gyhoeddir o dan adran 53(1) o Ddeddf 2023 pan fo’r contract cyhoeddus wedi ei ddyfarnu yn uniongyrchol yn unol ag adran 41 neu 43 o Ddeddf 2023.

(2) Yr wybodaeth yw—

(a) yr un wybodaeth â’r wybodaeth y cyfeirir ati yn rheoliad 33(2), ac eithrio is-baragraffau (e), (h) ac (n),

(b) a gafodd y contract ei ddyfarnu yn uniongyrchol i gyflenwr nad yw’n gyflenwr gwaharddedig oherwydd bod cyfiawnhad dros ddyfarnu yn uniongyrchol yn gymwys yn unol ag adran 41(1)(a) o Ddeddf 2023,

(c) os yw is-baragraff (b) yn gymwys, y cyfiawnhad dros ddyfarnu yn uniongyrchol yn Atodlen 5 i Ddeddf 2023 sy’n gymwys, ac esboniad ynghylch pam y mae’r awdurdod contractio yn ystyried ei fod yn gymwys,

(d) a gafodd y contract ei ddyfarnu yn uniongyrchol i gyflenwr sy’n gyflenwr gwaharddedig oherwydd bod yr awdurdod contractio wedi ystyried mai’r hyn sydd o’r budd mwyaf i’r cyhoedd yw dyfarnu’r contract i’r cyflenwr hwnnw yn unol ag adran 41(2) i (5) o Ddeddf 2023,

(e) os yw is-baragraff (d) yn gymwys, pa sail yn adran 41(5) o Ddeddf 2023 sy’n gymwys, ac esboniad ynghylch pam y mae’r awdurdod contractio yn ystyried ei bod yn gymwys,

(f) a gafodd y contract ei ddyfarnu yn uniongyrchol i gyflenwr yn unol â rheoliadau a wneir o dan adran 42 o Ddeddf 2023 (dyfarnu’n uniongyrchol er mwyn gwarchod bywyd, etc.),

(g) os yw is-baragraff (f) yn gymwys, enw a rhif cofrestru’r offeryn statudol sy’n cynnwys y rheoliadau hynny,

(h) a gafodd y contract ei ddyfarnu yn uniongyrchol i gyflenwr nad yw’n gyflenwr gwaharddedig yn rhinwedd adran 43 o Ddeddf 2023 (newid i ddyfarniad uniongyrchol),

(i) os yw is-baragraff (h) yn gymwys, esboniad, ym marn yr awdurdod contractio, ynghylch pam na fu unrhyw dendrau addas nac unrhyw geisiadau i gymryd rhan drwy gyfeirio at adran 43(2) o Ddeddf 2023 a pham y mae’n ystyried nad yw dyfarniad o dan adran 19 o’r Ddeddf honno yn bosibl o dan yr amgylchiadau,

(j) a gafodd y contract ei ddyfarnu i gyflenwr sy’n gyflenwr gwaharddedig yn rhinwedd adran 41(2) o Ddeddf 2023, a

(k) os yw is-baragraff (j) yn gymwys, y drosedd, neu’r digwyddiad arall a grybwyllir yn Atodlen 6 i Ddeddf 2023, sydd o dan sylw.

(3) Nid oes dim yn y rheoliad hwn yn atal awdurdod contractio rhag cyhoeddi gwybodaeth arall sy’n ymwneud â’r un caffaeliad yn yr hysbysiad.

(4) Nid yw’r rheoliad hwn yn gymwys i hysbysiad manylion contract pan fo’r contract cyhoeddus yn fframwaith (gweler yn hytrach reoliad 34).

Hysbysiadau manylion contract: contractau sydd o dan y trothwy

37.—( 1) Mae’r rheoliad hwn yn nodi gwybodaeth arall y mae rhaid ei chynnwys mewn hysbysiad manylion contract a gyhoeddir o dan adran 87(3) o Ddeddf 2023.

(2) Yr wybodaeth yw—

(a) gwybodaeth yr awdurdod contractio,

(b) enw’r caffaeliad,

(c) y cod adnabod unigryw ar gyfer y caffaeliad,

(d) y cod adnabod unigryw ar gyfer y contract,

(e) ar gyfer pob cyflenwr sy’n barti i’r contract—

(i) enw’r cyflenwr,

(ii) cyfeiriad post cyswllt a chyfeiriad e-bost y cyflenwr,

(iii) y cod adnabod unigryw ar gyfer y cyflenwr, a

(iv) a yw’r cyflenwr—

(aa) yn fenter fach a chanolig ei maint, neu

(bb) yn gorff anllywodraethol â gwerthoedd yn ei lywio ac sy’n ailfuddsoddi ei wargedion yn bennaf er mwyn hybu amcanion cymdeithasol, amgylcheddol neu ddiwylliannol,

(f) pwnc y contract,

(g) a gafodd y contract ei ddyfarnu drwy gyfeirio at lotiau ac, os felly—

(i) enw pob lot o dan y contract,

(ii) y rhif neilltuol a roddwyd i bob lot gan yr awdurdod contractio,

(h) a yw’r contract yn gontract cyffyrddiad ysgafn,

(i) a gafodd y contract ei ddyfarnu drwy gyfeirio at aelodaeth cyflenwyr o farchnad ddynamig ac, os felly—

(i) y cod adnabod unigryw ar gyfer y farchnad ddynamig, a

(ii) pan gafodd y contract cyhoeddus ei ddyfarnu o dan ran briodol o farchnad ddynamig (gweler adran 34(1) a (6) o Ddeddf 2023), y rhif neilltuol a roddwyd i’r rhan honno gan yr awdurdod contractio,

(j) amcangyfrif o werth y contract,

(k) y dyddiad yr ymrwymwyd i’r contract, ac

(l) disgrifiad o unrhyw opsiwn yn y contract—

(i) i gyflenwi nwyddau, gwasanaethau neu weithiau ychwanegol, neu

(ii) i estyn neu adnewyddu cyfnod y contract,

(3) Nid oes dim yn y rheoliad hwn yn atal awdurdod contractio rhag cyhoeddi gwybodaeth arall sy’n ymwneud â’r un caffaeliad yn yr hysbysiad.

Hysbysiadau terfynu caffaeliad

38.—( 1) Mae’r rheoliad hwn yn nodi pa wybodaeth y mae rhaid ei chynnwys mewn hysbysiad terfynu caffaeliad a gyhoeddir o dan adran 55(2) o Ddeddf 2023.

(2) Yr wybodaeth yw—

(a) gwybodaeth yr awdurdod contractio,

(b) enw’r caffaeliad,

(c) y cod adnabod unigryw ar gyfer y caffaeliad,

(d) datganiad i’r perwyl bod yr awdurdod contractio, yn dilyn cyhoeddi hysbysiad tendr neu hysbysiad tryloywder mewn cysylltiad â chontract, wedi penderfynu peidio â dyfarnu’r contract, ac

(e) y dyddiad y penderfynodd yr awdurdod contractio beidio â dyfarnu’r contract cyhoeddus.

(3) Nid oes dim yn y rheoliad hwn yn atal awdurdod contractio rhag cyhoeddi gwybodaeth arall sy’n ymwneud â’r un caffaeliad mewn hysbysiad terfynu caffael.

Hysbysiadau cydymffurfedd taliadau

39.—( 1) Mae’r rheoliad hwn yn nodi pa wybodaeth y mae rhaid ei chynnwys mewn hysbysiad cydymffurfedd taliadau a gyhoeddir o dan adran 69(1) o Ddeddf 2023.

(2) Yr wybodaeth yw—

(a) gwybodaeth yr awdurdod contractio,

(b) dyddiadau diwrnodau cyntaf ac olaf y cyfnod adrodd y mae’r hysbysiad cydymffurfedd taliadau yn ymwneud ag ef,

(c) mewn cysylltiad â symiau a dalwyd gan yr awdurdod contractio o dan gontractau cyhoeddus yn ystod y cyfnod adrodd—

(i) nifer cyfartalog y diwrnodau a gymerwyd i wneud y taliadau hynny, lle diwrnod 1 yw’r diwrnod cyntaf ar ôl y diwrnod anfonebu;

(ii) y ganran o’r taliadau hynny a gafodd eu gwneud, lle diwrnod 1 yw’r diwrnod cyntaf ar ôl y diwrnod anfonebu—

(aa) o fewn y cyfnod sy’n dechrau ar ddiwrnod 1 ac yn gorffen â diwrnod 30;

(bb) o fewn y cyfnod sy’n dechrau ar ddiwrnod 31 ac yn gorffen â diwrnod 60;

(cc) ar neu ar ôl diwrnod 61,

(d) mewn cysylltiad â symiau a ddaeth yn daladwy o dan gontractau cyhoeddus yn ystod y cyfnod adrodd, y ganran o’r taliadau hynny na chawsant eu gwneud o fewn y cyfnod adrodd, ac

(e) datganiad gan y cyfarwyddwr, neu swyddog tebyg o’r awdurdod contractio sy’n gyfrifol am gyllid yr awdurdod contractio, yn nodi bod y person yn cymeradwyo’r hysbysiad cydymffurfedd taliadau, ac yn nodi enw a theitl swydd y person hwnnw.

(3) Ym mharagraff (2)—

ystyr “cyfartalog” (“average”) yw’r cymedr rhifyddol;

ystyr “diwrnod anfonebu” (“invoice day”) yw’r dyddiad y mae anfoneb yn dod i law awdurdod contractio.

(4) At ddibenion paragraff (2), gwneir taliad—

(a) pan fydd yn dod i law’r cyflenwr, neu

(b) os oes unrhyw oedi cyn i’r taliad ddod i law nad yw’r awdurdod contractio yn gyfrifol amdano, pan fyddai wedi dod i law heb yr oedi hwnnw.

(5) Ym mharagraff (3) mae’r cyfeiriad at anfoneb sy’n dod i law awdurdod contractio yn gyfeiriad at yr anfoneb yn cael ei danfon i gyfeiriad, neu drwy system anfonebu electronig, sydd wedi ei bennu neu ei phennu yn y contract at y diben.

(6) Nid oes dim yn y rheoliad hwn yn atal awdurdod contractio rhag cyhoeddi gwybodaeth berthnasol arall yn yr hysbysiad.

(7) Yn y rheoliad hwn, mae i “cyfnod adrodd” a “hysbysiad cydymffurfedd taliadau” yr ystyron ag a roddir i “reporting period” a “payments compliance notice” gan adran 69 o Ddeddf 2023.

Hysbysiadau cyflawni contract ac eithrio mewn perthynas â therfynu’n llawn

40.—( 1) Mae’r rheoliad hwn yn gwneud darpariaeth ynghylch gwybodaeth sydd wedi ei chyhoeddi o dan y naill neu’r llall o’r darpariaethau canlynol—

(a) adran 71(2)(b) o Ddeddf 2023 (asesu perfformiad yn erbyn dangosyddion perfformiad allweddol);

(b) adran 71(5) o’r Ddeddf honno (torri contract cyhoeddus neu fethu â chyflawni).

(2) Rhaid cyhoeddi’r wybodaeth ar ffurf hysbysiad o’r enw “Hysbysiad Cyflawni Contract”.

(3) Pan fo’r wybodaeth yn cael ei chyhoeddi o dan adran 71(2)(b) o Ddeddf 2023, rhaid i’r hysbysiad gynnwys yr wybodaeth a nodir ym mharagraff (4).

(4) Yr wybodaeth yw—

(a) gwybodaeth yr awdurdod contractio,

(b) enw’r caffaeliad,

(c) y cod adnabod unigryw ar gyfer—

(i) y caffaeliad, a

(ii) y contract cyhoeddus,

(d) y dangosyddion perfformiad allweddol sydd wedi eu gosod yn unol ag adran 52(1) o Ddeddf 2023,

(e) datganiad bod yr hysbysiad yn cael ei ddefnyddio i nodi asesiad yr awdurdod contractio o berfformiad yn erbyn y dangosyddion perfformiad allweddol,

(f) ar gyfer pob cyflenwr y mae ei berfformiad wedi ei asesu yn erbyn y dangosyddion perfformiad allweddol—

(i) enw’r cyflenwr,

(ii) cyfeiriad post cyswllt a chyfeiriad e-bost y cyflenwr, a

(iii) y cod adnabod unigryw ar gyfer y cyflenwr,

(g) asesiad yr awdurdod contractio o berfformiad yn erbyn y dangosyddion yn unol â’r sgoriau a nodir ym mharagraff (5), ac

(h) y cyfnod amser y mae asesiad yr awdurdod contractio yn gymwys iddo.

(5) Mae’r sgoriau fel a ganlyn—

Sgôr	Disgrifiad
Da	Mae’r perfformiad yn bodloni neu’n rhagori ar y dangosyddion perfformiad allweddol
Nesáu at y targed	Mae’r perfformiad yn nesáu at fodloni’r dangosyddion perfformiad allweddol
Angen gwella	Mae’r perfformiad islaw’r dangosyddion perfformiad allweddol
Annigonol	Mae’r perfformiad yn sylweddol islaw’r dangosyddion perfformiad allweddol
Arall	Ni ellir disgrifio’r perfformiad fel un sy’n dda, yn nesáu at y targed, angen ei wella, nac yn annigonol

(6) Pan fo’r wybodaeth yn cael ei chyhoeddi o dan adran 71(5) o Ddeddf 2023, rhaid i’r hysbysiad gynnwys yr wybodaeth a nodir ym mharagraff (7).

(7) Yr wybodaeth yw—

(a) gwybodaeth yr awdurdod contractio,

(b) enw’r caffaeliad,

(c) y cod adnabod unigryw ar gyfer—

(i) y caffaeliad, a

(ii) y contract cyhoeddus,

(d) ar gyfer pob cyflenwr sydd wedi cyflawni’r torri neu’r methiant i gyflawni a nodir yn yr hysbysiad—

(i) enw’r cyflenwr,

(ii) cyfeiriad post cyswllt a chyfeiriad e-bost y cyflenwr, a

(iii) y cod adnabod unigryw ar gyfer y cyflenwr,

(e) yr wybodaeth y cyfeirir ati—

(i) yn adran 71(5)(a) o Ddeddf 2023 (bod adran 71(5) o’r Ddeddf honno yn gymwys), a

(ii) yn adran 71(5)(b) o Ddeddf 2023 (yr amgylchiadau sy’n arwain at gymhwyso adran 71(5) o’r Ddeddf honno),

(f) datganiad bod yr wybodaeth yn cael ei chyhoeddi oherwydd—

(i) bod y cyflenwr wedi torri’r contract cyhoeddus a bod y torri wedi arwain at un o’r digwyddiadau y cyfeirir atynt yn adran 71(3)(b), neu

(ii) nad yw’r cyflenwr yn cyflawni contract cyhoeddus er boddhad yr awdurdod contractio,

(g) pan fo’r cyflenwr wedi torri’r contract cyhoeddus, pa un neu ragor o’r canlynol a ddigwyddodd o ganlyniad i’r torri—

(i) terfynu’r contract cyhoeddus yn rhannol;

(ii) dyfarndalu iawndal;

(iii) dod i gytundeb setlo rhwng y cyflenwr a’r awdurdod contractio,

(h) pan fo’r cyflenwr wedi torri’r contract cyhoeddus, dyddiad—

(i) unrhyw derfyniad rhannol o’r contract cyhoeddus,

(ii) unrhyw ddyfarndaliad iawndal, neu

(iii) unrhyw setliad,

(i) pan na fo’r cyflenwr yn cyflawni’r contract cyhoeddus er boddhad yr awdurdod contractio, y dyddiad yr ystyriodd yr awdurdod contractio fod y cyflenwr wedi methu â gwella ei berfformiad yn unol ag adran 71(4)(c),

(j) esboniad ynghylch natur y rhwymedigaeth gontractiol sydd wedi ei thorri neu nad yw’n cael ei chyflawni er boddhad yr awdurdod contractio,

(k) esboniad ynghylch natur y torri neu’r methiant i gyflawni, gan gynnwys—

(i) esboniad ynghylch effaith neu ganlyniadau’r torri neu’r methiant i gyflawni,

(ii) am ba hyd y mae’r toriad neu’r methiant i gyflawni wedi digwydd ac a yw’n parhau,

(iii) esboniad ynghylch unrhyw gamau a gymerwyd gan y cyflenwr i liniaru effaith neu ganlyniadau’r toriad neu’r methiant i gyflawni,

(iv) unrhyw gamau y mae’r awdurdod contractio wedi eu cymryd i hysbysu’r cyflenwr am y torri neu’r methiant i gyflawni a’i annog i wella’r sefyllfa, gan gynnwys—

(aa) unrhyw hysbysiadau rhybuddio a roddwyd o dan y contract cyhoeddus, neu

(bb) unrhyw gyfle i wella perfformiad, a

(v) pa gamau, os o gwbl, a gymerwyd gan y cyflenwr i wella’r sefyllfa a pham nad oedd y rhain yn ddigon,

(l) pan fo’r toriad wedi arwain at derfynu’r contract cyhoeddus yn rhannol, disgrifiad o ba ran o’r contract sydd wedi ei therfynu’n rhannol, neu i ba raddau y mae’r contract wedi ei derfynu’n rhannol, ac

(m) pan fo iawndal wedi ei ddyfarndalu neu pan fo arian arall wedi ei dalu yn dilyn toriad neu fethiant i gyflawni—

(i) cadarnhad mai dyna’r sefyllfa,

(ii) swm yr iawndal neu arian arall,

(iii) y sail y cafodd unrhyw iawndal ei ddyfarndalu neu y cafodd unrhyw arian arall ei dalu arni, er enghraifft—

(aa) yn achos iawndal, yn unol â’r contract cyhoeddus,

(bb) yn achos iawndal, yn unol â phenderfyniad llys neu dribiwnlys, neu

(cc) yn achos arian arall, yn unol â setliad wedi ei negodi, a

(iv) pan fo cofnod wedi ei wneud o benderfyniad llys neu dribiwnlys ynghylch ei ganfyddiad bod toriad wedi digwydd—

(aa) dolen i’r dudalen we lle y gellir cyrchu’r penderfyniad, neu

(bb) copi o’r penderfyniad.

(8) Nid oes dim yn y rheoliad hwn yn atal awdurdod contractio rhag cyhoeddi gwybodaeth arall sy’n ymwneud â’r un caffaeliad yn yr hysbysiad.

(9) Nid yw’r rheoliad hwn yn gymwys i wybodaeth y mae’n ofynnol ei chyhoeddi yn unol ag adran 71(5) o Ddeddf 2023 pan fo toriad wedi arwain at derfynu contract cyhoeddus yn llawn (gweler yn hytrach reoliad 42).

Hysbysiadau newid contract

41.—( 1) Mae’r rheoliad hwn yn nodi gwybodaeth arall y mae rhaid ei chynnwys mewn hysbysiad newid contract a gyhoeddir o dan adran 75(1) neu (5) o Ddeddf 2023.

(2) Yr wybodaeth yw—

(a) gwybodaeth yr awdurdod contractio,

(b) enw’r caffaeliad,

(c) y cod adnabod unigryw ar gyfer y caffaeliad,

(d) y cod adnabod unigryw ar gyfer y contract,

(e) ar gyfer pob cyflenwr sy’n barti i’r contract cyhoeddus neu’r contract trosadwy—

(i) enw’r cyflenwr,

(ii) cyfeiriad post cyswllt a chyfeiriad e-bost y cyflenwr, a

(iii) y cod adnabod unigryw ar gyfer y cyflenwr,

(f) a oes gan yr awdurdod contractio ganiatâd i wneud yr addasiad i’r contract cyhoeddus neu’r contract trosadwy oherwydd bod yr addasiad, yn rhinwedd adran 74(1)(a) o Ddeddf 2023, yn addasiad a ddisgrifir—

(i) ym mharagraffau 2 a 3 o Atodlen 8 i’r Ddeddf honno (sefyllfa frys a gwarchod bywyd, etc.),

(ii) ym mharagraff 4 o Atodlen 8 i’r Ddeddf honno (amgylchiadau nad ydynt yn rhagweladwy),

(iii) ym mharagraffau 5 i 7 o Atodlen 8 i’r Ddeddf honno (gwireddiad risg hysbys),

(iv) ym mharagraff 8 o Atodlen 8 i’r Ddeddf honno (nwyddau, gwasanaethau neu weithiau ychwanegol), neu

(v) ym mharagraff 9 o Atodlen 8 i’r Ddeddf honno (trosglwyddo ar adeg ailstrwythuro corfforaethol),

(pan fo’r addasiad wedi ei ganiatáu o dan un o’r darpariaethau hynny),

(g) esboniad ynghylch pam y mae’r addasiad yn dod o fewn un o’r mathau o addasiadau a grybwyllir yn is-baragraff (f),

(h) manylion ynghylch unrhyw newid o ganlyniad i’r addasiad—

(i) i werth amcangyfrifedig y contract cyhoeddus neu’r contract trosadwy yn union cyn yr addasiad, neu

(ii) i gyfnod y contract cyhoeddus neu’r contract trosadwy,

(i) pan fo’r addasiad yn addasiad a ddisgrifir ym mharagraff 9 o Atodlen 8 i’r Ddeddf honno (trosglwyddo ar adeg ailstrwythuro corfforaethol)—

(i) ar gyfer pob cyflenwr newydd sy’n barti i’r contract cyhoeddus neu’r contract trosadwy—

(aa) enw’r cyflenwr,

(bb) cyfeiriad post cyswllt a chyfeiriad e-bost y cyflenwr, ac

(cc) y cod adnabod unigryw ar gyfer y cyflenwr, a

(ii) ar gyfer pob cyflenwr na fydd yn barti i’r contract cyhoeddus neu’r contract trosadwy mwyach, yr un wybodaeth â’r wybodaeth y cyfeirir ati ym mharagraff (i)(aa) i (cc),

(j) amcangyfrif o’r dyddiad—

(i) pan fydd y contract cyhoeddus neu’r contract trosadwy yn cael ei addasu, a

(ii) pan fydd yr addasiad yn cael effaith, a

(k) a yw cyfnod segur gwirfoddol yn gymwys yn unol ag adran 76(1) o Ddeddf 2023 ac, os felly, hyd y cyfnod hwnnw.

(3) Ar gyfer darpariaeth sy’n ei gwneud yn ofynnol i awdurdodau contractio gyhoeddi contractau fel y’u haddasir neu gyhoeddi addasiadau mewn achosion penodol, gweler adran 77 o Ddeddf 2023.

(4) Nid oes dim yn y rheoliad hwn yn atal awdurdod contractio rhag cyhoeddi gwybodaeth arall sy’n ymwneud â’r un caffaeliad yn yr hysbysiad.

(5) Yn y rheoliad hwn, mae i “hysbysiad newid contract” yr ystyr a roddir i “contract change notice” gan adran 75(3) o Ddeddf 2023.

Hysbysiadau terfynu contract

42.—( 1) Mae’r rheoliad hwn yn nodi gwybodaeth arall y mae rhaid ei chynnwys mewn hysbysiad terfynu contract a gyhoeddir o dan adran 80(1) o Ddeddf 2023.

(2) Yr wybodaeth yw—

(a) gwybodaeth yr awdurdod contractio,

(b) enw’r caffaeliad,

(c) y cod adnabod unigryw ar gyfer—

(i) y caffaeliad, a

(ii) y contract cyhoeddus,

(d) ar gyfer pob cyflenwr sy’n barti i’r contract cyhoeddus—

(i) enw’r cyflenwr,

(ii) cyfeiriad post cyswllt a chyfeiriad e-bost y cyflenwr, a

(iii) y cod adnabod unigryw ar gyfer y cyflenwr,

(e) y rhesymau dros derfynu’r contract cyhoeddus (gan gynnwys unrhyw reswm a grybwyllir yn adran 80(3) o Ddeddf 2023),

(f) y dyddiad y cafodd y contract cyhoeddus ei derfynu,

(g) amcangyfrif o werth y contract cyhoeddus,

(h) pan fo’r contract cyhoeddus wedi ei derfynu o ganlyniad i dorri’r contract gan y cyflenwr—

(i) datganiad bod adran 71(5) o Ddeddf 2023 yn gymwys oherwydd bod y cyflenwr wedi torri’r contract,

(ii) a arweiniodd y torri at—

(aa) dyfarndalu iawndal, neu

(bb) dod i gytundeb setlo rhwng y cyflenwr a’r awdurdod contractio,

(iii) dyddiad—

(aa) unrhyw ddyfarndaliad o unrhyw iawndal, neu

(bb) unrhyw setliad,

(iv) pan na chyflawnodd y cyflenwr y contract cyhoeddus er boddhad yr awdurdod contractio, y dyddiad yr ystyriodd yr awdurdod contractio fod y cyflenwr wedi methu â gwella ei berfformiad yn unol ag adran 71(4)(c),

(v) esboniad ynghylch natur y rhwymedigaeth gontractiol a gafodd ei thorri neu nad oedd yn cael ei chyflawni er boddhad yr awdurdod contractio,

(vi) esboniad ynghylch natur y torri neu’r methiant i gyflawni, gan gynnwys—

(aa) esboniad ynghylch effaith neu ganlyniadau’r toriad neu’r methiant i gyflawni,

(bb) am ba hyd yr oedd y toriad neu’r methiant i gyflawni wedi digwydd,

(cc) esboniad ynghylch unrhyw gamau a gymerwyd gan y cyflenwr i liniaru effaith neu ganlyniadau’r toriad neu’r methiant i gyflawni,

(dd) unrhyw gamau a gymerwyd gan yr awdurdod contractio i hysbysu’r cyflenwr am y toriad neu’r methiant i gyflawni a’i annog i wella’r sefyllfa, gan gynnwys unrhyw hysbysiadau rhybuddio a roddwyd o dan y contract cyhoeddus neu unrhyw gyfle priodol arall i wella perfformiad yn unol ag adran 71(4)(b) o Ddeddf 2023,

(ee) pa gamau, os o gwbl, a gymerwyd gan y cyflenwr i wella’r sefyllfa a pham nad oedd y rhain yn ddigon, a

(vii) pan fo iawndal wedi ei ddyfarndalu neu pan fo arian arall wedi ei dalu yn dilyn y toriad neu’r methiant i gyflawni—

(aa) cadarnhad bod hyn wedi digwydd,

(bb) swm yr iawndal neu’r arian arall a dalwyd,

(cc) y sail y dyfarndalwyd yr iawndal neu y talwyd yr arian arall arni, er enghraifft yn unol â’r contract cyhoeddus, penderfyniad llys neu dribiwnlys neu setliad wedi ei negodi, a

(dd) pan fo cofnod wedi ei wneud o benderfyniad llys neu dribiwnlys ynghylch ei ganfyddiad bod toriad wedi digwydd, dolen i’r dudalen we lle gellir cyrchu’r penderfyniad neu gopi o’r penderfyniad.

(3) Nid oes dim yn y rheoliad hwn yn atal awdurdod contractio rhag cyhoeddi gwybodaeth arall sy’n ymwneud â’r un caffaeliad yn yr hysbysiad.

(4) Yn y rheoliad hwn, mae i “hysbysiad terfynu contract” yr ystyr a roddir i “contract termination notice” gan adran 80(2) o Ddeddf 2023.

RHAN 3 Darpariaethau eraill sy’n ychwanegu at Ddeddf 2023

Pennu gwasanaethau cyffyrddiad ysgafn a gwasanaethau cyffyrddiad ysgafn neilltuadwy

43.—( 1) At ddibenion adran 9(1) o Ddeddf 2023 (contractau cyffyrddiad ysgafn) mae’r gwasanaethau a gwmpesir gan y codau GGG a nodir yng ngholofn (1) o’r Tabl yn Atodlen 1 i’r Rheoliadau hyn ac a ddisgrifir yng ngholofn (2) o’r Tabl hwnnw wedi eu pennu yn wasanaethau cyffyrddiad ysgafn.

(2) At ddibenion adran 33(7) o Ddeddf 2023 (neilltuo contractau i gwmnïau cydfuddiannol gwasanaethau cyhoeddus), mae gwasanaeth a bennir yng ngholofnau (1) a (2) o’r Tabl yn Atodlen 1 i’r Rheoliadau hyn wedi ei bennu yn wasanaeth cyffyrddiad ysgafn neilltuadwy pan fo’r llythyren “N” yn ymddangos yn y cofnod sy’n cyfateb i’r gwasanaeth hwnnw yng ngholofn (3).

Awdurdodau llywodraeth ganolog

44.—( 1) Mae’r holl endidau a restrir yng ngholofn (1) neu (2) o’r Tabl yn Atodlen 2 i’r Rheoliadau hyn wedi eu pennu at ddibenion y diffiniad o “central government authority” ym mharagraff 5(1) o Atodlen 1 i Ddeddf 2023.

(2) Pan fo endid a restrir yn Atodlen 2 i’r Rheoliadau hyn yn cael ei olynu gan endid arall, sydd ei hun yn awdurdod contractio, bernir bod yr endid olynol wedi ei gynnwys yn yr Atodlen.

Ystyr “works” ym mharagraff 5(1) o Atodlen 1 i Ddeddf 2023

45.   At ddibenion y diffiniad o “works” ym mharagraff 5(1) o Atodlen 1 i Ddeddf 2023, ystyr “gweithiau” yw unrhyw un neu ragor o’r gweithgareddau sy’n dod o fewn cod GGG sydd wedi ei restru yn Atodlen 3 i’r Rheoliadau hyn.

RHAN 4 Diwygiadau canlyniadol

Diwygio Deddf Partneriaeth Gymdeithasol a Chaffael Cyhoeddus (Cymru) 2023

46.—( 1) Mae Deddf Partneriaeth Gymdeithasol a Chaffael Cyhoeddus (Cymru) 2023(22) wedi ei diwygio fel a ganlyn.

(2) Yn adran 25 (dyletswydd caffael cymdeithasol gyfrifol: contractau adeiladu mawr), yn is-adran (2), yn lle’r geiriau o “sydd”, yn y lle cyntaf y mae’n digwydd, hyd at y diwedd rhodder—

“sy’n gontract gweithiau sydd â gwerth amcangyfrifedig o £2,000,000 neu fwy.”

(3) Yn adran 45 (dehongli Rhan 3), yn is-adran (1)—

(a) hepgorer y diffiniadau o—

(i) “y Rheoliadau Contractau Consesiwn”,

(ii) “y Rheoliadau Contractau Cyhoeddus” ,

(iii) “contract gweithiau cyhoeddus”,

(iv) “y Rheoliadau Contractau Cyfleustodau”, a

(v) “contract consesiwn gweithiau”;

(b) yn y diffiniad o “gweithiau”, yn lle’r geiriau o “yr ystyr a roddir” hyd at y diwedd, rhodder “(“works”) yr ystyr a roddir gan reoliad 45 o Reoliadau Caffael (Cymru) 2024 ac Atodlen 3 iddynt(23)”;

(c) yn y diffiniad o “contract gweithiau”, yn lle’r geiriau o “yr ystyr a roddir” hyd at y diwedd, rhodder “yr ystyr a roddir i “works contract” gan baragraff 4 o Atodlen 1 i Ddeddf Caffael 2023 (p. 54);”.

(4) Yn adran 45 (dehongli Rhan 3), yn is-adran (2), yn lle “â rheoliad 6(1) o’r Rheoliadau Contractau Cyhoeddus” rhodder “ag adran 4 o Ddeddf Caffael 2023”.

Diwygio Deddf 2023

47.—( 1) Mae Deddf 2023 wedi ei diwygio fel a ganlyn.

(2) Yn adran 17 (hysbysiadau ymgysylltu rhagarweiniol â’r farchnad), yn is-adran (3) hepgorer y geiriau a ganlyn “other than to a private utility which is a devolved Welsh authority that is not carrying out procurement under a reserved procurement arrangement or a transferred Northern Ireland procurement arrangement.”

(3) Yn adran 87 (contractau rheoleiddiedig sydd o dan y trothwy: hysbysiadau), yn lle is-adran (4)(a) rhodder—

“(a) in the case of a contract to be awarded by—

(i) a central government authority that is not a devolved Welsh authority, not less than £12,000;

(ii) a central government authority that is a devolved Welsh authority, not less than £30,000, or”.

Diwygio Rheoliadau Fforymau Ysgolion (Cymru) 2003

48.   Yn Rheoliadau Fforymau Ysgolion (Cymru) 2003(24), yn rheoliad 9(1) (ymgynghori ynghylch contractau), yn lle’r geiriau o “os” hyd at y diwedd rhodder “pan na fo gwerth amcangyfrifedig y contract arfaethedig yn llai na’r trothwy sy’n gymwys i’r awdurdod perthnasol ar gyfer y contract arfaethedig hwnnw yn unol ag adran 3 o Ddeddf Caffael 2023”.

Diwygio Rheoliadau Taliadau Gwasanaeth (Gofynion Ymgynghori) (Cymru) 2004

49.   Yn Rheoliadau Taliadau Gwasanaeth (Gofynion Ymgynghori) (Cymru) 2004(25), yn rheoliad 2(1) (dehongli), yn y diffiniad o “hysbysiad cyhoeddus”, yn lle “hysbysiad a gyhoeddir, yn unol â Rheoliadau Contractau Cyhoeddus 2015, ar wasanaeth e-hysbysu’r DU (fel y’i diffinnir gan y Rheoliadau hynny)” rhodder “unrhyw hysbysiad a gyhoeddir yn unol â Deddf Caffael 2023 sy’n ymwneud â chontract cyhoeddus (o fewn yr ystyr a roddir i “public contract” gan adran 3 o’r Ddeddf honno)”.

Diwygio Rheoliadau Deddf Cydraddoldeb 2010 (Dyletswyddau Statudol) (Cymru) 2011

50.—( 1) Mae Rheoliadau Deddf Cydraddoldeb 2010 (Dyletswyddau Statudol) (Cymru) 2011(26) wedi eu diwygio fel a ganlyn.

(2) Yn rheoliad 18 (caffael cyhoeddus)—

(a) ym mharagraff (1), yn lle “gwneud cytundeb perthnasol ar sail y cynnig mwyaf manteisiol yn economaidd” rhodder “dyfarnu contract cyhoeddus yn dilyn gweithdrefn dendro gystadleuol”;

(b) ym mharagraff (2), yn lle “cytundeb perthnasol” rhodder “contract cyhoeddus”;

(c) yn lle paragraff (3) rhodder—

“(3) Yn y rheoliad hwn, mae i “meini prawf”, “gweithdrefn dendro gystadleuol”, “awdurdod contractio” a “contract cyhoeddus” yr un ystyr ag a roddir i “award criteria”, “competitive tendering procedure”, “contracting authority” a “public contract” yn y drefn honno yn Neddf Caffael 2023.”

Diwygio Rheoliadau Deddf Casglu a Rheoli Trethi (Cymru) 2016 (Darpariaethau Canlyniadol ac Atodol) 2018

51.   Yn Rheoliadau Deddf Casglu a Rheoli Trethi (Cymru) 2016 (Darpariaethau Canlyniadol ac Atodol) 2018(27), hepgorer rheoliad 2.

Diwygio Rheoliadau Cymorth Amaethyddol (Diwygiadau Amrywiol) (Cymru) (Ymadael â’r UE) 2021

52.   Yn Rheoliadau Cymorth Amaethyddol (Diwygiadau Amrywiol) (Cymru) (Ymadael â’r UE) 2021(28), yn rheoliad 6, hepgorer paragraff (27)(ii).

Diwygio Rheoliadau Caffael Cyhoeddus (Cytundebau Masnach Ryngwladol) (Diwygio) (Cymru) (Rhif 2) 2023

53.   Yn Rheoliadau Caffael Cyhoeddus (Cytundebau Masnach Ryngwladol) (Diwygio) (Cymru) (Rhif 2) 2023(29), hepgorer rheoliadau 2 i 5.

Diwygio Rheoliad (EU) Rhif 1303/2013 Senedd Ewrop a’r Cyngor dyddiedig 17 Rhagfyr 2013

54.   Yn Rheoliad (EU) Rhif 1303/2013 Senedd Ewrop a’r Cyngor dyddiedig 17 Rhagfyr 2013(30), yn Erthygl 68a(1), yn lle “the threshold set out in regulation 5 of the Public Contracts Regulations 2015” rhodder “the relevant threshold amount set out in Schedule 1 to the Procurement Act 2023”.

Rebecca Evans

Ysgrifennydd y Cabinet dros Gyllid, y Cyfansoddiad a Swyddfa’r Cabinet, un o Weinidogion Cymru

3 Gorffennaf 2024

YR ATODLENNI

Rheoliad 43

ATODLEN 1 Gwasanaethau cyffyrddiad ysgafn

Cod GGG (1)

Gwasanaeth (2)

Neilltuadwy (3)

Gwasanaethau iechyd, gwasanaethau cymdeithasol a gwasanaethau cysylltiedig

75231200	Gwasanaethau sy’n gysylltiedig â chadw neu adsefydlu troseddwyr
75231240	Gwasanaethau prawf
79611000	Gwasanaethau chwilio am swydd
79622000	Gwasanaethau cyflenwi personél cymorth domestig	N
79624000	Gwasanaethau cyflenwi personél nyrsio	N
79625000	Gwasanaethau cyflenwi personél meddygol	N
85000000	Gwasanaethau iechyd a gwaith cymdeithasol	N
85100000	Gwasanaethau iechyd	N
85110000	Gwasanaethau ysbyty a gwasanaethau cysylltiedig	N
85111000	Gwasanaethau ysbyty	N
85111100	Gwasanaethau ysbyty llawfeddygol	N
85111200	Gwasanaethau ysbyty meddygol	N
85111300	Gwasanaethau ysbyty gynaecolegol	N
85111310	Gwasanaethau ffrwythloni in vitro	N
85111320	Gwasanaethau ysbyty obstetrig	N
85111400	Gwasanaethau ysbyty adsefydlu	N
85111500	Gwasanaethau ysbyty seiciatrig	N
85111600	Gwasanaethau orthoteg	N
85111700	Gwasanaethau therapi ocsigen	N
85111800	Gwasanaethau patholeg	N
85111810	Gwasanaethau dadansoddi gwaed	N
85111820	Gwasanaethau dadansoddi bacteriolegol	N
85111900	Gwasanaethau dialysis ysbyty	N
85112000	Gwasanaethau cymorth ysbyty	N
85112100	Gwasanaethau gwelyau ysbyty	N
85112200	Gwasanaethau gofal i gleifion allanol	N
85120000	Gwasanaethau ymarfer meddygol a gwasanaethau cysylltiedig	N
85121000	Gwasanaethau ymarfer meddygol	N
85121100	Gwasanaethau ymarfer cyffredinol	N
85121200	Gwasanaethau arbenigol meddygol	N
85121210	Gwasanaethau gynaecoleg neu obstetreg	N
85121220	Gwasanaethau arbenigol arenneg neu’r system nerfol	N
85121230	Gwasanaethau cardioleg neu wasanaethau arbenigol yr ysgyfaint	N
85121231	Gwasanaethau cardioleg	N
85121232	Gwasanaethau arbenigol yr ysgyfaint	N
85121240	Gwasanaethau’r glust, y trwyn a’r gwddf neu wasanaethau awdiolegydd	N
85121250	Gwasanaethau gastroenteroleg a geriatreg	N
85121251	Gwasanaethau gastroenteroleg	N
85121252	Gwasanaethau geriatreg	N
85121270	Gwasanaethau seiciatreg neu seicoleg	N
85121271	Gwasanaethau cartref ar gyfer pobl â phroblemau seicolegol	N
85121280	Gwasanaethau offthalmoleg, dermatoleg neu orthopaedeg	N
85121281	Gwasanaethau offthalmoleg	N
85121282	Gwasanaethau dermatoleg	N
85121283	Gwasanaethau orthopaedeg	N
85121290	Gwasanaethau paediatreg neu wroleg	N
85121291	Gwasanaethau paediatreg	N
85121292	Gwasanaethau wroleg	N
85121300	Gwasanaethau arbenigol llawfeddygol	N
85130000	Gwasanaethau ymarfer deintyddol a gwasanaethau cysylltiedig	N
85131000	Gwasanaethau ymarfer deintyddol	N
85131100	Gwasanaethau orthodonteg	N
85131110	Gwasanaethau llawfeddygaeth orthodontig	N
85140000	Gwasanaethau iechyd amrywiol	N
85141000	Gwasanaethau a ddarperir gan bersonél meddygol	N
85141100	Gwasanaethau a ddarperir gan fydwragedd	N
85141200	Gwasanaethau a ddarperir gan nyrsys	N
85141210	Gwasanaethau triniaeth feddygol yn y cartref	N
85141211	Gwasanaethau triniaeth feddygol dialysis yn y cartref	N
85141220	Gwasanaethau cynghori a ddarperir gan nyrsys	N
85142000	Gwasanaethau parafeddygol	N
85142100	Gwasanaethau ffisiotherapi	N
85142200	Gwasanaethau homeopathi	N
85142300	Gwasanaethau hylendid	N
85142400	Danfon cynhyrchion anymataliaeth i’r cartref	N
85143000	Gwasanaethau ambiwlans	N
85144000	Gwasanaethau cyfleusterau iechyd preswyl	N
85144100	Gwasanaethau gofal nyrsio preswyl	N
85145000	Gwasanaethau a ddarperir gan labordai meddygol	N
85146000	Gwasanaethau a ddarperir gan fanciau gwaed	N
85146100	Gwasanaethau a ddarperir gan fanciau sberm	N
85146200	Gwasanaethau a ddarperir gan fanciau organau trawsblannu	N
85147000	Gwasanaethau iechyd cwmni	N
85148000	Gwasanaethau dadansoddi meddygol	N
85149000	Gwasanaethau fferylliaeth	N
85150000	Gwasanaethau delweddu meddygol	N
85160000	Gwasanaethau optegydd	N
85170000	Gwasanaethau aciwbigo a chiropracteg	N
85171000	Gwasanaethau aciwbigo	N
85172000	Gwasanaethau ciropracteg	N
85200000	Gwasanaethau milfeddygaeth	N
85210000	Meithrinfeydd anifeiliaid domestig	N
85300000	Gwasanaethau gwaith cymdeithasol a gwasanaethau cysylltiedig	N
85310000	Gwasanaethau gwaith cymdeithasol	N
85311000	Gwasanaethau gwaith cymdeithasol gyda llety	N
85311100	Gwasanaethau lles ar gyfer yr henoed	N
85311200	Gwasanaethau lles ar gyfer pobl anabl	N
85311300	Gwasanaethau lles ar gyfer plant a phobl ifanc	N
85312000	Gwasanaethau gwaith cymdeithasol heb lety	N
85312100	Gwasanaethau gofal dydd	N
85312110	Gwasanaethau gofal dydd i blant	N
85312120	Gwasanaethau gofal dydd ar gyfer plant a phobl ifanc anabl	N
85312200	Danfon cyflenwadau i’r cartref	N
85312300	Gwasanaethau arweiniad a chwnsela	N
85312310	Gwasanaethau arweiniad	N
85312320	Gwasanaethau cwnsela	N
85312330	Gwasanaethau cynllunio teulu	N
85312400	Gwasanaethau lles na chânt eu darparu drwy sefydliadau preswyl	N
85312500	Gwasanaethau adsefydlu	N
85312510	Gwasanaethau adsefydlu galwedigaethol	N
85320000	Gwasanaethau cymdeithasol	N
85321000	Gwasanaethau cymdeithasol gweinyddol	N
85322000	Rhaglen gweithredu cymunedol	N
85323000	Gwasanaethau iechyd cymunedol	N
98133000	Gwasanaethau a ddarperir gan sefydliadau aelodaeth gymdeithasol	N
98133100	Gwasanaethau cymorth cyfleusterau cymunedol a gwelliant dinesig	N
98200000	Gwasanaethau ymgynghori ar gyfleoedd cyfartal
98500000	Aelwydydd preifat â phersonau cyflogedig
98513000	Gwasanaethau llafurlu ar gyfer aelwydydd
98513100	Gwasanaethau staff asiantaeth ar gyfer aelwydydd
98513200	Gwasanaethau staff clercol ar gyfer aelwydydd
98513300	Staff dros dro ar gyfer aelwydydd
98513310	Gwasanaethau cymorth cartref
98514000	Gwasanaethau domestig
Gwasanaethau cymdeithasol, addysgol, gofal iechyd a diwylliannol gweinyddol
75000000	Gwasanaethau gweinyddu, amddiffyn a nawdd cymdeithasol
75121000	Gwasanaethau addysgol gweinyddol	N
75122000	Gwasanaethau gofal iechyd gweinyddol	N
75124000	Gwasanaethau hamdden, diwylliant a chrefydd gweinyddol
79950000	Gwasanaethau trefnu arddangosfeydd, ffeiriau a chynadleddau
79951000	Gwasanaethau trefnu seminarau
79952000	Gwasanaethau digwyddiadau
79952100	Gwasanaethau trefnu digwyddiadau diwylliannol
79953000	Gwasanaethau trefnu gwyliau
79954000	Gwasanaethau trefnu partïon
79955000	Gwasanaethau trefnu sioeau ffasiwn
79956000	Gwasanaethau trefnu ffeiriau ac arddangosfeydd
79995000	Gwasanaethau rheoli llyfrgelloedd
79995100	Gwasanaethau archifo
79995200	Gwasanaethau catalogio
80000000	Gwasanaethau addysg a hyfforddiant
80100000	Gwasanaethau addysg gynradd
80110000	Gwasanaethau addysg gyn ysgol	N
80200000	Gwasanaethau addysg uwchradd
80210000	Gwasanaethau addysg uwchradd dechnegol a galwedigaethol
80211000	Gwasanaethau addysg uwchradd dechnegol
80212000	Gwasanaethau addysg uwchradd alwedigaethol
80300000	Gwasanaethau addysg uwch	N
80310000	Gwasanaethau addysg ieuenctid	N
80320000	Gwasanaethau addysg feddygol	N
80330000	Gwasanaethau addysg diogelwch	N
80340000	Gwasanaethau addysg arbennig	N
80400000	Gwasanaethau addysg oedolion a gwasanaethau addysg eraill
80410000	Gwasanaethau ysgol amrywiol
80411000	Gwasanaethau ysgol yrru
80411100	Gwasanaethau prawf gyrru
80411200	Gwersi gyrru
80412000	Gwasanaethau ysgol hedfan
80413000	Gwasanaethau ysgol hwylio
80414000	Gwasanaethau ysgol blymio
80415000	Gwasanaethau hyfforddiant sgïo
80420000	Gwasanaethau e-ddysgu	N
80430000	Gwasanaethau addysg oedolion ar lefel prifysgol	N
80490000	Gweithredu canolfan addysgol
80500000	Gwasanaethau hyfforddi
80510000	Gwasanaethau hyfforddi arbenigol
80511000	Gwasanaethau hyfforddi staff	N
80512000	Gwasanaethau hyfforddi cŵn
80513000	Gwasanaethau ysgol farchogaeth
80520000	Cyfleusterau hyfforddi	N
80521000	Gwasanaethau rhaglenni hyfforddi	N
80522000	Seminarau hyfforddi	N
80530000	Gwasanaethau hyfforddiant galwedigaethol
80531000	Gwasanaethau hyfforddiant diwydiannol a thechnegol
80531100	Gwasanaethau hyfforddiant diwydiannol
80531200	Gwasanaethau hyfforddiant technegol
80532000	Gwasanaethau hyfforddiant rheoli
80533000	Gwasanaethau ymgyfarwyddo a hyfforddi defnyddwyr cyfrifiaduron
80533100	Gwasanaethau hyfforddiant cyfrifiadurol
80533200	Cyrsiau cyfrifiadur
80540000	Gwasanaethau hyfforddiant amgylcheddol
80550000	Gwasanaethau hyfforddiant diogelwch
80560000	Gwasanaethau hyfforddiant iechyd a chymorth cyntaf
80561000	Gwasanaethau hyfforddiant iechyd
80562000	Gwasanaethau hyfforddiant cymorth cyntaf
80570000	Gwasanaethau hyfforddiant datblygiad personol
80580000	Darparu cyrsiau iaith
80590000	Gwasanaethau tiwtora	N
80610000	Hyfforddi ac efelychu ar gyfer cyfarpar diogelwch
80620000	Hyfforddi ac efelychu ar gyfer arfau tanio a bwledi a chetris
92000000	Gwasanaethau hamdden, diwylliant a chwaraeon
92100000	Gwasanaethau ffilm a fideo
92110000	Gwasanaethau cynhyrchu ffilmiau a thapiau fideo a gwasanaethau perthynol
92111000	Gwasanaethau cynhyrchu ffilmiau a fideos
92111100	Cynhyrchu ffilmiau a thapiau fideo hyfforddi
92111200	Cynhyrchu ffilmiau a thapiau fideo hysbysebu, propaganda a gwybodaeth
92111210	Cynhyrchu ffilmiau hysbysebu
92111220	Cynhyrchu tapiau fideo hysbysebu
92111230	Cynhyrchu ffilmiau propaganda
92111240	Cynhyrchu tapiau fideo propaganda
92111250	Cynhyrchu ffilmiau gwybodaeth
92111260	Cynhyrchu tapiau fideo gwybodaeth
92111300	Cynhyrchu ffilmiau a thapiau fideo adloniant
92111310	Cynhyrchu ffilmiau adloniant
92111320	Cynhyrchu tapiau fideo adloniant
92112000	Gwasanaethau mewn cysylltiad â chynhyrchu ffilmiau a thapiau fideo
92120000	Gwasanaethau dosbarthu ffilmiau neu dapiau fideo
92121000	Gwasanaethau dosbarthu tapiau fideo
92122000	Gwasanaethau dosbarthu ffilmiau
92130000	Gwasanaethau taflunio ffilmiau
92140000	Gwasanaethau taflunio tapiau fideo
92200000	Gwasanaethau radio a theledu
92210000	Gwasanaethau radio
92211000	Gwasanaethau cynhyrchu radio
92213000	Gwasanaethau systemau radio ar raddfa fach
92214000	Gwasanaethau stiwdio neu gyfarpar radio
92215000	Gwasanaethau Radio Symudol Cyffredinol (GMRS)
92220000	Gwasanaethau teledu
92221000	Gwasanaethau cynhyrchu teledu
92222000	Gwasanaethau teledu cylch cyfyng
92224000	Teledu digidol
92225000	Teledu rhyngweithiol
92225100	Teledu ffilm ar alw
92226000	Teleraglennu
92230000	Gwasanaethau cebl radio a theledu
92231000	Gwasanaethau dwyochrog rhyngwladol a llinellau ar log preifat rhyngwladol
92232000	Teledu cebl
92300000	Gwasanaethau adloniant
92310000	Gwasanaethau creu a dehongli artistig a llenyddol
92311000	Gweithiau celfyddyd
92312000	Gwasanaethau artistig
92312100	Gwasanaethau adloniant cynhyrchwyr theatr, grwpiau cantorion, bandiau a cherddorfeydd
92312110	Gwasanaethau adloniant cynhyrchwyr theatr
92312120	Gwasanaethau adloniant grwpiau cantorion
92312130	Gwasanaethau adloniant bandiau
92312140	Gwasanaethau adloniant cerddorfeydd
92312200	Gwasanaethau a ddarperir gan awduron, cyfansoddwyr, cerflunwyr, diddanwyr ac artistiaid unigol eraill
92312210	Gwasanaethau a ddarperir gan awduron
92312211	Gwasanaethau asiantaeth ysgrifennu
92312212	Gwasanaethau sy’n gysylltiedig â pharatoi llawlyfrau hyfforddi
92312213	Gwasanaethau awduron technegol
92312220	Gwasanaethau a ddarperir gan gyfansoddwyr
92312230	Gwasanaethau a ddarperir gan gerflunwyr
92312240	Gwasanaethau a ddarperir gan ddiddanwyr
92312250	Gwasanaethau a ddarperir gan artistiaid unigol
92312251	Gwasanaethau troellwyr disgiau
92320000	Gwasanaethau gweithredu cyfleusterau celf
92330000	Gwasanaethau ardaloedd hamdden
92331000	Gwasanaethau ffeiriau a pharciau diddanu
92331100	Gwasanaethau ffeiriau
92331200	Gwasanaethau parciau diddanu
92331210	Gwasanaethau animeiddio i blant
92332000	Gwasanaethau glan môr
92340000	Gwasanaethau dawnsio ac adloniant perfformio
92341000	Gwasanaethau syrcas
92342000	Gwasanaethau gwersi dawnsio
92342100	Gwasanaethau gwersi dawnsio neuadd
92342200	Gwasanaethau gwersi dawnsio disgo
92350000	Gwasanaethau gamblo a betio
92351000	Gwasanaethau gamblo
92351100	Gwasanaethau gweithredu loteri
92351200	Gwasanaethau gweithredu casinos
92352000	Gwasanaethau betio
92352100	Gwasanaethau gweithredu cyfansymwyr
92352200	Gwasanaethau bwci
92360000	Gwasanaethau tân gwyllt
92370000	Technegydd sain
92400000	Gwasanaethau asiantaeth newyddion
92500000	Gwasanaethau llyfrgelloedd, archifau ac amgueddfeydd a gwasanaethau diwylliannol eraill	N
92510000	Gwasanaethau llyfrgelloedd ac archifau	N
92511000	Gwasanaethau llyfrgelloedd	N
92512000	Gwasanaethau archifau	N
92512100	Gwasanaethau dinistrio archifau	N
92520000	Gwasanaethau amgueddfeydd a gwasanaethau diogelu safleoedd ac adeiladau hanesyddol	N
92521000	Gwasanaethau amgueddfeydd	N
92521100	Gwasanaethau arddangosfeydd amgueddfa	N
92521200	Gwasanaethau diogelu arddangosion a sbesimenau	N
92521210	Gwasanaethau diogelu arddangosion	N
92521220	Gwasanaethau diogelu sbesimenau	N
92522000	Gwasanaethau diogelu safleoedd ac adeiladau hanesyddol	N
92522100	Gwasanaethau diogelu safleoedd hanesyddol	N
92522200	Gwasanaethau diogelu adeiladau hanesyddol	N
92530000	Gwasanaethau gerddi botaneg a swoleg a gwasanaethau gwarchodfeydd natur	N
92531000	Gwasanaethau gerddi botaneg	N
92532000	Gwasanaethau gerddi swoleg	N
92533000	Gwasanaethau gwarchodfeydd natur	N
92534000	Gwasanaethau gwarchod bywyd gwyllt	N
92600000	Gwasanaethau chwaraeon	N
92610000	Gwasanaethau gweithredu cyfleusterau chwaraeon	N
92620000	Gwasanaethau sy’n gysylltiedig â chwaraeon	N
92621000	Gwasanaethau hyrwyddo digwyddiadau chwaraeon	N
92622000	Gwasanaethau trefnu digwyddiadau chwaraeon	N
92700000	Gwasanaethau gwe gaffis

Gwasanaethau nawdd cymdeithasol gorfodol

75300000	Gwasanaethau nawdd cymdeithasol gorfodol
Gwasanaethau budd-daliadau
75310000	Gwasanaethau budd-daliadau
75311000	Budd-daliadau salwch
75312000	Budd-daliadau mamolaeth
75313000	Budd-daliadau anabledd
75313100	Budd-daliadau anabledd dros dro
75314000	Budd-daliadau iawndal diweithdra
75320000	Cynlluniau pensiwn cyflogeion y Llywodraeth
75330000	Lwfansau teulu
75340000	Lwfansau plant

Gwasanaethau cymunedol, cymdeithasol a phersonol eraill gan gynnwys gwasanaethau a ddarperir gan undebau llafur, sefydliadau gwleidyddol, cymdeithasau ieuenctid a gwasanaethau sefydliadau aelodaeth eraill

98000000	Gwasanaethau cymunedol, cymdeithasol a phersonol eraill
98120000	Gwasanaethau a ddarperir gan undebau llafur
98130000	Gwasanaethau sefydliadau aelodaeth amrywiol
98132000	Gwasanaethau a ddarperir gan sefydliadau gwleidyddol
98133110	Gwasanaethau a ddarperir gan gymdeithasau ieuenctid	N
Gwasanaethau crefyddol
98131000	Gwasanaethau crefyddol

Gwasanaethau gwesty a bwyty

55100000	Gwasanaethau gwesty
55110000	Gwasanaethau llety gwesty
55120000	Gwasanaethau cyfarfodydd a chynadleddau gwesty
55130000	Mathau eraill o wasanaethau gwesty
55200000	Meysydd gwersylla a llety arall nad yw’n westy
55210000	Gwasanaethau hostel ieuenctid
55220000	Gwasanaethau maes gwersylla
55221000	Gwasanaethau safle carafannau
55240000	Gwasanaethau canolfan wyliau a chartref gwyliau
55241000	Gwasanaethau canolfan wyliau
55242000	Gwasanaethau cartref gwyliau
55243000	Gwasanaethau gwersyll gwyliau i blant
55250000	Gwasanaethau gosod llety wedi’i ddodrefnu am gyfnod byr
55260000	Gwasanaethau cerbydau cysgu
55270000	Gwasanaethau a ddarperir gan sefydliadau gwely a brecwast
55300000	Gwasanaethau bwyty a gweini bwyd
55310000	Gwasanaethau gweinydd bwyty
55311000	Gwasanaethau gweinydd bwyty i gwsmeriaid cyfyngedig
55312000	Gwasanaethau gweinydd bwyty i gwsmeriaid anghyfyngedig
55320000	Gwasanaethau gweini prydau
55321000	Gwasanaethau paratoi prydau
55322000	Gwasanaethau coginio prydau
55330000	Gwasanaethau caffeteria
55400000	Gwasanaethau gweini diodydd
55410000	Gwasanaethau rheoli bar
55510000	Gwasanaethau ffreutur
55511000	Gwasanaethau ffreutur a gwasanaethau caffeteria eraill i gwsmeriaid cyfyngedig
55512000	Gwasanaethau rheoli ffreutur
55520000	Gwasanaethau arlwyo
55521000	Gwasanaethau arlwyo ar gyfer aelwydydd preifat
55521100	Gwasanaethau pryd ar glud
55521200	Gwasanaethau danfon prydau
55522000	Gwasanaethau arlwyo ar gyfer mentrau trafnidiaeth
55523000	Gwasanaethau arlwyo ar gyfer mentrau neu sefydliadau eraill
55523100	Gwasanaethau prydau ysgol
55524000	Gwasanaethau arlwyo ysgolion

Gwasanaethau cyfreithiol, i’r graddau nad ydynt wedi eu cynnwys gan baragraff 14 o Atodlen 2 i Ddeddf 2023

75231100	Gwasanaethau gweinyddol sy’n gysylltiedig â llysoedd barn
79100000	Gwasanaethau cyfreithiol

79110000	Gwasanaethau cyngor cyfreithiol a chynrychiolaeth gyfreithiol
79111000	Gwasanaethau cyngor cyfreithiol
79112000	Gwasanaethau cynrychiolaeth gyfreithiol
79112100	Gwasanaethau cynrychioli rhanddeiliaid
79120000	Gwasanaethau ymgynghori ar batentau a hawlfraint
79121000	Gwasanaethau ymgynghori ar hawlfraint
79121100	Gwasanaethau ymgynghori ar hawlfraint meddalwedd
79130000	Gwasanaethau dogfennu ac ardystio cyfreithiol
79131000	Gwasanaethau dogfennu
79132000	Gwasanaethau ardystio
79132100	Gwasanaethau ardystio llofnodion electronig
79140000	Gwasanaethau cyngor cyfreithiol a gwybodaeth gyfreithiol
Gwasanaethau gweinyddu eraill a gwasanaethau’r llywodraeth
75100000	Gwasanaethau gweinyddu
75110000	Gwasanaethau cyhoeddus cyffredinol
75111000	Gwasanaethau gweithredol a deddfwriaethol
75111100	Gwasanaethau gweithredol
75111200	Gwasanaethau deddfwriaethol
75112000	Gwasanaethau gweinyddol ar gyfer gweithrediadau busnes
75112100	Gwasanaethau prosiectau datblygu gweinyddol
75120000	Gwasanaethau gweinyddol asiantaethau
75123000	Gwasanaethau tai gweinyddol	N
75125000	Gwasanaethau gweinyddol sy’n gysylltiedig â materion twristiaeth
75130000	Gwasanaethau ategol ar gyfer y llywodraeth
75131000	Gwasanaethau’r llywodraeth
Darparu gwasanaethau i’r gymuned
75200000	Darparu gwasanaethau i’r gymuned
75210000	Gwasanaethau materion tramor a gwasanaethau eraill
75211000	Gwasanaethau materion tramor
75211100	Gwasanaethau diplomyddol
75211110	Gwasanaethau consylaidd
75211200	Gwasanaethau sy’n gysylltiedig â chymorth economaidd tramor
75222000	Gwasanaethau amddiffyn sifil
75230000	Gwasanaethau cyfiawnder
75231000	Gwasanaethau barnwrol
Gwasanaethau sy’n gysylltiedig â charchardai, gwasanaethau diogelwch y cyhoedd a gwasanaethau achub i’r graddau nad ydynt wedi eu gwahardd gan baragraff 20 o Atodlen 2 i Ddeddf 2023
75231210	Gwasanaethau carcharu
75231220	Gwasanaethau hebrwng carcharorion
75231230	Gwasanaethau carchar
75240000	Gwasanaethau diogelwch y cyhoedd, cyfraith a threfn
75241000	Gwasanaethau diogelwch y cyhoedd
75241100	Gwasanaethau’r heddlu
75242000	Gwasanaethau cyfraith a threfn gyhoeddus
75242100	Gwasanaethau trefn gyhoeddus
75242110	Gwasanaethau beili
75250000	Gwasanaethau’r frigâd dân a gwasanaethau achub
75251000	Gwasanaethau’r frigâd dân
75251100	Gwasanaethau diffodd tân
75251110	Gwasanaethau atal tân
75251120	Gwasanaethau diffodd tanau coedwig
75252000	Gwasanaethau achub
79430000	Gwasanaethau rheoli argyfwng
98113100	Gwasanaethau diogelwch niwclear
Gwasanaethau ymchwilio a diogelwch
79700000	Gwasanaethau ymchwilio a diogelwch
79710000	Gwasanaethau diogelwch
79711000	Gwasanaethau monitro larwm
79713000	Gwasanaethau giard
79714000	Gwasanaethau gwyliadwriaeth
79714100	Gwasanaethau systemau olrhain
79714110	Gwasanaethau olrhain dihangwyr
79715000	Gwasanaethau patrol
79716000	Gwasanaethau rhyddhau bathodynnau adnabod
79720000	Gwasanaethau ymchwilio
79721000	Gwasanaethau asiantaeth dditectif
79722000	Gwasanaethau graffoleg
79723000	Gwasanaethau dadansoddi gwastraff
Gwasanaethau rhyngwladol
98900000	Gwasanaethau a ddarperir gan sefydliadau a chyrff alldiriogaethol
98910000	Gwasanaethau sy’n ymwneud yn benodol â sefydliadau a chyrff rhyngwladol
Gwasanaethau post
64000000	Gwasanaethau post a thelathrebu
64100000	Gwasanaethau post a negesydd
64110000	Gwasanaethau post
64111000	Gwasanaethau post sy’n gysylltiedig â phapurau newydd a chyfnodolion
64112000	Gwasanaethau post sy’n gysylltiedig â llythyrau
64113000	Gwasanaethau post sy’n gysylltiedig â pharseli
64114000	Gwasanaethau cownter swyddfa bost
64115000	Llogi blychau post
64116000	Gwasanaethau poste restante
64122000	Gwasanaethau post a negesydd swyddfa mewnol
Gwasanaethau amrywiol
50116510	Gwasanaethau ailfowldio teiars
71550000	Gwasanaethau gof

Rheoliad 44

ATODLEN 2 Awdurdodau llywodraeth ganolog

Awdurdodau llywodraeth ganolog

Awdurdod arweiniol (1)	Awdurdod perthynol (2)
Gweinidogion Cymru	Pwyllgorau Cynghori Tai Annedd Amaethyddol (Cymru)
	Tribiwnlys Tir Amaethyddol Cymru
	Cyngor Cyllido Addysg Uwch Cymru
	Comisiwn Ffiniau a Democratiaeth Leol Cymru
	Y Pwyllgor Asesu Rhenti (Cymru)
	Comisiwn Brenhinol Henebion Cymru.
	Tribiwnlys Prisio Cymru
	Ymddiriedolaethau Gwasanaeth Iechyd Gwladol Cymru a Byrddau Iechyd Lleol Cymru
	Cyrff GIG Cymru
Cyngor Celfyddydau Cymru
Cyngor Gofal Cymru
Llyfrgell Genedlaethol Cymru
Amgueddfa Cymru
Cyfoeth Naturiol Cymru
Chwaraeon Cymru
Comisiwn Cynulliad Cenedlaethol Cymru
Awdurdod Cyllid Cymru
Comisiynydd y Gymraeg

Rheoliad 45

ATODLEN 3 Gweithgareddau gweithiau

Cod GGG	Gweithgaredd
45000000	Gwaith adeiladu
45100000	Gwaith paratoi safleoedd
45110000	Gwaith dymchwel a dinistrio adeiladau a gwaith symud pridd
45111000	Gwaith dymchwel a gwaith paratoi a chlirio safleoedd
45111100	Gwaith dymchwel
45111200	Gwaith paratoi a chlirio safleoedd
45111210	Gwaith ffrwydro a gwaith symud creigiau cysylltiedig
45111211	Gwaith ffrwydro
45111212	Gwaith symud creigiau
45111213	Gwaith clirio safleoedd
45111214	Gwaith clirio â ffrwydron
45111220	Gwaith tynnu prysgwydd
45111230	Gwaith sefydlogi’r tir
45111240	Gwaith draenio’r tir
45111250	Gwaith ymchwilio tir
45111260	Gwaith paratoi safleoedd ar gyfer mwyngloddio
45111290	Gwaith sylfaenol ar gyfer gwasanaethau

45111291	Gwaith datblygu safleoedd
45111300	Gwaith datgymalu
45111320	Gwaith datgymalu gosodiadau diogelwch
45112000	Gwaith cloddio a symud pridd
45112100	Gwaith cloddio ffosydd
45112200	Gwaith stripio pridd
45112210	Gwaith stripio uwchbridd
45112300	Gwaith mewnlenwi ac adfer tir
45112310	Gwaith mewnlenwi
45112320	Gwaith adfer tir
45112330	Gwaith adfer safleoedd
45112340	Gwaith dihalogi pridd
45112350	Adfer tir gwastraff
45112360	Gwaith adsefydlu tir
45112400	Gwaith cloddio
45112410	Gwaith torri beddau
45112420	Gwaith cloddio isloriau
45112440	Terasu llechweddau
45112441	Gwaith terasu
45112450	Gwaith cloddio ar safleoedd archaeolegol
45112500	Gwaith symud pridd
45112600	Torri a llenwi
45112700	Gwaith tirlunio
45112710	Gwaith tirlunio ar gyfer mannau gwyrdd
45112711	Gwaith tirlunio ar gyfer parciau
45112712	Gwaith tirlunio ar gyfer gerddi
45112713	Gwaith tirlunio ar gyfer gerddi to
45112714	Gwaith tirlunio ar gyfer mynwentydd
45112720	Gwaith tirlunio ar gyfer meysydd chwaraeon ac ardaloedd hamdden
45112721	Gwaith tirlunio ar gyfer cyrsiau golff
45112722	Gwaith tirlunio ar gyfer ardaloedd marchogaeth
45112723	Gwaith tirlunio ar gyfer meysydd chwarae
45112730	Gwaith tirlunio ar gyfer ffyrdd a thraffyrdd
45112740	Gwaith tirlunio ar gyfer meysydd awyr
45113000	Gwaith safle
45120000	Gwaith drilio a thurio ar gyfer profion
45121000	Gwaith drilio ar gyfer profion
45122000	Gwaith turio ar gyfer profion
45200000	Gwaith ar gyfer gwaith adeiladu cyflawn neu rannol a gwaith peirianneg sifil
45210000	Gwaith adeiladu adeiladau
45211000	Gwaith adeiladu ar gyfer adeiladau amlannedd a thai unigol
45211100	Gwaith adeiladu ar gyfer tai
45211200	Gwaith adeiladu tai gwarchod
45211300	Gwaith adeiladu tai
45211310	Gwaith adeiladu ystafelloedd ymolchi
45211320	Gwaith adeiladu portshys
45211340	Gwaith adeiladu adeiladau aml-annedd
45211341	Gwaith adeiladau fflatiau
45211350	Gwaith adeiladu adeiladau amlswyddogaethol
45211360	Gwaith adeiladu datblygu trefol
45211370	Gwaith adeiladu ar gyfer saunas
45212000	Gwaith adeiladu ar gyfer adeiladau sy’n gysylltiedig â hamdden, chwaraeon, diwylliant, tai llety a bwytai
45212100	Gwaith adeiladu cyfleusterau hamdden
45212110	Gwaith adeiladu canolfannau hamdden
45212120	Gwaith adeiladu parciau thema
45212130	Gwaith adeiladu parciau diddanu
45212140	Gosodiadau hamdden
45212150	Gwaith adeiladu sinemâu
45212160	Gwaith adeiladu casinos
45212170	Gwaith adeiladu adeiladau adloniant
45212171	Gwaith adeiladu canolfannau adloniant
45212172	Gwaith adeiladu canolfannau gweithgareddau hamdden
45212180	Gwaith adeiladu swyddfeydd tocynnau
45212190	Gwaith diogelu rhag yr haul
45212200	Gwaith adeiladu ar gyfer cyfleusterau chwaraeon
45212210	Gwaith adeiladu cyfleusterau chwaraeon un pwrpas
45212211	Gwaith adeiladu canolfannau sglefrio
45212212	Gwaith adeiladu ar gyfer pyllau nofio
45212213	Gwaith gwneud marciau ar gyfer chwaraeon
45212220	Gwaith adeiladu cyfleusterau chwaraeon amlbwrpas
45212221	Gwaith adeiladu sy’n gysylltiedig â strwythurau ar gyfer meysydd chwaraeon
45212222	Gwaith adeiladu campfeydd
45212223	Gwaith adeiladu cyfleusterau chwaraeon gaeaf
45212224	Gwaith adeiladu stadiymau
45212225	Gwaith adeiladu neuaddau chwaraeon
45212230	Gwaith gosod ystafelloedd newid
45212290	Gwaith atgyweirio a chynnal a chadw mewn cysylltiad â chyfleusterau chwaraeon
45212300	Gwaith adeiladu ar gyfer adeiladau celfyddydol a diwylliannol
45212310	Gwaith adeiladu ar gyfer adeiladau sy’n gysylltiedig ag arddangosfeydd
45212311	Gwaith adeiladu orielau celf
45212312	Gwaith adeiladu canolfannau arddangos
45212313	Gwaith adeiladu amgueddfeydd
45212314	Gwaith adeiladu sy’n ymwneud â henebion neu gofebion
45212320	Gwaith adeiladu ar gyfer adeiladau sy’n gysylltiedig â pherfformiadau artistig
45212321	Gwaith adeiladu awditoria
45212322	Gwaith adeiladu theatrau
45212330	Gwaith adeiladu llyfrgelloedd
45212331	Gwaith adeiladu llyfrgelloedd amlgyfrwng
45212340	Gwaith adeiladu darlithfeydd
45212350	Adeiladau o ddiddordeb hanesyddol neu bensaernïol arbennig
45212351	Gwaith adeiladu sy’n ymwneud â henebion cynhanesyddol
45212352	Gwaith adeiladu sy’n ymwneud â chofadeiliau diwydiannol
45212353	Gwaith adeiladu sy’n ymwneud â phalasau
45212354	Gwaith adeiladu sy’n ymwneud â chestyll
45212360	Gwaith adeiladu sy’n ymwneud ag adeiladau crefyddol
45212361	Gwaith adeiladu sy’n ymwneud ag eglwysi
45212400	Adeiladau llety a bwytai
45212410	Gwaith adeiladu ar gyfer adeiladau tai llety
45212411	Gwaith adeiladu gwestai
45212412	Gwaith adeiladu hosteli
45212413	Gwaith adeiladu llety arhosiad byr
45212420	Gwaith adeiladu ar gyfer bwytai a chyfleusterau tebyg
45212421	Gwaith adeiladu bwytai
45212422	Gwaith adeiladu ffreuturau
45212423	Gwaith adeiladu caffeterias
45212500	Addasu cegin neu fwyty
45212600	Gwaith adeiladu pafiliynau
45213000	Gwaith adeiladu ar gyfer adeiladau masnachol, warysau ac adeiladau diwydiannol, ac adeiladau sy’n gysylltiedig â thrafnidiaeth
45213100	Gwaith adeiladu ar gyfer adeiladau masnachol
45213110	Gwaith adeiladu adeiladau siopau
45213111	Gwaith adeiladu canolfannau siopa
45213112	Gwaith adeiladu unedau siopau
45213120	Gwaith adeiladu swyddfeydd post
45213130	Gwaith adeiladu banciau
45213140	Gwaith adeiladu marchnadoedd
45213141	Gwaith adeiladu marchnadoedd dan do
45213142	Gwaith adeiladu marchnadoedd awyr agored
45213150	Gwaith adeiladu blociau o swyddfeydd
45213200	Gwaith adeiladu ar gyfer warysau ac adeiladau diwydiannol
45213210	Storfeydd oer
45213220	Gwaith adeiladu ar gyfer warysau
45213221	Gwaith adeiladu storfeydd warws
45213230	Gwaith adeiladu lladd-dai
45213240	Gwaith adeiladu adeiladau amaethyddol
45213241	Gwaith adeiladu ysguboriau
45213242	Gwaith adeiladu beudai
45213250	Gwaith adeiladu ar gyfer adeiladau diwydiannol
45213251	Gwaith adeiladu unedau diwydiannol
45213252	Gwaith adeiladu gweithdai
45213260	Gwaith adeiladu depos storau
45213270	Gwaith adeiladu ar gyfer gorsafoedd ailgylchu
45213280	Gwaith adeiladu ar gyfer cyfleusterau compostio
45213300	Adeiladau sy’n gysylltiedig â thrafnidiaeth
45213310	Gwaith adeiladu ar gyfer adeiladau sy’n gysylltiedig â thrafnidiaeth ffyrdd
45213311	Gwaith adeiladu gorsafoedd bysiau
45213312	Gwaith adeiladu adeiladau maes parcio
45213313	Gwaith adeiladu adeiladau ardal wasanaethu
45213314	Gwaith adeiladu garejys bysiau
45213315	Gwaith adeiladu llochesau safle bws
45213316	Gwaith gosod llwybrau
45213320	Gwaith adeiladu ar gyfer adeiladau sy’n gysylltiedig â thrafnidiaeth reilffordd
45213321	Gwaith adeiladu gorsafoedd trenau
45213322	Gwaith adeiladu adeiladau terfynfa reilffordd
45213330	Gwaith adeiladu ar gyfer adeiladau sy’n gysylltiedig â thrafnidiaeth awyr
45213331	Gwaith adeiladu adeiladau maes awyr
45213332	Gwaith adeiladu tyrau rheoli maes awyr
45213333	Gwaith gosod cownteri mewngofnodi maes awyr
45213340	Gwaith adeiladu ar gyfer adeiladau sy’n gysylltiedig â thrafnidiaeth dros ddŵr
45213341	Gwaith adeiladu adeiladau terfynfa fferi
45213342	Gwaith adeiladu terfynfeydd ro-ro
45213350	Gwaith adeiladu ar gyfer adeiladau sy’n gysylltiedig â gwahanol fathau o drafnidiaeth
45213351	Gwaith adeiladu awyrendai cynnal a chadw
45213352	Gwaith adeiladu depos gwasanaethau
45213353	Gwaith gosod pontydd byrddio i deithwyr
45213400	Gwaith gosod ystafelloedd staff
45214000	Gwaith adeiladu ar gyfer adeiladau sy’n gysylltiedig ag addysg ac ymchwil
45214100	Gwaith adeiladu ar gyfer adeiladau ysgol feithrin
45214200	Gwaith adeiladu ar gyfer adeiladau ysgol
45214210	Gwaith adeiladu ysgolion cynradd
45214220	Gwaith adeiladu ysgolion uwchradd
45214230	Gwaith adeiladu ysgolion arbennig
45214300	Gwaith adeiladu ar gyfer adeiladau coleg
45214310	Gwaith adeiladu colegau galwedigaethol
45214320	Gwaith adeiladu colegau technegol
45214400	Gwaith adeiladu ar gyfer adeiladau prifysgol
45214410	Gwaith adeiladu colegau polytechnig
45214420	Gwaith adeiladu darlithfeydd
45214430	Gwaith adeiladu labordai iaith
45214500	Gwaith adeiladu ar gyfer adeiladau addysg bellach
45214600	Gwaith adeiladu ar gyfer adeiladau ymchwil
45214610	Gwaith adeiladu adeiladau labordy
45214620	Gwaith adeiladu cyfleusterau ymchwil a phrofi
45214630	Gosodiadau gwyddonol
45214631	Gwaith gosod ystafelloedd glân
45214640	Gwaith adeiladu gorsafoedd meteorolegol
45214700	Gwaith adeiladu ar gyfer neuaddau preswyl
45214710	Gwaith adeiladu cynteddau
45214800	Gwaith adeiladu cyfleusterau hyfforddi
45215000	Gwaith adeiladu ar gyfer adeiladau sy’n gysylltiedig ag iechyd a gwasanaethau cymdeithasol, ar gyfer amlosgfeydd a chyfleusterau cyhoeddus
45215100	Gwaith adeiladu ar gyfer adeiladau sy’n gysylltiedig ag iechyd
45215110	Gwaith adeiladu sba
45215120	Gwaith adeiladu adeiladau meddygol arbennig
45215130	Gwaith adeiladu clinigau
45215140	Gwaith adeiladu cyfleusterau ysbyty
45215141	Gwaith adeiladu ystafelloedd llawdriniaeth
45215142	Gwaith adeiladu unedau gofal dwys
45215143	Gwaith adeiladu ystafelloedd sgrinio diagnostig
45215144	Gwaith adeiladu ystafelloedd sgrinio
45215145	Gwaith adeiladu ystafelloedd fflworosgopeg
45215146	Gwaith adeiladu ystafelloedd patholeg
45215147	Gwaith adeiladu ystafelloedd fforensig
45215148	Gwaith adeiladu ystafelloedd cathetr
45215200	Gwaith adeiladu ar gyfer adeiladau gwasanaethau cymdeithasol
45215210	Gwaith adeiladu ar gyfer llety preswyl â chymhorthdal
45215212	Gwaith adeiladu cartrefi ymddeol
45215213	Gwaith adeiladu cartrefi nyrsio
45215214	Gwaith adeiladu cartrefi preswyl
45215215	Gwaith adeiladu cartrefi plant
45215220	Gwaith adeiladu ar gyfer cyfleusterau cymdeithasol heblaw llety preswyl â chymhorthdal
45215221	Gwaith adeiladu canolfannau gofal dydd
45215222	Gwaith adeiladau canolfannau dinesig
45215300	Gwaith adeiladu ar gyfer amlosgfeydd
45215400	Gwaith mynwent
45215500	Cyfleusterau cyhoeddus
45216000	Gwaith adeiladu ar gyfer adeiladau sy’n gysylltiedig â chyfraith a threfn neu wasanaethau brys ac ar gyfer adeiladau milwrol
45216100	Gwaith adeiladu ar gyfer adeiladau sy’n gysylltiedig â chyfraith a threfn neu wasanaethau brys
45216110	Gwaith adeiladu ar gyfer adeiladau sy’n gysylltiedig â chyfraith a threfn
45216111	Gwaith adeiladu gorsafoedd heddlu
45216112	Gwaith adeiladu adeiladau llys
45216113	Gwaith adeiladu adeiladau carchardai
45216114	Adeiladau senedd a chynulliad cyhoeddus
45216120	Gwaith adeiladu ar gyfer adeiladau sy’n gysylltiedig â gwasanaethau brys
45216121	Gwaith adeiladu gorsafoedd tân
45216122	Gwaith adeiladu gorsafoedd ambiwlans
45216123	Gwaith adeiladu adeiladau achub ar fynydd
45216124	Gwaith adeiladu gorsafoedd badau achub
45216125	Gwaith adeiladu adeiladau gwasanaethau brys
45216126	Gwaith adeiladu adeiladau gwylwyr y glannau
45216127	Gwaith adeiladu gorsafoedd gwasanaethau achub
45216128	Gwaith adeiladu goleudai
45216129	Llochesau amddiffynnol
45217000	Gwaith adeiladu adeiladau wedi eu llenwi ag aer
45220000	Gwaith peirianneg a gwaith adeiladu
45221000	Gwaith adeiladu ar gyfer pontydd a thwnelau, siafftiau a thanlwybrau
45221100	Gwaith adeiladu ar gyfer pontydd
45221110	Gwaith adeiladu pontydd
45221111	Gwaith adeiladu pontydd ffordd
45221112	Gwaith adeiladu pontydd rheilffordd
45221113	Gwaith adeiladu pontydd troed
45221114	Gwaith adeiladu ar gyfer pontydd haearn
45221115	Gwaith adeiladu ar gyfer pontydd dur
45221117	Gwaith adeiladu pontydd pwyso
45221118	Gwaith adeiladu pontydd ar gyfer piblinellau
45221119	Gwaith adeiladu i adnewyddu pontydd
45221120	Gwaith adeiladu traphontydd
45221121	Gwaith adeiladu traphontydd ffordd
45221122	Gwaith adeiladu traphontydd rheilffordd
45221200	Gwaith adeiladu ar gyfer twnelau, siafftiau a thanlwybrau
45221210	Gwaith cloddio o dan orchudd neu o dan orchudd yn rhannol
45221211	Tanffordd
45221213	Gwaith cloddio rheilffyrdd o dan orchudd neu o dan orchudd yn rhannol
45221214	Gwaith cloddio ffyrdd o dan orchudd neu o dan orchudd yn rhannol
45221220	Cwlfertau
45221230	Siafftiau
45221240	Gwaith adeiladu ar gyfer twnelau
45221241	Gwaith adeiladu twnelau ffordd
45221242	Gwaith adeiladu twnelau rheilffordd
45221243	Gwaith adeiladau twnelau i gerddwyr
45221244	Gwaith adeiladu twnelau camlas
45221245	Gwaith adeiladu twnelau o dan afonydd
45221246	Gwaith adeiladu twnelau tanfor
45221247	Gwaith twnelu
45221248	Gwaith adeiladu leininau twnelau
45221250	Gwaith dan ddaear heblaw twnelau, siafftiau a thanlwybrau
45222000	Gwaith adeiladu ar gyfer gwaith peirianneg heblaw pontydd, twnelau, siafftiau a thanlwybrau
45222100	Gwaith adeiladu gweithfeydd trin gwastraff
45222110	Gwaith adeiladu safleoedd gwaredu gwastraff
45222300	Gwaith peirianneg ar gyfer gosodiadau diogelwch
45223000	Gwaith adeiladu strwythurau
45223100	Cydosod strwythurau metel
45223110	Gwaith gosod strwythurau metel
45223200	Gwaith strwythurol
45223210	Gwaith dur strwythurol
45223220	Gwaith cragen strwythurol
45223300	Gwaith adeiladu meysydd parcio
45223310	Gwaith adeiladu meysydd parcio o dan ddaear
45223320	Gwaith adeiladu cyfleusterau parcio a theithio
45223400	Gwaith adeiladu gorsafoedd radar
45223500	Strwythurau concrit cyfnerth
45223600	Gwaith adeiladu llety cŵn
45223700	Gwaith adeiladu ardaloedd gwasanaethu
45223710	Gwaith adeiladu ardaloedd gwasanaethu ar draffyrdd
45223720	Gwaith adeiladu gorsafoedd petrol/tanwydd
45223800	Cydosod a chodi strwythurau parod
45223810	Adeiladau parod
45223820	Unedau a chydrannau parod
45223821	Unedau parod
45223822	Cydrannau parod
45230000	Gwaith adeiladu ar gyfer piblinellau, llinellau cyfathrebu a llinellau pŵer, ar gyfer priffyrdd, ffyrdd, meysydd glanio a rheilffyrdd; gwaith ar y gwastad
45231000	Gwaith adeiladu ar gyfer piblinellau, llinellau cyfathrebu a llinellau pŵer
45231100	Gwaith adeiladu cyffredinol ar gyfer piblinellau
45231110	Gwaith adeiladu ar gyfer gosod pibellau
45231111	Codi ac ailosod piblinellau
45231112	Gwaith gosod systemau pibellau
45231113	Gwaith ailosod piblinellau
45231200	Gwaith adeiladu ar gyfer piblinellau olew a nwy
45231210	Gwaith adeiladu ar gyfer piblinellau olew
45231220	Gwaith adeiladu ar gyfer piblinellau nwy
45231221	Gwaith adeiladu’r prif gyflenwad nwy
45231222	Gwaith adeiladu tanciau nwy
45231223	Gwaith ategol ar gyfer dosbarthu nwy
45231300	Gwaith adeiladu ar gyfer piblinellau dŵr a charthion
45231400	Gwaith adeiladu ar gyfer llinellau pŵer trydan
45231500	Gwaith ar biblinellau aer cywasgedig
45231510	Gwaith ar biblinellau aer cywasgedig ar gyfer system bost
45231600	Gwaith adeiladu ar gyfer llinellau cyfathrebu
45232000	Gwaith ategol ar gyfer piblinellau a cheblau
45232100	Gwaith ategol ar gyfer piblinellau dŵr
45232120	Gwaith dyfrhau
45232121	Gwaith adeiladu pibellau dyfrhau
45232130	Gwaith adeiladu pibellau dŵr storm
45232140	Gwaith adeiladu ar gyfer prif gyflenwad gwresogi ardal
45232141	Gwaith gwresogi
45232142	Gwaith adeiladu gorsafoedd trosglwyddo gwres
45232150	Gwaith sy’n gysylltiedig â phiblinellau dosbarthu dŵr
45232151	Gwaith adeiladu ar gyfer adnewyddu’r prif gyflenwad dŵr
45232152	Gwaith adeiladu gorsafoedd pwmpio
45232153	Gwaith adeiladu ar gyfer tyrau dŵr
45232154	Gwaith adeiladu tanciau uchel ar gyfer dŵr yfed
45232200	Gwaith ategol ar gyfer llinellau pŵer trydan
45232210	Adeiladu llinellau uwchben
45232220	Gwaith adeiladu is-orsafoedd
45232221	Is-orsafoedd newidydd
45232300	Gwaith adeiladu a gwaith ategol ar gyfer llinellau ffôn a chyfathrebu
45232310	Gwaith adeiladu ar gyfer llinellau ffôn
45232311	Llinellau ffôn argyfwng ymyl ffordd
45232320	Llinellau darlledu dros gebl
45232330	Codi erialau
45232331	Gwaith ategol ar gyfer darlledu
45232332	Gwaith ategol ar gyfer telathrebu
45232340	Gwaith adeiladu gorsafoedd ffôn symudol
45232400	Gwaith adeiladu carthffosydd
45232410	Gwaith carthffosiaeth
45232411	Gwaith adeiladu pibellau dŵr budr
45232420	Gwaith carthion
45232421	Gwaith trin carthion
45232422	Gwaith trin slwtsh
45232423	Gwaith adeiladu gorsafoedd pwmpio carthion
45232424	Gwaith adeiladu arllwysfeydd carthion
45232430	Gwaith trin dŵr
45232431	Gorsaf pwmpio dŵr gwastraff
45232440	Gwaith adeiladu ar gyfer pibellau carthion
45232450	Gwaith adeiladu systemau draenio
45232451	Gwaith draenio a gwaith arwyneb
45232452	Gwaith draenio
45232453	Gwaith adeiladu draeniau
45232454	Gwaith adeiladu basnau dŵr glaw
45232460	Gwaith glanweithdra
45232470	Gorsaf trosglwyddo gwastraff
45233000	Gwaith adeiladu, gwaith sylfeini a gwaith arwyneb ar gyfer priffyrdd, ffyrdd
45233100	Gwaith adeiladu ar gyfer priffyrdd, ffyrdd
45233110	Gwaith adeiladu traffyrdd
45233120	Gwaith adeiladu ffyrdd
45233121	Gwaith adeiladau priffyrdd
45233122	Gwaith adeiladu cylchffyrdd
45233123	Gwaith adeiladu ffyrdd eilaidd
45233124	Gwaith adeiladu cefnffyrdd
45233125	Gwaith adeiladu cyffyrdd
45233126	Gwaith adeiladu cyffyrdd aml-lefel
45233127	Gwaith adeiladu cyffyrdd T
45233128	Gwaith adeiladu cylchfannau
45233129	Gwaith adeiladu croesffyrdd
45233130	Gwaith adeiladu ar gyfer priffyrdd
45233131	Gwaith adeiladu ar gyfer priffyrdd uchel
45233139	Gwaith cynnal a chadw priffyrdd
45233140	Gwaith ffordd
45233141	Gwaith cynnal a chadw ffyrdd
45233142	Gwaith atgyweirio ffyrdd
45233144	Gwaith adeiladu trosffyrdd
45233150	Gwaith gostegu traffig
45233160	Llwybrau ac arwynebau metlin eraill
45233161	Gwaith adeiladu llwybrau troed
45233162	Gwaith adeiladu llwybrau beicio
45233200	Amrywiol waith ar yr arwyneb
45233210	Gwaith arwyneb ar gyfer priffyrdd
45233220	Gwaith arwyneb ar gyfer ffyrdd
45233221	Gwaith paentio arwyneb ffyrdd
45233222	Gwaith gosod cerrig palmant ac asffalt
45233223	Gwaith ailwynebu lonydd cerbydau
45233224	Gwaith adeiladu ffyrdd deuol
45233225	Gwaith adeiladu ffyrdd unffrwd
45233226	Gwaith adeiladu ffyrdd mynediad
45233227	Gwaith adeiladu ffyrdd ymadael a ffyrdd ymuno
45233228	Gwaith adeiladu araenau arwyneb
45233229	Gwaith cynnal a chadw ymylon ffyrdd
45233250	Gwaith arwynebu ac eithrio ffyrdd
45233251	Gwaith ailwynebu
45233252	Gwaith arwyneb ar gyfer strydoedd
45233253	Gwaith arwyneb ar gyfer llwybrau troed
45233260	Gwaith adeiladu ffyrdd i gerddwyr
45233261	Gwaith adeiladu trosffyrdd i gerddwyr
45233262	Gwaith adeiladu parthau cerddwyr
45233270	Gwaith paentio arwynebau meysydd parcio
45233280	Codi rhwystrau ffordd
45233290	Gwaith gosod arwyddion ffordd
45233291	Gwaith gosod bolardiau
45233292	Gwaith gosod cyfarpar diogelwch
45233293	Gwaith gosod dodrefn stryd
45233294	Gwaith gosod signalau ffordd
45233300	Gwaith sylfeini ar gyfer priffyrdd, ffyrdd, strydoedd a llwybrau troed
45233310	Gwaith sylfeini ar gyfer priffyrdd
45233320	Gwaith sylfeini ar gyfer ffyrdd
45233330	Gwaith sylfeini ar gyfer strydoedd
45233340	Gwaith sylfeini ar gyfer llwybrau troed
45234000	Gwaith adeiladu ar gyfer rheilffyrdd a systemau trafnidiaeth â cheblau
45234100	Gwaith adeiladu rheilffyrdd
45234110	Gwaith rheilffyrdd rhyngddinesig
45234111	Gwaith adeiladu rheilffyrdd dinesig
45234112	Gwaith adeiladu depos rheilffordd
45234113	Dymchwel traciau
45234114	Gwaith adeiladu argloddiau rheilffordd
45234115	Gwaith ar signalau rheilffordd
45234116	Gwaith adeiladu traciau
45234120	Gwaith rheilffyrdd trefol
45234121	Gwaith tramffyrdd
45234122	Gwaith rheilffyrdd tanddaearol
45234123	Gwaith rheilffyrdd rhannol danddaearol
45234124	Trafnidiaeth rheilffyrdd tanddaearol i deithwyr
45234125	Gorsaf drenau danddaearol
45234126	Gwaith adeiladu rheiliau tramffordd
45234127	Gwaith adeiladu depos tramffordd
45234128	Gwaith adeiladu platfformau tramffordd
45234129	Gwaith adeiladu traciau rheilffordd drefol
45234130	Gwaith adeiladu â balast
45234140	Gwaith adeiladu croesfannau rheilffordd
45234160	Gwaith adeiladu catenâu
45234170	Gwaith adeiladu is-orsafoedd locomotif
45234180	Gwaith adeiladu ar gyfer gweithdai rheilffordd
45234181	Gwaith adeiladu ar gyfer cabanau adrannu traciau rheilffordd
45234200	Systemau trafnidiaeth a grogir wrth geblau
45234210	Systemau trafnidiaeth a grogir wrth geblau gyda chabanau
45234220	Gwaith adeiladu ar gyfer lifftiau sgïo
45234230	Gwaith adeiladu ar gyfer lifftiau cadair
45234240	Systemau rheilffordd halio
45234250	Gwaith adeiladu telefferig
45235000	Gwaith adeiladu ar gyfer meysydd glanio, rhedfeydd ac arwynebau manwfro
45235100	Gwaith adeiladu ar gyfer meysydd awyr
45235110	Gwaith adeiladu ar gyfer meysydd glanio
45235111	Gwaith adeiladu palmentydd maes glanio
45235200	Gwaith adeiladu rhedfeydd
45235210	Ailwynebu rhedfeydd
45235300	Gwaith adeiladu ar gyfer arwynebau manwfro cerbydau awyr
45235310	Gwaith adeiladu atredfeydd
45235311	Gwaith adeiladu palmentydd atredfeydd
45235320	Gwaith adeiladu ar gyfer lleiniau cerbydau awyr
45236000	Gwaith ar y gwastad
45236100	Gwaith ar y gwastad ar gyfer gosodiadau chwaraeon amrywiol
45236110	Gwaith ar y gwastad ar gyfer meysydd chwaraeon
45236111	Gwaith ar y gwastad ar gyfer cyrsiau golff
45236112	Gwaith ar y gwastad ar gyfer cyrtiau tennis
45236113	Gwaith ar y gwastad ar gyfer caeau rasys
45236114	Gwaith ar y gwastad ar gyfer traciau rhedeg
45236119	Gwaith atgyweirio ar feysydd chwaraeon
45236200	Gwaith ar y gwastad ar gyfer gosodiadau hamdden
45236210	Gwaith ar y gwastad ar gyfer ardaloedd chwarae plant
45236220	Gwaith ar y gwastad ar gyfer sŵau
45236230	Gwaith ar y gwastad ar gyfer gerddi
45236250	Gwaith ar y gwastad ar gyfer parciau
45236290	Gwaith atgyweirio ar ardaloedd hamdden
45236300	Gwaith ar y gwastad ar gyfer mynwentydd
45237000	Gwaith adeiladu llwyfannau
45240000	Gwaith adeiladu ar gyfer prosiectau dŵr
45241000	Gwaith adeiladu harbyrau
45241100	Gwaith adeiladu ceiau
45241200	Gwaith adeiladu terfynfeydd alltraeth yn y fan a’r lle
45241300	Gwaith adeiladu pierau
45241400	Gwaith adeiladu dociau
45241500	Gwaith adeiladu glanfeydd
45241600	Gwaith gosod cyfarpar goleuo porthladdoedd
45242000	Gwaith adeiladu cyfleusterau hamdden glan y dŵr
45242100	Gwaith adeiladu cyfleusterau chwaraeon dŵr
45242110	Gwaith adeiladu ffyrdd lansio
45242200	Gwaith adeiladu marinas
45242210	Gwaith adeiladu harbyrau cychod hwylio
45243000	Gwaith amddiffyn yr arfordir
45243100	Gwaith diogelu clogwyni
45243110	Gwaith sefydlogi clogwyni
45243200	Gwaith adeiladu morgloddiau
45243300	Gwaith adeiladu waliau môr
45243400	Gwaith cyfnerthu traethau
45243500	Gwaith adeiladu amddiffynfeydd morol
45243510	Gwaith argloddiau
45243600	Gwaith adeiladu waliau cei
45244000	Gwaith adeiladu morol
45244100	Gosodiadau morol
45244200	Glanfeydd
45245000	Gwaith carthu a phwmpio ar gyfer gweithfeydd trin dŵr
45246000	Gwaith rheoli afonydd a llifogydd
45246100	Adeiladu waliau afonydd
45246200	Gwaith diogelu glannau afonydd
45246400	Gwaith atal llifogydd
45246410	Gwaith cynnal a chadw amddiffynfeydd rhag llifogydd
45246500	Gwaith adeiladu promenadau
45246510	Gwaith adeiladu llwybrau estyllod
45247000	Gwaith adeiladu ar gyfer argaeau, camlesi, sianeli dyfrhau a thraphontydd dŵr
45247100	Gwaith adeiladu ar gyfer dyfrffyrdd
45247110	Gwaith adeiladu camlesi
45247111	Gwaith adeiladu sianeli dyfrhau
45247112	Gwaith adeiladu camlesi draenio
45247120	Dyfrffyrdd ac eithrio camlesi
45247130	Gwaith adeiladu traphontydd dŵr
45247200	Gwaith adeiladu ar gyfer argaeau a strwythurau sefydlog tebyg
45247210	Gwaith adeiladu argaeau
45247211	Gwaith adeiladu waliau argae
45247212	Gwaith atgyfnerthu argaeau
45247220	Gwaith adeiladu coredau
45247230	Gwaith adeiladu cloddiau
45247240	Gwaith adeiladu baredau sefydlog
45247270	Gwaith adeiladu cronfeydd dŵr
45248000	Gwaith adeiladu ar gyfer strwythurau hydrofecanyddol
45248100	Gwaith adeiladu lociau camlas
45248200	Gwaith adeiladu dociau sych
45248300	Gwaith adeiladu ar gyfer dociau nofiol
45248400	Gwaith adeiladu pontydd glanio
45248500	Gwaith adeiladu baredau symudol
45250000	Gwaith adeiladu ar gyfer gweithfeydd, mwyngloddio a gweithgynhyrchu ac ar gyfer adeiladau sy’n gysylltiedig â’r diwydiant olew a nwy
45251000	Gwaith adeiladu ar gyfer gweithfeydd pŵer a gweithfeydd gwres
45251100	Gwaith adeiladu ar gyfer gweithfeydd pŵer
45251110	Gwaith adeiladu gorsafoedd ynni niwclear
45251111	Gwaith adeiladu ar gyfer adweithyddion niwclear
45251120	Gwaith adeiladu gweithfeydd ynni trydan dŵr
45251140	Gwaith adeiladu gorsafoedd ynni thermol
45251141	Gwaith adeiladu gorsafoedd ynni geothermol
45251142	Gwaith adeiladu gorsafoedd ynni sy’n llosgi coed
45251143	Gwaith adeiladu gweithfeydd cynhyrchu aer cywasgedig
45251150	Gwaith adeiladu ar gyfer tyrau oeri
45251160	Gwaith gosod ynni gwynt
45251200	Gwaith adeiladu gweithfeydd gwresogi
45251220	Gwaith adeiladu gweithfeydd cydgynhyrchu
45251230	Gwaith adeiladu gweithfeydd cynhyrchu stêm
45251240	Gwaith adeiladu gweithfeydd cynhyrchu trydan o nwy tirlenwi
45251250	Gwaith adeiladu gweithfeydd gwresogi ardal
45252000	Gwaith adeiladu ar gyfer gweithfeydd trin carthion, gweithfeydd puro a gweithfeydd llosgi sbwriel
45252100	Gwaith adeiladu gweithfeydd trin carthion
45252110	Gwaith adeiladu gweithfeydd symudol
45252120	Gwaith adeiladu gweithfeydd trin dŵr
45252121	Gosodiadau gwaddodi
45252122	Treulwyr carthion
45252123	Gosodiadau sgrinio
45252124	Gwaith carthu a phwmpio
45252125	Gwaith dympio creigiau
45252126	Gwaith adeiladu gweithfeydd trin dŵr yfed
45252127	Gwaith adeiladu gweithfeydd trin dŵr gwastraff
45252130	Cyfarpar gweithfeydd trin carthion
45252140	Gwaith adeiladu gweithfeydd dad-ddyfrio slwtsh
45252150	Gwaith adeiladu gweithfeydd trin glo
45252200	Cyfarpar gweithfeydd puro
45252210	Gwaith adeiladu gweithfeydd puro dŵr
45252300	Gwaith adeiladu gweithfeydd llosgi sbwriel
45253000	Gwaith adeiladu ar gyfer gweithfeydd prosesu cemegion
45253100	Gwaith adeiladu gweithfeydd dadfwyneiddio
45253200	Gwaith adeiladu gweithfeydd dadsylffwreiddio
45253300	Gwaith adeiladu gweithfeydd distyllu neu goethi
45253310	Gwaith adeiladu gweithfeydd distyllu dŵr
45253320	Gwaith adeiladu gweithfeydd distyllu alcohol
45253400	Gwaith adeiladu ar gyfer gweithfeydd petrocemegol
45253500	Gwaith adeiladu ar gyfer gweithfeydd fferyllol
45253600	Gwaith adeiladu gweithfeydd dadïoneiddio
45253700	Gwaith adeiladu gweithfeydd treulio
45253800	Gwaith adeiladu gweithfeydd compostio
45254000	Gwaith adeiladu ar gyfer mwyngloddio a gweithgynhyrchu
45254100	Gwaith adeiladu ar gyfer mwyngloddio
45254110	Gwaith adeiladu pennau pyllau
45254200	Gwaith adeiladu ar gyfer gweithfeydd gweithgynhyrchu
45255000	Gwaith adeiladu ar gyfer y diwydiant olew a nwy
45255100	Gwaith adeiladu ar gyfer llwyfannau cynhyrchu
45255110	Gwaith adeiladu ffynhonnau
45255120	Gwaith adeiladu cyfleusterau llwyfan
45255121	Gwaith adeiladu cyfleusterau ochr uchaf
45255200	Gwaith adeiladu purfeydd olew
45255210	Gwaith adeiladu terfynellau olew
45255300	Gwaith adeiladu terfynellau nwy
45255400	Gwaith ffabrigo
45255410	Gwaith ffabrigo ar y môr
45255420	Gwaith ffabrigo ar y tir
45255430	Dymchwel llwyfannau olew
45255500	Gwaith drilio a fforio
45255600	Gwaith ffynhonnau â thiwbin torchog
45255700	Gwaith adeiladu gweithfeydd nwyeiddio glo
45255800	Gwaith adeiladu gweithfeydd cynhyrchu nwy
45259000	Gwaith atgyweirio a chynnal a chadw gweithfeydd
45259100	Gwaith atgyweirio a chynnal a chadw gweithfeydd dŵr gwastraff
45259200	Gwaith atgyweirio a chynnal a chadw gweithfeydd puro
45259300	Gwaith atgyweirio a chynnal a chadw gweithfeydd gwresogi
45259900	Gwaith uwchraddio gweithfeydd
45260000	Gwaith toeau a chrefftau adeiladu arbennig eraill
45261000	Gwaith codi fframiau a gorchuddion to a gwaith cysylltiedig
45261100	Gwaith fframio toeau
45261200	Gwaith gorchuddio a phaentio toeau
45261210	Gwaith gorchuddio toeau
45261211	Gwaith teilsio toeau
45261212	Gwaith gosod llechi ar doeau
45261213	Gwaith gorchuddio toeau â metel
45261214	Gwaith gorchuddio toeau â bitwmen
45261215	Gwaith gosod paneli solar ar doeau
45261220	Gwaith paentio toeau a gwaith araenu arall
45261221	Gwaith paentio toeau
45261222	Gwaith gosod araen sment ar doeau
45261300	Gwaith plygiadau plwm a landeri
45261310	Gwaith plygiadau plwm
45261320	Gwaith landeri
45261400	Gwaith gosod dalennau
45261410	Gwaith inswleiddio toeau
45261420	Gwaith diddosi
45261900	Gwaith atgyweirio a chynnal a chadw toeau
45261910	Gwaith atgyweirio toeau
45261920	Gwaith cynnal a chadw toeau
45262000	Gwaith crefftau adeiladu arbennig heblaw gwaith toeau
45262100	Gwaith sgaffaldio
45262110	Gwaith datgymalu sgaffaldiau
45262120	Gwaith codi sgaffaldiau
45262200	Gwaith sylfeini a drilio ffynhonnau dŵr
45262210	Gwaith sylfeini
45262211	Gosod seilbyst
45262212	Gwaith gosod dalennau mewn ffosydd
45262213	Techneg wal diaffram
45262220	Drilio ffynhonnau dŵr
45262300	Gwaith concrit
45262310	Gwaith concrit cyfnerth
45262311	Gwaith carcasau concrit
45262320	Gwaith lefelu
45262321	Gwaith lefelu lloriau
45262330	Gwaith atgyweirio concrit
45262340	Gwaith growtio
45262350	Gwaith concrit anghyfnerth
45262360	Gwaith smentio
45262370	Gwaith gosod araen concrit
45262400	Gwaith codi dur strwythurol
45262410	Gwaith codi dur strwythurol ar gyfer adeiladau
45262420	Gwaith codi dur strwythurol ar gyfer strwythurau
45262421	Gwaith angori ar y môr
45262422	Gwaith drilio tanfor
45262423	Gwaith ffabrigo deciau
45262424	Gwaith ffabrigo modiwlau ar y môr
45262425	Gwaith ffabrigo siacedi
45262426	Gwaith ffabrigo seilbyst
45262500	Gwaith seiri meini a gwaith gosod brics
45262510	Gwaith cerrig
45262511	Cerfio cerrig
45262512	Gwaith cerrig nadd
45262520	Gwaith gosod brics
45262521	Gwaith gosod brics arwyneb
45262522	Gwaith seiri meini
45262600	Gwaith crefftau adeiladu arbennig amrywiol
45262610	Simneiau diwydiannol
45262620	Waliau cynnal
45262630	Adeiladu ffwrneisi
45262640	Gwaith gwella amgylcheddol
45262650	Gwaith gosod cladin
45262660	Gwaith tynnu asbestos
45262670	Gweithio metel
45262680	Weldio
45262690	Adnewyddu adeiladau sydd wedi mynd â’u pennau iddynt
45262700	Gwaith addasu adeiladau
45262710	Gwaith cynnal a chadw ffresgos
45262800	Gwaith estyn adeiladau
45262900	Gwaith balconïau
45300000	Gwaith gosod ar gyfer adeiladau
45310000	Gwaith gosod trydanol
45311000	Gwaith gwifro a ffitio trydanol
45311100	Gwaith gwifro trydanol
45311200	Gwaith ffitio trydanol
45312000	Gwaith gosod systemau larwm ac antenâu
45312100	Gwaith gosod systemau larwm tân
45312200	Gwaith gosod systemau larwm lladron
45312300	Gwaith gosod antenâu
45312310	Gwaith diogelu rhag mellt
45312311	Gwaith gosod dargludyddion mellt
45312320	Gwaith gosod erialau teledu
45312330	Gwaith gosod erialau radio
45313000	Gwaith gosod lifftiau ac esgaladuron
45313100	Gwaith gosod lifftiau
45313200	Gwaith gosod esgaladuron
45313210	Gwaith gosod llwybrau symudol
45314000	Gwaith gosod cyfarpar telathrebu
45314100	Gwaith gosod cyfnewidfeydd ffôn
45314120	Gwaith gosod switsfyrddau
45314200	Gwaith gosod llinellau ffôn
45314300	Gwaith gosod seilwaith ceblau
45314310	Gwaith gosod ceblau
45314320	Gwaith gosod ceblau cyfrifiadurol
45315000	Gwaith gosod trydanol ar gyfer cyfarpar gwresogi a chyfarpar adeiladu trydanol eraill
45315100	Gwaith gosod peirianneg drydanol
45315200	Gwaith tyrbinau
45315300	Gosodiadau cyflenwadau trydan
45315400	Gwaith gosod foltedd uchel
45315500	Gwaith gosod foltedd canolig
45315600	Gwaith gosod foltedd isel
45315700	Gwaith gosod gorsafoedd switsio
45316000	Gwaith gosod systemau goleuo ac arwyddo
45316100	Gwaith gosod cyfarpar goleuo awyr agored
45316110	Gwaith gosod cyfarpar goleuo ffyrdd
45316200	Gwaith gosod cyfarpar arwyddo
45316210	Gwaith gosod cyfarpar monitro traffig
45316211	Gwaith gosod arwyddion ffordd wedi’u goleuo
45316212	Gwaith gosod goleuadau traffig
45316213	Gwaith gosod cyfarpar cyfarwyddo traffig
45316220	Gwaith gosod cyfarpar arwyddo mewn meysydd awyr
45316230	Gwaith gosod cyfarpar arwyddo mewn porthladdoedd
45317000	Math arall o waith gosod trydanol
45317100	Gwaith gosod trydanol ar gyfer cyfarpar pwmpio
45317200	Gwaith gosod trydanol ar gyfer newidyddion
45317300	Gwaith gosod trydanol ar gyfer cyfarpar dosbarthu trydanol
45317400	Gwaith gosod trydanol ar gyfer cyfarpar hidlo
45320000	Gwaith inswleiddio
45321000	Gwaith inswleiddio thermol
45323000	Gwaith ynysu rhag sŵn
45324000	Gwaith plastrfwrdd
45330000	Plymwaith a gwaith glanweithiol
45331000	Gwaith gosod systemau gwresogi, awyru ac aerdymheru
45331100	Gwaith gosod systemau gwres canolog
45331110	Gwaith gosod boeleri
45331200	Gwaith gosod systemau awyru ac aerdymheru
45331210	Gwaith gosod systemau awyru
45331211	Gwaith gosod systemau awyru awyr agored
45331220	Gwaith gosod systemau aerdymheru
45331221	Gwaith gosod systemau aerdymheru rhannol
45331230	Gwaith gosod cyfarpar oeri
45331231	Gwaith gosod cyfarpar oereiddio
45332000	Plymwaith a gwaith gosod draeniau
45332200	Plymwaith dŵr
45332300	Gwaith gosod draeniau
45332400	Gwaith gosod gosodion glanweithiol
45333000	Gwaith gosod ffitiadau nwy
45333100	Gwaith gosod cyfarpar rheoleiddio nwy
45333200	Gwaith gosod mesuryddion nwy
45340000	Gwaith gosod ffensys, rheiliau a chyfarpar diogelwch
45341000	Codi rheiliau
45342000	Codi ffensys
45343000	Gwaith gosod mesurau atal tân
45343100	Gwaith diogelu rhag tân
45343200	Gwaith gosod cyfarpar diffodd tân
45343210	Gwaith gosod cyfarpar diffodd tân â CO 2
45343220	Gwaith gosod diffoddwyr tân
45343230	Gwaith gosod systemau taenellu
45350000	Gosodiadau mecanyddol
45351000	Gwaith gosod peirianneg fecanyddol
45400000	Gwaith cwblhau adeiladau
45410000	Gwaith plastro
45420000	Gwaith gosod gwaith asiedydd a saer coed
45421000	Gwaith asiedydd
45421100	Gwaith gosod drysau a ffenestri a chydrannau cysylltiedig
45421110	Gwaith gosod fframiau drysau a ffenestri
45421111	Gwaith gosod fframiau drysau
45421112	Gwaith gosod fframiau ffenestri
45421120	Gwaith gosod trothwyon
45421130	Gwaith gosod drysau a ffenestri
45421131	Gwaith gosod drysau
45421132	Gwaith gosod ffenestri
45421140	Gwaith gosod gwaith asiedydd metel ac eithrio drysau a ffenestri
45421141	Gwaith gosod parwydydd
45421142	Gwaith gosod caeadau ffenestri
45421143	Gwaith gosod bleinds
45421144	Gwaith gosod adlenni
45421145	Gwaith gosod bleinds rholer
45421146	Gwaith gosod nenfydau crog
45421147	Gwaith gosod rhwyllau
45421148	Gwaith gosod gatiau
45421150	Gwaith gosod gwaith asiedydd nad yw’n ymwneud â metelau
45421151	Gwaith gosod ceginau gosod
45421152	Gwaith gosod parwydydd
45421153	Gwaith gosod dodrefn gosodedig
45421160	Gwaith nwyddau haearn
45422000	Gwaith gosod gwaith saer coed
45422100	Gwaith coed
45430000	Gwaith gorchuddio lloriau a waliau
45431000	Gwaith teilsio
45431100	Gwaith teilsio lloriau
45431200	Gwaith teilsio waliau
45432000	Gwaith gosod a gorchuddio lloriau, gorchuddio waliau a phapuro waliau
45432100	Gwaith gosod a gorchuddio lloriau
45432110	Gwaith gosod lloriau
45432111	Gwaith gosod gorchuddion lloriau hyblyg
45432112	Gwaith gosod cerrig palmant
45432113	Gwaith gosod lloriau parquet
45432114	Gwaith gosod lloriau pren
45432120	Gwaith gosod lloriau ffug
45432121	Lloriau cyfrifiadur
45432130	Gwaith gorchuddio lloriau
45432200	Gwaith gorchuddio a phapuro waliau
45432210	Gwaith gorchuddio waliau
45432220	Gwaith papuro waliau
45440000	Gwaith paentio a gwydro
45441000	Gwaith gwydro
45442000	Gwaith taenu araenau amddiffynnol
45442100	Gwaith paentio
45442110	Gwaith paentio adeiladau
45442120	Gwaith paentio strwythurau a gosod araen amddiffynnol arnynt
45442121	Gwaith paentio strwythurau
45442180	Gwaith ailbaentio
45442190	Gwaith tynnu paent
45442200	Gwaith taenu araenau gwrthgyrydu
45442210	Gwaith galfanu
45442300	Gwaith diogelu arwynebau
45443000	Gwaith ffasâd
45450000	Math arall o waith cwblhau adeiladau
45451000	Gwaith addurno
45451100	Gwaith ffitio addurniadau
45451200	Gwaith gosod paneli
45451300	Gerddi mewnol
45452000	Gwaith glanhau allanol ar gyfer adeiladau
45452100	Gwaith chwyth-lanhau ar gyfer tu allan adeiladau
45453000	Gwaith atgyweirio ac ailwampio
45453100	Gwaith ailwampio
45454000	Gwaith ailstrwythuro
45454100	Gwaith adfer
45500000	Llogi peiriannau a chyfarpar adeiladu a pheirianneg sifil gyda gweithredwr
45510000	Llogi craeniau gyda gweithredwr
45520000	Llogi cyfarpar symud pridd gyda gweithredwr

NODYN ESBONIADOL

(Nid yw’r nodyn hwn yn rhan o’r Rheoliadau)

Mae’r Rheoliadau hyn yn ychwanegu at Ddeddf Caffael 2023 (p. 54) (“Deddf 2023”).

Mae Rhan 1 o’r Rheoliadau hyn yn cynnwys darpariaethau rhagarweiniol, gan gynnwys y rhai sy’n nodi cymhwysiad y Rheoliadau a diffiniadau a ddefnyddir yn y Rheoliadau.

Mae Rhan 2 yn gwneud darpariaeth ynghylch tryloywder caffaeliadau a gyflawnir gan awdurdodau contractio, sy’n awdurdodau Cymreig datganoledig, neu sydd i’w trin fel awdurdod Cymreig datganoledig o dan Ddeddf 2023. Mae rheoliad 5(1) yn darparu bod rhaid yn gyntaf gyhoeddi hysbysiadau neu ddogfennau penodol neu wybodaeth benodol, neu fod rhaid eu rhoi drwy eu cyhoeddi, ar y platfform digidol canolog sy’n system ar-lein a ddarperir gan Swyddfa Cabinet Llywodraeth y DU (“Swyddfa’r Cabinet”) yn y cyfeiriad gwefan canlynol: https://www.gov.uk/find-tender.

Mae rheoliad 5(2) yn darparu y cydymffurfir â rheoliad 5(1) pan fo’r hysbysiad, y ddogfen neu’r wybodaeth wedi ei gyflwyno neu wedi ei chyflwyno i’r platfform digidol Cymreig, a phan fo Swyddfa’r Cabinet wedi rhoi gwybod i’r awdurdod contractio y cyflwynwyd yr hysbysiad, y ddogfen neu’r wybodaeth yn llwyddiannus neu ei fod neu ei bod yn hygyrch i gyflenwyr ac i aelodau o’r cyhoedd. Y platfform digidol Cymreig yw’r system ar-lein a ddarperir gan Lywodraeth Cymru i’w defnyddio gan awdurdodau contractio y mae rheoliad 2 yn gymwys iddynt. Gellir dod o hyd i’r platfform hwn ar y wefan a ganlyn: https://www.gwerthwchigymru.llyw.cymru.

Mae rheoliadau 6 i 8 yn gwneud darpariaeth ynghylch y modd y mae gwybodaeth graidd y cyflenwr (megis gwybodaeth personau cysylltiedig cyflenwr) yn cael ei rhannu ag awdurdod contractio gyda golwg ar ddyfarnu contract cyhoeddus neu gontract hysbysadwy sydd o dan y trothwy. Maent yn darparu bod rhaid i’r awdurdod gael cadarnhad bod y cyflenwr wedi rhannu’r wybodaeth honno drwy’r platfform digidol canolog, neu ei fod wedi cofrestru ar y platfform hwnnw cyn dyddiad cau. Mae rheoliadau 10 i 13 yn nodi pa wybodaeth sy’n wybodaeth graidd y cyflenwr.

Mae rheoliadau 14 i 42 yn gwneud darpariaeth ynghylch pa wybodaeth y mae rhaid ei chynnwys mewn hysbysiadau neu ddogfennau y mae rhaid eu cyhoeddi, neu wybodaeth y mae rhaid ei chyhoeddi, o dan Ddeddf 2023. Mewn rhai achosion, mae darpariaeth yn pennu gwybodaeth ychwanegol i’r wybodaeth sy’n ofynnol gan Ddeddf 2023 ei hun yn unol â’r pwerau i wneud rheoliadau a ddarperir gan y Ddeddf honno. Er enghraifft, mae rheoliad 18 yn nodi gwybodaeth arall y mae rhaid ei chynnwys mewn hysbysiad ymgysylltu rhagarweiniol â’r farchnad, yn ogystal â’r wybodaeth y mae rhaid ei chynnwys yn unol ag adran 17(2)(a) o Ddeddf 2023 fel y’i caniateir yn benodol gan adran 17(2)(b) o’r Ddeddf honno.

Mae Rhan 3 yn gwneud darpariaeth sy’n ychwanegu at Ddeddf 2023 heblaw mewn perthynas â mesurau tryloywder.

Mae rheoliad 43 ac Atodlen 1 yn pennu’r categorïau o wasanaethau sy’n cymhwyso fel “gwasanaethau cyffyrddiad ysgafn” at ddiben adran 9 o Ddeddf 2023. Os yw gwasanaeth yn wasanaeth “cyffyrddiad ysgafn”, caniateir ei gaffael yn unol â rheolau sy’n wahanol i’r rhai sy’n gymwys i’r mathau eraill o gontract, y mae eu caffael wedi ei gwmpasu gan Ddeddf 2023. Mae’r darpariaethau hyn hefyd yn nodi pa un neu ragor o’r gwasanaethau hynny sy’n “gwasanaethau cyffyrddiad ysgafn neilltuadwy” at ddiben adran 33 o Ddeddf 2023, fel y caiff awdurdod contractio ddarparu mai dim ond cwmni cydfuddiannol gwasanaethau cyhoeddus cymhwysol, fel y’i diffinnir yn adran 33(5) o Ddeddf 2023, a all wneud cais am gontract ar gyfer y gwasanaethau hynny.

Mae rheoliadau 44 a 45 ac Atodlenni 2 a 3 yn diffinio’r termau “central government authority” (“awdurdod llywodraeth ganolog”) a “works” (“gweithiau”) fel y’u defnyddir yn Neddf 2023. Yn Atodlen 2, mae’r endidau a ddiffinnir fel awdurdodau llywodraeth ganolog wedi eu rhestru o dan y penawdau “awdurdod arweiniol” ac “awdurdod perthynol” er mwyn darparu cysondeb â’r ffordd y mae’r awdurdodau Cymreig wedi eu cwmpasu gan Gytundeb Sefydliad Masnach y Byd ar Gaffael gan Lywodraethau, fel y’u nodir yn yr atodiadau i’r Cytundeb hwnnw.

Mae Rhan 4 o’r Rheoliadau hyn yn cynnwys diwygiadau canlyniadol i ddeddfwriaeth sylfaenol, gan gynnwys Deddf 2023, ac i is-ddeddfwriaeth.

Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Rheoliadau hyn. O ganlyniad, lluniwyd asesiad effaith rheoleiddiol o’r costau a’r manteision sy’n debygol o ddeillio o gydymffurfio â’r Rheoliadau hyn a gellir cael copi oddi wrth: Y Gyfarwyddiaeth Caffael a Masnachol, Llywodraeth Cymru, Parc Cathays, Caerdydd, CF10 3NQ.

(1)

Gweinidogion Cymru yw’r “awdurdod priodol” fel y diffinnir “appropriate authority” yn adran 123(1) o Ddeddf Caffael 2023, yn ddarostyngedig i’r cyfyngiadau a nodir yn adran 111(1) o’r Ddeddf honno.

(2)

2023 p. 54.

(3)

Daw adran 11 i rym ar ddiwrnod a bennir gan un o Weinidogion y Goron drwy reoliadau; a chaniateir i ddiwrnodau gwahanol gael eu pennu at ddibenion gwahanol. Gweler adran 127(2) o Ddeddf Caffael 2023.

(4)

2006 p. 32. Mewnosodwyd adran 157A gan Ddeddf Cymru 2017 (p. 4), Rhan 1, adran 4(1) ac wedyn fe’i diwygiwyd gan Ddeddf Senedd ac Etholiadau (Cymru) 2020 (dccc 1), Atodlen 1, paragraff 2(19) a Deddf Pysgodfeydd 2020 (p. 22), adran 45(3).

(5)

EUR 2195/2002, fel y’i diwygiwyd gan O.S. 2020/1319; mae hwn yn gyfeiriad at y fersiwn a ddargadwyd o Reoliad (EC) 2195/2002. Mae’r fersiwn honno a ddargadwyd ar gael ar-lein yn https://www.legislation.gov.uk/eur/2002/2195/contents.

(6)

Diwygiwyd gan Ddeddf Busnesau Bach, Menter a Chyflogaeth 2015 (p. 26), Atodlen 3(1), paragraff 1 ac O.S. 2017/693.

(7)

Gellir gweld y Cytundeb yma: https://wwwn.wto.org/english/tratop_e/gproc_e/gpa_1994_e.htm

(8)

Gellir dod o hyd i’r Cytundeb ar-lein yn: httpsn://www.mfat.govt.nz/en/trade/free-trade-agreements/free-trade-agreements-in-force/cptpp/comprehensive-and-progressive-agreement-for-trans-pacific-partnership-text-and-resources/

(9)

2006 p. 46.

(10)

Gellir cyrchu’r platfform digidol canolog yn: https://www.gov.uk/find-tender.

(11)

Mewnosodwyd gan Ddeddf Busnesau Bach, Menter a Chyflogaeth 2015 (p. 26), Atodlen 3(1), paragraff 1.

(12)

Mae hysbysiadau caffael arfaethedig yn cynnwys hysbysiadau caffael arfaethedig cymhwysol (gweler adran 15(3) o Ddeddf 2023).

(13)

Mae hysbysiadau marchnad ddynamig o dan adran 39(2) yn cynnwys hysbysiadau marchnad ddynamig cyfleustodau cymhwysol (gweler adran 40(6) o Ddeddf 2023).

(14)

1994 p. 23. Mewnosodwyd adran 5A gan Ddeddf Trethi (Ar ôl y Cyfnod Pontio) 2020 (p. 26), Atodlen 3(1), paragraff 2.

(15)

2015 p. 30.

(16)

2015 dsa 12.

(17)

2015 p. 2 (G.I.).

(18)

1998 p. 41.

(19)

2002 p. 40.

(20)

Gellir dod o hyd i’r wefan yn: https://cy.ons.gov.uk/methodology/geography/ukgeographies/eurostat?_gl=1*wm87j9*_ga*OTIzMTMzNzIzLjE2NTUzNjkyMjM.*_ga_W804VY6YKS*MTcxNjk5MjEyNC4xNi4wLjE3MTY5OTIxMjQuNjAuMC4w

(21)

O.S. 2016/339.

(22)

2023 dsc 1.

(23)

O.S. 2024/782 (Cy. 121).

(24)

O.S. 2003/2909 (Cy. 275). Diwygiwyd rheoliad 9(1) gan O.S. 2006/5, Atodlen 7(1), paragraff 4 ac O.S. 2015/102, Atodlen 6(2), paragraff 13.

(25)

O.S. 2004/684 (Cy. 72). Diwygiwyd rheoliad 2(1) gan O.S. 2006/5, Atodlen 7(1), paragraff 5 ac O.S. 2019/116, rheoliad 2.

(26)

O.S. 2011/1064 (Cy. 155). Diwygiwyd rheoliad 18 gan O.S. 2019/120, rheoliad 2.

(27)

O.S. 2018/285 (Cy. 54).

(28)

O.S. 2021/400 (Cy. 129).

(29)

O.S. 2023/567 (Cy. 88).

(30)

Rheoliad (EU) Rhif 1303/2013 Senedd Ewrop a’r Cyngor dyddiedig 17 Rhagfyr 2013.